LESSON 10 *December 2 – 8 A Kigen Nailohna Munte-ah Mission Sepna: Khen Khatna

 LESSON 10         *December 2 – 8

A Kigen Nailohna Munte-ah Mission Sepna:

Khen Khatna

 

SABBATH NITAAK

 

Tu Kaalsung Simding: Sawl. 17; 1Kor. 2:2; Rom. 1:18–25.

 

Kamngah: ‘Tua Pasian pen leitung buppi le a tunga om khempeuh a piangsak Pasian hi a, van le lei a uk Topa ahih manin mihingte’ lamsa biakinn sungah teng lo hi.” (Sawl. 17:24)

 

Paul in Athen khua-ah a nasepna hih bangin Luka in pulaak hi: “Tua ahih manin Pasian abia Jew mite le Gentail mite tawh kikhopna inn sungah thu kikupna nei uh a, mihon kikhopna munah hongpai mi khempeuh tawh zong nisimin a kikum uh hi.” (Sawl. 17:17).

Paul in a mipih a sapih Jew mite lakah nasep pen nuamsa mahmah hi. Hih pen ahi ding mah hi. Ahi zongin Paul in tua bang nasepna tawh lungkim zolo hi. Amah pen namdangte lakah zong nasem dingin sapna ngah ahihna a theitel hi. Ahih keileh Paul in “Pasian a zahtak Gentile mite lakah zong nasem thei lua hi. Hih bangin a ngaihsutna hong kikhel hi. Tua mite thu upna siksanin Paul in a nasep zom suaksuak hi. Banghang hiam cihleh tua mite in Pasian zahtakna nei uh hi; Zeisu in Messiah hi, ci-in a sang thei uh hi.

Ahi zongin tua bang dingin deihlo hi. Athens khua in theihna tawh kidim khuapi lian khatin kiciamteh hi. Paul in hih khua sungah nasemin a-om hi. Hih bang mite nunzia, nuntak khuasakzia in Hebrews mite tawh kibanglo uh hi. Paul in Athen khua mite tungah thu upna guipite a pulaak hi.

Bangci bangin Paul in Athen khua mite tungah thuhilhin ama nasepna tung panin bagn thu i mu thei hiam?

 

*December 9, Sabbath a ding kiginkholhna in tukaal lesson sim in.

 

SUNDAY December 3

Athen Khua-a Hebrew Mi Khat

 

Simin: Sawl. 17:1–16. Koi bangin Paul in Athen nasem hiam? Koi bangin Athen khua mite in dawngkik uh hiam?

________________________________________________________________

 

Athen khua in “Milim biakna tawh a kidim khuapi khat hi” (Sawl. 17:16). A mipihte panzia thei-in milim biak lohding hilh tawntungin Paul in tua bang thute amuh ciangin a hehsuak hi. Paul in Athen khua mite tungah lainatna nei hi, cih pen muanmawh ding omlo hi. A nungta Pasian kiang zuanin a nuntak kei uhleh milim biakna sungah a nuntakna uh beimang ding hi.

Tuhun khuapi lianpite in milim biakna tawh kidim hi. Paul hunlai sangin tawmzaw tuanlo ding hi. Ahi zongin thu-um mi tampi in hih milim tawh kidim khuapite awlmawh hetlo uh hi; milim bia mi tampite bangmah lung himawhna neilo uh hi. Ahi zongin Paul in Kha Siangtho tawh kidim ahih manin tua bang milim biakna a langpan mahmah hi. Thu upna nei hinapi-in hotkhiatna sungah a nungta nailo mi tampi om hi. Pasian in Athen khua mite a hotkhiat nopna thu Paul in a theitel bang mahin milim biate’n zong milim biakna nusia-in a nungta Pasian biakna-ah hong kikhel ding uh kideihsak ding kisam mahmah hi. Paul in leitung mun khempeuh ah hotkhiatna nasem ding ahihna thu a theitel hi. Hotkhiat na thu a za-ngei nailo mite, milim biakna sungah a nungta mite tungah hotkhiatna thu i vapuak ding kisam hi; leitung pilna thukpipi neite in zong hotkhiatna thu a theih ding uh kisam hi.

