MAY 20 | Los Angeles pan Rome ah
Italy
Melanie
Melanie pen nungak khat ahihna tawh kizui-in laminnte-ah nuamsa mahmah hi. A sangkahna Los Angeles University panin a zawh khit ciangin khuazin kawikawi-in nuamtakin om thei hi. Melanie in Rome-ah om hi. Amah a nau zaw tangval Randy tawh kiho uh amah pen innkuan sungah a nautum pen hi-in kum 20 a phakin si hi. Georgio in Melanie tawh kilawmta mahmah uh hi. A luang pen lui tui luang khatin hong taikhiasukin zingsang nai 5 kim pawl hi. Siavuante a luang velvel uh a, tuipek laitak lungtang damlohna hangin a nuntak bei ahihlam siavuanten pulaak uh hi. Mi thah hi lo hi, cih kilang hi. Lungsim kitamzanin Melanie in a innah hong ciahkik hi. Bang hangin Randy nuntakna bei hi ding hiam, ci-in a lunghimawhna khempeuh a thei nuam hi. Amah in a sihna thu thei nuam hi. Tua bangin a kikupna tungtawnin nuntakna in mannei ahihna thu zong hong thei uh hi.
Melanie in thungen tawntung hi. Gim
thuakna panin a suahtak theih nadingin lunggulhna tawh tua bangin thungen ahi
hi. Tua ciangin a sanggam numeite khat in Video kila dingin lunggulhna nei
ahihlam theikhia uh hi. Tua bangin video kilakna mun khatah va pai uh a “Na
thuak gimnate panin na suahtak nadingin
lampi zong kawikawi hi. Melanie in video kila dingin training kahna khat zong
nei hi. Tua bangin a omna panin Italy mi tangval khat tawh kilawmta-in kingai
thei uh hi. Kum nih le a lang khit ciangin Rome ah ciahkikin Melanie in nidang bangin lam uk ahih bang mahin lam
innte-ah pai-in tua bangin a hunte beisak hi.Tua bangin leitung gualnopna
sungah kidiah hi mah taleh lungnopna ngah thei lo hi. A nuntakna hawm kisa den
hi. Zingsang a thawh sialin lungzinna tawh zing tho den hi. Nuntakna in man nei
lo hi, ci-in ngaihsun hi. Amah in kha-niin nasepnate a ngaihsun hi. Tua
khaniinte in leitung uk hi. Leitung siatna khempeuh in Khaniin nasepna hi,
ci-in a thei hi. Ni khat amah in Youtube ah thugennate, Daniel thusinnate le
genkholhna thu kigente a ngaingai hi. Amah in Lai Siangtho sin kipanpah a,
thuman thutak a theihtel nopna hong khang semsem hi. Amah in Babylon tangthute
kantelin, Babylon, Media-Persia, Greece, le the Roman Empire hong khankhiatna thute zong a thei hi.
Genkholhna bangin hong tangtung takpi ahihna amu thei hi.
A zak sermon thute le a theih thute
khempeuh hong kituak toto ahih manin Lai Siangtho in thuman thutak hi, ci-in a
upna a kip semsem thei hi. “Hih thute in thuman hi” ci-in a ngaihsun tawntung
hi. Khukdinin thunget a kipan hi. Thu-um mi khat in hih leitung mite nunzia
bangin a nungta lo ding ihihna zong a phawk thei hi. Thu-um mite in vantung nunna a luah dingte
ihihna thu zong a phawk thei hi. Tua hang mahin a nuntakna khempeuh Jesuh
tungaha ki-ap hi.
“Zu
dawnna, guih theih khamtheihte in lungnopna hong guan thei lo ahihlam a phawk
pha semsem hi. Hih bangin guih theih kham theih tawh nuntakna ka nusia nuam ta
hi, ci-in a pulaak thei hi. Hih bangin ka nuntak sangin ka si nuam zaw hi. Ka
nunzia ka khel thei kei hi” ci-in a pulaak hi.
