Ahoih Suangpi BRAZIL | JULY 29

 Ahoih Suangpi

BRAZIL | JULY 29

 

Brazil gam sung a kantanin a luang gun lianpi “ Itapaci” cih min nei khat a om hi. A khiatna in “A Hoih Suangpi” cihna hi. Hih bangin min a vawhna thu hoih om hi kha ding hi. Tua khuapi in mineral tampi kigawmna mun khatah a om khuapi khat hi. Leisung suangtote in mica kici suang nam khat tampi mu uh hi. Hih suang in kizepna a kizang ding van hoih mahmah khat hi-in, a mel zong etlawm mahmah hi. Leisung tote in kham le ngun zong tampi amu khia uh hi. Tua bangin na manpha tampi kimuh khiatna hangin hih khuapi pen “ A hoih suangpi” cih min nei hong suak hi. Ahi zongin na khempeuh in hoih khin lo hi. Jaqueliny khua sungah mimal 16500 bang teeng ding hi.

Jaquelin in kitangsapna tampi nei hi. Ama buai-nate a lawmnu Maria Rita tungah va ko zel hi. Tua bangin Jaquelin in Maria Rita hamsatnate a zak ciangin Seventh-day Adventist Pawlpi-ah kikhawm dingin va zawn hi. Jaquelin in zong SDA biakinn khatah va kikhawmpah hi. Hih pawlpi a nupi kipawlnate in Jacquelin buai-nate a huh theih zahzahun huh ciat uh hi.Amah zong Tuesday nisialin hih biakinnah vapai-in pawlpi mite tawh thungetkhopna nei uh hi. Tua bangin nipi kaal khat sungin ni 4 sung bang thungetna nei zelzel uh hi. Hih thu hangin Jaquelin in a phutkhak hamsatnate Topa huh ahihlam zong a phawk thei hi. Amah pen Khristian innkuan khat sung pan a khangkhia hi mah taleh SDA pawlpi kalsuanzia thei ngeilo ahih manin hih pawlpi mite kepzia donziate hangin a lungkim mahmah hi. A khangno lai-in a pawlpi-ah tui kiphum khin hi.

 

Tua manin SDA biakinnah a kikhopna khatah Nekkhawm neih ding tawh hong kituak ahih manin aman zong tua Nekkhawm nekna-ah va kihel pah hi. A nuntakna in a hawmpi hi mah taleh tu-in Pasian sungah nunna bittak ngah ahihlam a phawk thei hi. Lai Siangtho simna le thungetna cihte nuam sa semsem in om hi.A lawmnu Maria Rita in ahihleh Adventist innkuan khat sung pan a khangkhia nungak khat hi. Amau lawmta kingai mahmah uh hi. Maria Rita in   biakkinn ah kikhawm ding in Jaquelin va zawn thei zel hi. Tua bangin nipi khat sungin ni 4 sung bang biakinnah biakpiakna nei-in hong kikhawm uh hi.

 

          Tua bangin Pasian thu sungah a kilawmtaatna panin Maria Rita in Jaquelin tungah Sabbath thu le misite omzia tawh kisai thu dotna khat nei hi. Jaquelin  in cikmahin Lai Siangtho sim ngei lo hi. Sabbath thu ahi a, misite omzia cihte a kipan a theih bangmah om lo hi. Hih thute theihnopna lungsim hong lian semsem a, amahmah in Lai Siangtho hong sim ciangin  a omna ngei pawlpi zuihna le SDA pawlpi zuihzia kibatlohna thu hong mu toto hi. Pasian kiang pan hong pai thuman bek mah thei nuam zui  nuam  hi. Lai Siangtho a simnate a lungngaingai tawntung hi. Maria Rita  in Lai Siangtho thu sinpihna nei a,  a lawm Jaquelin in zong a sim thute theihtelna  hong nei semsem hi. Pasian in mihingte cidam nadingin a hong hilh thute zong hong thei toto-in lungnopna ngah semsem hi. 

