LESSON 10 | MAY 27-JUNE 2 A NUNUNG BEL SATAN HONG KHEMNATE

LESSON 10    MAY 27-JUNE 2

A NUNUNG BEL SATAN HONG KHEMNATE

 

Sabbath Nitak

Tu Kaal Sung Sim Ding: Mang.12:9; Mang.16:13, 14; 1 Thess. 4:16, 17; Ezek. 8:16; Ezek. 20:1–20;Mang.18:4, 5.

KAMNGAH: “Nangma thuman hilhna tawh amaute a siangtho nangma zat dingin na bawl in” (John 17:17).

 

Chicago khuapi sungah September kha zingsang khatin a piang ngeilo thupiang khat hangin khua sung khempeuh in buai-na thuak hi. Michigan Buai tungah ni hong tangin Kennedy le Eisenhower kim lampi in mawtaw tawh kidimin om hi. Naupangte in sangkah dingin pai ngeingai uh a, zingsang khua vot mahmahin om a, Chicago khua sung mite in tha khat thu-in lau-na tawh kidim uh hi. Mi tampi in cina-in om uh hi. Kim khat in Tylenol zatang a nek khit uh a sawt lo-in sihna thuak uh hi. Hih thu bang hang hi ding hiam ci-in hong kantel uh a, a lauhuai mahmah guu khat thuak kha uh ahihlam kimu thei hi. Mi tampi in zatui zaha tawh kibawl uh a, mi tampi mah in a nutnakna beilawh uh hi. Tu ni dongin kua bawl a hih bangin sihna thuak uh hi ding hiam, cih kithei nai lo hi.

I pulaaksa om bangin Mangmuhna bu in “Leitungah hong tung ding lauhuai-na hong vauhilhkhol hi. Leitung mite in “Babylon lenggahzu kham ding uh hi” cih thu hong hilhkholhna kimu thei hi. Upna le thuhilhna man lo thute in a tawpna-ah sihna hong tunpih ding ahihna kimu thei hi. Ahi zongin leitung in tua bang sihna tawh kipelh theih nading lampi hong kipia lo hi lo hi. Tua bang lauhuai-na panin kidal nading, a lauhuai tawntung sihna hong tun thei guu panin hong dal ding thu in: vantungmi thumte thupuak hi.

Tu kaal sung i thu sin ding thu in Babylon hong khemna pan suahtak nading thu bek tham lo-in, Jesuh hong geelsak tawntung nunna thute i kikum ding hi.

 

 

SUNDAY                             May 28

Mihingte Mai-Ah A Man Lampi

 

Leitung bei ciangin thupiang dingte siksanin Jesuh in a lian mahmah hilhkholhna thu hong pia hi: “Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi” (Mark 13:22). Kua in a teelsa mite hi ding hiam? A nung ciangin Jesuh genna-ah, “ ‘Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi” (Matt. 24:31). Lauhuai thu hi lo hiam? Leitung bei ciangin a lian mahmah khemna hong tung ding a, Topan a teelsa mite nangawnin in khemna a thuak ding uh hi. Tua zuau thu in bangzahin lauhuai ding hiam? Mang. 12:9 sim in. Kua in Satan khemna thuak hiam? Koi bangin tua thute tel thei ding i hiam?

______________________________________________________________ ___________________________________________________________

A khang a khangin Topa in Ama tungah a citak mi tawmno a neih bangin leitung bei ciangin zong Topa in mi citak a nei ding hi, cih thu kimu thei hi. Ahi zongin Lai Siangtho hong hilh bangin Satan zuau khemna in leitung mun khempeuhah kizel khinin lauhuai mahmah ahihna thu hong hilh hi. Pau.14:12 sim in. A lian mahmah vauhilhkholhna bang thu kigelh hiam?

_____________________________________________________________ ___________________________________________________________

