MAY 13 | Daring Escape Plan
Italy
Georgio
Georgio in Romania gam panin taikhia dingin ngaihsutna nei hi. Romania khuapi Bucharest panin meileng tuangin French khuapi Paris lam manawh dingin ngaihsun hi. Tua bangin a ngaihsut laitakin a khua dak kawikawi-na-ah meileng ceiling le meileng khum kikalah mun awng gol mahmah om lam mu hi. Tua mun awng sungah bu dingin ngaihsun hi. Meileng letmat lei zo lo ahih manin tua bangin meileng guk tuan ding angaihsun hi. Meileng tuan nading letmat nei lo ahih manin tua bangin guktuan sim hi. Tua bangin khua khat khit khua khatah hong tung toto thei a, bang lo kalin Paris khuapi hong tung thei hi. Romania gam panin tua panin gam uk makaite phalna om lopi a gam pua a zin khiate kumpi in a theihleh kum tampi sung thongkhia uh hi. Tua bangin a khualzinlai pen 1982 kum hi-in, tu-in Georgia in kum 20 cing ta hi. Nuntakna thak khat tawh nuntak ding a lunggulh mahmah khangno khat hi.
Ama ngaihsutna-ah tua lungkhamna panin
a suahtak ding ngaihsun masa hi. Ahi zongin tua bangin a ngaihsun masa amah bek
hi lo hi. Tua mun kimteng a cing mi
kimkhat in suahtak nading ngaihsun a, taikhia ahih manun mat thuak uh hi.
Georgia in nipi kaal nih sung thusitna thuak hi. Khua sung thuneite in dong uh
a, communist langpang mi ahih leh ahihloh dongtel uh a, gam sung panin a
simthamin taikhiat sawm uh hi. Tua ciangin Georgia in thong sung kipuakin
thukhenna thuak dingin ngakin a om hi.
Georgia in Pasian om lo hi, a ci khat hi. Pasian up theihna nei lo hi.
Kumpi thuneite vaihawmna khat peuh mang nuam lo hi phial taleh gam uk makaite in Khristian khat suah dingin
sangin Pasian thu um lo-in a om ding hoih zaw hi, ci-in pulaak uh hi. Mihaite
bek in Pasian um uh hi, ci-in pulaak uh hi.
Tua bangin thongkia-in a omna-ah Georgio in Seventh-day Adventist thu-um
mite tawh a kimuh masakna ahi hi. Khangno ama kum phazah tawh kituak
khat in galkap lut khat om a, Sabbath
ni-in nasem nuam lo ahih manin thongkhiat thuakin om hi. Amah pen thongkia
dangte tawh kibang lo-in tuamdang pian ahihna kimu thei hi. Amah pen mi hoih
khatin kimu hi. Anihun kiho-na khat nei uh hi. Georgio lamdangsak thu khat in
Pasian thu-um mi khat pen mihai ahihna hang hi peuh mah lo hi. Adventist thongkia
khat in Lai Siangtho thuman thutak hilh a, Romania gam panin hawlkhiat a thuak
hi. Georgio in hih thu tawh kisai theihnopna lungsim nei hi. Thong panin a
suahtak khit ciangin Lai Siangtho thuthuk sinna a nei thei hi. Tua bangin
tawlkhat sung a om khit ciangin Georgio in thong panin a suakta thei hi. Kha
nih sung thongkia-in om hi. Thukhen pa in lamdang takin thukhenna a nei hi. “Tha khat thu-in thong panin na
suakta ding hi” ci-in thukhen hi. Ahi zongin gam makaite in gam thukhun palsat
ahih manin thongkia ding mahin kilawm hi, ci-in thukhenpa thukhenna langpan uh hi. Thukhen pa in bangmah pau lo-in Palik pa in
thukhen zumah Georgio hong tunpih un, ci-in a vaikhak hi. “Cikciangin na suakta
ding hiam? “Amah pen zingteh suakta thei ding hi” ci-in a makai khat in
dawngkik hi. Tua bangin thonginn lam zuanin Georgio kipaipih hi. “Makaite tawh
kimeltheihna nei na hiam? ci-in Georgio dong a, “Kuamah meltheih a neihlohlam Georgio in a dawngkik hi. Tua ciangin Vantung
Pa Pasian bek mah muang a hihna thu a thei hi.
Topa
Pasian bek mah in a huh thei ding hi. Georgio in suakta thei tuan nai lo hi. A
ni guk ni hong cin ciangin a lawmte khat Adventist thu-um khat in “Thukhen mangpa in hong suakta sak
thei lo ding hiam? ci-in dong hi. Tua bangin a lawmte khat in a dot ciangin
Georgio in Lai Siangtho thuman sin dingin a khensatnate a phawkkik thei hi. Tua
bangin thong sungah Lai Siangtho thuman sinna nei-in a lawmpa Adventist thu-um
mi khat tawh tua bangin Lai SIangtho thusinna a nei khawm thei uh hi. Tua
bangin ama geelnate a lawmpa tungah a pulaak ciangin thonginncingte khat in
za-in amau kiangah hong neh phei-a “Zing
ciangin na nasep ding panin hong kisuakta sak hi, ci-in a gen tak ciangin lungdam mahmah na tawh kidim a, a zing
ciangin thonginn panin a suakta thei hi. Tua bangin thong panin suahtakna a ngah khit ciangin Georgio in Pasian tungah
thuciam a nei hi.
Adventist biakinn khat mu-in, Sabbath
hong tunsialin Adventist biakinnah kikhawm hi. Nidang bang nawn lo-in Romania
gam panin gamdang khatah taikhiat ding a ngaihsun nawn kei hi. A nunzia
khempeuh in kikhel hi. Jesuh sungah amuh thu hangin lungdamna lianpi tawh a
kidim hi. Tu-in Georgio in Italy gamah teengin Rome khua Adventist pawlpi-ah
kikhawm hi. A zi, a tate le a tute mi giat tawh omkhawm uh hi. Romania gamah communist in ukna a neih
loh khit ciangin Georgio in gamdang khatah a tai-khia hi. Tuni dong Georgio in
bang hangin Thukhen mangpa in thonginn panin suahtakna pia lo hi ding hi, ci-in
a ngaihsunsun hi. Pasian bek mah in thei-in Amah bekmah in honkhia thei ding
ahihlam zong a phawkpha semsem hi. Thong sungah a om lai-a a thongkiatpih
Adventist thu-um mi tawh kizopna nei den hi. Tu-in tua mipa pen innlamna
nasepna khatah nasemin om hi. Sabbath thuman nusia nuam lo ahih manin kum nih
sung thongkia-in om uh hi. NGOte panpihna tawh thong panin a suakta thei hi.
Georgio in kum 60 pha khin hi; samkang
himah taleh maitai den hi. Pasian tawh a kizopna a tuahkhak thute midangte
tungah a pulaak thei hi. Tua hangin Georgio in tua bangin tecipanna nei
kawikawi hi. Hih thu hangin mi tampi in
Pasian hong itna theihbeh uh hi. Ama tuahkhak thute zaza nuam den uh hi. Pasian
kiang pan a ngah thute midangte tungah zong pulaak khiakhia nuam den hi.
Tu Quarter Sabbath School 13na sumpi
in Italy, Romania le Inter-European Division sungah om pawlpite nasep huh
nadingin kipuak ding hi.
MUC in ahihleh Langzang biakinnlamna
huh nadingin kipuak ding hi.
