A umlo mipa Nungzui hong suak
BRAZIL | August 27
Breno
Breno in Khristian upna le biakna dang a gawm khawm inn sung khat panin a khangkhia khat hi. Amah pen Salvador khuapi, Brazil gam teeng hi. SDA sang khatah sangkah hi-in zo man lo-in sangkah khawl hi. A sangkahna-ah sangsiate khat hangin Brenno in Lai Siangtho simnopna lungsim hong nei thei hi. Ahi zongin Breno in khangno khat ahihna tawh biakna kin lo citciat hi. Phengphi mahmah hi. A lawm a gual tawh kithuahin zudawnin om hi. Tua bangin a nuntak manin sang panin kihawlkhiat thuak hi. Sang thukhunte zuih ding hamsa sa mahmah hi. A sangkahna-ah numeite in bilbah bulh thei lo ding, nik bawk sing ten lua lo ding, biakpiaknate-ah pasal le numei tukhawm lo ding, kiho thei lo ding cih danin thukhun tam lua ahih manin hih bang sangte-ah om zo lo hi.
Tua bangin sang thukhunte a khauh
mahmah hangin Breno adingin khiatna nei lo hi.
Tua sang thukhunte in gamtat zia le tong hoih nadingin a hong huh thei
thute hi mah taleh Breno adingin kimanna nei lo hi. A siate thu hilhna khempeuh
nial hi. Tua bangin a sangkahna panin sang man thei sam hi. Sang a zawh khit a
kipan biakinn ah pai ngei nawn lo hi. Lai Siangtho zong sim nawn lo hi. Thu-um
lo mi bangin nungta mai hi. Khristian upna khempeuh nial khin nuamta hi. A
lawmte tungah “leitung mun khempeuh kimkotin ka pai ding hi; ahi zongin biakinn
peuhmah ka pai nawn kei ding hi,” ci-in kiphatsakna tawh kidim hi. Lai Siangtho thute zong nial hong kipan hi;
Pasian om kei, ci-in pulaak hi. A pawlpi gensiat cihtakin gensiat hong kipan
hi. A lawm ngaihnu Adventist thu-um nungak khat hi-in, a lawm ngaihnu zong khen ziau mai hi. Tan
sawm a zawh khit kum nga khit
ciangin a sangkahpihte khat Victor in
tui kiphum dingte Lai Siangtho thusinna-ah kihel dingin va zawn hi. Tua bangin
tui kiphum dingin a khensat ni ni-in Breno adingin a lamdang mualsuang phuhna
suak ding hi. Pastor in Victor le Breno adingin thungetna neihsak hi. Thu nget
khit ciangin pastor in Breno angkawi-a, biak kikhopna-ah kihel dingin a sam hi.
Breno in tui
kiphumna nei hi; tui sung pan a hong
pusuah lian leh a lungsim ah thu tampi hong lut hi. Pastor thunget in a lungtang sukha-a a nunna lawngkha
ahihlam zong amah le amah zong kitheitel hi. Biakinnah kikhawm dingin khensatna
nei theipah hi. Breno in Sabbath ni biakpiaknate le nipi kaal sung
kikhopnate-ah hong kihel zelzel hi. Tua bang biakpiaknate-ah Breno in Topa mu
thei hi; Pasian in ki-itna Pasian ahihlam zong a thei tel semsem hi. Pastor pa
thugenna tungtawnin Breno in Khrih hong itna, hehpihna thute a theitel semsem
hi..
Breno mitte
kihongin a hoih lo a ngaihsutna khempeuh
bei mang hi. Pawlpi mite zong itin
biakinn ah kikhawmin hong pai ciangin pawlpi mite in lungdamna tawh kidim uh
hi. Amah a thei lo miten zong maitai-in hopih ciat uh hi. Hih in Pasian kiang
pan hong pai itna a kilangsak hi. A sawtlo khat ciangin Breno zong biakinnah
hong paikik hi. Pastor tawh Lai Siangtho thuthuk sinna-ah va kihel thei hi.
COVID-19 pulnatna hun sung Sabbath ni khatin Breno in tui kiphum hi. A lawmte
khat in Lai Siangtho thusinna nei-in kituiphum ding a zotna pen manpha mahmah
ahihna, ama nunzia kikhelsak ahihlam a phawk pha semsem hi.
“Khrist in ka
nunzia buppi hong kheel hi” ci-in pulaak hi. Hun tomno sungin uplahna panin
nungzui muanhuai khat hong suak thei hi. Tua bangin ka nunzia hong kikhelna in
keima hanciamna hi peuh mah lo hi; Pasian hehpihna in ka nunzia buppi hong khel
hi,” ci-in teci panna nei kawikawi hi;
Pasian ngimna in hoih hi; kicinna le deihhuai-na tawh kidim hi, ci-in pulaak
thei hi.
Tu quarter Sabbath School 13na sumpi in Brazil gama
pawlpi nasepna panpih nadingin kipuak ding hi. Brazil gamah biakinn thak lam
ding geelna om hi.