Tua ahih manin Paul bangmah in khuapi kongzing lakah hotkhiatna thu i pulaak kawikawi ding kisam hi. Paul in amasa penpen Global Mission Study Center a pankhiapa hi, ci lehang kikhial loding hi. Hih bang munte in khua sung kongzinglak zong hithei hi. Hih bang munte-ah hotkhiatna thu kikupna, thusinna mun hiding hi.

Paul in Athen khua mite tungah thuhilhna bangin Pasian a zahtak Gentile mite le Jew mite tungah thuhilhna bangin kikalsuan theilo hi, cih a theitel hi. Hih bang mite lakah nasepna-ah Israelte biak Pasian ahih keileh Israel minamte a makaih Pasian thu tawh nasep kipan thei pahlo hi. Jew mite thu upna bangin Pasian a zahtak Gentile mite lakah nasep bangin Athen khua mite lakah na kisem theilo ahihna thu zong Paul in a thei hi. Tua hi-in Paul in Athen khua-ah nasem kipat nadingin lampi thak khat zatkul ahihna a thei hi.

Tuni-in Khristian upna thu a thei ngeilo mite lakah hotkhiatna thu kizelhzia ding i ngaihsut ding kisam mahmah hi. Tuahi-in Paul bangin lampi thak khat i zonding kisam hi. Gentehna-in Buenos Aires khuapi sung a kizangh thei thu khat pen Bangkok khuapi sungah akizang theilo suak thei veve hi.

Na kim na paamah bangci bang milim biakna om hi. Koi bangin tua bang biakna in khiatna nei lo ahihna na mu thei hiam? Koi bangin milim biakna in man nei lo ahihna kilangsak ding na hiam?

 

MONDAY                   December 4

Areopagus Khuapi-ah Paul

 

Koi mun koi munah a om zongin Paul in Pasian sawlna bangin hotkhiatna thu genin nasem tawntung hi. Tua bangmahin Athens khua-ah zong nasem hi.

 

Simin: Sawl. 17:18–21. Milim biate lakah Paul nasepna bangci bangin mite’n na dawgkik uh hiam?

________________________________________________________________

 

“Gamdang pasiante” in Athen khua sungah kimu kawikawi hi. Paul in vanzuakna munte-ah tua bangin hotkhiatna thu a gen hi (Sawl. 17:18). Tua ciangin amaute-in Areopagus ah Paul a paipih uh hi. Hih mun in gam thukhun le biakna tawh kisai thute thukhenna mun khat hi. Paul in thukhenna a thuaklo bangin a kimuh ding deihna ahi hi. Paul gen thugen a za a ngai mite muhna-ah a zak ngeiloh uh thuthak khat hongsuak hi (Sawl. 17:19). Paul thugen in deihsakna tawh thugenna, lainatna tawh a hilhna, pilna tawh thugen ahihna banah a zak ngei loh thute ahihna zong a theitel uh hi.

Sawl. 17:21 in a pulaak bangin Athen khua mite-in a zakthute uh bangmah dawnkikna neilo uh hi. Luka in amaute thadahna mawhsak hiding hiam? Tua bang hilo hi. Paul in amaute-in thungaihsun thei, thu nial thei mi ahihna uh zong a theitel hi. Bangbang ahi zongin Greek mi Socrates, Plato, le Aristotle cihte in leitung pilna nei minthangte hongsuak uh hi. Tuni dongin amau pulaak thute in huzaap lianpi neilai hi. Athen khua in kum zalom tampi sung pilna, theihna phualpi lian khat hongsuak hi. Hih khuapi sunga mipil mi khatin Pasian theilo ahi kei uh hi. Ahih hangin amau ngaihsutna in Khristian thu upna tawh kibanglo hi. Gentehna-in Epicurean le Stoics ngaihsutna-ah Messiah in sihna pan thokik hi, cih thu um theilo uh hi.