Mi tampi in amau ngaihsutna zui-in sia le pha khen uh hi. Tua bangin amau ngaihsut bangin kalsuan uh hi. Ahi zongin Lai Siangtho in mihing khempeuh in mi mawh hi; siatna tawh kidim mihing ihi hi, ci-in hong hilh hi (Jer. 17:9, Rom. 3:9–18); tua ahih manin i ngaihsutna siksanin kalsuanna in siatna sung hong tunpih hamtang ding hi, ci-in kimu khol thei hi. Amau ngaihsutna-ah a hoih thu-in ngaihsun uh hi mah talehtua thu in siatna sung a tunpih veve hi; siatna a thuak mi tampi om hi. Bang hang hiam cihleh tau bang mite in amau hoihsak thu bek zui uh hi. Ahi zongin eite in ihih leh Pasian Kammal sungah nungta-in Ama hong gen thute ngai-in Kha Siangtho hong makaihna nuai-ah kalsuanin hi lehang, a man lo thute panin a man thute-ah, siatna sung panin a hoih thute-ah a hong tunpih hi. I ngaihsutnate tungah kingakna in Satan hong khemna sung hong tunpih baih mahmah hi. Amau ngaihsutna siksanin a nungta mite, amau hoihsak khat tung tawh a nungta mite nunzia ngaihsun in. Pasian deihna hi, ci-in ngaihsun kha phial uh hi taleh a tawpna-ah a tuahkhak uh kisiatna panin bang thu na mu thei hiam?

 

 

MONDAY                         May 29

Eden Panin Lo Ding Ci-In Khemna

 

Mang. 16:13, 14 le Mang. 18:2, 23 sim in. Dawi tawh kipawl thu bang kimu thei hiam?

_________________________________________________________ ___________________________________________________________

“Dawi gilote omna” ahih keileh le “dawi-aisiamnate” in dawi tawh kipawl nasepna vive hi. Hun nunung ciangin hih bang nasepnate le sih khit ciangin a phawk thei nuntakna khat om veve hi, cih upna hong hat semsem ding hi (Ellen G. White, The Great Controversy, p. 588). Tuhun ciangin hih bang nasepna tampi kimu mu khin hi. Khristian lakah zong mihing in a si thei lo nunna khat nei hi, cih upna a nei mi tampi om hi. Khristians tampi in sih ciangin tawntung nunna sung a tung ding mite in vantungah patio pah uh hi, ci-in um uh hi. Siatna sung a tung ding mite in ahihleh Hell sungah tung pah uh hi, ci-in sang uh hi. Hih bang thute Pasian thugen mi min thang mahmah tampi in gen uh hi: “ Billy Graham si hi; tu-in amah in vantungah nungta hi; Jesuh angsungah nuamtakin om hi, ci-in gen uh hi. Hih bang thute i zak mun mahamh thu vive hi. Hih bang thute in biakinn sung pulpit panin a gen mi tampi om hi; sihvui-na hun zatnate-ah zong a kiza mun mahmah thute hi. Thuhilhsias 9:5; Job 19:25–27; 1 Thessalonians 4:16, 17; le Mang. 14:13 sim in. Pasian in A mite tungah kitel takin bang thu hong hilh hiam? Sih khit nungah thawhkikna a om lo ding hileh koi lai panin lametna mu thei ding i hiam?

___________________________________________________________ _________________________________________________________

Babylon thu hilhna man lote khat in sihna thu tawh kisai theihkhialhna hi. Mihing in pumpi a sih hangin a si thei lo nunna khat nei hi, cih thu upna in mi tampi tungah huzaap lianpi nei hi. A si khin mite khat tawh kizopna a nei thei lai hi lehang, Satan hong khemna hi a, hih bang khemna panin bang in hong dal thei ding hiam? Na innkuanpihte khat in hong nusia-in hong nusia khinsate tawh kibang khat in hong hopih hileh, khemna a tuak hi lo na hi hiam?A beisa hunin hih bang kikhemnate om khin a, tu-in zong a om hi bek tham lo-in mailam hunah zong tampi hong om lai ding ahihna thu theitel in. Hih bang lauhuai thute sung i tun loh nadingin bang in hong dal thei ding hiam? Jesuh hong pai mateng misite in khuaphawkna nei lo ding uh ahihna le Jesuh hong kamciamte muanna in tua bang siatnate panin hong dal thei hi lo hiam? Na kim na paamah ahi zongin na ngei-nate-ah ahi zongin dawi tawh kipawl nasepna bangte om hiam? Tua bang thute panin i kidal nading khat bek om a, bang hangin Pasian Kammal Lai Siangtho hong hilh thu bek mah lenkip ding kisam hiam?

 

TUESDAY                     May 30

Babylon: Ni Biakna Bulpi

 

Egypt, Assyria, Persia, le Babylon miten ni lim biak mahmahuh hi. Ama laigelh “Worship of Nature,” cihna sungah James G. Frazer in hih bangin pulaakna nei hi: “Nidang Babylonia in ni bia hi; tawntung pek panin ni biakna hong kipan hi.” Volume 1, p. 529. Hun khat ciangin Babylonte biakna in Thukhun Lui-a Pasian mite tungah huzaap lianpi nei hi.Ezekiel 8:16 le 2 Kum.23:5, 11 sim in. Kamsangte in Israel le Judah sungah ni biakna huzaap thu pulaak uh hiam?( Rom. 1:25).

