VANKHUANUA-ADING
THUPUAK THUMTE
By: Mark
Finley
Vantungmi thumte thupuakte 1844 October 15 ni-ma nipi kaal khat a cinma deuhin Lungkiatna Lianpi ma-in, Lutheran upna nei innkuan khat panin a khangkhia naupang khat om hi. Hih naupangno min in Friedrich Nietzsche hi; amah in tuhun a mi tampi tungah Pasian om lo hi, cih upna huzaap lianpi nei hi. A nungta Pasian in Nitumna gamte-ah si khin hi, ci-in Nietzsche in Khristian biakna langpan mahmah milian khat hong suak hi. “Gamtat zia le tong hoih a nial mahmah khatin kiciamteh hi.” A thaneemte gamtat hoihna hangin a thahatte suksiat ding panin a kidal thei uh hi. “Na galte na it in” cih thupiak khawng haivai lua hi, ci-in pulaak hi. Nietzsche adingin tuhun in “Hoihna le siatna” cihte sangin kitangsapna lian nei hi, ci hi.Hih bang ngaihsutna nei mi khat in hih bangin pulaak hi (Thus Spake Zarathustra) “Thukham kigelhna suangpek suzan un”(Cihnopna-ah Thukhun Lui susia mang ding a cihna hi).
1844 kum in
Karl Marx adingin a thupi mahmah hun khat hong suak hi. Amah pen communism a
phuankhia pa hi. Ama laigelh “Economic and Philosophic Manuscripts of 1844” in
Soviet Union in 1932 mateng kihawmkhia lo-in kikoihcip hi. Hih laigelh in Marx
ngaihsutna tampi pulaak hi. Ama pulaakna-ah van le nate bulphuhin nuntak
khuasakna panin sumhau mi tampi hong khangkhia-in nektawm zong mite nengniamna
hemkhia-in, a nuam mahmah leitung ki-ukna semkhia ding cih ngaihsun uh hi. 1844
kum in Charles Darwin adingin zong a thupi mahmah kum hong suak hi. Ama laigelh
khat “Essay of 1844,” sungah Darwin in kim le paam nate in amau thuthu-in hong piangkhia
tawm hi, cih thu Piansakna thu a nialna pulaak hi. Mipi sim theih dingin
kihawmkhia-pah nai lo hi. 1859 kum ciangin “Origin of Species” kici laibu khat
gelh khia leuleu-a hih sungah Piangsak Pa om lo hi; na khempeuh in amau thu tek
tawh hong piang hi, ci-in kipulaak hi.
Ahi zongin
1844 kum in Dan 8:14 gen kholhna ni 2300 genkholhna tangtun kum hi, ci-in
kiciamteh hi. Hih kum mah in Lungkiatpi Hun (Great Disappointment) panin a
cianlai thu-um mi kimkhat in leitung mun tuamtuamah kizelh kipatna bulpi khat
hong suak hi. Hih kum sung mahin Marxist, Nietzschean, le Darwinian ngaihsutna
a hong khankhiat hun sung hi. Contra Marx in Seventh-day Adventist thu mainawt
dingin a makai khat hong suak hi. Amah in Kidona Lianpi (Khrih le Satan kidona)
thu hong tangko khia hi. Leitung nate siksan hi lo-in Pasian in Ama ukna hong
kipan ding a, leitung mite nopsakna hun khat hong tung ding hi, ci-in tangko
kawikawi hi. Contra Darwin in Seventhday Adventist in nuntakna in ama thu-in
hong piangkhia hi lo hi; Piangsak Pasian om hi; Amah in nate piangsakin
nuntakna zong a piangsak Pasian hi; Amah in ni guk sungin leitung nate
piangsakin, ni sagih ni-in tawlnga hi, cih thu hong hilh hi. Nietzsche pulaak
thu bang lo-in Seventh-day Adventist in Pasian om bek tham lo-in Amah in
vankhuainuai khempeuh tungah ukna nei hi; Ama thukham bang zui-in nunzia hoih
tawh a nungta dingin hong deih hi, cih thu i pulaak hi.
Thukham
Sawmte in Pasian thukhen siksan hi-in, mihingte adingin Thukham in bei lo hi,
ci-in thuhilh hong kipan hi. 1844 kumin hih bang thute hong piangkhia ngeingai
hi. Kuamah in tua bangin a piang dingin ngaihsunkha ngei lo hi. Marx,
Nietzsche, Darwin cihte in mihingte tungah huzaap lianpi nei uh hi.