Athens khuapi sungah Paul in Kha Siangtho makaihna a lamet bangin Kha Siangtho in makaihin a thutheihna a thugennate vanglian takin a zang hi, cih kimu thei hi. Tua bang thu theihnate Gamaliel kiang panin a ngah ahihlam zong i thei hi. Athen khua sung panin a ngah thute tungtawnin Kha Siangtho in vanglian takin a zang hi. “A pil penpente in Paul thugente a zak uh ciangin a zak thu-in thuman thutak mah hiding hiam, ci-in a lung ngaingai uh hi. Amah mah in Athen khua mite nasemna, biaknate a theitel thei uh hi.” Ellen G. White, The Acts of the Apostles, p. 237.

Paul in Athen khua-ah na a sep khitciangin milim biate le pilna neite tawh kikupna zong nei a, Korin pawlpite tungah hih bangin lai a khak hi. “Banghang hiam cihleh note kiangah ka om laitakin singlamteh tungah Zeisu Khrih a sihna thu simloh thudang peuhmah ngaihsut loh dingin ka ngaihsutsa ahi hi” (1 Kor. 2:2). Hih thu in koi mun koi munah i gen zongin Khrih hong sihna in a thu bulpi pen hilo hiam?

 

TUESDAY                   December 5

Paul le A Kitheilo Pasian

 

Paul in Athen khua sunga amuh biaknate thupi simsak lohna i mu thei hi. Amuh theih bangbang, a kaihkhop theih bangbang kaikhawmin tua thute mah bulphuh belin hotkhiatna thu a pulaak hi.

 

Simin: Sawl. 17:22, 23. Bangci bangin Athen khua mite tungah hotkhiatna thu a pulaak hiam?

________________________________________________________________

________________________________________________________________

________________________________________________________________

 

“Athen mite aw! Note in biakna kulhkal mahmah na hihna uh ka mu hi” (Sawl.17:22). Paul in pagan biakna simmawh bawllo hi! Amau biakna in kimakaih khialhna hangin tua bangin thu upna sungah a nungta uh hi. Hi mah taleh Paul in tua bangin a biakna, thu zuihna-ah citak mahmah ahihna thu a pulaak hi. Tua bangin kimakaih khialhna hangin thu zuihna-ah thu upna thu nawlkhin saklo hi.

Paul in hih bangin a zomkik hi: “Na khuasung uhah ka pai kawmin na biakna munte uh ka et ciangin, ‘A kitheilo Pasian ading,’ ci-in biakna tau tungah lai a kigelh nangawn ka mu hi. Tu laitakin kei’ kong pulak Pasian pen, theilo napi-in na biakbiak uh Pasian ahi hi” (Sawl.17:23). Athen khua mite biakna a muhzia a pulaakna-ah Paul in amaute upna zong zahtak bawl ahihna kimu thei hi. Amaute upna kikhel nading a theih thu khempeuh zong a pulaakpah kei hi. A taktakin Paul pen tua bangin kikhelna dingin a thei mahmah mi khat hi. Ahi zongin mite hoih nading a deihsak mahmah nasem khat hi.

“A kitheilo Pasian” cih thu tawh kisai-in (Sawl.17:23), Paul in hotkhiatna gen theih nading lampi amu thei veve hi. Amaute-in pasian tuamtuam bia uh a, (mi kimkhat in zong tua bang pasiante umlo uh himah taleh) amaute kikhel theih nading lampi a honsak thei hi. Paul in a kitheilo pasian biakna tau-ah biakna a gensiatsak kei hi. Tua sangin upna thute a kinna uh a hoihna thute a pulaak zaw hi. Amaute kitangsap thu khat a neih loh thu a nei thei dingin a pulaak siam hi.

Amaute-in a kimakaih khial ahi mah ding hiam? A kipatcil a kipanin amaute-in biakna upna thu-ah citakin nungta ahihna uh theitel uh hi. Paul in Kha Siangtho tawh nasemkhawm ahihna, Kha Siangtho makaihna ngah ahihlam a theithei hi. Paul gen thute in amaute lungsim a kaizo thei hi.

Bangci bangin midangte tawh kizopna theih nading lampi mu thei ding na hiam?

