Tuipehna puan tawh biakinn sungah
BRAZIL | September 3
Regina
Alavaro naseppihte in ciamnuih hat uh hi. Tua zah khatin Álvaro zong ciamnuih nuih uh hi. “Bang hangin ko tawh kibangin zu dawn lo na hiam? A lawmte in ahih leh Friday ni nasep khit ciangin zu dawn thei zelzel uh hi. “Nung Sabbath ni-in koi-ah paina hiam? ci-in khat le khat kidong uh hi. A dang khat leuleu in “Nang hong mu ngei kei veng aw” ci-in hopih hi. Tua bang thute a zak ciangin Alvaro in bangmah dawnglo-in nui ziau hi.
Amaute limtak
hopihin itna a lak hi. Alvaro in Seventhday Adventist ahihlam Regina in a thei
hi. Kum tampi sung tua bangin ciamnuihin a ututin hopih hi. Amaute gel pen Salvador khuapi sunga kumpi
nasem khawm uh hi. A nasepihte in Alvaro
cimanuih gawp uh hi taleh Alvaro in heh ngei peuh mah lo hi.Ni khat a nasepihte
khat Gilberto in biakinnah kikhawm dingin Regina vazawn hi. “Ka zak ngei loh
thu tampi ka za thei hi” ci-in Gilberto in pulaak hi. “Lai Siangtho thuthuk
tampi i thei hi.” Regina in Lai Siangtho thu a thei nuam semsem hi. Tuipehna
puan silh kawmin hong pai-a, kikhop khit ciangin tuipek dingin pai suak ding
geelna a nei hi.
Gilberto in
innsapin om hi. Regina in zong innsapin om hi. Amaute kikhopna inn in biakinn
tawh kibang lo hi. Inn pua-ah signboard khat kisuang hi. Hih signboard in
biakna pawlpi min khat hi. Hih inn in Jesuh thu hopsawnna mun khat ahihlam a
kim a paam mite in zong a theihpih ciat uh hi. Tua khua mite in Regina amuh
sialun maitai thei mahmah uh hi. Regina in zong amaute lakah Álvaro min nei
sangnaupang khat tawh a kimel theih uh hi. Pastor le a zi in sangnaupangte tawh
Lai Siangtho thu thuk sinna nei khawm uh hi. Tua bangin thusinna a neihna uhah
dotna le dawnna tuamtuamte zong nei uh hi. Regina in tua bang dotna tuamtuamte
limtakin ngai hi. Mi tampi in Lai Siangtho thuman theihnopna lungsim nei
ahihlam amuh ciangin Regina in hilh nopna lungsim nei semsem hi. Lai Siangtho
thusinna a neih khit uh ciangin pastor hong ding to-in thugen na hong kipan hi.
Gilberto in innlam zuanin hong ciah hi. Regina in ahihleh tuipek dingin kikhen
uhhi. Tua bangin ni tampi hun bei toto hi. Anihun Lai Siangtho thusinna-ah
kihel uh a, a man uh ciangin khat inn ciahin khat in tuipek dingin kikhen uh
hi.
Saturday ni
khat a lawmte in kikhawm dingin zawn uh hi. “Tuni kei thugen ni ding hi.Nong
kikhop leh lungdam mah mah ding hi ing, ci-in kikhawm dingin a lawm zawn hi.
Regina le Gilberto in tua bang sapna nial nawn lo-in kikhawm dingin khensat uh
hi. Kikhawm dingin biakinn tawh kilawm uh hi. A puansilh uh biakpiakna tawh
kilawm kituak lo hi, ci-in a gen zong om tham hi. Tua bangin kampau tuamtuam om
taleh kikhawm veve uh hi. Tua ni-a thugensia pa amaute lungsim sukha mahmah hi.
Tua bangin kum khat bang hong cingto-in Gilberto in tui kiphum dingin a khensat
hi. Regina in ahihleh tui kiphum dingin kiging nai lo hi. “Ka innkuanpihte in
hong nawl khin kha ding uh hi, ci-in tui kiphum ding nial tantan hi.
A nasepna phualah a lawm a gualte, naseppihte bawlzia
manghilh peuh mah lo hi. Regina in midangten Alvaro a bawlzia khempeuh a thei
hi; Alvaro in pawlpi dang khat sung pan a khangkhia khat hi. Tua hi-in SDA
pawlpi in ama theih pawlpi tawh kibang lo ahihna thu a thei hi. Kum li khit
ciangin pastor pa in mun dang khua khatah kituah ahihna thu Regina in a thei
hi. Thakhat thu-in Regina in Alvaro phawkvat hi. Regina in tui kiphum ding a
khensatna a nei hi. Mi tampi le a lawm a gualten Regina kituiphum ding sang zo
lo uh hi. Ahi zongin Regeina kisik tuan lo hi. Pawlpi sungah lawp takin nasemin
kihel a, pawl pua nasepnate-ah nuamtakin nasem thei hi. A sawt lo-in pawlpi
church board ah member dingin kihel hi. Nisimin Regina in Topa tungah lungdamko
tawntung hi.
Ama nuntakna-ah Topa ompihna mu ahih manin tua bangin
Topa tungah lungdam a ko hi. Tu-in SDA pawlpi mi kician mahmah khat suak thei
hi. “Midangte tungah Jesuh hotkhiatna le
Ama hong sepsak thute pulaak lo-in a om thei kei hi. Tua bangin midangte tungah
hotkhiatna thu a gen ding nuamsa mahmah hi. “Pasian in Ama hong hotkhiatna thu
kizel dingin eite hong zang hi. Ama hong itna thute midang tungah a pulaak
dingin nang le kei hong zang nuam ahihna phawk in.”Tu quarter Sabbath School
13na sumpi in Brazil gama pawlpi nasepna huh nadingin kipuak ding hi.