Amau ngaihsut
thute in leitung kizel zo hi. Hih bang ngaihsutna man lote in Pasian pulaak
thute tawh kituak lo hi; Pasian in a hong lak thute kuama nial theih ding hi lo
hi. Tua bangin a man lo thute lakah vantung thuman thute hong kilang hi napi,
bang hangin tua bangin Lai Siangtho thuman tawh kituak lo thu hong kizel hi
ding hiam, cih thu in i tel zawh loh thu khat hong suak hi. Tua bangin a man lo
thute lakah Ama thuman a tangko khia dingin Pasian in Seventhday Adventist
Pawlpi hong khangkhia-sak hi. Hih pawlpi in leitung hun nununga Vantungmi
thumte thupuak a tangko hi. Vantungmi thumte thupuak in tuhun leitunga kizel
piansak thute nialin Pasian hong lah thuman thute pulaak hi.Vantungmi thumte
thupuak in Seventh-day Adventist Pawlpi kalsuanna mainawtsak hi.
Hih thupuakte
thu bulpi in hotkhiatna thupuak (gospel), a siangtho, a man thu hi; tua banah
hih thupuak in “tulai thuman” ci-in pawlpi in i tangko hi (2 Pet. 1:12). Tu
quarter sungin vantungmi thumte thupuak i sinto ding hi.
LESSON 1
Mar 25-31
JESUS IN GUALZO - SATAN IN GUALLEL
Sabbath Nitak
Tu Kaal Sung Sim Ding: Mang. 12; Eph. 5:25–27, 32; Phil. 3:9; Dan. 7:25; Isa. 14:12–14;
Mang. 13:14–17.
KAMNGAH: “Tua ciangin tua numei tungah gulpi heh mahmah a, tua numei’
suanlekhak dangte ahi, Pasian’ thupiakna zui-in, Jesuh thu-ah kiptakin a om
mite a sim dingin kuankhia a, tuipi gei-ah dingin a om hi.” (Mang. 12:17).
A LAMDANG MAHMAH THU: A Kimangngilh Ngei Lo Thupiang Khat
Battlefield Upsets in Cormac O’Brien galkapte
tungah a zawhna thu in alamdang tangthu piang khat hi, ci-in kiciamteh hi.
Galkap tampi in do hi mah taleh gal lel suak veve uh hi. Hannibal galkapte in
55,000 val bang in Carthage panin gal hong kuan uh a, Roman galkap honpi galkap
80000 val bang a zo gawp uh hi. Hih a lamdang Alexander the Great galkapte in
Greek galkapte in Persia galkapte a zo mang khin uh hi.
Eite in zong sihna le nunna gal a do tawntung
ihi hi. Tampi pha hi mah taleng i do ding gal tampi om hi. Galte hatna in
mihingte tha tawh zawh theih ding hi lo hi. Lelhna a thuak ding ihi ta hi. Gal
lelhna i tuak kha hamtang ding hi. Zawh ding lametna mual mong et bang hi.
Mihingte muhna-ah Satan in hong zo gawp ding dinmun hi.
Ahi zongin Topa Pasian tungah i lungdam hi.
Eite tampi pha hi mah taleng, I galte tungah zawhna ngah ding lamet om kei
taleh, Jesuh in Satan a zawhna hangin eite in zong galte tungah zawhna i ngah
thei hi. Mangmuhna Bu thu guipi in Jesuh in zo hi; Satan in guallel hi. Hih
kidona a bulpi in Mang 12 sunga kipulaak hi. Tu kaal sung thusinna-ah hih thu i
sinto ding hi.
Tu kaal thusinna in Mang. 14 le vantungmi
thumte pulaak thute theihna hong guan thei ding hi.
SUNDAY March 26
Vantunga Kido-Na
Mang. 12 in leitung thupiang dingte a banbanin
hong hilh khol hi. Sia le pha kido-na akipan vantunga kidona thu zong hong hilh
hi. Hih Kidona in leitung panin bei ding hi. Vantungah Satan langpan a kipan
leitung beidongin Pasian mite tungah langpannate khang khat khit khangah a hong
kilang suksuk thu hi.
