April 8 | Hoihna Tawh Kidim Pasian Zonna
Romania
Violeta
Nungak lai Violeta in Pasian lau hi. Romania gamah Khristian upna kiphal lo hi. A pi simloh kuamah in Violeta tungah Pasian thu gen ngam lo uh hi. Tua bangin a pi in Pasian thu pulaak ding nuamsa mahmah hi. “Na khialh khak leh, Pasian in gim hong pia ding hi” ci-in a pi in hilh den hi. Violeta in Pasian in vangliatna khempeuh kidim hi, ci-in a thei hi. “Amah in na khempeuh thei-in i khialhna khat hangin gim hong pia thei ahihna zong a thei hi. Ahi zongin a pi muhzia le Pasian hoihna kilehdo hi. Khuakhal hun hong tun ciangin singkung lopate hoihna hong kilang hi. A pi in singgah tuamtuam hong gahin paak namtui tuamtuam zong kimu thei hi. Singtehte pulhin singtehnote hong selkik ahihna zong amu hi. Tua bangin a hoih singkungte, paakte a cing a kem khat om ding hi, ci-in a ngaihsun thei hi.Vasa nam tuamtuamte in la a sak theihna zong lamdangsa-in tua bangin ganhing tuamtuamte a nuntak theihna zong Pasian hang bek mah hi ding hi, ci-in a ngaihsun hi. Ganhing le mihing kibatlohna zong tampi a mu thei hi. Mihing in ngaihsut theihna nei-in ganhingte in ahihleh ngaihsut theihna nei lo ahihna zong a thei thei hi. Tua bangin mihing in ngaihsut theihna a neih theihna a hangin Pasian kiang pan hong pai ahihna zong a theithei hi. Tua Pasian in hoihna tawh a kidim Piangsak Pasian hi ding hi, ci-in a ngaihsun hi. Ahi zongin ama ngaihsutna bang lo-in Pasian in a tuam dang khat ahih kha tam maw, ci-in zong a ngaihsun kha zel hi.
A gol zaw deuh ciangin Violeta in
biakinnah kikhawm dingin va pai hi. Bang hang hiam cihleh tua bangin kikhawmin
pai keileh Pasian in gim hong pia ding hi, ci-in a ngaihsun hi. Ahih hangin
amah in tua bangin kikhopnate-ah nuam a sa thei kei hi. Milim biakna sungah a
om ahih zah khatin milimte mai-ah khuaimeivak vakin tua milimte a bia nuam zaw
hi. Tua bangin a biakna-ah lau-na tawh tua milimte a bia bia hi. Violeta in
lau-na hangin mi khat peuh in tua milimte bia thei hi, ci-in a ngaihsun hi. Tua
bangin milim biakna nusia zo lo-in nungta ahih manin “A pi vauhilhkholhnate a
phawk kik thei hi. “Na khialh khak leh Pasian in gim hong pia ding hi.
Violeta in kum 30 a cin khit ciangin mawtaw
tuahsiatna khat a thuak hi. Tua ni pen mawtaw tuan ciangin kawnggak gak ding
mangngilh kha citciat hi. Mawtaw kilumlet ahih manin ka nuntakna bei ta ding
hi, ci-in a ngaihsun hi. “Topa Pasian aw, hong hon in” ci-in nakpi-in kiko khia
hi. Mawtaw in ahihleh kisia gawpin Violeta in pai zo nawn lo-in bokbakin om hi.
A pumpi tungah liamma tuamtuam om mu-in a nuntakna a beiloh a theih ciangin
lamdangsa mahmah hi. Mawtaw tung in tutna tungah depsukgawp hi. Mawtaw kawnggak
a gak kha hi leh tua ni-in a nuntakna bei ding ahihlam a khua nung phawk hi.
Mawtaw thuahsiatna a ngaihsut laitakin nupi khat in “Pasian in nang hong it
mahmah hi,” ci-in va pulaak hi. Zekai kei inla, tu-in Amah zong in” cihna khat
a za hi. Tua bang thu a zak ciangin Violeta in um ngam lo hi. Hun khatlai-a a
pi in hopih hi dingin a ngaihsun hi. Tua
a kipan Violeta in biakinn tuamtuamah pai-in Pasian maipha zong kipan hi. Lai
Siangtho bu zong nei-in manmanin sim kipan thei hi. Jesuh thu theihnopna
lungsim hong nei semsem hi.
