13th SABBATH: BRAZIL | September 24 Felipe

Sabbath Topa Zahtakna

13th SABBATH: BRAZIL | September 24

Felipe

 

Felipe in sangnaupang khat hi-in Tan 5 sin hi. Biakna tawh kisai thusinna nei thei zelzel hi. Tan 5 a kah a kipan tua bangin biakna thute sin hong kipan thei hi. A nu lepate in sangsiapi tungah “Ko innkuan pen  Seventh-day Adventist innkuan hi ung; tua ahih manin Saturday ni-in sang hong kah thei lo ding hi ung,”ci-in gensak uh hi.  Sangsiapipa in Felipe mailam ding a ngaihsutsak ciangin tua bangin Saturday ni sang pelh loh zawk ding a gen hi.” Saturday ni sangkah lohin degree ngah thei ngei lo ding ahihna thu zong a pulaak hi.  Siapipa in “ hih sangah Saturday ni-a sin ding lai tampi om hi” ci-in Saturday ni mah sangkah ding a hanthawnthawn hi. A sawt ciangin sangnaupang dangte laisim laitakin Felipe in Lai Siangtho na sim hen” cih tawh inn ciahkik uh hi.

Felipe in sangnaupang dangte tawh kibang lo-in a om ciangin a sangkah nopsa lo hi. A lawmte om bangbangin om nuam hi. Ahi zongin a ngaihsut kik ciangin “Pasian tungah cihtak ding mah a khensat hi. Tua bangin Pasian tungah a citak Joseph, Daniel cihte thu a phawk thei hi. “Topa tungah ka cihtak naak leh Amah in zong kei tungah hong citak ding hi,” ci-in muanna lungsim a nei hi.

Felipe in Tan 6 a kah  a kipan Saturday ni zong sangkah kul ta hi. Sanghoncilin class nih le thum khawng bekpha uh hi. Felipe in Saturday ni sangkah nuam lo ahih manin a sangkah pelh pahpah hi. Ama kah loh sunga kisinteng a laibu sungah tei kik zel hi. A sangkahnate in zong Felipe upna zahtaksak uh hi.  Saturday ni sang a kah loh hangin laivuanpi-ah ong veve ahih manin a class kah ding khantohsak uh hi.

Felipe in elementary school (Tan 6) sang zo khin hi. Tan 10 sang a kah thei ding dinmun tung ahih manin a nu le pa lunghimawh mahmah uh hi. Bang hang hiam cihleh laivuanna a tamte pen Saturday ni-a vuan dingin kikoih hi, ci-in sangsiapi pan pulaak hi.Hih sangah Felipe sang kahsak nuam takpi na hiam? ci-in dongkik a, Felipe pa in “Hi mah hi. Hih sangah ka tapa sangkah nuam mah ing,” ci-in a dawngkik hi. Bang hang hiam cihleh ka tapa in hih sangah Tan 4 dong kahngei khin hi, ci-in a pa in dawngkik hi.

Felipe in Saturday sangkah lo hi. Khat veivei ciangin hamsatna tuakkha uh hi. A laisin khempeuh a tam zaw Saturday ni-in hilhse mawk uh hi. Ahi zongin Felipe in a cih nading dang thei tuan lo hi. Pasian zahtak ding bek mah a thupi belin koih ahih manin hamsamah taleh tua bangin Saturday ni sangkah tuan lo hi. Ama cihtakna hangin Topa Pasian in zong thupha pia-a a laite ong toto thei hi.

Amasa-in a sangkah uh nitak lam 1:30- 8:40 dong Monday ni panin Friday ni dong tua bangin sangkah uh hi. Khat veivei ciangin zingsanglam zong kah thei zel uh hi. Friday ni nitak lamin subject thum bang sin uh a, Saturday ni zingsang lamin subject 4 sin uh a, nitak lam ciangin subject 4 mah sin uh hi. Felipe in Saturday peuhmah sangkah lo ahih manin Saturday ni-a kisin khempeuh a thei lo suakpah hi. Ahi zongin Pasian in Felipe thupha pia-in a laivuante kia cih bang om tuan lo hi. Tan 10 sang a kahna zo siang thei hi. Tua hi-in university khatah siavuan sin theih nading laivuan khat vua dingin geelna nei hi.  Siavuan lianpi khat a suak thei ding ngimna nei hi. University ah siavuan sin ding a laiphi ong zo lo ahih manin lungkia-in  om hi.