Mang. 12:7–9 sim in. Hih sungah vankhuanuai-a
sia le pha kidona thu hong hilh hi. Bangci bangin vantungah tua bangin kidona
piang hi ding hiam? Hih thu in mihingte tungah deihtel theihna hong kipia takpi
ahihna kilang hi lo hiam?
_____________________________________________________________
__________________________________________________________
Vantung ahi-a, leitungah ahi zongin deihtel
theihna in Pasian ukna gam kipna thu bulpi khat hi. Pasian lim le meel suunin
hong kibawl mihingte in gamtat zia le tong a hoih le a hoih lo deihtel theihna
hong kipia hi. Tua bangin deihtel theihna in it theihna tawh tonkhawm hi.
Deihtel theihna a nei lo hi lehang, it theihna zong a kinei lo suak ding hi.
Bang hang hiam cihleh itna in sawlzawh thu tawh kingah hi lo hi; deihtel
theihna in itna nei thei hi bek hi. Vantungmi khat ciat in zong Pasian itna nei
thei uh a, tua itna nial theihna neiin kiphatsakna, kiliatsakna a tel zawk nop
uh leh zong tel thei uh hi. Vantung miten itna a ngah theihna uh in tua itna
tel zaw uh ahih man hi; Mangmuhna Bu in leitung beikuan a siatnate lakah
deihtel theihna thupi mahmah ahihlam hong hilh hi.
Kidona lianpi sungah kai-ngawi cih om lo hi (
Luke 11:23). Leitung beikuana sia le pha kidona-ah zong koi lam tel zaw ding,
khat teitei khensat ding ahi hi. Vantung mite in Jesuh tawh omkhawm zaw ding
maw, Lucifer lamah pangzaw ding ci-in a tel uh hi. Tua dung zui-in mihingte in
zong Khrih maw, Satan zui zaw ding cih i tel ding ahi hi. Leitung bei ciangin
deihtelna bangin sihna maw, nunna khat zaw sangsang i tel ding hi. Tua hun
ciangin “Tel se kei ning” cih om
thei lo ding hi.
Eite in kua tungah citak ding ihi hiam? Kua
bia ding ihi hiam? Kua
thupiak mang zaw ding i hiam?
Hih dotnate nisimin i khensat ding hi-in,
leitung bei ciangin mihing deihtelna in manpha semsem ding hi. I telna
tungtawnin sihna ahih keileh nunna i luah ding hi. Ahi zongin hih thu-ah a
lamdang nuamhuai thu om hi. Mang. 12 in Kidona Lianpi-ah zawhna ngah ahihna thu
kipulaak hi. Eite in zong deihna tungtawnin tua zawhna sungah zawhna i ngah
thei hi. I tel ding mun in thupi hi. Zawhna lampi tel zaw ding maw, lelhna
lampi gel zaw ding cih thu tungah kinga hi. Zawhna ngah Pa i tel zawk ding
kisam hi.
Mihing in deihtelna in Pasian hong piak ahihna
thu ngaihsun in. Jesuh zawhna lamah i om nakleh Singlamteh ah hong tonpih ding
a, ( 2 Tim. 1:9), zawhna a hong pia ding hi. Pasian hong piak deihtelna in bangzahin
manpha-in zat khialhkhak loh ding kisam hi lo hiam?
MONDAY March 27
Satan Langdo-na
A kipat a kipan Satan (Mang. 12:4, 5) in Khrih
do-in zawh ding a hanciam den hi. Tua bangin a hanciamna khempeuh in lelhna
tawh kidim hi. Khrih hong suahin, gentehna-in,vantungmi in Joseph le Mary
tungah vauhilhkhol hi. Tua ciangin Herod ngimna tawh kipelh dingin Egypt gamah
a galtai uh hi. Jesuh in Satan mawhzolna a thuak tawntung hi.
Tua bangin Satan mawhzolna a do-na-ah Jesuh in
“ Lai Siangtho in bang gen hiam? ci-in a dawngkik hi. Tua hi-in Pasian Kammal in
mawhzolna sung kiat loh nading kidalna kulhpi bang hi.Singlamteh tungah sihna a
hong thuakin Jesuh in Ama itna lianpi hong lak hi; mawhna thaman panin a hong
honkhia hi. Sihna pan thokikin tu-in eite Siampi Lian Pa hong suak hi. Amah in
mawhna vangliatna sung panin eite a hong honkhia hi.
