MAY 27 | Radio no khat tawh Thonginn Sungah
Portugal
Ana
Mi khat in thongkia-a om Paulo tungah radio khat pia hi. Paulo in leitung pilna nei (scientist) khat hi-in radio ngaingai den mi khat zong hi. Radio line zong kawikawi-a a thongkiatna panin kingah thei radio line in Seventh-day Adventist pawlpi panin radio tawh thugenna hi. Radio line a ngahzawh nadingin mun khatah pai kul hi. Adventist pawlpi panin thugenna, lasakna le thu tuamtuam gennate a ngai zel hi.
Ni
khat mi khat in radio panin thu hong gen a, Ellen G. White laigelh “Kido-na
Lianpi” laibu a khawngkhongin kingah thei hi,”ci-in a kipulaak thu a zak
ciangin aman zong laikhak pah hi. Tawl
khat khit ciangin Paul in mun dang thonginn khatah kipuak hi; hih thonginn
sungah nopsa het lo hi; amasa-a thonginn nuamsa zaw tham hi. Hih thonginn thak
panin a ngaihngaih ngei radio kingai kha thei lo hi. Tua hi-in Adventist radio
kingah thei nawn lo ahih manin a dang radio tawh thugenna khat a ngai hi. Paul
in tua radio- thugenna a makaite tungah laikhak a, bang thu bang la hangin
thonginn sung tung ahihna thu a pulaak hi. Thonginn sung panin zong radio
tungtawnin thu kigente a ngaihlam zong a pulaak hi. “Nisimin radio ka ngai den
a, tua thute tungtawnin ka nuntakna-ah kikhelna lianpi hong tung hi” ci-in
pulaak zel hi. Radio-a nasem makaiten zong lamdangsa uh hi. Tua radio
thugenna-ah director pa zong tua thonginn gei mun khat a a teng hi mah taleh, a
inn panin radio ngai ding a kisak hangin radio line ngah zo peuhmah lo hi.
COVID-19 pulnatna hong kizelh ciangin
tua radio panin thugenna-ah Sabbath ni biakpiaknate zong suaksak zel uh hi.
Paulo in radio panin thu kigen khempeuh, la kisa khempeuh a kipan panin a tawp
dong nuamtakin a ngai thei hi. Tua bangin thu kigente a ngaihna khatah thugen
pa in Lai Siangtho thusinna a nei nuam na om uhleh min hong pia un,”ci-in
misapna a zak ciangin Paulo in zong min pia pah dingin a khensat hi. Anna min
nei Adventist thuzui mi khat tawh Lai Siangtho thusinn a nei thei hi. Leitung
pilna sangpi nei (scientist) khat ahih bangmahin sangnaupangte laisinzia a kin
mahmah khat hi. Sangnaupangte tungah dotna tampipi a dong nuam phadiak hi. Tua
bangin Lai Siangtho thusinna a zawh khit uh ciangin tui kiphum dingin a zon hi.
COVID pulnatna hangin nidang bangin deih bangin biakpiaknate a nei thei nai kei
uh hi. Tua hi-in Anna tawh Mangmuhna Bu thusinna a nei khawm uh hi.