 

 

 

WEDNESDAY                     December 6

A Thak Pasian Thu Kipulaakna

 

Tu-in Paul in ama lamah Athen khua mipilte lungsim a kaaithei hi. Amah in vantung Pa Pasian a ngaihsun dingin a pulaak thei hi.

 

Simin: Sawl. 17:24–27. Paul in tua bang mite kiangah hotkhiatna thu a pulaak theih nadingin bang lampi zangh hiam?

________________________________________________________________

________________________________________________________________

 

A kitheilo pasian biak nadingin biakna tau a lam mite ading a lung himawhna a pulaakna—ah Paul kammalte in ciaptehhuai thu hi: Piangsak Pasian in mihing bawl biakinnte ciangtan theih hilo hi; biakinn sungah hong teeng ding hiam? Ahi zongin Amah in mihingte kitangsapnate hongsik hongpia Pasian hi. Greek tangthu-ah mailam a thupiang dingte pulaak kholh theihna a nei kei uh hi. A biak uh pasiante un angsung khualin huaihamna tawh kidim uh hi. Hih bangin thute lakah Paul in a nungta tawntung Pasian thu a pulaak hi. Areopagus mite in Pasian a itna uh a lahna-in a ta neih masak penpen uh a piakhia uh hi.

A taktakin Pasian a biak uh hangun Amah theihtelna bangmah a nei kei uh hi. A taktakin mihingte in Pasian thu i theih ding hongdeih hi. Luka pulaak thute sangin Paul in a pulaak thu tamzaw khading hi. Luka in Paul thugente tomkimcingin a pulaak hibek hi. Tua ahih manin Paul pulaak thute a kicingzaw-in a nuai-a bangin i pulaak ding hi. Paul thugente hih a nuai-a thute bangin tomkimcingin a kipulaak i mu thei hi.

 

1. Paul in amasa-in amau biakna, thu upna thute nusiat sanding a ngaihsun thei kei hi. Amaute lungsim thutanna a nei thei hi.

2. Paul nasepna panin bang thu na mu thei hiam?

3. Tua ciangin Paul in Athen khua mite up thute lakpanin amaute theihloh thu khat a pulaak hi.

4. Tua thu a pulaak khitciangin Paul in Pasian thu a pulaak hi. Pasian in mihingte tawh kigamla lo-in a nungta Pasian ahihna le Amah in mihingte hong it mahmah ahihna thu a pulaak hi.

5. A tawpna-ah Paul thugen a khupna-ah Paul in a nungta Pasian a nialna hangun a thuak ding uh thute a vauhilhkhol hi. Pasian theihna a neihloh hangin a biakna uh tu-in Paul in hilhcianna a nei hi.

 

Paul in amaute’ up thute siksanin thuhilhna a nei hi. Tua bangin a thu hilhna-ah thuman theihna-ah a khang toto thei uh hi. Paul in Pasian in na khempeuh a Piangsak Pa ahihna thu theihna nei dingun thuumna a nei hi (Rom 1:18–25).

Bang hangin tua bang thu in a kilawm a kituak thu hiding hiam? Vanglian Pasian a pulaak piansak nate pulaak in.

 

WEDNESDAY                               December 6

A Thak Pasian Thu Kipulaakna

 

Tu-in Paul in ama lamah Athen khua mipilte lungsim a kaaithei hi. Amah in vantung Pa Pasian a ngaihsun dingin a pulaak thei hi.

Simin: Sawl. 17:24–27. Paul in tua bang mite kiangah hotkhiatna thu a pulaak theih nadingin bang lampi zangh hiam?

________________________________________________________________

________________________________________________________________

 

A kitheilo pasian biak nadingin biakna tau a lam mite ading a lung himawhna a pulaakna—ah Paul kammalte in ciaptehhuai thu hi: Piangsak Pasian in mihing bawl biakinnte ciangtan theih hilo hi; biakinn sungah hong teeng ding hiam? Ahi zongin Amah in mihingte kitangsapnate hongsik hongpia Pasian hi. Greek tangthu-ah mailam a thupiang dingte pulaak kholh theihna a nei kei uh hi. A biak uh pasiante un angsung khualin huaihamna tawh kidim uh hi. Hih bangin thute lakah Paul in a nungta tawntung Pasian thu a pulaak hi. Areopagus mite in Pasian a itna uh a lahna-in a ta neih masak penpen uh a piakhia uh hi.