Mang. 12:4–6, 9; Ephesians 5:25–27, 32 le Late
2:7–9 sim inla, a nuai-a limcinnate in bang hiatna nei uh hiam?
Gulpi ____________________________________________________
Numei_____________________________________________________
Tapa _______________________________________________
Sik Ciangkhut____________________________________________
Lai Siangtho sungah ciangkhut in ukna,
thuneihna limcing hi. Sik ciangkhut in a kisia ngei lo, na khempeuh tungah
ukna, kuama zawh loh ukna limcing hi. Jesuh tuahkhak zia-etna khempeuh eite
tungah zong hong tung hi. Ahi zongin Jesuh tua zia-etna khempeuh tungah zawhna
a ngah hi. Dawimangpa in guallel khin hi. Khrih in Satan tungah zawhna ngahin,
sihna hong thuak bek tham lo-in sihna zo-in a thokik hi. Bang hang hiam cihleh
Jesuh in singlamteh tungah Dawimangpa a zo khin hi. EIte in zong Ama zawhna
sungah zawhna I ngah thei hi. Satan tungah Khrih zawhna in kicing khin hi. Ahi
zongin Khrih le Satan kikal kidona in bei nai lo hi.Bang bang hi taleh eite
adingin Khrih sepna khempeuh upna tawh i pom hi. I mawhna khempeuh hong
kimaisak khin hi.
Eite in Pa Pasian mai-ah kicingtakna tawh i om
thei hi. Khrih dikna in eite hong tuam ciangin eite in Pa Pasian mai-ah kicinna
tawh i om thei hi. Paul hong hilh bangin “ Eima dika hi lo-in Khrih dikna
sungah i om ciangin, thukham zuihna tawh hi lo, Khrih sungah upna tawh i nuntak
ciangin Pasian kiang pan dikna upna tawh i ngah thei hi (Phil. 3:9).
Mawhmaisakna ngah khin ihih leh I tungah
mawhsak nading bangmah a om nawn kei hi. Jesuh in mawhna le siatna tungah a zo
Pa hi. A mawh penpen mi in Jesuh sungah mawhmai-na a ngah thei hi. Amah in
siatna tungah zawhna a ngah hi. Jesuh tawh Jesuh i pom tak ciangin Ama zawhna
in eite zawhna hong suak hi.
Khrih in Satan tungah zawhna hangin bang hangin hotkhiatna thu-ah
khamuanna thupi hi ding hiam? Koi bangin hih thu Paul in Philippians 3:9 sunga
a pulaak eite nuntakpih ding thu suak thei hiam?
TUESDAY March 28
Jesuh Zawhna Sang
Lai Siangtho hong hilh bang mahin Jesuh in
Satan nuai-ah lel ngei lo hi. Amah in Vanglian Gualzo pa hi. Zawhna ngah Pa in
khuamial vangliatna tungah zawhna ngah hi. Jesuh in Satan mawhzolna tungah
zawhna ngah hi, ci-in tangsanna le Khrih zawhna in eite zawhna hi, cih thu in
kibang lo hi.
Mang.12:10 sim in. Hong mawhsak pa in
nuai-sehna thuak ta hi, cih thu in bang tha hong guan hiam?
________________________________________________________
___________________________________________________________
Leitung mun khempeuh tuamin kido-na-ah Satan
in gallel khin hi. Khrih in Satan tungah zawhna ngah khin hi. Khrih in
singlamteh tungah a hong sihna tawh Satan kisiat ding ama ukna beimang ding
ahihna kipsak khin hi bek tham lo-in, nisim nuntak khuasakna-ah eiten zong
khuamial ukna neite tungah zawhna i ngah thei hi. Kristian mi kim khat in
gallelhna tawh nungta ta lai uh hi. Amaute in lungsim ngaihsutna hoih lo khat,
gamtat zia le tong hoih lo khat tungah zawhna ngah dingin lametna nei uh hi.
Ahi zongin Satan tungah zawhna ngah Jesuh zawhna sungah nuntak kalsuan ding a
ngaihsun kha kei uh hi.
Mang. 12:11 sim in. Hih in Khrih sungah bang
khamuanna hong kipia hi, cih pulaak hiam?