__________________________________________________________ ___________________________________________________________

Kamsangpa Ezekiel madeuhin kamsang Daniel in zong Pasian mite tuahkhak ngei thute a pulaakna-ah Pasian kibiakna innpite sungah ni biakna hong tunna thu kipulaak hi. Piangsak Pa biak ding sangin ni ahih keileh piansak nate bia uh hi. Mang. 17 sungah John in Babylon nuntakpih thu guipite a pulaakna kimu thei hi. Tua thute lakah ni biakna zong kihel hi. Ni biakna in Khristian pawlpi sugnah zong hong lutin thuman le thuman lo helhzau-na panin tua bang thute hong lut ahihna kimu thei hi. Constantine thupiak in kum zalom(4) masa lam sung Roman Ukna huam sungah nuamna lianpi tung hi. Constantine in ni bia kumpi khat hi. Leitung tangthu kansiam mi minthang Edward Gibbon in hih bangin gelh hi: “Ni pen biak taak cing hi. Bang hang hiam cihleh Ni in Constantine kumpi pa cingin kemin siatna lauhuai-na panin a dal hi, ci hi.”The History of the Decline and Fall of the Roman Empire, chapter 20. A.D. 321 hong tun ciangin Constantine in a gam sungah thupiak khat nei hi; hih thupiak in amasa bel “Sunday law” hi, ci-in kiciamteh hi. Hih thupiak in “Ni biak ni ci-in thupi takin bawl hi. Gam uk makaite le mipite in nasep khempeuh khawl phot uh a, Sunday ni-in biakpiakna, Ni biakna nei uh hi.” Edict of Constantine, A.D. 321. Hih thupiak in Sunday ni siangthosak ding thupiak hi nai lo hi; ahi zongin Roman gam sung mi khempeuhin Sunday ni thupisakna lungsim hong neito semsem uh hi. Kum sawm lompi honpi khat khit ciangin gam ukte (emperors) le popes kipawlin gam mi khempeuh in Sunday ni-in biakpiakna nei dingin thupia uh hi. Tuni dongin Khristian tampi in Sunday ni nasepna pan tawlnga-in siangthosak hi. Mi tampi in a up hangin a man lo thu khat in thuman hong suak thei lo hi. Na kim na paamah Sunday siangthosakin Sunday ni-in biakpiakna nei Khristian tampi om hi lo hiam? Hih thu in Satan in mi tampi hong khem zo ahihna kimu hilo hiam? Hih thu tawh kibang mahin mi khat a sih ciangin a si thei lo nunna khat om lai hi, ci-in upna in zong Satan hong khemna lianpi khat hi. Hih bangin a lauhuai thute panin bang in hong kembit thei ding hiam?

 

 

WEDNESDAY                 May 31

CITAK DINGIN SAPNA

 

