Thuman Thutak Zong
BRAZIL | September 10
Liu le Cris
Naiara in sanggam pa khat tawh SDA biakinnah kikhawm dingin a zol zawh kum tampi cing khin hi. Amau pen Brodowski khuapi, Brazil gam a teng uh hi. Biakna upna kibang lo hi mah taleh tua bangin kikhawm ding a ngah zawh mateng a hanciam den hi. A sanggam pa Liu,le a zi i Cris in kikhop nading biakinn khat zong kawikawi uh hi. Lai Siangtho gen bang bekin a kalsuan pawlpi a zong uh hi.
Naiara in Liu
le Cris tungah Adventist pawlpi bawl laibu tuamtuamte pia hi. Lai Siangtho thu
sinna zong nei khawm dingin a pulaak hi. Ahi zongin Liu in tua laibute le
thusinna neih ding lunglut lo hi. Adventist pawlpi in sa siang le sa sianglo
khentuam ahih manin annek tuidawn tawh kisai-in a deih loh pawl khat om ahih
manin tua hangin SDA pawlpi kinin nei lo hi.
Bang hangin SDA pawlpi in Saturday ni-in biakpiakna nei hi ding hiam,
cihte a kipan a theih ngeilo thu tampi om ahihlam a pulaak hi. Hih thu hangin
SDA pawl sung lut ding hamsa a sa hi. A zi Cris in ahihleh Mangmuhna Bu thusinna le Lai Siangtho thu
sinna nuamsa-in thuman theihbeh nopna zong a nei hi. A kikhopna a pawlpi uhah
Mangmuhna Bu sung thusinna cihte nei ngeipeuhmah lo hi. A pasal in SDA thu um
nuam lo hi mah taleh a pasal lo-in Lai Siangtho thusinna a nei nuam kei zel hi.
Tua bangin lungkia lo-in Naiara in Cris tungah Lai Siangtho thusinna zom
suaksuaklai dingin hanthawn hi. Sabbath
kikhop ni khat Lai Siangtho
thusinna-ah amaute nih zong va kihel thei uh hi.
“Biakpiakna
kipatma-in tua bangin Lai Siangtho thu sinna a neihtheihna hangun lungdam
mahmah uh hi. Cris in tua bangin Lai Siangtho thusinnate zom toto nuam hi. Tui
kiphum nai lo hi mah taleh tua bangin Lai Siangtho thuthuk sinna-ah kihel nuam
den hi. A lungsim sungah Sabbath School biakpiakna, a diakdiakin Lesson
thusinna nuamsa mahmah hi.
Naiara in a lawm Cris le a pasal Liu in a ngaih ding
Pasian min phatna la tuamtuamte khakin tua bangin kizopna nei thei veve uh hi.
Nono Tempo panin TV le Radion tawh thugenna, lasaknate a ngaingai hi. Portuges
pau tawh TV radio thugennate ngai tawntung uh hi. Cris upna kibat lohna hangin
innkuan sung kisiat ding deih lo hi. A
pasal in innpua-a nasemin a om laitakin Cris in Pasian thugenna, TV te en kikik thei hi. Tua khit ciangin Liu in a
lu tungah gimna lianpi khat hong thuak
hi. A nasepna panin kia ahih manin tua bangin liamna a ngahtakteh zato va zuan uh hi. Kikhei-in a
om laitakin Niaira in Cris ompih a, bangmah lungkham kullo ahihna thute a
pulaak hi. Pawlpi panin pastor le pawlpi mite in zong Liu adingin thungetna nei
uh hi. Naiara in ki-atna nei-in Pasian hehpihna hangin a ki-atna hoih takin man
thei hi.
A dam siang
ding bek kisamlai ahih manin thungetna kisamlai ahihna thu a zasak hi. A lu
liamnate zong kikhui-in a liamna suksia
huai lua sam lo hi. A zingsang ciangin Cris in zato sung lut thei pan hi. Pastor
khat in thungetna neihsak khin ahihna thu zong a pasal in a pulaak hi. Niara in
Lai Siangtho sinpihna nei-an Cris in a kihilh Lai Siangtho thuman thutakte a
sang thei hi. Ahi zongin a pasal in sang zo nai lo hi. Tui kiphum ding Cris in
khensatna nei a, ahi zongin a pasal theih ding deih lo hi; a pasal theihloh
kaalin kituiphum ding a ngaihsun hi. Hih bangin a khensatna Liu gen lo ding cih
pen hi sa thei lo hi. Liu in a pasal
tungah a thu paidan teng pulaakna nei
hi. Amaute lamet bang lo-in Lai Siangtho thusinna a neihna uhah Liu zong
hong kihel hi. Tua ni nasem kuan lo hi. A dang numei nih tawh Lai Siangtho
thusinna neikhawm uh hi. Kha 1 kha 2 sung Liu le a zi Cris in Lai Siangtho
thusinna nei toto thei uh hi. Pawlpi upna thu guipi 28 khempeuh a sin zo thei
uh hi.
Tua bangin Lai
Siangtho thusinna a neihna tungtawnun
SDA pawlpi a muhzia uh zong hong kikhel
hi; nidang bang nawn lo-in SDA upna pen Lai Siangtho tungah kinga
ahihlam hong phawk pha semsem uh hi. SDA pawlpi in Lai Siangtho hong hilh thute
bek mah lenkip hi, cih hong mu thei uh hi. Cris in a tapa khat tawh tui kiphum
thei uh hi. A kituiphum khit kum khat ciangin a pasal le a tanute zong hong
kituiphum uh hi. Tu-in Liu le Criste nupa in Sabbath School makai-in om uh hi.
A innkuanun Adventist pawlpi sungah lawp takin nungta uh hi.
Sabbath School
mungtup om bangin amaute innkuan in zong tua bangin nungta thei uh hi. “ Ka
innkuanun lungdamna tawh Topa na kasem uh hi.” ci-in pulaak thei uh hi. Brazil
gam Brodowki khuapi-ah biakinn thak lam
nadingin kipuak ding hi.