Khuakhal hun khat Black Sea ah
khualzin dingin hong pai khia hi. Tua munah Laibu zuak nupi khat tawh hong kimu
uh hi. Jesuh thu kigelh laibu bu nga hong lei pah hi. “Ellen G. White laibute
na simkha ngei hiam? ci-in tua nupi nu in a dong hi. Violeta in a sim khak
ngeilohna thu a genkik hi. Laibu zuak nupi in zong “Ellen G. White thu thei
ngei lo-a ama laibute a sim ding deih lo ahih manin Ellen G. White tangthu a
tomin a pulaak khit ciangin tua laibute lai dingin a gen hi. Innah a tunkik
ciangin Violeta in “Desire of Ages” laibusim
akipanpah hi. Jesuh thu thei nuam semsem hi. A sawt lo hun k hat ciangin
laibu zuak nu Yulia in Violeta samin Seventh day Adventist biakinn ahkikhawm dingin sam hi. Violeta zong
lawp mahmah hi. Yulia tawh hong kikhawm theipah uh hi. Hoihna le itna tawh
kidim Pasian bia khawm thei uh hi. Tua Pasian in na khempeuh a Piangsak Pa hi,
ci-in a pulaak thei uh hi.
Violeta
in a lungtang Topa tungah a pia thei hi. Tu-in Adventist pawlpi sungah thu-um
mi khatin om thei hi.
Tu-in Violeta in Lai Siangtho thu
sinpihna nei-in hoihna le itna tawh kidim Pasian thu a pulaak kawikawi hi. Pasian
in “Vanglian Pasian ahihna, na khempeuh sem thei ahihna banah Amah in eite hong
it Pasian hi, ci-in a pulaak thei hi. Naupang ka hih lai-in Pasian in kei hong
ita hi, ci-in a pulaak hi.
Tu Quarter Sabbath 13na sumpi in Romania
gama pawlpi sangte huhna dingin kipuak ding hi.
MUC in ahihleh Langzang biakinnlamna
huh nadingin kipuak ding hi.
ZZZZZZZZZZZZZZZZZZZZZZZZZZZZZZZZZZZz
APRIL
15 | Vanleng tualah mat thuakna
Spain
Carmen
Carmen in vanleng tawh khual zin ding
geelna nei hi. Pasian ompihna deih ahih manin a zinkhiat ma ni nih a sap hunin
a zi lupna gei-ah khuk dinin thungetna khat nei hi. Nungak nu in kum 10 val
deuh hi panin thu a nget loh kum tampi cingkhin hi. Bang hangin thunget nopna
lungsim nei lo hi ding ka hiam, ci-in amah le amah kidong thei zel hi. Ahi
zongin lunghimawhna a neih ciangin a lungsim khempeuh tawh thungen thei zel hi.
“Topa awm, nong hehpihna tawh hong cing hong kem in. Ka kitangsapna tuamtuamte
hong huh in,” ci-in thungen thei zel hi. “Hong makaih in. Bang hang hiam cihleh
Nangma makaihna ka kisampha mahmah hi,” ci-in pulaak hi. Palikte mat le hen
panin hong dal in” ci-in thungen hi. Tua zan mahin mang khat man hi. A mang
sungah palikten manin khut le khe-te kol bulh thuak hi. A khanlawh ciangin a
mang ahihlam phawkin “Ka mangmat in thupi lo hi” ci-in pulaak hi.
A zingsang ciangin Brazil panin Spain
pai dingin vanleng tuang hi. Carmen in nai 12 sung bang vanleng sungah om cip
ding ciha theih ciangin patau hi. Tua-ma kha khatlai-in mundang khatah khualzin
dingin a geelna a phawkkik hi. Ahi zongin tua a geelna tangtung thei lo hi. A
nu in Pasian tungah ki-ap in ci-in a sawlsawl thute aphawk kikkik hi.” Tu-in
Pasian maipha zon ding hun hi.” Tua thu hangin nai 12 sung bang thungen hi.
“Topa aw, lungnopna hong pia in,”
ci-in thungen hi. “Lauhuai-na tuamtuamte panin hong cing hong kem in” ci-in
pulaak hi. Tua hun a kipan lungnopna angah thei hi. Pasian in a makaih ding thu
a ngen tawntung hi. “Topa aw, ka nuntakna-ah nangma deihna hong kicingsak in” ci-in
thu a ngen hi. Spain khuapi Madrid khuapi a tun ciangin Carmen in gam uk
thuneite tungah a passport a appah hi. Bangmah nawngkai-na om lo-in a vante la
thei hi. Tua leh tawlkhat khit ciangin palikte in samin “hong zui in” ci-in
samkhia uh hi.
