LESSON 11 | JUNE 3-9 PASIAN CIAPNA LE SAPI CIAPTEHNA: PART 1

LESSON 11        JUNE 3-9

PASIAN CIAPNA LE SAPI CIAPTEHNA: PART 1

 

Sabbath Nitak

 

Tu kaal sung sim Ding: Mang. 14:12, Eph. 2:8–10, Matt. 27:45–50, Mang. 13:15–17, Mang. 14:4, Luke 5:18–26.

KAMNGAH: “Tua ciangin a nungta Pasian’ ciaptehna a tawi vantungmi khat, nisuahna lam panin hong paito ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpitakin gen a, “I Pasian’ nasemte, a taltang uhah ciaptehna i bawl khit matengin leitung, tuipi, le singkungte susia nai kei in,” a ci hi (Mang. 7:2, 3).

Tu kaal sung i sin ding thu in sapi ciaptehna, Pasian na mite kilamdanna, koi bangin Satan in nasem cih thute kikum ding hi. I thusin omsa bangin Khrih le Satan kikal Kido-na Lianpi in cihtakna, thuneihna le biakpiakna hi ding hi. Mang. 13 sunga genkholhnate in Dan. 7 sunga kii neu le 2Thess. 2 sunga “Siatna Tapa” cihte Pasian ukna, A Thukhamte langpanin a man lo biakpiakna hong pankhia uh hi. Tua bangin a man lo biakpiakna kizop suak zawh ding ngimna tawh kalsuanna-ah zawhthawh thu, khat veivei ciangin golhguk le pahtawi-na tuamtuam piakna tawh nasem uh hi. A langkhatah itna in Pasian ukna gam a kipna ahi hi.

Sapi biak ding sangin Pasian mite in Amah mah biak nuamsa zaw uh a, Amah bek mah a bia uh hi.Amaute in Topa Pasian tungah kipum-ap uh hi. Bang hang hiam cihleh amaute in Ama tungah bangci bangin kipia ding cih a theitel uh hi. Hih bek in hun nunung ciangin “sapi ciaptehna” panin hong dal thei ding hi. Jesuh i itna in tua bang ciaptehna panin hong dal thei ding bek ahi hi. Tu kaal sung thusinna-ah tua thute a kicing zaw-in i entoto ding hi.

 

SUNDAY                      June 4

Thuak Tentan

 

Mang. 14:7 pulaak thu i gensa bangin mihing khempeuh in Piangsak Pa bek bia dingin hong sapna kimu thei hi. Hih in vantungmi masa thupuak hi (Mang. 14:8). Pasian in a mite tungah “Babylon” lauhuai-na vauhilhkholh khin hi; tangtawng Babylon panin hong kizom toto biakna man lote nusia dingin hong sam hi. Hih in vantungmi nihna thupuak hi. Mang. 14:9, 10 in vantungmi thumna thupuak hi. Hih thupuak in sapi biak khak loh ding hong hilh hi. Vantungmi thumna in aw ngaihtakin tangko hi: ‘Tua ciangin vantungmi a thumna in a masa tegel hong zui leuleu-in nakpitakin, “Tua ganhing le a lim bia-in a taltang ahih kei leh a khut tungah ciaptehna a ngah mi peuhmah in, Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.”

Mang.14:12 sim in. Hun nunung cianga Pasian mite tungah bang thu nihte kipulaak hiam? Bang hangin tua thute in thupi ahi hiam?

____________________________________________________________ ___________________________________________________________

 

Greek tawh kigelhna-ah “lungduai” cih kammal in “hupomone,” hi-in a khiatna in “kiptakin thuak zawhna”cihna hi. Pasian in hun nunung ciangin Ama tungah a citak mahmahmi a nei ding hi. Tua mite in Ama tungah citak ding uh a, bawlsiatna, langpannate tungah zawhna a ngah ding uh hi. Amaute in a nungta Pasian tungah kinga-in, Ama hehpihna le Ama itna sungah a nungta mite hi ding uh hi. Piangsak Pa bia un (Mang.14:7) cih thupiak in sapi biakna tawh kilangdo hi (Mang.14:9) Piangsak Pa a biate in Pasian thukhamte a zuite le Jesuh neih bangin upna a nei mite ahi uh hi (Mang.14:12). Hih kido-na in Khrih tungah cihtakna maw ahih keileh sapi tungah cihtakna maw, cih thu nih hi ding hi. Sapi biakna le Piangsak Pa biakna in sia le pha kikal kido-na lianpi in Sababth thupiak siksanin buai-na lianpi hi ding hi.