A taktakin Pasian a biak uh hangun Amah theihtelna bangmah a nei kei uh hi. A taktakin mihingte in Pasian thu i theih ding hongdeih hi. Luka pulaak thute sangin Paul in a pulaak thu tamzaw khading hi. Luka in Paul thugente tomkimcingin a pulaak hibek hi. Tua ahih manin Paul pulaak thute a kicingzaw-in a nuai-a bangin i pulaak ding hi. Paul thugente hih a nuai-a thute bangin tomkimcingin a kipulaak i mu thei hi.

1. Paul in amasa-in amau biakna, thu upna thute nusiat sanding a ngaihsun thei kei hi. Amaute lungsim thutanna a nei thei hi.

2. Paul nasepna panin bang thu na mu thei hiam?

3. Tua ciangin Paul in Athen khua mite up thute lakpanin amaute theihloh thu khat a pulaak hi.

4. Tua thu a pulaak khitciangin Paul in Pasian thu a pulaak hi. Pasian in mihingte tawh kigamla lo-in a nungta Pasian ahihna le Amah in mihingte hong it mahmah ahihna thu a pulaak hi.

5. A tawpna-ah Paul thugen a khupna-ah Paul in a nungta Pasian a nialna hangun a thuak ding uh thute a vauhilhkhol hi. Pasian theihna a neihloh hangin a biakna uh tu-in Paul in hilhcianna a nei hi.

 

Paul in amaute’ up thute siksanin thuhilhna a nei hi. Tua bangin a thu hilhna-ah thuman theihna-ah a khang toto thei uh hi. Paul in Pasian in na khempeuh a Piangsak Pa ahihna thu theihna nei dingun thuumna a nei hi (Rom 1:18–25).

Bang hangin tua bang thu in a kilawm a kituak thu hiding hiam? Vanglian Pasian a pulaak piansak nate pulaak in.

 

THURSDAY                         December 7

Gi Kantan

 

Simin: Sawl. 17:24–34 sim in. Koi bangin Paul in a teci pulaak na zomsuak hiam?

________________________________________________________________

________________________________________________________________

________________________________________________________________

 

Paul in a laikhakna-ah midangte laigelhte zong a pulaak hi. Hih lai kigelhte in Pasian thu tawh kituak mawh lo hi. Paul in amaute theih ngei thute mah siksan in a pulaaknop thuhilh hi ci-in i mu hi. Midangte tungah hotkhiatna thu i pulaakna-ah amaute theihngei thute mah siksanin gen hilehang, a za a ngai mite in theihbeh nopna lianpi nei thei uh hi. Tua bangin nasepna in muibun in nasepna tangzai-sak hi.

Tua bangin a thuhilhna-ah Paul in sihna pan a thokik Zeisu thu le Ama sungah lametna thute a pulaak hi. Paul in a thuhilhna-ah bang ngimna nei-in thu hilh hiding hiam? Paul in lametna siksanin a thuhilhna kimu thei hi.

Tua bangin hotkhiatna thu a kigenna-ah mi kim’khat in hotkhiatna thu sang zolo-in nial uh hi, ci-in i thei hi. A thu-in a theih hangin sang nuamlo-in nial uh hi. Athen khua-ah Paul in a nasepna-ah nasepzia tuamtuam zangin a hilh hi. Ama sinsa thute mah siksanin Khrih in thahna thuak himah taleh sihna pan a nungta kik Honpa Tanpa thu ahilhna kimu thei hi. Amaute’n theihlohna hangin khial uh hi. Tua hi-a Thukhenna a thuak ding uh hi. Tua hi-in amaute’n a uploh hangun sihna pan a thokik Khrih thu hangin tua bangin mawhna hangin thukhenna tawh kuamah a kipelh thei kei ding hi.