___________________________________________________________
Mangmuhna Bu sungah pawlpi sagihte tungah
laikhak sagih kimu thei hi. Tua laikhakte sungah “Amah in gualzo pa” cih kammal
kipulaak i mu thei hi. Mang.12:11 sungah zawhna thu tawh kisai kipulaak kikik
hi. “Zawhna ngah Pa” cih kammal in Greek tawh kigelhna-ah “nikao” ci-in kigelh
hi. Hih kammal a khiatna in “Galdo-na pan zawhna” “ zawhna tang” “lawhcing”
ahih keileh “zawhna ngah mi” cihna hi. Koi bangin zawhna ngah thei ihi hiam cih
thu phawk huai hi.Mang. 12:11 in tua bangin zawhna in “Tuuno sisan tawh zawhna i
ngah hi” ci-in pulaak hi.Mang. 5:6 in a mailam hunah a tung ding thu pulaakkhol
hi.
John in vantunglam ento-in amuh thute
apulaakna-ah “Thahna thuak Tuuno khat amuhna thu a pulaak hi.”Vantung khempeuh
in Khrih hong sihna thu mitsuan uh hi. Mong nei lo itna a pulaak khia ding
banmgah om lo hi. Singlamteh tunga Khrih hong sihna simloh Pasian hong itna a
pulaak khia dingin lampi dang om nawn lo hi. Khrih in a nuntakna a hong piak
eite in upna tawh i pom tak ciangin i leiba hong kimaisakin Pasian mai-ah
kicinna tawh i om thei hi. I mawhnate hong kimaisak hi (Kol. 1:14, Eph. 1:7,
Kol. 2:14), “Hong mawhsak tawntung pa in nuaisiahna a thuak hi” (Mang. 12:10).
Eite in hotkhiatna ngah mi ihi hi; zawhna ngah
mi ihi hi; tatkhiatsate ihi hi. Tua bangin i om theihna in eite hoihna hang hi peuhmah
lo hi; ahi zongin Khrih in eite aitangin Satan tungah zawhna a ngahna hang hi
zaw hi.
WEDNESDAY March 29
Gam Sunga Om Numei
Mang. 12:6 le Mang. 12:14–16 enkak in. Hun
tawh kisai a pulaak thu ciamteh in. Satan in numei do hi; Numei (Pasian
pawlpi), le Pasian in a mite a tonpih tawntungna thu hong hilh hi. Hih Lai
Siangtho munte in bang pulaak uh hiam?
_________________________________________________________
__________________________________________________________
Ni 1,260 genkholhna Mang. 12:6 sungah zong
kipulaak hi. Hun khat hun nih, le hun lang ci-in kipulaak hi. Mang. 12:14
sungah zong kipulaak kik hi. Hih genkholhna in Daniel 7:25; Mang. 11:2,3 le
Mang. 13:5 in zong pulaak hi. Hih genkholhnate in limciinna tawh kipulaak hi (
numei in kha nei-in gamlak lam zuanin a pai hi). Genkholhna-ah ni khat ciangin
kum khat (day-year principle) kizang hi. Gentehna-iin Gam. 14:34 le Ezekiel
4:4–6 sim in). Cihnopna-ah genkholhna ni khat in leitung kum khat tawh kikim
hi, cihna hi.
Mang. 11:2 sunga genkholhna tawh kisai
hilhciannate-ah Andrews University Study Bible sungah, “ni 1260 genkholhna in
kum 1260 cihna hi. Hih hun in A.D. 538 – 1798 ciang huam hi.” (p. 1,673; Mang.
11:2). A kisia pawlpi in kumpi gina lo tawh kikopin hih a gilo kumpi in Pasian
tungah a citak mite nengniamin langpangkhawm uh hi. Hih in Satan gitlohna
kilatkhiatna hi; Satan in Lai Siangtho thuman tungah a citak mite bawlsia hi.
Hih in sia le pha kidona sungah kihel hi. AD 500- 1798 sung pawlpi in
bawlsiatna thuak uh hi. Thu-um mite in bawlsiatna lianpi a thuak uh hi. Tua
bangin bawlsiatna a thuak uh ciangin Pasian tungah citak veve lai ding maw,
ahih keileh Lai Siangtho hilhna taisan ding maw, cih a khensat uh hi. Ahi
zongin thuman thutak in zawhna ngah hi. Tua bangin thu-um mi tampi in Lai
Siangtho taisanin om hi mah taleh Pasian in Ama tungah a citak mi tawmno khat a
nei lai veve hi.