“A tawntungin thu ka gen den hi. Topa aw bang hangin thupha hong pia lo na hi hiam? ci-in Topa tungah a lungsim sunga om thu khempeuh a pulaak khia hi. A dah hangin Pasian a muanna tawh lungnopna a nei theikik hi. Pasian in na khempeuh tungah ukna nei hi; Amah in na khempeuh thei hi, cih muanna nei ahih manin bangbang lungzinna tuak mah taleh khamuanna nei thei veve hi. University kah dingin laivuanna khat nei hi. Hih universityah a pa in zong nasem hi. Tu-in “ Leitung pilna le upna” cih thu cih phawkkik hi. Hih university ah kah dingin phalna ngah lo leuleu hi. Felipe in nipi kaal khat sung tang ding thungen  hi. University in sangkah thei dingteng amin pulaakna nei kik uh a, Felipe min zong kihelta hi. Sanglut nading laivuanna-ah Felipe in mark tamngah pen hi.

Hih university ah zong Saturday ni-in sangkah uh hi mah taleh Felipe in Saturday ni sangkah lo-in a om hi. Univerisy a kah a kum thumna kum ciangin nipi kaal khatah hun li bek laisin uh hi; Saturday ni-in zong class nih bang kahlai uh hi. Ahi zongin Felipe in Saturday ni sangkah lo hi. Tua bangin Saturday ni sang a kahlohna hangin a siate in lai kia-sak uh hi. “ Bangci bangin siavuan suak thei mawk ding,” ci-in lunghimawh mahmahin om hi. “ Siavuan suah nadingin a kisam tampi om hi” ci-in a siapa in zong pulaak hi. Ahi zongin Pasian in lampi hong honsak thei hi, ci-in thapia-in Felipe in a sangkah zom dingin kithawi hi. Tua khit tawlkhat khit ciangin university classte Saturday ni-in kah nawn lo-in nipi kaal sungte-ah kahta uh hi. Tua bangin university a kahna-ah siate le a lawm a gualte in Felipe  thu dong uh hi. Bang hangin Saturday ni hong kah lo na hi hiam? Felipe in ama upna thu a lawm a gualte le a siate tungah a pulaak thei hi. Tua bangin a genna hangin  biakna suahtakna ngah thei hi. Ama upna bangin Sabbath ni-in sangkah lo-in a om thei hi. Felipe in university panin sangkah a zawh khit ciangin zong hih university a sangnaupangte in Saturday ni tawlnga lo-in laisin veve uh hi. Siavuan kah ding sangnaupangte in a khua nunglam ciangin laivuankik uh hi. Siavuan sem ding phalna licence ngah nadingin zong laivuan kha veve uh hi. Hih laivuan khempeuh in Saturday ni-a vuan dingin kizasak uh hi. Felipe in ahihleh ama upna bangin kalsuan a, Saturday ni-a laivuan ding peuhmah a ngaihsun thei kei hi. Tua hi-in laivuan ni ding khat a geelkik uh hi. Tua ni pen Saturday  ni hi lo ahih manin Felipe le sSiavuan kah nadingin khempeuh in laiphi-na nei uh hi. Laivuanna-ah sangnaupang laivuan 30% khawng bek in lai ong zo uh hi.  A lamdang mahmah thu khat in Felipe in a khatna hong ngah hi. Tua tungin Brazil gamah ama mark ngahzah a tam pen hong suak hi. Tu-in Felipe in hih university sangpi-ah laihilh professor sem hi. Ama kiangah hong kah sangnaupang kim khat in Adventist innkuan sung pan sangnaupang zong om uh hi..

Saturday ni laiphi ni-in kikoih den  hi. Ahi zongin Felipe bangmahin Topa tungah a citak mite in Topa thupha sang uh hi; Topa in tua bang mite mangngilh cih peuhmah om lo hi.

Tu quarter Sabbath School 13na sumpi in Brazil gam kipuak ding a, Felipe teeena khua  a kipan khua li sungah biakinn thak lam nadingin kipuak ding hi.