Romans 8:1–4, Ephesians 2:8–10, le Kolose 1:29 sim in. Nuntakna nei upna tawh kalsuanna thu bang pulaak uh hiam?

____________________________________________________________ _________________________________________________________

 

Topa hehpihna i ngah ciangin upna tawh nuntakna in nungzuih ding a, nunzia kikhel ding hi. Honpa tungah a citak mite in Jesuh sungah “upna” nei bek tham lo-in Jesuh neih upna bangin upna a nei mite hi ding uh hi. Jesuh hun nununga amaute upna in Jesuh neih upna bangin upna hi ding hi. Jesuh in a sih dongin a cihtak bangmahin amaute in zong nuntakna a bei dongin a citak mite hi .ding uh hi. Thuneu-no khat tungah na cihtak hiam? Tua in sittelna taktak hong tung ciangin na dinmun ding pulaak hi lo hiam? (Luke 16:10.

 

 

MONDAY                            June 5

Vankhuanuai Khempeuh Do-Gal

 

Matthew 27:45–50 sim in. Hih in Khrih in SInglamteh tunga a thuakna bang hong hilh hiam? Jesuh in Pa tungah bang hangin hong taisan na hiam, ci-in a dot thu in bang deihna nei hi ding hiam? Koi bangin hih thupiang in “Jesuh bangin upna nei cih thu hong theitelsak hiam?

_________________________________________________________________ ___________________________________________________________

 

Singlamteh tungah kikhai-in khuamial sahpi-in kimkotin, mawhna maizumnale leitung mawhna thuakin Pa Pasian itna in taisan hi dingin a ngaihsun hi. Jesuh in a nuntakna khempeuhah Pa itna a ngah tawngung hi. Cihnopna-ah Jesuh in Pa tungah kizopan kip nei-in, a nuntakna khempeuh in Pa tungah kinga hi. Hun hoih hun hi taleh hun sia penpen singlamteh dongah Pa deihna bangin kalsuan dingin a kipia khin hi. Honpa in Pa muanna kip tawh kalsuan hi. Bangbang siatna a nawk hangin Pa tungah kiko-in om hi mah taleh Pa tungah muanmawhna a nei peuhmah kei hi. Pa in taisan bangin amuh hangin Jesuh in Pa tungah a citakna nusia lo hi. “Khuamial sahpi sung nawkin Pa in taisan bangin a thuak laitakin, Khrih in mihingte thuak ding a nunung bel gimna hai dawn dingin a kiging hi. Tua bangin a lauhuai hunte nawkin a nuntakna-ah Ama kipiaknate Pa in sang ahihna amu thei veve hi. Khrih in upna tawh a zo pa hong suak hi.” Ellen G. White, Christ Triumphant, p. 277.

Jesuh upna in kip mahmah hi; Pa a muanna thukpi hi-in, a nunna khempeuh Pa tungah kipia ahih manin dawi nasepna khempeuh tungah zawhna ngahin zia-etna khempeuh a kantan thei hi. Pa tungah a ling ngei lo ding muanna a nei hi. Vankhuanuai le leitungah ama upna a heikhia zo ding bangmah a om kei hi. A kimu thei lo nate om takpi mah hi, ci-in muanna in upna hi. Theihtel zawhna om kei leh um ngam veve-na, kingak nadingin tawmno khat bek hi taleh muan tinten ngamna hi. Hih in Jesuh neih upna hi. Hih bangin upna in i tuah ding gimna, hamsatna khempeuh a hong zawhpih ding hi. Upna in Pasian kiang panin a khawnkhongin i ngah thei hi. Tua upna bek mah in i lungtangah hong teen ciangin i nuntakna-ah Khrihbek mah lian pen ding a, Amah bek mah biaknopna lungsim hong guan ding hi.

Tua upna bek mah in sapi ciaptehna tungah zawhna hong guan ding hi. Hi mah taleh tua bang upna in olno takin a kingah thei hi lo hi. Pasian mite in upna tawh a nungta mite ahi uh hi. Ni khat khit ni khat upna tawh a nungta uh hi. Amaute in hun hoih hi taleh hun sia hi taleh Pasian in amaute ompih ahihna a phawk thei uh hi. Pasian in amaute tawh kigamla bangin a ngaihsut uh hangin amaute in “Midik in upna tawh a nungta hi”cih thu a lenkip uh hi (Gal. 3:11; Hab. 2:4). Tuhun in kigingkholh hun hi. Tu-in i tuah hamsatnate upna tawh kantanin hi lehang, i nuntakna-ah gah hoih tampi kimu khia ding hi.

