JUNE
3 | Guih Theih Kham Theih Sungah Thang Awk
Portugal
Gabriel
Gabriel in zu tawh a kidiah mi khat hi. Zu kham den mai-in a zi Luisa zong lunggim mahmah hi. A zi in a pasal adingin thungen tawntung den hi. Ahi zongin a pasal in amah le amah kidalin a tapa Jorge in zu le za tawh a kidiah khak ding patau den hi. Tua bangin thu lamdang tuamtuam hong tun ciangin Portugal gam sung Madeira khuapi-ah nasep kipatna nei thei uh hi. Hih mun pen tuikulh khat hi-in, vanleng tawh nai khat le a lang bang kileng hi.
Jorge in kum 4 cingkhinin mucu sangkah
nuam hi. Ahi zongin ni 10 val khit ciangin a mucu sangkah nuam nawn lo hi. “WAHHHH”
ci-in pulaak khia-in Jorge in thuumin tau hi.
Luisa bang sem ding cih bangmah thei
lo hi. Gabriel in zong bangmah thei tuan lo hi; zu dawn ding bek thei hi. Ni tawm
khit ciangin a innkuanun Funchal khuapi zuanin khualzin uh hi. Hih khuapi in
Madeira tuikulhah a lian pen khuapi khat hi. Nuntak khuasakna-ah Luisa om sang
hoih mahmah khat mu hi. Hih sanginn huang sung kimkot sik tawh ki-um hi. Kongkhakpi
zong sik mah tawh kibawl khat hi. “En
dih” ci-in Luisa in Gabriel tungah pulaak hi. Jorge zong hih sangah vakah thei
ding hiam? ci-in dong hi. A thumun sanghuang sungteng vel kawikawi uh hi.
Kongkhak gei-ah hong pai uh hi. Jorge in sangtual a tun ciangin lungdam lua-in
awng gawp kha liang hi. “Hih sangah sangkah nuam ing” ci-in a lungsim a om thu
pulaak khia hi. Tua khit ciangin naupang hon khat sangtual tengah kimawl amu
hi. “Sangdangah kah nuam nawn keng, hih sang bekah kah nuam ing” ci-in a nu
tungah pulaak hi. Jorge in a nu le a pa en a, hih sang bekah sangkah dingin a
nu le a pa tungah kun hi. Tua hi-in Jorge in Seventh-day Adventist sangah
sangkah kipan hi. A sangkah a kipan inn ciahkhia sim nawn lo hi. Luisa zong a
tapa sangkahna lunghimawh nawn lo hi. Gabriel zong tua akipan lungnuam thei hi.
Zu kham thei zel a, a zi Luisa in thungetna-ah hel tawntung den hi. A pasal in zu a ngawl zawh nading tua bangin
thungetna tawh mapang den hi.
Tawl khat khit ciangin sangsiate khat
in Luisa kiangah thunget kikhopna-ah kikhawm dingin zawn hi. Luisa zong tua
kikhopna-ah va kihel hi. Jorge in zong a sangkahna nuamsa mahmahin vantung
nopna ka ngah hi, ci-in a lawmte tungah
a pulaak den hi. Luisa le Gabriel zong a maikalkikah biakpiakna nei dingin hong
pai kik uh hi. Tua bangin Gabrial in zong thunget kikhopna-ah kihel nuamsa
semsem hi. Tua bangin kikhopnate-ah a kihelna tungtawnin nidangin a zu duh bang
nawn lo-in lungnopna ngah thei hi. A
beisa a nunzia khempeuh paisan hi mah taleh mailam kalsuanna-ah lunghimawhna
nei veve hi. Ni khat pawlpi mite khat in Gabriel kiangah hawhin hong pai hi. A
innkuanun picnic pai dingin vaihawmkhawm uh hi. Gabriel in tua picnic pai-na-ah
cidam natawh kituak ante a nek masak penna hong suak hi. Ni dangin zu le an
mehkhawm den hi mah taleh tu-in zu lo tawh zong an ne thei ta hi. Gabriel le
Luisa in a lawmte uh kaikhawmin Lai Siangtho thusinna nei khawm uh hi. Gabriel
in lamdangsa-in a tel zawh loh thu in zu a dawh nawnlohna thu lamdangsa
hi. A kikholhpih a lawm a gualte in
ahihleh cikmahin zu dawn ngei lo uh hi. A nasepna-ah naseppihte in zu dawn den
uh hi.
Ahi zongin Lai Siangtho a simna tungtawnin a
lungsim hong khel hi. Lai Siangtho hong hilh bangin i pumpi in Kha Siangtho
teenna biakinn hi; i pumpi in Pasian hong bawlsa, mawhna sung pan a hong tatsa
hi-in, Ama sisan tawh hong lei ahih manin i pumpi in eima neihsa hilo-in,
Pasian neihsa hi.”(1 Corinthians 6:19).
Hih thute hangin midangte tawh a kikholhna-ah zong zu duhna a pulaak
nawn kei hi. Luisa in hih thu hangin lungdam mahmah hi. Pasian in ka thungetna
hong dawng hi, ci-in a lungdamna a lawmte kiangah a pulaak hi. Gabriel le Luisa
in a nuntakna-uh Jesuh tungah kipia uh a, tui kiphum dingin a khensat uh hi.
Jorge in kum 12 a cingkhin hi pan hi. Ahi zongin a nuntakna Topa tungah kipia
thei hi. Khangno khat ahih hangin tui kiphum hi. Tu-in Gabriel in pawlpi upa
semin om hi. Luisa in ahihleh deaconess hi-in naupangte amakaih nupi hoih
khatin om hi. Tu-in Gabriel le Luisa in bang hangin Jorge in kumpi sangkah nuam
lo-in kap a, Adventist sang bekah sangkah nuam hi ding hiam cih a khua nung
phawk pan uh hi.
Jorge in Adventist sangah laisin a kipan
a kipan a innkuan sung nuntak khuasakna zong hong kikhelin zu tawh kidiah den a
pa nuntakna zong hong kikhel hi. “Hih in ko innkuan adingin thupha lianpi hi lo
hiam? ci-in Pasian hoihna a pulaak thei hi.Adventist sangte in hotkhiatna
nasepna-ah a muibun nasepna khat hi.
Tu quarter Sabbath School 13na sumpi
in Portugal gam pawlpi nasepna huhna dingin kipuak ding hi. A diakdiakin
Setubal khuapi sunga om Adventist sang puah nadingin kizeek ding hi.
MUC in ahihleh Langzang biakinnlamna
huh nadingin kipuak ding hi.
