JUNE 10 | Tui Kiphum Kik
Portugal
Salome
Salome in a naupanlai-in tui kiphum ngei khin hi. Ahi zongin pawlpi upna thute tawhk kigamla ahihmanin a gol khit ciangin tui kiphum kik ding a lunggulh hi.
Tua bangin hong khantoh semsem zawk
ciangin biakinn zong pai nawn lo-in a neulai hun a theih thuman thutak thute
tawh a kigamla semsem mawk hi. A nuntakna-ah Pasian makaihna kisamsa nawn lo-in
leitung ni le sa nopsakna tawh a lungkim lel hi. Salome in a tupa kum 4 a phak
hun laipek panin Pasian thu-um mi khat hong suak hi. Jorge in Madeira khua-a om
Seventh-day Adventist Sangah laisinin om hi. Hih sanginn a tun zawh kha nih sungteng
biakinnah pai-in kikhawm den hi. Salome in hih sangah laisin nuamsa hi. Kap
zawn lo-in inn zong ciah ding ngaihsun ngei nawn lo hi. Adventist pastor khat
in Salome sangkahna sanginn that nihna mun khatah kimu dingin a samtuam hi. Tua
bangin a kimuhna uhah Lai Siangtho thuman thutak sinkhopna neih ding geelna nei
uh hi. Salome in “Lai Siangtho thusinna nei ding lunggulhna lianpi nei hi” Ahi
zongin kituiphumkik nuam nawn keng, ci-in pastor tungah a lungsim khensatnate a
pulaak hi. Kuamah in ka lutungah khut hong nga nawn lo ding uh hi” ci-in
pulaakkhia hi. Tua hi-in Lai Siangtho thusinna zong pai nuam nawn lo hi. Khat
veivei ciangin Jorge in a nu le pate tawh a sangkahna sanginn ah thunget
kikhopna-ah kihel dingin hong pai khawm thei uh hi. Tua khit ciangin a nu le pa
in Lai Siangtho thusinna nei hi. Tua bangin a nu le pa in Lai Siangtho thusinna
nei amuh ciangin amah zong Lai Siangtho thusinna-ah kihel dingin a khensat hi.
Tua bangin Lai Siangtho thusinna a neih hangin tui kiphum ding peuhmah a
ngaihsun thei kei hi. Tua bangin Lai Siangtho thusinna-ah kihel toto-in pawlpi
mite khat Anna tawh hong kimu khawm uh hi. Tua Lai Siangtho thusinna-ah Ana in
lukunin thungenin om amuh ciangin Salome
in zong a lawm hih bangbang zui-in a lukunin thungen hi. Lai Siangtho thusinna
a zawh ciangun Ana in Salome tungah “Tui kiphum ding na khensat hiam, ci-in
dong hi. Salome in dawngkik pak lo-in a lungsim khensat thei nai lo hi. Tua
bangteng hi mah taleh Lai Siangtho thusinna-ah kihel tangtang bilbel hi. Ana in
khat vei lasa dingin sawl hi. Salome zong thukimpah hi. Anna in a labu et
Salome in zong enin tua bangin la sa khawm uh hi. Ana in “Kei tungman bang,
nang Beelseek pa” ci-in a lasak pan hi. Thakhatin Salome khitui hong luang hi.
Lasak zom thei nawn lo-in tua bangin Ana kia-in lasa suak hi. Anna zong tawl
khat khit ciangin a lasak hong khawl hi. Salome angpom phei-in “Kap nawn kei
in” ci-in hehnem hi.
Tua a laskun Salome lungsim lawng kha mahmah
ahi manin tua bangin khitui luang hi. Bangci banga Anna in tua la teel hi ding
hiam, cih a thei zo kei uh hi. Tua a lasakun a nu sihna phawkna hun bawlna
khatah a kisa la hi-in, Salome in a nu phawk lua ahih manin tua bangin khitui
luang hi. A nihun kikah uh hi.
Salome in Lai Siangtho thusinna
zomsuaklai hi. Jesuh zong tui kiphum ahihna thu atheh ciangin Ama khekhap zui
dingin a khensat thei hi. Tua bangin Lai Siangtho a sinna sungah naupang tui
kiphum ngei lo ahihna thu a phawk thak hi. A tunu khat tawh thunget kikhopna-ah
kihel den uh a, a sawt ciangin a innkuan un tui kiphum dingin khensat thei uh
hi. A kituiphim madiak nopi kaal nih hunlai-in Salome in Anna hopih a, “Pastor
tawh akiho nopna thu a pulaak hi” Tua
bangin Salome hopih a ngaihsut ciangin Solome in bang ngaihsun hi ding hiam,
cih a thei zo kei hi. “Tua bangin Pastor in Salome in tui kiphum ding khensatna
nei ahihlam a theih ciangin lamdangsa mahmah hi. Bang hang hiam cihleh hun khat
lai-in tui kiphum nuam het lo khat in tu-in tui kiphum ding pulaak ahih manin
pastor in zong lamdangsa hi. Pastor in “Na khensat takpi mah ahi hiam? “ ci-in
dong phapha hi. Salome in a nuntakna Jesuh pia khin ahihlam zong a pulaak hi.
Tua khit kha nih ciangin Salome in tui kiphum thei hi.
Tu-in
Salome in a pawlpi-ah numei makaipi semin Pasian nasem hi. Jorge pa in ahihleh
pawlpi upa sem hi. Salome in kum 12 a phakin tui kiphum khin naupang khat hi
mah taleh tu-in tui kiphum kikin pawl
sungah nuamsa mahmah hi. Jorge in tua sangtualah bang hangin kap hi ding hiam
cih a theih zawh loh hangin tu-in tua hunlai-a Jorge kahna thu a khuanung phawk
thei hi. Adventist sangah a kahna hangin Jorgete innkuan a nunzia uh hong
kikhel hi.Hih in Kha Siangtho nasepna simloh thudang om lo ahihna phawk thei uh
hi.
Tu quarter Sabbath School 13na
sumpi in Portugal gam Setubal khuapi-a om Adventist Sanginn puah nadingin
kipuak ding hi.
MUC
in ahihleh Langzang biakinnlamna huh nadingin kipuak ding hi.