Na kim na paamah siatna tawh kidimin lamet bei-in na om hun ciangin na upna hong sukha hiam? Bangci bangin tua bang dinmun thute na kantan thei hiam? Tua bang thute panin bang thu na nuntakpih hiam? Na tuah thute tungtawnin midang khat in bang thute a nuntakpih thei ding hiam?

 

 

TUESDAY                                 June 6

I Vawh Khaici A Gah Atkik

 

Sapi tawh kisai genkholhna thute-ah biakna le upna thu-ah thuak zawh hatna kitangsam ahihlam hong hilh hi; van zuak van lei-na, sum le paai hamsatna, balwsiatna, le sihna thuak dongin thukhenna a thuak ding uh hi. Tuate kawmkalah a lamdang thu khat in tua genkholhna sungah thapiakna hanthotna thute zong kihel hi. Hamsat hun sung nangawnin Pasian in Ama thukham a nuntakpih mite le Jesuh bangin upna nei mite kemin cingin amaute kitangsapnate a pia a huh hi (Mang.14:12). Thukham sawmte lak panin a (4)na thukham piansak ni (7) ni Sababth ni a siangthosak uh hi.A kigen khol sapi ciaptehna thu (Mang. 13) in Satan in Pasian a langpanna-ah a sia penpen ahih theihzah sit lo-in Pasian a langpanna hi ding hi. Amasa-in khemna tawh hong pankhia hi.

Mang. 13 in Satan in leitung ukna neite tungtawnin sapi ciaptehna hong zang ding a, tua sapi bia dingin thu neihna tawh leitung mite hong sawl ding hi. Upna hanga bawlsiatna in thu thak hi lo hi. Cain le Abel a kipan a omkhinsa hi. Abel in Pasian sawl bangin bia ahih manin thahna a thuak hi (Pian. 4:1–8). Jesuh genkholhb bangin kum zalom sungin thu-um miten bawlsiatna lianpi thuak uh hi. A khang a khangin tua bangin Khrih tungah a citak mite tungah bawlsiatna hong kizom toto hi.‘Mihing Tapa hong pai ding hun hong nai ta hi, ci-in hong vauhilhkhol khin hi. “Note hong bawlsia mite in Pasian na a sem mahin kingaih sunsunlai uh hi.” (John 16:2; Matt. 10:22, 1 Pet. 4:12). Genkholhna-ah sapi ciaptehna tawh kisai-in hun nunung ciangin Pasian zia le tong tawh kituak lo zia le tong tawh kizopna nei hi.A beisa-in upna hangin bawlsiatna a om ngei mah bangin mailam hunah zong zawhthawh thu tawh upna le tua sapi bia dingin thupiak hong tung ding hi;Pasian biakna langpanna lian semsem ding hi.

Mang. 13:15–17 sim in.Leitung hun bei ciangin Pasian mite thuak ding bang kipukaak hiam?

 ___________________________________________________________

 

Genkholhna-ah upna hangin bawlsiatna le sum le paai hamsatna lianpi hong tung ding hi; “Sapi ciaptehna a nei lo mi peuhmah in van zuak thei lo ding van lei thei lo ding hi.” Hih bang hun hong tun ciangin mi tampi in upna nusia ding uh hi. Sapi ciaptehna a nial teitei mite in bawlsiatna kipan thahna a thuak ding uh hi. Pasian thu zui mi tampi in Satan khemna sung a tung ding uh hi; tua dingin Satan in lampi sialkhol khol hi. A nung bel sittelna hong tun ciangin mi tampi in Sapi ciaptehna a pom ding uh hi. Pasian hong itna bek in hong tung ding hamsa hun sung hong nawktanpih zo ding hi.

Galatians 6:7–9 sim in. Hong tung ding thu piang dingte a kigelhkholh hangin koi bangin sapi ciaptehna thu le upna-ah cihtak ding hong hilh hiam?

 

 

WEDNESDAY                     June 7

Tuuno Paipai-Na A Zuite

 

Mang. 13:1, 2. Sapi in koi panin hong khang khia hi ding hiam? Kua in ama tungah thu neihna pia hi ding hiam?

