MUC

Print Friendly and PDF

Wednesday, July 12, 2023

BRAZIL | August 13 Diogo

 Sabbath Ultimatum

BRAZIL | August 13

Diogo

 

Diogo nunzia in hamsa mahmah hi; nektawm zong hi-in mi genthei mahmah khat hi. A nasepna munah a pu in zong hehpih zo lo hi; khensat ding thu nih  a pia hi. Sabbath ni nasem ding maw nasep khawl ding cih deihteelna a pia hi. Bangci kalsuan ding ngaihsut hamsa hi.

Tua-ma kha 4, kha 5 lai-in Diogo in inn sap zongin a om lam a mangngih hi. Tua hi-a amah le a zi in a sanggamte inn khatah hong kituah uh hi. A paneu in a mawkna-in om sak hi. Tawl khat khit ciangin  Diogo in nasep khat ngah hi. A zi Nayara in anhuan siam nupi khat hi-in,  sum ngahna hoih zaw khat nasep a zong kawikawi hi. Ama geelna bangin amah le amah kinaam tak theih ding nasep khat hong zong hi.Kuama tungah kinga lo-a ama khe tawh ding a, nasep khat hong zong hi.

“Topa aw, nasep hoih khat hong guan in” ci-in thu a ngen hi; ka nasepna pan ka ngah sumte in ka innkuan kikhom khop zawh nading nasep hoih khat hong guan in” ci-in thu a ngen hi.  Sabbath ni tawlnga nuam nasem mite adingin na sep hoih  ngah ding hamsa mahmah hi.  Nasep neite in Adventist thu-um mite nasem dingin cial nuam lo uh hi. Friday ni nitum panin Saturday ni nitum ciang Sabbath ni tawlnga nuamte in nasep hoih ngah hamsa mahmah hi. Hamsa mahmah hi taleh Diogo lungkia lo-in nasep hoih a ngah zawh nading thungen ngen hi.

Ni khat phone tawh kihopih hi. Gas thunna panin security sem ding na ut leh ci-in kihopih hi. Nasep nei mipa tungah “ SDA thu-um mi ahihna kipulaakin Saturday ni nasem hong kuan thei lo ding hi ing, Saturday ni pen tawlngak ni ding hi,” ci-in a pulaak ciangin a nasep nei pu in phamawh kei, Saturday ni na nasep loh hangin, hong pai in, ci-in sam veve hi. Diogo zong lungdamlua mahmah hi. Bang hang hiam cihleh Pasian in ka thungetna hong za hi, ci-in Topa tungah lungdamna  ko pah hi. Tua bangin a nasepna panin Saturday ni a tawlngak theihna pen Pasian hong hehpihna hang bek hi, ci-in teci pang kawikawi thei hi.

A nasepna mun in inn panin gamla simtham hi. Nasep a pai-na-ah cycle tawh pai-in zan ciangin nasem hi; Sabbath ni nasepna pan tawlnga thei hi. Tua bangin a pai theih hangin lampi pen lauhuai mahmah hi. Lauhuai taleh nuntak khuasak nading nasep kul ahih manin ni khat khit ni khat nasem kuan khiakhia thei hi.

Ni khat nasep nei a pu in Sabbath ni nasep tawlnga thei nawn lo ding cih a zasak hi. Saturday ni nasem hong kuan  ding maw, ahih keileh nasepna pan khawl ding maw, cih khensat ding a pia hi. Diogo in Saturday ni- nasem hong kuan thei kei ning, ci-in dawngkik hi. Tua Sabbath ni pen Diogo kikhopna biakinnah Caleb Mission Project ci-in program tuam pian khat nei ding  uh hi.

Hih Caleb Mission Project pen North American Division panin kiphuangkhia hi-in,  khua sung mun tuamtuamah pai-in kikhopna-ah kihel dingin mi va zawn ding nasep hi. Diogo in nidang in zong khua sung khantohna nasepnate-ah kihel ngei khat ahih manin hih Caleb Mission Project nasepna-ah lawp takin nasem thei pah hi. Ka nasepna pan hong kikhawlsak leh hih Caleb Mission Project ah nasep hun tam ka ngah zaw ding hi, ci-in Sabbath ni nasem kuan nawn lo dingin a khensat hi. Nasepna pan khawl khin ahih manin sum zong nei nawn lo hi mah taleh hih Project ah nasep hong kipan hi. Tua kawmkawm mahin company khat neih zawh ding a ngaihsun sun hi. Diogo in thu tampi vei a nget khit ciangin  Caleb Mission Projectah nasem dingin a khensat hi. Topa tungah ki-apin Ama nasepna-ah nuam a sa hi.

Caleb Mission Project a khawl khit ciangin Diogo in  Brazil sum 700 (US $ 135) nei lai hi. Hih sum tawh nasep khat kipan dingin a ngaihsun hi. A sum neihzah zong a tam hi peuh mah lo ahih manin ngaihsut hamsa sa hi. Tua leh moh bawlna khat kipan thei ding dinmun hong tung ahih manin Diogo in moh bawi-na khat hong kipankhia thei hi. Thu-um mi khat ahihna tawh pawlpi nasepna khat peuhpeuhah zong va kihel thei zel hi. Pawlpi in Caleb Mission Project nasep nadingin vai tampi a hawmpih hi. Hih nasepna-ah khangno tampi zong kihel thei uh hi. Hih nasepna tungtawnin khangno tampi in a nuntaknate uh Topa pia-in tui kiphum khangno zong tam peuhmah hi. “Topa tungah i cihtak nakleh Amah in thupha hong pia hi” ci-in teci a pulaak kawikawi thei hi. Tu quarter Sabbath School 13na sumpi in Brazil gamah kipuak ding hi.

 

To get the latest update of me and my works

>> <<