Tu-in amaute-in Paul gen thute a theitel thei uh hi. Amau le amau in a khentel ding uh hun hong tungta hi. Thuman theihtelna nei-in kanbeh dingmaw, ahih keileh nial dingmaw, cihthu a telding uh ahi hi. Amaute-in thuman thutak sungah khangcing toto uh a, Zeisu Khirh nungzui mi a suak thei uh hi (Sawl. 17:34).

To-na: Na theih ngei mi khat tungah teci hithei dingin Pasian lamlahna ngen in.

To-na Bangin Kalsuanna: “Areopagus” thu kantelna nei inla, Paul bangin thu-um nailote tungah teci pulaak in.

 

FRIDAY                       December 8

Ngaihsutbeh Ding: Paul in Areopagus panin a phutkhak thute lakpan i nuntak pih theihding thu khat in thu-um nailote lakah hotkhiatna thugen ciangin Athen khua-a nasepna bangin mi tampi tawh kipat sangin mi tawmno khat tawh kipat ding hoihzaw hi, cih kimu thei hi.

“Sawltakte thuhilhnate a kipan amaute ngaihsutna lungsim puakzia in Kha Siangtho ompihna makaihna tawh nasepna ahihlam kimu thei hi. Amaute-in hotkhiatna sungah muanlahna bangmah neilo uh hi. Amau thuhilh thute in tuni dongin i taangko thute mah hi. Paul in amah guakin gentheihna thuakin a nasepna hangin tu-in Khristian thu upna hong kizom suaksuak thei hi, ci-in i thei hi. Tua bangin a nasepna hangin Paul in milim biakna tungah zawhna a ngah thei hi. “Paul kammalte in pawlpi adingin thuman thutak tampi pulaak hi. Paul in kiphatsakna tawh thuhilh hileh zong a hilh thei hi. Ahi zongin tua bangin thuhilh hileh amah mah in buai-na lianpi sung a tung ding hi. Paul in Athen khua mite biak pasian zahko nuam hileh zahko thei dinmunah a-om hi. Athen khua mipil miliante mai-ah thugenin amaute upna in manlo ahihlam maitang zahna omlo-in tangnial nuam hileh a nial thei hi. Ahi zongin Paul in vantung pilna le ciimna tawh a nungta mi khat ahih manin Athen khua mite tawh a kimuhna-ah pilvang takin a hilh thei hi. A manlo pasian a bia mite lakah a nungta Pasian thuman a hilh theih hi. Athen khua mite in “Paul pulaak a nungta Pasian theilo-in a biabia uh ahi hi.” Ellen G. White, The Acts of the Apostles, pp. 240, 241.

Mite tawh kizopna nei-in amaute ngei-na, up thute kantel a, tua bangin amaute ngei-na, le up thute a zahtak hi. Paul in Athen khua-a a nasepna panin pawlpi in namdangte lakah nasepzia ding thu tampi honghilh hi. Paul in mite kiangah thu a gen ciangin amaute tawh kinialna cihte a zang kei hi. Hih mahmah in Pasian ompihna a kilahna khat hi-in, a thupi mahmah nasepzia khat hi, ci-in i thei hi. Ellen G. White pulaakna-ah hihin hotkhiatna nasepna-ah pawlpi in a theih ding a manpha mahmah ahihna thu hi, ci-in i thei hi.

 

Kikupding Dotnate:

1.       Paul in Athen khua-a a nasepna zui-in khuapi sunga nasepna-ah sep masak pen ding bang thu honghilh hiam?

2.     Khuapi sunga teeng thu-um nailote kiangah hotkhiatna thu genna-ah kalsuan zia ding masak pen ding bang honghilh hiam?

3.     Tuhun milim biakna zui-in nasepna-ah kidopding a omlo hilo hi. Amasa-in milim bia mite lakah nasepna-ah i pelhding thute honghilh hilo hiam?

4.     Paul in Pasian a it mite kaikhawmin amaute tungah nasemin hotkhiatna thu pulaak ziau henla, hihbang nasepna tawh lungkim henla omleh a piang thei thu hi. Ahi zongin Paul in thukhun tuamtuamte kantanin hotkhiatna thu a pulaak hi. Eiten zong tua bangin sephuai hiam? Bang hangin sephuai a, bang hangin sephuailo hiam?