_____________________________________________________________ ___________________________________________________________

 

Mang. 13 sunga “Amasa sapi” in “Gulp” tung panin ukna, thuneihna ngah hi, ci-in kimu hi. Mang. 12:9 le Mang. 20:2 in Gulpi in Satan hi, ci-in hong hilh hi. Satan in leitung ukna nei mite tungtawnin nasemin nalamdang tuamtuam bawl hi, ci-in hong hilh hi. Mang.12:3–5 hong hilhna-ah, hih “Gulpi”- Dawimangpa in “Naupang tapa” a suah phet a kipan susia dingin hanciam hi. Hih “Tapa” in Pasian le Ama tokhom a luah dingin ukna a nei hi. Hih in Khrih limgcing hi. Satan in Khrih zia-etin susia dingin hanciam mahmah a, Satan in Herod le Rome ukna neite tungtawnin nasem hi. Jesuh in sihna a hong thuak ciangin Roman ukpa, Pilate, in sihna thuak dingin Khrih a mawhsak hi. Roman galkapte in singlamteh tungah Khrih a khai lum uh hi. Roman galkapte in teipi tawh dawt uha, Jesuh a sih ciangin a kivui-na hanah Roman galkapte in a cing uh hi.

Mang. 13:2 gen bangin gulpi in Satan hi-in, dawibia Rome tungtawnin nasemin, kumpite tungtawnin sapi in ukna a nei hi. “Gulpi in Satan limcing ahihna tungtawnin Roman Empire zong limcing veve hi.. Roman Empire ukna susia-in “Gulpi in” ukna, thuneihnate’ papal Rome panin a ngah thei hi.” The SDA Bible Commentary, vol. 7, p. 817. Historian A. C. Flick explains that “out of the ruins of political Rome, arose the great moral Empire in the ‘giant form’ of the Roman Church.”—A. C. Flick, The Rise of the Medieval Church (1900) p. 150 in The SDA Bible Commentary, vol. 7, page 817.

Mang. 13:3 le Mang. 14:4. A kibang lo bang thu pulaak hiam?

_____________________________________________________________ ___________________________________________________________

 

Sapi nungzuihna tawh kibang lo lampi in “Tuuno nung zuihna lampi hi. Sapi a zui lote I n tua Tuuno a zui uh hi. A beisa hun a bang mahin lampi khat bek i teel ding om hi; Tuuno ahih keileh Sapi khat zawzaw hi ding a, a lailak cih bang om lo ding hi;Jesuh maw Satan khat zaw i tel ding kisam hi. Tu-in zong a kai-ngawi lampi a om loh bangin mailam hunah zong om tuan lo ding hi. Jesuh teel lo-in Amah i zuih kei nak leh Sapi a zui i suakpah ding hi. ‘Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi” (Matt. 10:22). Koi bangin a tawp dongin na citak thei ding hiam?

 

 

THURSDAY                                   June 8

Jesuh: Amah Bek Eite Palaai

 

Mang. 13:4, 5.Sapi ciaptehna a pulaak thu in bang vangliatna nei ding hiam?

____________________________________________________________ ___________________________________________________________

 

Mangmuhna sunga sapi in thuman panin lampial pawlpi hi; hih pawlpi in pagan Rome panin a hong khangkhia pawlpi hi. Hih pawlpi vangliatna hong hat semsemin leitung mun khempeuhah hong kizel hi. Mang.13:5 siksanin pulaak lehang, hih pawlpi in Pasian zahpihin gensia hi. Thukhun Thak sungah Pasian mindai-sakna in Pasian simmawhna, langpanna mah hi, ci-in hong hilh hi. Luke 5:18–26 le John 10:33 sim in. Pasian min daisakna thu nih in bang hi ding hiam?

____________________________________________________________ __________________________________________________________________________________________________________________________________________________________

Biakna makaite in Jesuh in Pasian min daisak hi, ci-in ngawh uh hi. Tua bangin a pulaak uh hangin Jesuh in Pasian min daisak peuh mah lo hi;amaute mawhsakna in thuman hi lo hi. Bang hang hiam cihleh Jesuh in vangliatna khempeuh nei a, Pasian hihna khempeuh Ama sungah kicing khin hi. Amah mah in Pasian hi;Amah in mawhna a maisak hi. Jesuh in hih bangin pulaak nuam hileh zong pulaak theihna nei hi: ‘Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam? (John 14:9).

