Khrih in Nupate kilemkiksak
BOLIVIA | July 1
Anabelle
Sunday ni khat Anabelle in khitui luangkawmin a innlam zuanin vaciah hi. A pai-na lampi-ah kuamah dang om lo hi. Amah pen Cochabamba khuapi, Bolivia gamah teeng khat hi. A nupa sung uh buai-na tawh kidimin inn sung nuamna om ngeilo hi.
Nisimin nupa
kitotna tawh nitum den mai hi. Tanu nih nei khin uh a, nau neih kik ding
ngaihsun zo nawnlo uh hi. Nupa kikhen ding bek lunggulh ta mai uh hi. Anabelle
in zingsang khat a lupna panin tho vatin khua sung lampi khat zuizui-in vakkhia
hi. Pai nading ngimna zong nei tuanlo hi. Tua leh tha khatin a lungsimah Seventh-day Adventists pawlpi in innkuan sung buaina tawh kisai
thusinna khat nei ding hi, cih phawk
vatin Adventist biakinn khat zongin hong
pai kawikawi hi.Biakinn hong tun ciangin Pastor pa in Anabelle thugen khempeuh
lungduai takin ngai ngeungau hi.
Anabelle in khitui luang kawmkawmin a nupa sung buaina innkuan sung
nop a sak lohna thute a pulaak hi. Tua
bangin a hamsatna teng a pulaak khit ciangin Pastor in thungenkhawm dingin
pulaak a, Pastor in amau nupa kikal kilem nading, innkuan nuam a suah nading
thu a ngen hi. “ Jesuh bek mahin amau nupa buaina vengsak thei ahihna Pastor in
zong a pulaak hi. Thunget a man khit uh ciangin Pastor in Anbellete inn ah hawh
dingin kamciam hi. A zingciangin Pastor pa zong a kamciam bangin Anbelllete
innah va hawh takpi hi. A nupa-un thu kuppihna le nupa kikal lamlahna zong a
nei hi. Anabelle pasal in zong Pastor gen bangbang asangthei hi; a tanu nihte zong samin thungetkhopna a
nei uh hi.“Topa aw, nong hehpihna-in ka innkuan sung nuntak khuasakzia, nupa
kikal kizopna hong kheel in, ci-in Anbelle in thungen hi. Pastor gen bangin Anabellate nupa in Lai
Siangtho simkhopna neih kipan uh hi. Innkuanin hun bawlna, biakpiaknate zong a
nei uh hi. A masa lamin Anabelle in khitui luangin thungen thei zel mah taleh
bangmah kilamdanna mu kha lo hi.
Pasian tung
bekah ki-ap ding kisam ahihlam zong phawk thei hi mah taleh, a pasal tawh
kizopna in hoih zo taktak nai lo hi. Nupa nuam suakkik thei nawn lo dingin
lamen hi. Nipi kaal khat khit ciangin Pastor pa hong hawh kik hi. Lai Siangtho
thusinna le thunget khopnate a nei thei uh hi. Pastor in Anbelllete nupa tawh
thungen khawm uh a, nupa kikal kizopzia ding cihte lamlahna zong a nei hi. A
pasal in ahihleh a beisa thute nusia-in mainawt ding a ngaihsutna thu a pulaak
hi. A innkuanun thusin khopna a zawh ciangun a tanute khat in Jesuh tungah
ki-ap ding le tui kiphum dingin a
khensat hi. Pastor pa in Anbellete innkuan in Adventist biakinn khatah kikhawm
dingin a hanthawn hi. Sabbath ni hong tun ciangin Anbellete nupa in Adventist
biakinnah kikhawm dingin hong pai uh hi. A nupa-un Adventist biakinnah kikhop
nuamsa uh a, a tanu nihte in zong pathfinder khangnote thusinna-ah va kihel
thei uh hi.
Tawlkhat khit
ciangin COVID -19 pulnatna hong tung hi. Gam uk makaite in kha thum sung koi
mah pusuakkhia lo dingin innah kibilhcip ding thu tangko uh hi. Hih hun sungin
kikhop cihte zong kinei thei lo hi. Kha 3 khit ciangin biakinnte kihongkikin
kikhop ka nei thei kik uh hi. Topa in
Anbelle thungetnate dawng ahih manin tu-in nupa kaal le innkuan sung nuntak
khuasak dan ni dang bang hinawn lo-in nuamna vive tawh kidim uh hi. Khrih in
Anbellete innkuan thupha pia hi. Anbelle in lungkhamin lungzingin a om khit kha
11 khit ciangin a pasal tawh Khrih
Honpa-in sang thei uh a, tui kiphumna nei uh hi. Pasian in a innkuanun
puahpha-in innkuan sungah nopna hong tungkik ahihna kimu thei hi. Anbelle in
Pasian tungah a lungdamnate a pulaak hi. Pasian in itna le hehpihna tawh kidim
ahih manin amaute innkuan tungah zong thupha tampi pia hi, cih kimu thei hi.
Nupa buai-na
nei, innkuan nuamlo tampite tungah zong Khrih hong itna thu a pulaak nuam hi.
Pasian tungah thungetna tawh kinga-in Amah bek mah muanin nei hi lehang, Topa
in hong makaih tawntung ahihna zong teci a pang kawikawi thei hi. Pasian in sep
zawh loh bang mah a nei kei hi. “ Na khempeuh lakah Pasian mah i masak hamtang
ding kisam hi. Ama deihna bangin nungta
nuamin Ama tungah i ki-ap ciangin Amah in hong ompih lo cih bang a om kei hi. “
Na nuntakna-ah Pasian masak pen inla Ama deihna bangin nungta in. Ama tungah
citak lecin vantung thupha khempeuh Topa’n hong piak dingin a itsik kei
hi.
Tu
quarter Sabbath School 13na sumpi in Bolivia gamah kipuak ding a, pawlpi
nasepna huhna dingin kipuak ding hi.