Tua bangin Youtube panin Pasian thu
kigente ngai tawntung hi.Tua thugenna in
Adventist pawlpi khat ii thugenna ahihlam zong a thei hi. A zak thute Lai Siangtho tawh kituak hiam, kituak lo
hiam, ci-in a sittel pahpah hi. Manmanin Lai Siangtho a simsim hi. Tua a kipan
Sabbath ni tawlnga-in Pasian biak a kipan hi. Kum nih khit ciangin Adventist biakinnah kikhop ding a khensat thei
hi. Tua panin Adventist biakinn koi ah om ding hiam ci-in online tungah a
zongpah hi. Online panin a zonna tungtawnin Adventist biakinn khat mu theipah
hi. Sabbath ni hong tun ciangin amah zong biakinn lamzuanin kikhawm dingin hong
pai hi. A kimuh masak pen in piteek khat hi-in,
a kituiphum nopna zong pastor tungah a pulaak theipah hi.
“Tui kiphum nuam ing” ci-n a pulaak
ciangin pawlpi miten lamdangsa uh hi. “Bang thu hiam na gen ci-in kim khatin
dong uh hi. Amah in kum nih sung
tawntung Lai Siangtho thuman thutak sin ahihna a hilh hi. “Tui kiphum dingin ka
kigingkhol khin hi” ci-in a pulaak hi.
Zan khat thu-in nunzia kikhel lo hi.
Melanie in tui a kiphum khit hangin a nunzia kikhelpah lo hi. Nidanga a pai
ngei-na mun lam innte ah va pai zelzellai hi. A nunzia lui nusia ding hanciam
mahmah hi taleh a nusia zo kei hi. Ahih hangin a nuntakna-ah kilamdanna khat om
ahihlam a kiphawk thei hi. Ni khat tua bangin gualnopna lamnate –ah a kihelnate
hong niing thei hi. Hun khat lai-a a kin loh Pasian thuman thute tu-in hong kin
thei ta hi. A siangtho nunna sungah nuntak hong kipan ta hi. Kha Siangtho in
ama sungah nasem ahihlam zong hong kiphawk thei hi.
“Tu-in Melanie in mawhna thaman sihna
ahihlam theitel hi (Romans 6:23). Mi khat a sih ciangin han sungah a om hi-in,
bangmah khuaphawkna nei nawn lo ahihna thu, Jesuh hong pai mateng khuaphawkna
bangmah nei lo ahihna thu a theitel semsem hi” (1 Thess. 4:15-17). Tu-in nuntakna
in man nei ahihlam a thei ta hi. Jesuh hong itna thute zong midangte tungah
pulaak nuamsa hi. Daniel 12:3 sung a kigen bang mahin “Pilna tawh a kidim mite
in aksi bangin a tang ding uh hi. Mi tampi in dikna nitang hong zuan ding uh
hi.”
Melanie in biakinn panin a ciah
ciangin laihawm tuamtuamte le magazine bute hawmkhiat dingin a tawi hi. A
ciahna mawtaw tunga a tutpih mite kiangah a hawm kawikawi thei hi. Biakinnah
kikhawm ding sapna laite zong tawi-in pawlpi thute le Adventist radio
tungtawnin thugennate zong midangte tungah a pulaak thei hi. Jesuh hong kumkik
ding lametna nei-in a up thute midangte tungah zong pulaak nuam a sa hi. A
sanggam nautumpen Randy tawh kimukik thei bek tham lo-in nuamtakin a teengkhawm
thei uh hi. “Ka lametna thupha in Randy tawh kimuhkik ding bek ahi hi,” ci-in
pulaak hi.
Tu quarter Sabbath School 13na sumpi
nong puakna hangun ka lungdam mahmah hi. Italy gam le Inter- European Division
sunga pawlpi nasepna huh nadingin kipuak ding hi.
MUC in ahihleh Langzang biakinnlamna huh
nadingin kipuak ding hi.