Lai Siangtho in Pasian mite tungah Ama
cihtakna le Pasian kepna thute hong hilh hi. Mang.12:6 in “Pasian in amaute buk
nading mun a bawlkholhsak hi,” ci-in pulaak hi. Mang. 12:14 in numei in tua gam
sungah nungta hi, ci-in pulaak hi. Mang. 12:16 in a pulaakna-ah: “Leitang in
zong tua numei a na kem hi” ci hi. Bawlsiatna a thuak laitakun Pasian in a
pawlpi kemin huu hi. Topa in amaute lauhuai-nate pan a cin a kep bangmahin
leitung bei ciangin A Cianlai (A beibang) Ama mite zong a hong kem ding hi.
Na tuahkhak hamsatnate le gimnate hangin
lungkia lamet bei-in na om hun ciangin Topa Pasian in nangma bukna mun muanhuai
le tha hong guan hi lo hiam? Koi bangin Pasian in na kitangsap penpen hunin hong
huh hong panpih hiam?
THURSDAY March 30
Hun Nununga A Cianlai Pasian Mite
Dawimangpa in vantunga kidona a patkhiat a
kipan Khrih do tawntung hi (Mang. 12:7). Tua hi-in Satan ngimna in tua hun a
kipan tu ciang dongin vankhuanuai khempeuh ama khut sung om ding ngimna nei-in
Khrih a do tawntung hi ( Isa. 14:12–14). Satan mungtup bulpi in leitung hun
beikuan ciangin Pasian mite susia dingin hong do den hi. Mang. 12:17 in
limtakin a hong hilh thu in Gulpi (Satan) in numei (Pawlpi) tungah heh mahmah
ahih manin numei suan a omlaite do dingin akuan khia hi. Hih thu in thu le
numei suan le khak khempeuh pen KJV in “Topa Pasian tungah a cianlai citak
teng” ci hi. Pasian tungah a citak a cianlaite in Khrih a zuihna uah taisan lo
hi; amaute in thuman sungah a nungta uh hi; hotkhiatna nasepna-ah citak uh hi.
Mang. 12:17 sim in. Pasian tungah a cianlai
mite, hun nunung a Topa pawlpi nunung pen thu bang hong hilh hiam?
_________________________________________________________
__________________________________________________________
Mang. 12:17 sungah Satan (gulpi) in Pasian
pawlpi tungah heh mahmah hi, ci-in kigelh hi. Gulpi in Pasian thukham a
nuntakpih mite tungah heh mahmahin thangpai mahmah hi. Tua hi-in Satan in
amaute suksiat ding bek a ngaihsun hi. A tawpna-ah amaute in van lei van zuak
thei lo dingin thukhun pia dingin ukna neite a sawl ding hi; kim khat in thahna
thuak ding uh a, kim khat in thongkiatna a thuak ding uh hi (Mang. 13:14–17).
Satan in Khrih susia zo lo ahih manin Khrih nungzuite suksiat ding bek a sawmta
hi.
Khrih in a it penpen a pawlpi Satan in susia
ding bekin nasem hi. Leitunga kido-na a nunung bel in Middle East le gam
tuamtuam kido-nate hi lo ding hi. A nunung bel kido-na in leitung mun khempeuha
kithehthang Pasian mite tungah bawlsiatna hi ding hi. Tua kido-na in Khrih le
Satan kido-na hi ding hi. Hih kido-na-ah a laihawl dinmun om thei lo hi.
Hih kido-na tawh kisai-in dotna thu bulpi khat
in “kua tungah eite citak i hiam? Koi-ah na cihtakna kinga ding hiam?
Vantung in Khrih hong itna tawh thu-um mi
khempeuh hong sam hi; Ama hehpihna tawh eite hong tankhia khin hi; Ama
ngimna-ah a ki-ap ding ihi hi; Kha Siangtho vangliatna a hong guan hi. Tua
hi-in Ama thupiak bangin i nungta thei hi. Amaute in Topa adingin a nuntakna uh
a itsik kei uh hi. Hih leitung in siatna lianpi thuak ding hi ta hi. Ahizongin
Jesuh sungah Ama vangliatna tungtawnin Ama hong sihna hangin eite in leitung
zawhna ngah dingin a hong kikamciam zo hi. Eite in Ama tawh i kizop laiteng
upna tawh i nuntak laisiah tua upna in Ama deihna bangin a hong nungta sak thei
hi. Na khempeuh in eite deihtelna tungah kinga hi.
