JUNE 17 | Bicycle Tungah a lamdang mahmah mi khat
Portugal
Vera
Vera in piteek le puteekte tawh Lai Siangtho thusinna nei hi. Ana le Pedro in laisim thei lo laigelh thei lo uh hi. A tapa khat uh Benvendo in Lai Siangtho sinpihna nei-in, tua panin laisim le laigelh kisin tawmtawm uh hi. A tapa un Lai Siangtho simna nei-in tua khit ciangin a nu le a pa tungah dotna bawlin tua bangin Lai Siangtho sinnna le laisimna laigelhna zong sinkhawm thei uh hi. Amau teenna khua-ah Adventist thu-um mi kuamah om lo hi. Portugal gam khua 100 val bangah Adventist thu-um mi khat zong om lo hi. Khuapi sung pan a khangkhia mite ahihleh thumanin citak thei mahmah uh hi. Vera in khuapi khatah nasem dingin hong zinkhia hi. Tua khua-ah Pasian nasem dingin kipuak hi-in, missionary nasem khat hong suak hi. Ana le Pedro in kum 70 val khin uh hi. Vera in hih nupate nunzia lunglut mahmah hi. Lai Siangtho thusinkhopna a neih uh ciangin Sabbath thu kikupna-ah Ana in Sabbath thuman a um khinsa ahih manin hih khua mite upna, dawi upnate a theih ciangin lamdangsa mahmah hi. Nipi kaal khat khit ciangin sa siang le sa sianglo thu Siampi. 11 sung a thute hong sin uh ciangin Lai Siangtho gen bangbang Vera in sang thei hi. Ahi zongin bangci bangin hih thuman thute sang thei na hiam, ci-in tua nupate in a dot ciangin a dawnkik nading thei lo-in om zel hi. Thuman hi, cih um hi napin, bang hangin man thei hiam cih pen dawngkik thei nawn lo hi. Ana in tuma kum 60 hun lai-in mi khat bicyle tawh ka khua ah hong pai in hih thute hong hilh hi,ci-in dawngkik pong hi. Tua mipa in khua sungah thugenna khat nei hi; tua panin ka zak thute ka um ka sang thei hi., ci-in dawngkik hi. Tua bangin thu kigen a ngai te lakah Ana pa zong kihel hi. A pa in a kigen thute limtakin ngai-in a man le man lo a theihtel nadingin a Lai Siangtho bu tawh sittel hi. A tanu bang lo-in aman laisim thei hi. Sabbath ni sialin cycle khat tawh hong pai mipa thugente Lai Siangtho tawh kituak ahihlam a theih ciangin a thu upna hong khang semsem hi. “Ni sagih Sabbath in Lai Siangtho hong sawl ahihna, Pasian kiang pan hong pai thu ahihna thei pha semsem hi. Tua bek tham lo-in sa siang le sa sianglo cih thute zong thu-um mikhat ihih nakleh i zuih ding ahihlam zong a phawkpha semsem hi. Vera in tua bang thute a zak ciangin lamdangsa mahmah hi. A zak thute in Lai Siangtho tawh kituak vive ahih manin Vera in pastor pa thugen khempeuh a pom thei pah hi. Ana in zong a zak thute in thuman hi, ci-in um pah hi. A pa pulaak thute in Lai Siangtho thute mah hi, ci-in a lungmuang hi. Tua bang Vera tawh Lai Siangtho thusin khopna tungtawnin a pa gen thute zong a nial thei nawn kei hi. Lai Siangtho hong hilh bangin a kalsuan pawlpi hi, ci-in a sang thei hi. Pastor in tua bangin a hilh ciangin Jesuh gen bangin a za thei hi.
“Note
in khaici na vawh lohna munah khaigah a at dingin va kuan khia un, ci-in Khrih
in hong sawl hi” (John 4:37-38). Vera in Anna le Pedro tui kiphum va mu kha hi.
Hih bangin a pian theihna a hang in tua kum 10 val hun lai-in a min kithei lo
thuhilhsia khat in amaute tungah Pasian thuman thutak a hihna tungtawnin tu-in
Anna le Pedro in tui kiphum dingin a nuntaknate uh Khrih tungah kipia thei uh
hi. A tapa uh Benvendo zong tui kiphum thei hi. Vera in Ana le Pedro mangngilh
ngei lo hi. Tua bangin Lai Siangtho thusinna a neih uh ciangin missionary
nasepna bangin a ngaihsun hi; tua bangin a kalsuanna-ah a upnate zong hong kip
semsem ahihlam zong a phawk uh hi. A nasepna khempeuh in Pasian nasepna (missionary)
bangin kingaihsun thei hi. Midangten bangci muh ding cih lunghimawhna nei lo-in
tua bangin a masuan a zomtoto thei hi. Pasian thuman khaici vawh khatin akingaihsun thei hi. Cycle tawh hong pai-in
thuman hong hilh a min kithei lo Pasian nasem pa vantungah ka muh ding ka
ngaklah hi, ci-in a lametna thu a pulaak hi. Vera in “tua bangin ka nasepte in
a mawkna suak lo hi,” ci-in pulaak hi. Hih thute in thuman za-in tu-in tui
kiphum dingin a ap khin thei uh hi.
Tu quarter Sabbath School 13na sumpi
in Portugal gama pawlpi nasepna dingin kipuak ding hi. A sawt lo-in Jesuh hong
pai ta ding ahih manin leitung mun khempeuhah hotkhiatna thu kizel ding kisam
hi. Portugal gam khuapi Setubal a om Adventist sanginn puah nadingin kipuak
ding hi.
MUC in ahihleh Langzang biakinnlamna
huh nadingin kipuak ding hi. Mai Sabbath in quarter cin Sabbath ahih manin
sumpi i khiat ngei a zah thum khia ciat dingin kigingkhol ni, cih i kizasak hi.
