MAY 6 | The Bible Guy
Spain
Remus
Remus in “Bible Guy” cih min tawh a kithei mahmah papi khat hi. Amah pen zato khata nasem hi-in a zi ahihleh innlam tawh kisai nasep tuamtuam a sem nupi khat hi. A innkuanun nuam takin France gam teeng uh hi. Akim paam miten a muh ciangin Loidate innkuan in kuamah en nei lo bangin nuamsa takin om uh hi. Ahizongin Loida in a nuntakna-ah kitangsam khat nei ahihlam akiphawk thei hi. Remus in Topa thungetna bangin thungen nuam hi. “Pa aw, leitungah nangma min ka thangsak khin hi. Leitungah sep ding nong piak ka nasep zo ka hi hi. Nong piak nasep tungah ka citak hi.” (John 17:4). Remus in Pasian minthangsak ding lunggulh mahmah hi. AHi zongin koi bangin Pasian min thangsak thei ding cih thu a thei kei hi. Ama nasep in Khrih nasep tawh a kibat leh tua bangin Pasian minthangsak thei dingin a lamen hi.
“Gimna
a thuak mite tungah Lungdamna Thu a hilh dingin Topa in kei hong sehkhin ahih
manin keima sungah Topa’ kha hong om hi. Salin a kimante tungah suahtakna thu a
gen ding, mittawte in khua a muhkik theih nading, a kinengniamte a suaktasak
ding le Topa in a mite a hotkhiat ding kum a pulak dingin kei hong sawl hi”
(Luke 4:18, 19). Hih bangin Jesuh gen thute Remus in ama thugen bangin ngaihsun
pah hi; Hih bangin Jesuh hong hilh thute ngaihsunin “Tua ahih ciangin note pai
unla, midang khempeuh, keima nungzui mi suaksakin, Pa min, Tapa min, le Kha
Siangtho min tawh tui sungah na phum un. 20Tua ciangin note tungah ka hong gen
thute khempeuh a zuih nadingun na hilh un. Hun bei dongin note a hong ompih
tawntung ding ka hihna thu phawk ta un,” a ci hi (Matthew 28:19, 20). Amah mah in
pai khia-in nasem ding geelna a nei hi. Tua khit ciangin Ellen G. White gelh
laibute zong a sim hi. “Laibu zuak nasep in vanglian mahmah hi” cih thu a
simkhak ciangin Remus in laibu zuak dingin a khensat hi. Tuabangin laibu a
zuakna-ah laibu lei nuam loten zong a lei nop nadingun limtakin hilhin thu a
kuppih thei hi. Remuste innkuan in Galicia khua-ah kituah uh hi. Hih khuapi in
biakna a kin het lo khuapi lian khat hi.
Mihing 3000000 val bang kiteenna khuapi lian khat hi-in Adventist thu-um
mi 500 bek om hi. Biakinn a hihleh 5 om
hi. Remus in Lai Siangtho bu zuak ding ngaihsun hi. Hih khuapi sunga mi tampi
in mehteh mehgah, van tuamtuam zuakin khuasa uh hi. Remus in ahihleh laibu
zuakin a paipai-na-ah miten thei khin ahih manun “Bible Guy (Lai Siangtho Mipa)”
ci-in min vawh uh hi. A laibu zuakna mun khatah Remus lawmte khat in zong laibu
zuakin laibu zuak amuh ciangin tua laibute a lei mipa kiangah Remus vapai-in,
hopih hi. Tua laibu leipa in Remus hopih nuam lo-in paikhiatsan hi.
“Na
omzia midang tawh kibang lo-in tuam dang diak hi” ci-in tua mipa in genin paikhia hi.Tawl khat sung
kiho kik uh a, tua khit ciangin Remus in a laibute zuak thei hi.
Lungdam mahmah ahih manin Remus in Lai
Siangtho bu khat letsongin pia hi. Tua mipa in zong Lai Siangtho sim kipanpah
hi. Kha 4, kha 5 khit ciangin a lungsim khempeuh Jesuh tungah a pia hi. Tuni-in
tua mipa in a tanu, a sanggamnu le a nu in Jesuh sang thei dingin a genpihna
thu a pulaak hi. Amah le Remus in kilawmta uh a, a paipai-na uah “hello Bible
Guy” (Lai Siangtho mipa) ci-in kisam uh hi.
Khat veivei ciangin Remus zuak laibute
in mi tampi kikhelna a piangsak hi. Tua bangin laibu pua kawikawi-in lamdung
tengah a zuak kawikawi hi. Tua leh mi khat in “Na laibu zuak in Lai Siangtho
hiam” ci-in dong hi. Remus in zong “hi mah hi. Lai Siangtho bu ka zuak hi”
ci-in a dawngkik hi. Bu khat bangzah man hiam? “Euros 10 bek hi” Bu khat lei
ning ei, ci-in kiho uh hi.
Ka nuntak sung tawntung Lai Siangtho bu ka
ngah nadingin ka hanciam den hi” ci-in nupi khat tawh kituakin Remus in a Lai Siangtho bu puak
a zuakpah hi. “Hih in Pasian hong sawl hi ding hi” ci-in tua nupi in pulaak hi.
Khat vei Remus in tai 70 val bangin gamlatna khua khatah laibu zuak dingin
vapai hi. Tua ni-in laibu tampi khawng thei ahih manin lungdamna lianpi tawh
inn hong ciah thei hi. Ahi zongin a nung ciangin a ngah sum khempeuh a gawm
kikleh a pai-a datsi man zah khom ding a ngah lohna a mu hi. Hih bangin gamla
pekah pain gam huai nawn ding hiam, ci-in ngaihsun hi. “Kum 90 gual piteek khat
laibu lei dingin hong pai hi. “Lai Siangtho na zuak hiam? ci-in dong a, Remus
tawh kiho uh a, tua piteek in Jesuh in hong it takpi mah hi ding hiam, ci-in
Remus tawh Pasian thu kikum khawm uh hi. Remus in lungdam takin Jesuh thute a
hilh thei hi. Khitui luangin tua bangin Jesuh thute a gen ciangin a gei-a
puteek khat in zong za-in Jesuh hong itna a telpha semsem nuam hi. Tua ciangin
tua puteek in Lai Siangtho bu khat a lei
hi. Jesuh thu theih ding zekai lua cih om lo hi, ci-in Remus in pulaakkik hi.
Tua bangin uhamte tawh kimuh khopna nei-in Pasian thu kikup khopnate in manpha
mahmah ahihlam zong a phawkpha semsem hi. Remus in Spain gamah Pasian na semin
a om khak hampha kisa mahmah hi. “Mi tampi in Nuntakna an zongin Lai Siangtho
thuman thutak thei nuam mahmah uh hi.” Tua bang mite tungah Lai Siangtho thuman
thutak i pulaak thei hi. Remus in “Lai Siangtho Mipa” kicih ding a maizum kei
hi.
Spain gama khuapi lianpite ah
Adventist biakinn a om lohna khuapi tampi omlai hi. Tu quarter Sabbath 13na sumpi
in Spain gam a om Sagun Adventist College puah nadingin kipuak ding hi. Hih
college in Spain gam adingin na lianpi a sem sangpi khat hi.
MUC in ahihleh Langzang biakinnlamna
huh nadingin kipuak ding hi.