Vantungmi nihna thupuak in (Mang.14) “Babylon a ciim zo hi,a ciim zo hi.” Mang. 17 sunga numei in upna man lo Babylon limcing hi; tua numei in puan san khat sihlhin sisan tawh kidim sapi tungah a tuang hi. Amah in a gei-a om mite tungah lenggahzu pia kawikawi-in lenggahzu khamin khialhna tawh kidim numei hi. Biakna le gam thu kigawmin a man lo thu hong puangkhia uh hi. A man lo thu hong kizel khin hi. Dawi mangpa in nalmdang tuamtuam bawlin mhingte hong khem hi. Leitung in a nunung bel thuman le thuman lo kido-na manawhin a kalsuan ahi hi.Tua thu hangin Pasian mite in nawlkhinna, langpanna, bawlsiatna a thuak uh hi; ahi zongin Khrih sungah a nungta mi in Kha Siangtho vangliatna tawh amaute in thuman sungah kiptakin a nungta thei uh hi; amaute in Khrih tungah a kipiakna uh a khahsuah kei uh hi. Amaute in Khrih tungah a citakna uh tungtawnin hell vangliatna khempeuh le siatna khempeuh tungah zawhna a ngah uh hi. Amaute in Khrih sungah mun kip nei uh hi; Khrih in amaute bukna le amaute thahatna ahi hi. “Lungkham hun le siatna a tuah uh ciangin Khrih sungah bukna mun bit a ngah uh hi (Late 46:1). Hun nununga a nungta Pasian mite in Ama Kamamal tungah citak dingin Pasian sapna a ngah mite ahi uh hi. Jesuh in hih bangin thugen hi: Nangma Kammal in thuman thutak hi; THuman thutak tawh amaute siangthosak in.”(John 17:17). Pasian kammal in thuman thutak hi. mihingte hoihsak thu le ngaihsutna kihel lo hi. Nitak Sol in khualzin mite a makaih bang mahin Pasian kammal in eite hong makaih hi. Hih munah Dr. Edward T. Hiscox thugen a thupi mahmah khat om hi. Amah pen The Standard Manuel for Baptist Churches manual a gelhkhia pa hi.1893 kumin Tuiphum sia kimkhatte tungah a thugenna khatah “Khristian biakna sungah Sunday sianthosakna hong lutzia a gen ciangin ama thugen a za a ngai mite in lamdangsa mahmah uh hi. Sunday sianthosakna in dawi biakna (paganism) tawh kibang hi, cih thu in bangzahin sia huai hiam? Ni pasian biakna lunggulhna hangin hih bangin papals in Khristian biakna sungah hih dawi biakna tawha kibang upna pawlpi sung hong lutpih hi; Protestant upna thuman thuman kisiatna hong suak hi.”Edward Hiscox, before a New York ministers’ conference, Nov. 13, 1893. Ezekiel 20:1–20 sim in. Ezekiel thupuak bulpi in bang hi ding hiam? Koi bangin Sabbath sianthosakna tawh kizopna nei a, Topa tungah citak dingin hong sam hiam?

__________________________________________________________ ___________________________________________________________

 

Ezekiel 20 in Israel mite in dawi (Egypt pasiante biakna) biakna nusia-a Piangsak pa bia dingin sapna hi. Vantungmi thumte thupuak in zong tua bang mahin Piangsak pa bia dingin hogn sam hi lo hiam?Bang hang hiam cihleh Babylon in kisia zo hi. I theihsa ciat bangmahin Sabbath tawlngakna le Topa tungah citakna in leitung hun bei ciangin a thupi mahmah hong suak ding hi lo hiam? Ezekiel 20:1–20 sunga kigelh thute panin bang thute nuntakpih ding a, bang thute nusia ding i hiam? (1 Kor. 10:11.)

 

 

THURSDAY                             June 1

SAWLMAN NADING HEHPIHNA

 

Sisan tawh kidim sapi tungah a tuang numei in sisan puan silh hi. A kim a paam om mite tungah kham theih zu pia-in aom hi. Leitung in tua lenggahzu tawh kidiahin zuau thu tawh a nungta hi. Babylon khamtheih zu in bang hi ding hiam? Ellen G. White in hih tawh kisai a hong hilhna-ah “ Tua khamtheih zu in bang hi ding hiam? Babylon thuhilhna man lo thute hi. Babylon in leitungah a man lo Sabbath hong phuangkhia-a, Pasian thukham (4)na thupiak nialin ama phuahtawm Sabbath hong bawl hi. Satan in Adam le Eve tungah a pulaak “Note in na si takpi kei ding uh hi,” cih thu hi.” Ellen G. White, Review and Herald, Dec. 6, 1892.Hih bangin upna man lo thu nihte in mi tul zalom tampi hong khem khin hi. Tua thuhangin Pasian in Amite tungah a hunung thuumna pia dingin hong sawl hi. Mang. 18:4, 5 sim in. Upna man lo biakna sunga om mite tungah Pasian in bang thuumna nei hiam?

____________________________________________________________ ___________________________________________________________

I pulaaksa om bangin Pasian mite in biakna le pawlpi tuamtuamte sungah a om mi tampilai hi. Tua bang biakna le upnate in thuman le mihing ngaihsutnate gawm uh hi. Tua bang mite in Pasian thuman theihtelna nei lo uh hi; Lai Siangtho thuman thutak zong theihtelna a nei lo mite hi. Tua bang mite tungah Pasian sapna in “Ka mite aw, hong pai khia un. Amaute mawhna sungah om kei un. Ama thuak ding gimnate thuakpih kei un” (Mang. 18:4). 1 John 3:4 le Romans 14:23 enkak in. Koi bangin Lai Siangtho in mawhna pulaak hiam? Koi bangin hih thu nihte kigawm khawm thei ding hiam?