 1Tim. 2:5 in hong hilh bangin mihing le Pasian kikaalah mihingte Palaai khat bek om ahihna hong hilh hi. Tua in Jesuh Khrih ahi hi. Hih thu tawh kituak loin Roman Pawlpi in mihing le Pasian kikaalah Palaai dingin siampite koih uh hi. Ahi zongin siampite zong mawhnei mihing mah ahih manun amahmah in zong Pasian tawh kikalah palaai khat kisam gige den hi.Pasian min daisak i cih in Pasian tawh dinmun kikim hi, cihna pulaak hi;Pasian munah va om cihna hi. Pawlpi thu neihna tawh kisai-in Roman Pawlpi in thuneih tungah kinga uh hi. “Pope in a lian mahmah dikna nei hi. Amah pen mihing khat bang lel hi lo hi. Pope in leitung Pasian hi, ci uh hi.” Lucius Ferraris, “Papa,” article 2 in his Prompta Bibliotheca (1763), vol. 6, pp. 25–29. Pope Leo XIII in hih bangin kiphatsakna kampau hi: “Kote (popes) in leitungah Pasian Vangliatna a neite ka hi uh hi.”The Great Encyclical Letters of Pope Leo XIII (New York: Benziger, 1903), p. 193. Hih thute in Khrih langpanna (anti) thu vive hi. A taktakin Pasian a langpanna uh sangin “Pasian dinmunah kikoih uh hi.” Tua hi-in anti-Khrih a khiatna in “Khrih munah om” cihna hi. Hih in Khrih min daisakna hi.

 

FRIDAY                                June 9

Ngaihsutbeh Ding: “Vantung panin “hih Kido-na Lianpi hong kipan hi; Satan ngimna in Pasian thukham nilkhiat ding ahi hi.” Hih in Piangsak Pa langpanna hi. Vantung panin hawlkhiat thuakin leitungah hong zom toto hi. Thukham langdo i cih ciangin Thukham khempeuh a beisak hipah sam lo hi; thukham khat ahih keileh kammal khat suksiatna zong Thukham khempeuh langdo-na suakpah hi. . .. Satan ngimna bulpi in a tawpna-ah Thukham Sawm bei ding ahi hi. Tua bangin Satan in Lai Siagntho tawh kituak lo upna tuamtuamte pawl sungah hong thun zel a, mi tampi in tua thute a pompahpah uh hi. Thuman le thuman lo kido-na nunung bel in Pasian thukham tawh kisai langpanna mah hi. Tu-in zong hih kido-na sungah a nungta ihi hi. Jehovah thukham le mihingte bawltawm thukham, Lai Siangtho siksan a upna le phuahtawm thute le ngeinate kikal a kido tawntung hi.” Ellen G. White, The Great Controversy, p. 582.

Mangmuhna bu buppi in biakpiakna le piansakna thu in a kikhen thei lo kizopna nei ahihna hong hilh hi. Sia le pha kido-na, sapi ciaptehna thu bulpi in zong piansak thu le biakpiakna tungah kingah hi; Pasian in biakthamcing ahihna Satan in langpang tawntung hi. I pulaaksa om bangin Khrih in Piangsak pa ahihna tak a pulaak Sabbath ni-a Pasian biakpiakna mah Satan do lian bel hi. Sabbath thupitna a pulaakna-ah Sabbath tungah thu nei Topa in Jesuh mah ahihna kimu thei hi. (Matt. 12:8, Mark 2:28, Luke 6:5).

Sabbath in tawntungin kimang ding, tawntunga i ngah ding Pasian tanu tapa i hihna thu hong phawksak hi. Sabbath in mihing ihihna hong phawksa hi. Sabbath in Pasian piansaksa mihing ihihna hong phawksak tawntung hi. Eite hong Piangsak Pa in biaktak cing hi, cih hong phawksak hi. Tua hi-in Sabbath in hong Piangsak Pa tungah cihtakna hong kaal hi. Hih thu hangin Satan in Sabbath mudah mahmahin suksiatsawmpha mahmah hi. Sabbath in mihing le Piangsak Pa kizopna kham khau bang ahi hi. Tua hangin leitung bei ciangin Sabbath in thupi semsem ding hi.

 

KIKUP DING DOTNATE

 

1. Bang thute siksanin sapi in thu neihna ngah ahi hiam? Bangci bangin tua thute in i ngaihsutna huzaapin i phawk loh kalin hong susia hiam?

2. Koi bangin Satan in bangmah thei lo mite le thu thei mite tungah nasemin thehihna a nei mite in tua bang khemnate pelh thei hiam? Koi bangin hih bang ngaihsutnate na dawngkik thei ding hiam?