Tua
bangin Mangmuhna Bu thusinna a zawh khit ciangin Ellen G. White laigelhte tawh
kithuah Lai Siangtho thusinna a nei khawmlai uh hi. Thusinna kizom suaktoto uh
hi. Paulo in amah le amah-in Lai Siangtho thuthuk a kantel thei ding dinmuna
tun zawh nadingin Anna in a a panpih hong suak hi. Tua bangin Lai Siangtho
thuthuk sinna dingin a kisam thu khat in Lai Siangtho bekmah muan le suan
lianpi belin nei ding a hanthawn den hi. Paulo in tua bangin a thusinna
tungtawnin thu tampi mah hong ngah beh bek tham lo-in a theihnai loh thute zong
kanbeh toto dingin a hanciam hi.Tua bangin Aana tawh thusin khopna a neihna
tungtawnin Ana zong lungkim mahmah hi. Thongkia mite tungah tua bangin Lai
Siangtho thuthukte sin theihna ngahna hangin zong a lungdam pha diak hi. Paulo
in zong a lawm a gualte tungah Lai Siangtho thuthukte sinpih thei ding dinmun
hong tung hi. Anna in zong thapia-in hanthawh phapha hi. Mite kiangah vapai
theihlohna om hi mah taleh Anna le Paulo in thonginn sungah tua bangin
thuthukte a sintheihna hangun Topa tungah a lungdam mahmah uh hi.Adventist
pawlpi in Portuguese gam a thonginnte-ah Pasian thu va gen ding hamsa mahmah
hi. Paulo in Lai Siangtho thuthuk a theih nai loh tampi omlai ahih manin a
lunghimawh hi. Jesuh thu kicingin thei kisa nai lo ahih manin Jesuh thu a
theihbeh toto nuam hi. Midangte tawh a ki-et ciangin zong migi-na kisa zo nai
lo ahih manin a lungneu thei zel hi. Bang hang hiam cihleh khialhna khat hang
tawh Thong sungah omlai ahih manin, a lungsim bangin a nunzia in zui zo kisa
nai lo hi. Ahi zongin Anna in thapia denin lungkia lo dingin hanthawn den hi. Tua a kipan Paulo in a thongkiatpih
mite tawh Lai Siangtho thusinna a nei thei hi. Thongkiatpih mi nih le thumte tawh
Jesuh thute kikum thei uh a, hun nuamtakin zang thei uh hi. Portugal gamah
thongkhia mite tungah thuhilh lamlahna nei mi kimkhat kikoih hi. Tua bang mite
in thongkia mite tungah lamlahna tuamtuam thusinpihna tuamtuam neipih uh a,
thongkiate in thonginn panin a suahtak uh ciangin amau le amau a kikhuasa thei
ding dinmun a tun ding uh deihna tawh tua bangin kipantahna nei uh hi. “Koi
bangin nang leitung pilna nei (scientist) khat na hihna tawh leitung nate thu
na theih loh om thei veve hi ding hiam? ci-in a dot ciangin “Na khempeuhte thu a kigen maimai hi lo hi;a
thu a thei taktak zo ding kuamah ki-om lo hi” ci-in a dawngkik hi.
Tua bangin lamlahna thukikupna pan
upna thu tawh kisai thu tuamtuam kikup khopna a nei thei uh hi. Paulo in Kha Siangtho makaihna ngah ahihna a
pulaak hi. Ama ngaihsutna zong pulaakin
tua bangin kimuhkhopna-ah “Kido-na Lianpi” laibu sim dingin a khensat uh
hi. Paulo in Anna tungah laikhak khat nei-a thonginn sung hamsatna tuamtuamte
zong a pulaak hi. Tua bang khit ciangin tui kiphumna zong nei dingin min pia
tampi hong om hi. Ahi zongin COVID pul natna hangin deih bangin biakpiakna nei
thei nai lo uh hi. “Hamsa hi mah taleh tua bangin thongkiatna hangin hamphatna
tampi a ngahna thu zong a pulaak thei uh hi. Thonginn panin Jesuh tawh ka kimu
thei hi. Jesuh ka muhna mun in thonginn ahihlam zong ka pulaak hi. A beisa
thute ka ngaihsut ciangin ka nuntakna in Pasian lamlahna ka ngahlam zong ka
phawk thei hi” ci-in a pulaak thei hi. Paulo in gam thukham palsatna hangin
thongkia hi lo hi. Thukhun bangmah palsatna nei lo hi. Tua hi mah taleh Pasian
khut mi khat hong suak thei hi. Hotkhiatna thu a thei nai lo, a za thei nai loh
munte-ah Pasian thugenna hangin tua bangin thongkia-in om ahihna a pulaak hi.
Thonginn sungah pilsinna a kipan Lai Siangtho
thuthuk sinna a nei thei uh hi. A lamdang takin Seventh[1]day Adventist Pawlpi
in Jesuh hong pai baih ta ding ahihna thu Portugal gam sung mun tampi-ah a
pulaak thei hi.
Tu Quarter Sabbath School 13na sumpi
in Portugal gamah pawlpi nasepna huh nadingin kipuak ding hi. Tua banah Setubal
khuapi-ah Pawlpi nasep nadingin kizeek ding ahih manin piakkhiatna lianpi
kitangsam hi.
MUC
in ahihleh Langzang biakinnlamna huh nadingin kipuak ding hi.