Carmen in makaite zui-in zum sung khan
khatah hong lut uh hi. Tua munah a vanteng kisetsak a, van khaam bangmah pua lo
ahih manin palikte mat le hen a thuak hi. Carmen in khut kol bulhna thuakin palik
in “Tun hong kimanta hi. Carmen remembered her dream. Daitakin thungetna khat
nei hi. AMaute mawhna a mai sak ding Topa tungah a pulaak hi. Tua simloh a sep
theih dang bangmah om tuan lo hi. Palikte in zum khan inn khat sungah thusitna
le dotna tuamtuam nei uh hi.
Zum vai tawh kisai-in kha li bang
sawtto hi. Carmen in kum 6 sung thongkia dingin thukhenna a thuak hi. Spain
gamah innkuan nei lo hi. Lawm zong nei lo hi. Kuamah theih nei lo hi. “Bang
hangin hih bangin thongkiat thuak ka hi hiam? ci-in amah le amah kidong hi.
“Bang hangin hih munah om ka hiam?
ci-in amah le amah kidong hi. A tuahkhak thute puak hamsa sa mahmah hi. A
innkuanpihte le a lawmtenge zong thongkia khin uh ahih manin Pasian in gim hong
pia hi ding hi, ci-in ngaihsun kha zel thei-in lamet bei kisa-in tua bangin om
uh hi.
Ni khat a lawmte khat in Carmen samin
Lai Siangtho thusinna nei khawm thei uh hi. “Pawlpi mite hong hawh uh hi.” “Amauten
Lai Siangtho thusinna neihpih uh hi.” Carmen zong Lai Siangtho thusinna nei
dingin hong pai hi; Julia le Santosa tawh kimu-in Lai Siangtho thusinna nei thei
uh hi. Amaute nih pen Seventh-day Adventist thu-um mi nih hi-in, thongkia mi 10
in amaute tawh Lai Siangtho thusinna a nei thei uh hi. Tua in Adventists thu-um
mite tawh a kimuh masakna hong suak hi. Carmen in tua bangin Adventist thu-um
numeite tawh a kimuh khop a lungdam mahamh hi. Amaute tawh Lai Siangtho
thusinna nuamsa hi. Lai Siangtho thusinna a neihkhopna tungtawnun Pasian in
hong ompih hi, ci-in khamuanna khat a nei hi. Amah pen laisim a uuk mahmah mi
khat hi. “Topa in tuu bangin kei hong cing pa hi-, bang mah ka kisam nawn kei hi.
Amah in lono munah hong paipihin tuidam kiangah kei hong tonpih hi (Late
23:1-4).
Carmen in khamuang takin a om thei hi.
Lametna khat tawh nungta thei ta hi. Tawl khat sung Lai Siangtho thusinna a
neih khit uh ciangin a nunzia nuam semsem ahihna zong a kithei thei hi. Thong
sung a om lai-in a lunggulh nasep khat tu-in a ngah thei ta hi. Kum 6 sung
thongkia dingin thukhenna thuak hi mah taleh kum thum a cin khit ciangin thong
panin a suakta thei uh hi. Carman in a pulaakna-ah “Ka nuntakna hong kikhel hi.
University khatah sangkah dingin geelna khat ka nei hi. Ka nuntakna in mainawt
hi, ci-in ka ngaihsun hi. Pasian bek mah ka muang tawntung hi. Bang hang hiam
cihleh Amah bek mah na khempeuhah ka masak den hi.
Carmen
in manmanin thongah va pai zelin thong sung aom a meltheihte tawh va kimu thei
zel hi. A lawmte kiangah “ Topa na belh
tinten ding kisam hi. Na khempeuh Topa in hong sem ding hi. Amah in na khempeuh
a sem thei hi. Carmen in Topa tungah a lungdam mahmah hi. vanleng tawh a
khualzinna nai 12 sung bang hi mah taleh nuam takin Spain gam va tung thei ahih
manin Topa tungah lungdamna a ko tawntung hi. Thongkiat ding tawh kipelh thei
lo hi mah taleh a nuntakna-ah a lunggulh bangin Topa in amatuhpih hi. Topa tawh
kinai takin a nungta khawm thei dingin a nunna a kipia thei hi.
“Ka mawhnate hangin ka maizum hi,
ci-in pulaak zelzel hi. Midangte kitgsapnate zong huh thei ahih manin a lungdam
mahmah hi. “Na nuntakna-ah Topa deihna a kicin zawh nadingin Amah mah beel
inla, na nuntakna khempeuh Ama tungah kipia in.” Na thungetna khempeuh Topa in
hong dawng ding hi. Lungduai takin Amah ngak hithiat in” ci-in a lawmte tungah
hanthohna thute a pulaak zelzel hi.
Tu quarter Sabbath School 13na sumpi
in Spain gam a om Sagunto khua a college puah nadingin kipuak ding hi.
MUC in ahihleh Langzang biakinnlamna
huh nadingin kipuak ding hi.
