APRIL 29 | Pathfinder in lunglutsak
Spain
Loida
Loida in kum 12 a cin ciangin a nu le a pa kikhen hi. Tua a kipan a nunzia kilamdang mahmah hi. Nidang bangin nopna nei nawn lo hi. A nu le pa in Adventist thu-um nupa hi. A pu le a pi zong Adventist thu-um mi hi. Loida zong Adventist upna tawh a kipantah khangno khat hi. Ahi zongin a nu le a pa a kikhen ciangin biakinn zong pai nawn lo uh hi. Loida in hehna thangpaihna tawh kidim den hi. Itna tawh kidim pawlpi in a pa hawlkhia ngei lo dingin a ngaihsun hi. Tua bangin pawlpi in a pa pawlpua-ah a koih a kipan Loida in thangpaihna le hehna tawh kidim den hi. Pawlpi upate in a pa mawhna le khialhnate pulaak uh hi mah taleh Loida in a sang thei peuhmah kei hi. Tua bang hun laitakin tui phum dingin a min pia khin hi. Pawlpi mite in tui kiphum dingin na kiging nai hiam, ci-in dong uh hi; Loida in ahihleh tui kiphum dingin kigingkhol khin ahihlam a pulaak hi.
“Tawl khat na ngakkul lai kha thei hi;
na dotnate hong kidawng masa ding hi,” ci-in pawlpi mite khat in pulaak hi.
Loida in tui kiphum lo dingin khensat khin hi. Biakinn zong pai zo nawn lo-in
om hi. Kuamah mah tawh kizopna nei nawn lo ahih manin zong a lungkia semsem hi.
Pastor pa hi taleh pawlpi mite tawh kizopna bangmah nei nawn lo hi. Ama
ngaihsutna-ah bel pawlpi mite in hopihin kizopna nei leh lunggulh hi. Lai
Siangtho thusinna nei dingin thapiaknate lunggulh hi. Tua bangin a lunggulh
hangin pawlpi in don nawn lo ahih manin tui kiphum ding zong ngaihsun thei nawn
lo hi. Tua bang teng tawh hun beitoto-in kum 30 bang hong cing hi.
Loida
in zi nei khin hi. Ahi zongin meigong khat hong suakin zi dang khat nei hi. Ni
khat Loida in internet a et kawikawi leh
Pathfinder camp om ding kipulaak thu khat a mu kha hi. Ni dangin zong
Pathfinder ah kihel ngei ahih manin hih camp ding thu lunglut semsem hi. A
meltheihte lakah SDA thu-um mi khat zong om lo ahih manin Adventist pawlpi tawh
koi bangin kizopna nei ding cih lunghimawh mahmah hi. Loida in internet sung
zong kawikawi a, amah tawh kinai penpen SDA biakinn khat hong mu kha hi. Tua
hi-in a lunggulhna om bangin Pathfinder sungah va kihel thei hi. Topa Pasian
tawh kizop kikna nei thei ahih manin a
lungdam mahmah hi. Online tungtawnin SDA thu tampi theihbehna hong ngah hi. SDA
biakinn tampi in biakpiakna thusinna, thu hilhnate website tungah a koihte uh
Loida in a banbanin en thei, ngai thei hi. Amah in a nuntakna khempeuh a hun
ngah khempeuh Pasian thuhilhnate enin ngai hi; nipi kaal thunget kikhopna-a
thugennate zong a ngai tawntung hi. A tapa kum 8 a pha khat Venera tungah a ngaih sermonte, Pasian
minphatnate a ensak hi. “SDA upna sungah ken zong upna ka nei hi,” ci-in
pulaakin Valeria in zong hih thu sang thei mahmah hi.Pawl sunga Pathfinder camp
video tuamtuamte zong enen uh hi. Nu aw, bang hangin biakinnah pai nawn lo na
hi hiam? ci-in a nu dong hi. Loida in a dawnkikzia ding bangmah thei tuan lo
hi.
Valeria
in Pathfinder camp khatah va kihel dingin a gen ciangin Loida in zong hih
bangin deihsakna tawh hong kigen thu ahihteh ci-in tua camp-ah kihel dingin a
min pia pah hi. Hih camp ah hong pai mi tampi in hun khat lai-a a kitheihpih a
mel theih tampi a omlam hong phawk hi. A lawm a gualte tawh nuamtakin tua camp
va zang thei uh hi. Khangno camp khat ahih hangin nupi papiten zong nuamsa
mahmah uh hi.
Online tunga a muh ngeingeite zong
tampi mah hih camp sungah mu thei hi. Lioda adingin a lungdamna lianpi bel in a
tanu in hih bang camp sungah nop asakna thu mah hongsuak hi. Camp a man khit uh
ciangin a tanu tawh Lai Siangtho thusinnate-ah kihel dingin a khensat uh hi.
Tua bangin Lai Siangtho thuman a sinna panun a tawpna-ah a nuntakna Jesuh
tungah kipia hi. Tui kiphum dingin a min a ap khin hi. Loida in tu-in lungdamna
tawh kidimin nungta hi. Veleria in kum 10 a pha
naupangno khat hi mah taleh a nu tawh Lai SIangtho thusinna nuam sa
mahmah hi. A teenna khua tawh kigamla lo khua khatah Adventist thu-um mi tawmno
khat om uh hi. Tu-in Loida in Spain panin Sagunto khua-ah kituah nuam hi. Hih
khua-ah Adventist thu-um mi tampi omna khua lian khat hi. A tanu zong Adventist
sang khatah sangkah thei pah hong suak ding hi.
A beisa kum 30 sung tawntung ka
nuntakna in a mawknapi hi. Ka nuntakna-ah kitangsap khat om den hi, cih ka
phawk hi. Ahi zongin tu-in ka nuntakna in mannei mahmah ahihlam ka phawk hi.
Adventist upna sungah ka om khak pen kei adingin manpha mahmah hi. Ka nuntakna
in bucing ta hi, ci-in ka ngaihsun hi, ci-in Loida in teci pang kawikawi hi.
Tu quarter Sabbath 13na sumpi in
Sagunto Adventist College ah kipuak ding hi.
MUC in ahihleh Langzang biakinnlamna
huh nadingin kipuak ding hi.
