Biakinn
thak neih zawh nading thungen
BRAZIL
| August 6
Simone
Simone in nitak annek khit a om mawk leh a omna zato tawlngakna inn sung khat pan mi khat tawh kimu kha hi. Amah pen hih zato-ah nurse nasem khat hi. TV kihongin a en zong mi tampi om hi. A TV et channel kheel nuam hi. Ahi zongin pasal khat kampau khat za-in tua pasal pau-na hangin a TV channel kheel ding a mangngilh hi. A kampaute in a lungsim hong lawngkha hi. Tua pa in cidamna thu tuamtuam a gen hi. Simone in tua thu zaknopna lungsim lian semsem hi.
Tua
pasal pa thugente in TV ah hong suak ding hi. Novo Tempo panin Hope
Channel TV tawh thugennate zong a ngai thei zelzel hi. Tua bangin a
thungaihna panin Simone in Novo Tempo channel zong en thei zelzel hi. TV
tung pan a kigen thute, lasaknate tha ngah thei mahmah hi; tua bangin a
thungaih tungtawnin SDA pawlpi upna thute a hong theitel semsem thei hi.
Tawl khat sung Simone in Topa tungah thungetna nei hi; a nasep a zop toh
suaksuak theih nadingin tua bangin thungen hi. Amah pen zato mun tampi-ah nurse
semin a om hi. Nasep kilaih mun lua mahmah ahih manin a kilaih nawn loh
nading a lunggulh mahmah hi. Tua bangin a nasepna pan a ngah sumte
kholin inn le lo lei ding ngimna lianpi a nei hi; a ta nihte mailam
khuasak nadingin zong lungmuanna ngah thei ding lametna lianpi a nei hi.
Jaquelin le Ana Claudia in sangkah thei ta uh hi. “Topa aw, nasep hoih
khat ka ngah nadingin hong huh in” ci-in thu a ngen hi. Tua bangin tawlpi khat
sung thu a ngen hi. Ama omna panin tai 900 bang kigamlatna khua khatah
nurse nasep om hi, cih thu a za hi. Novo Tempo TV mah en den a, Adventist Zato
khatah nurse sem dingin a khensat hi. Hih khua-ah Adventitst thu-um mi om nai
lo hi. Tua ciangin Simone in a thungetdan khel hi. Nasep hoih khat a ngah
nadingin thu ngen nawn lo zaw-in hih khua sungah Adventist thu-um mi a om
nadingin thunget kipan zaw hi.
“Topa aw, hehpihna tawh hih khuapi sungah Adventist
pawlpi a om theih nadingin hong huh in” ci-in thungen hi. A sawt lo hun khat
ciangin Simone in khua dang khatah nurse kisam cihthu hong thei hi. Hih khua-ah
nasem leh kituah nading gamla lua lo ahih manin hih khua-ah kituah dingin
khensat hi. Hih khuapi Uruíta in ama teenna panin mawtaw tawh minutes 25
bek kipai hi. Simone in Adventist biakinn a om hiam, ci-in hong kan kawikawi
hi. Hih khuapi ah zong SDA biakinn om lo ahihlam hong thei hi. Tua ciangin aman
zong Topa tungah thungen kik hi. “Topa aw, hih khua-ah Adventist thu-um mi hong
om theih nadingin hong huh in” ci-in thungen leuleu hi. Ni khat a nasepna
panin innlam zuanin hong ciahna lampi khatah “Novo Tempo” cih lai kisuang khat
mukha hi.
Brazil gamah Adventist pawlpi in “Novo Tempo” cih laisuang uh hi. Simone in
lamdangsa lua ahih manin um ngam lo phial hi. Hih biakinn kihon zawh sawt nai
het lo ahihlam hong thei uh hi. Simone in lungdamna tawh kidimin om hi. Bang
hang hiam cihleh Pasian in thungetna hong dawng hi, cih thei ahih manin tua
bangin lungdamna tawh kidim hi. Pasian in Simone thungetna a pia hi. Simone
zong biakinnah hong kikhawmpah hi. Amah le amah Pastor Luis le Israelte tawh
kimel theihna nei thei pah hi. “ Hih khua-ah Adventist biakinn hong om theih
nading sawtpi laipekin thu ka ngenngen hi, “ ci-in pulaak hi.
A kimuh pih Pastorte geel zong lungdam mahmah uh hi.
Simone in Novo Tempo tungtawnin Adventist thu man a theih khak manin lungdam mahmah
uh hi. Tu-in Simone in a sangkahna zo dekdek ta hi. A nuntakna khempeuh Topa
tungah kipia-in tui kiphum ding khensatna a nei hi. Hun hoih a ngahsialin
a kitheihpih mite samin hong kikhawm un, ci-in zawn tangtang den hi. Pasian in
Simone thungetnate dawng hi. Pasian in ka lunggulhnate hong tangtungsak hi. Hih
khua-ah Adventist thu-um mi hong om nading thu ka ngen a, ka thugetna bang
mahin Pasian in Adventist thu-um hong omsak hi.” Tu-in ka lunggulh khat om
lai-a, Topa in hong ompihin lawpna hong guanin thu upna sungah a khangtoto
dingin hong ompih nading ka lunggulh hi. Ama hong itna tungtawnin midangte
tungah itna ka lah theih nading lunggulhna lianpi ka nei hi.
Tu quarter Sabbath School 13na sumpi in Brazil
gam a pawlpi nasepna huh nadingin kipuak ding hi. Biakinn thak lam
nading,hotkhiatna lungdamna thu kizelh nadingin kipuak ding hi.