 

SDA pawlpi in Lai Siangtho bek mah bulphuhin upna nei ahihlam  thei ahih manin  hih pawlpi bek mah in Pasian sawl bangin gamtang hi, cih hong mu semsem hi. Unviersity panin a sangkahna a zawh khit ciangin Jaquelin in Adventist Pawlpi in cidamna thu limgen mahmah ahihna thu a thei pha semsem hi. Lai Siangtho thusinna zomtoto uh a, Pasian in hih pawlpi-ah hong makaih hi, cih  a phawk thei hi. Lai Siangtho thusinna neih zong a tawntungin baih lo hi. Hamsatna tampi nawkzawh kisam ahihlam zong a thei toto hi. Khat veivei ciangin Jaquelin in amuh thak thuman thute a sang ngampak kei hi. Ahi zongin Lai Siangtho a simsimna tungtawnin thuman zong theihbehna hong nei toto hi. A sawt ciangin Jaquelin in a nuntakna khempeuh Jesuh tungah kipia dingin khensatna khat hong nei hi. Maria Rita tawh tua bangin Lai Siangtho thu sinna a neih khit uh ciangin  Mangmuhna bu thusinna nei dingin a ngaihsun uh hi. Tua bangin Mangmuhna bu a sinna-ah “Itapaci” min a muh khak ciangin Lai Siangtho sim nopna lungsim hong nei semsem hi.Lai Siangtho in bang hangin Brazil gam suanghoihte pulaak hi ding hiam ci-in tel zo lo hi.

Jerusalem khua thak in leitungah hong tuaksuk ding hi. Pasian in a mite tawh innkuan khat bangin hong nungta ding hi. Jerusalem in pasal nei ding monu bangin kizemin hoihna tawh a kidim hi (Mang. 21:2).  Jerusalem khuapi phungpite in suang namcin tuamtuam jasper, apphire, le emerald (Mang. 21:19) cihte tawh kibawl hi, ci-in hong sim hi. Tua khuapi in “ Suang manpha, kham siangtho bangin hoihna tawh kidim hi; a lampite tungah kham kizut hi. Limlang bangin siangtho sinsen khuapi hi, cih thute zong hong simtoto hi (Mang. 21:18, 21).Jesuh hong kamciamte zawhna ngah mi in tua suangmanphate ngah ding ahihna thu zong a sim kha hi. Tua a hoih mahmah suangte mimal khat ciat tungah hong kipia ding hi, ci-in Jesuh hong kamciam thute zong a sim toto hi. Jesuh in “ Ka kiangah hong pai mi khempeuh tungah zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi” (Mang. 2:17). Jaquelin in kituah khia dingin  kigingsa-in a om hi. Tu-in Jaquelin in a khua sung mite adingin khuamial lakah a tang meivak bangin vantung khuavak tangsakin a nungta hi.Ama teenna khua “ Brazil Suang Melhoih” kicihna-ah a teeng hi. A thungetna-ah Pasian in ama nunzia tungtawnin a pasal kikhel nading a ngen tawntung hi. APasal le a tanu kikhelin Jerusalem thakah kimu dingin thu ngen tawntung hi; tua mun in vankhuanuai khempeuh a Suanghoihna mun hi ding hi.

“Topa tungah lungdam ka ko hi. Pasian in a it huai mi tampi tawh hong theisakin, kituah theihna hong guan hi. Topa a um mite adingin na khempeuh in a hoih lamin kalsuan hi, cih zong ka sang thei hi. Topa in keima nunzia a hong makaih bang mahin na nunzia zong hong makaih ding hi. “Jesuh tungah ka lungdamna lian mahmah hi. Amah in kei hong it hi.  Ama itna ngah nadingin bangmah phatna ka neih loh  hangin Topa in hong it veve hi. Khrih sungah tatsat lo-in ka khangcing nuam hi. Ama kiangah mi tampi ka tunpih nuam hi.

Tu quarter Sabbath School 13na sumpi in Brazil gamah kipuak ding a, biakinn thak lam nading, biakinn nei zo nai loten biakinn a neihzawh nadingun kipuak ding hi.