Pasian in na khempeuh tungah ukna nei
BOLIVIA
|July 22
Carol
Carol in Kurt tawh kizopna-ah buaina lianpi khat nei hi. Mi khat in a inn buluh dingin hong pai hi. Tua hi-in Carol in huhna kisam hi. Carol in Bolivia gam panin Brazil gamah hong kituah uh ciangin anesthesiology degree ngah ding hita hi. Carol le Kurt in lawmta khat hi-in university sangkahkawm uh hi.
A
pasal tawh clinic khat hong uh a, Brazil panin hong kituah uh ahi hi. A neihsa
khempeuh uh nusia-in hong pai uh a, a muan mahmah a lawm Kurt kiangah koih uh
hi. Khua sung munlai mahmah khat hi-in mi tampi in Carolte innmun lei nuam uh
hi. Khat khit khat in va dawpdawp uh a, a sawt ciangin Carol in sum leitawi
pia-in a meltheihte khat leisak hi. A lawmte zong tua innmunah hong kituahpah
uh hi. Carol zong a omna panin hong ciahkik a, a lawm in a innmun uh a na
zuaksaklam hong thei hi. Tua bangin ama thukimna om lopi-in a lawm in a na
zuaksakna hangin amaute geel kikal ah buai-na lianpi hong om hi.
Carol zong a hehsuak lua ahih manin thukhen zum ah thu
bawlin hong pai hi. Thukhen zumten khensak pak lo ahih manin kum sawtpi hong
cingto hi. Tua hun sungin Carol in a sangkahna-ah a laisinte hong zo siang thei
hi. Nasep zong dingin a pasal tawh Brazil gamah hong zinkhia uh hi. Brazil hong
tun uh ciangin inn mun khat lei uh a, tua munah teeng dingin khensatna nei uh
hi. Bolivia gama thukhen zuma a thubawl uh zopkik nading sum
bangmah nei nawn lo uh hi. Tua hang bek mahin Carol in Kurt ah hong pai
a, a lawmte khat kiangah “ ka inn mun pen pawlpi inn mun dingin hong pia
ning” ci-in a pulaak hi. Hun khatlai-in a pasal tawh clinic khat hongin om
ahihna uh a phawkkik hi.
Ahi
zongin tu-in tua inn munah SDA biakinnpi kikhat kilam ding lunggulhna lianpi
khat a nei hi. “ Hih ka innmunah upna cina mite adingin clinic (biakinn) khat
om leh deih ing,” ci-in pulaak hi.
Tua khua sungah Pasian nasepna a tangzai zawk nadingin tua bangin a innmun a
pia khia hong suak hi. Tua bangin a geelnate Satan in suksiat ding a sawmsawm
hi.A thu uh kum nga bang val khin hi mah taleh Thukhen zumten
bangmah thukhenna nei lo uh hi. A tawpna-ah Bolivia gama thukhenna zum lianpi
dongah a thu uh a tung to hi. Hun sawtpi bei hi mah taleh Topa’n amaute ompih
ahih manin Thukhen Zumpi in Carol innmun pen biakinn dingin ngetna a pia
uh hi. Tua hi-in pawlpi in tua innmunah biakinn le inn golpi khat zong lam uh
a, nuntak khuasakzia tuamtuamte tawh kisai thusinna mun phualpi khat hong suak
hi.
Tu quarter Sabbath School 13na sumpi in Trinidad
khuapi-a pawlpi nasepnate-ah kipuak ding hi. A diakdiakin thu upna lamah hat
zawh semsem nading thusinna phualpi khat kilam ding hi. Pasian in Ama geelna
hun a tun ciangin na khempeuh a hoihin hong piang ding hi,” cih upna a nei hi.
Bang hang hiam cihleh “Amah in na khempeuh tungah ukna nei hi; vantungah
Ama deihna a kicin bang mahin leitungah zong hong kicing ding hi,” ci-in
Kurt in pulaak hi.