__________________________________________________________ ___________________________________________________________

Mawhna i cih in Pasian thukham palsatna hi. Pasian thukham i nuntakpih theih nadingin lampi khat bek om hi; tua lampi in a nungta Khrih vangliatna sungah upna tawh nuntakna hi. I tha neem hi; a mawh, a khialbaih, mawhna tawh kidim mihing ihi hi. Upna tawh Khrih i san ciangin Amah in hong hehpihin a beisa hun a i mawhna khempeuh hong maisakin, tuni-in Ama sungah nungtak zawhnadingin tha a hong guan hi. Amah in “hehpihna le sawlman zawhna, Ama sawltak hih zawhna hong guan hi.(Rom. 1:5). Topa Pasian in pawlpi tuamtuamah a omlai Aam mite in upna tawh kalsuana Ama Thukhamte nuntakpihdingin a samkhia den hi. Adventist pawlpi tungah Ama hong thuumna in angsung khualna nialin mihing gamatna phate tawh Ama maipha zonnate nusia-a, Khrih hong hehpihna le Ama sungah upna tawh Ama sawl mang dingin hong deih zaw hi. Tua hileh mawhsakna le mawhna ukna sung panin i suakta thei ding hi. Israel mite in Topa Thukham tungah a citak bangmahun (Thna. 4:6) Ama tungah i cihtakna in Babylon sunga a omlai Topa mite adingin khuavak bang ding a, a lian teci ihi thei ding hi.

 

FRIDAY                      June 2

Ngaihsutbeh Ding: “Mangmuhna bu sungah a lian Babylon sung panin paikhia dingin a tuam vilvel sapna om hi. Leitung hun bei ciangin pawlpi tampi in kipum khat ding uh a, Lai SIangtho thuman langpanna hong lian semsem ding ahihna hong hilh hi… A lian Babylon in papacy, Lai Siangtho panin a lampial Protestant le dawi tawh kipawlna, hih thumte kipum khatin nasepna hi.‘Babylon’cih kammal in tua bangin kipawlna tawh nasepna le tua kipawlnaa makaite hi. A nunung lamah “Tuipi” cih kammal tawh a deihna kibang ahi hi.(Mang.17:1, 15).” The SDA Bible Commentary, vol. 7, pp. 851, 852.

 

“Upna man lo thu nihte – mihing a sih hangin a si lo nunna khat omlai hi, cih upna le Sunday siangthosakna tawh Satan in ama khemna sungah mi tampi a tunpih ding hi. Hun khatlai-in Satan in dawi tawh kipawlin nasepna hong phuankhia khin hi; hun nunung ciangin Rome tawh kikopin na hong sem ding hi.”Ellen G. White, The Great Controversy, p. 588. Thukhun Lui sungah Babylon mite biakna sungah a si khin mite kineihin Saan in na lianpi a sepnate kimu hi. Babylon mite biakna-ah a si khin mite in khuaphawkna neilai uh hi, cih upna nei uh hi. Amau upna-ah mi khat a sih ciangin vantung nopna sunga vatung thei hi, ci-n upna nei uh hi. Amaute upnaah mi khat a sih ciangin khuaphawkna si lo-in pumpi a sihhangin khuaphawkna si thei lo hi, cih upna nei uh hi. Jew mite Encyclopedia sungah tua bang upna man lo thu hong kipatna kipulaak hi. “Pumpi a sih hangin khuaphawk theihna in nungta lai hi,cih upna lenkip uh hi. Hih bang up theih nading Lai Siangtho in hong hilh lo hi. Hih bang upna hong kipatkhiatna in Jew mite le Greek mite kizopna pan hong pai upna hi. Plato in pumpi a sih hangin a si thei lo nunna khat omlai hi, ci-in um hi. Orphic le Eleusinian tungtawnin Babuylon upna le Egypt mite upna kigawmtuahna panin tua bangin a man lo upna hong kizel hi.” Kaufmann Kohler, The Jewish Encyclopedia, “Immortality of the Soul,” (1906).

 

KIKUP DING DOTNATE

 

1. Bang hangin sihna theih ding thupi mahmah hi ding hiam? Bang in upna man lo panin hong dal thei ding hiam? Bang hangin tua thu in lungmuanna hong guan thei hiam?

 

2. Dawimangpa hong khemnate in ihupmawh loh lampi tawh hong khem hi. Koi bangin tua bang hong khemnate pelh thei ding i hiam?

 

3. Sunday ni-a dotna na lawmte tawh kikum in. Pasian hong lamlahna zui mi kici napi-in Dawi khemna a um mite tungah bangci bangin thuman pulaak khia thei ding i hiam? TUa bangin hilhna-ah Pasian thukham in bang panmun nei hiam?