Mang. 12:17 pulaak thute koi bangin na nuntakna-ah kimu thei hiam?
Cihnopna-ah nangmahin koi bangin Kido-na Lianpi sungah na kihelkha hiam?
FRIDAY March 31
Ngaihsutbeh Ding: Lam khat panin Pasian in Kido-na Lianpi -ah Satan suksiat ding
simloh thudang nei lo hi. Mihing khempeuh in Topa a it thei dingin bawl nuam
hileh bawl thei lua hi; midangte zong itsak nuam peuhleh bawlthei lua hi; tua
bangin a tangtun nadingin Pasian in mihing a hong bawlin deihtel theihna a nei
thei dingin a hong piangsak hi. Mihing in deihtel theihna nei lo hileh itna
zong a nei thei kei ding hi. Itna om keileh vankhuanuai khempeuh bang dinmun a tung
ding hiam? Mi kimkhatte pulaak bangin na khempeuh in khiatna nei lo-in kimanna
a nei kei ding hi. Piansak nate in amau pianzia zui-in (cause and effect) a om
uh hi; piansak nate in deihtel theihna nei lo uh hi. Khua phawk theihna,
thutheihna, sia le pha theihna bangmah nei lo uh hi. Nate in Pasian koih bangbangin
om uh hi. Piansak nate in hoihna tawh kidim hi mah taleh tua hoih nate in
Pasian piansak bangbangin nungta uh hi; piansak nate in deihtel theihna nei lo
hi; khua phawk theihna bangmah nei lo uh hi. Mihing in ihihleh sia le pha i
khentel thei hi; tate in a pianna uh nu le pate tungah itna nei-in nu le pa in zong
a tate tungah itna i nei hi.
Ahi zongin tua bang hi lo-in ngaihsutna nei lo
atom lompi kigawmkhawm hi lehang nuntakna in khiatna nei lo ding hi lo hiam? “Pasian
ukna gam le na khempeuh in itna tungah kinga hi. Mihingte lungdamna nopsakna in
Pasian dikna tungah kingakna in mihingte tungah lungdamna le nopna a hong tun
hi. Pasian in mihingte tunga panin itna nei-in nuntak khuasakna hong deih hi.
Angsung khualna hemkhia-in Topa zia le tong deihna in nopna hong guan hi. Amah
in thazawhna tawh Ama thu mang dingin hong sawl lo hi; Amah in mihing khempeuh
tungah deihtel theihna hong guan hi; Amah in lungsim suakta takin Ama sawl mang
dingin hong deih hi.
“Piansak mihing khempeuh in itna tungah citak
dingin hong lamen hi; mihing in itna sungah a kalsuan laiteng vankhuanuai
khempeuh in kilem kituak takin a om thei hi. Vantungmi khempeuh in amaute a
Piangsak pa mungtupna tangtungsak ding amaute nopsakna lian bel hi. Amaute in
Topa vangliatna a kilangsakin Ama min a phatna vuah lungdam mahmah uh hi. Topa
i itna in nadangte sangin it zaw uh hi; angsung khualna nei lo-in khat le khat
ki-itna sungah a khamuang thei uh hi. Tua bangin kalsuanna-ah na khempeuh in
kituak kilem takin nuamsa uh hi.” Ellen G. White, Patriarchs and Prophets, pp.
34, 35.
KIKUP DING DOTNATE:
1.
Bang
hangin Mang. 12 in vantungmi thumte thupuak thu mahialna-ah leitung hun bei
ciangin Sia le pha kido-na siksanin kipulaak hi ding hiam?
2. Koi bangin Mang.12 in nisim na tuahkhak
zia-etnate le gimnate om mahta leh hong khamuangsak hiam?
3. Mi kimkhat in gamtat zia le tong a tam zawte
kim le paam ahi zongin nu le pate tung pan i suahsuk hi, ci-in ngaihsun uh hi.
Na thukim hiam? Ahih keileh na thukim kei hiam? Gamtat zia le tong tawh
kisai-in deihtel theihna in bang dinmun nei hiam? Deihtel theihna le Pasian
vangliatna in i zia le tongah bang dinmun nei uh hiam, cih thu na lawmte tawh
kikum in.
