APRIL 22 | Spain Gamah Khaici Tuh
Spain
Iván and Delia
Sabbath masa pen hong tun ciangin Iván le Delia in Pasian bia uh hi. A inn uhah tua bangin Pasian bia uh hi; Amau simloh midang kuamah Adventist thu-um mi a om kei hi. Khuamial nasem dingin khentat khin ahih manin Ivan in Mexico gam pan hi-in, Delia in Cuba gam pan hi. Missionary nasemin tua bangin om thei uh hi. Amaute nasepna mun in Spain gam hi-in kum khat va om uh a, COVID 19 pulnatna hong tun tawh kituakin, Barcelona a om Adventist pastor panpihna zong a nei thei uh hi. COVID pulnatna hangin gam sung nasepna tampi kisia hi mah taleh Spain khuapi Madrid panin mawtaw tawh nai khat le lang kipai-na khua khatah Ivan le Delia in biakinn thak khat phuah ding geelna a nei thei uh hi.
Sabbath masa pen kikhopna dingin inn
khat zang uh a, Lai Siangtho thusinna le thunget khopna a nei thei uh hi. Iván in guitar tumin la sa thei uh hi. Amau
nih bek hi mah taleh tua bangin biakpiakna nuamsa mahmah uh hi. Piteek khat in
zong amau tawh kibangin biakpiakna neih ding a lunggulhna a pulaak hi. Tua
piteek tawh zong Lai SIangtho thusinna a nei thei uh hi.
Ni tawm vei khit ciangin Delia in tua
piteek tawh kizopna nei thei-in, a nihun Lai Siangtho thusinna a nei khawm uh
hi. Sabbath ni hong tunkik ciangin Iván le Delia in a inn uah biakpiakna a nei
khawm thei uh hi. Tua piteek tawh a tupa kum 4 a pha khat tawh amauteng li in
biakpiakna a nei khawm thei uh hi. Kha khat sung khawng tua bangin Lai Siangtho
thusinna a nei thei uh hi. Tua khit a kipan Sabbath ni ciangin
biakpiakna nei dingin mi nga bang hong kikhawm thei uh hi. Tua piteek in a tunu
kum 4 khat hong tonpih hi. Tua bangin innah biakpiakna a nei thei uh hi. Piteek
in Lucas min nei khangno khat kikhawm nuam lo ahihlam a thei ciangin a heh suak
mahmah hi. Ivan in piteek nu hopih a, Lucas phone No. ngen hi. A phone tawh hopihin “Anne khawm ding ka inn ah hong pai in, ci-in
sam hi. Ni nih ni thum khit ciangin Lucaste nupa zong hong pai uh hi. Amauteng
kimu thei-in Lai Siangtho thuman thute kikum khawm thei uh a, nuamsa thei mahmah uh hi. Lucas in a sawt
lo-in kum 22 cing ding ahihna zong a pulaak hi. Iván le Delia in letsong khat
piak ding geelna nei uh hi. Delia in moh bawlsakin bawngnawi tawh helsakin
meivak a tuamtuam zong bawlsakin inn sung teng meitang pha mahmah hi. Tua
bangin lamet het lohin Lucas in amuh
ciangin nuam mahmah hi. Cikmahin a suahni bawl ngei nai lo hi. Hih pen a khat
vei-na suakin Delia tungah zong lungdam mahmah hi. Nuam lua ahih manin nui nui
mai hi. A zi zong lungdam semsem hi. A tapa kum 4 le a pi uh tawh nuamsa mahmah
uh hi. Tua khit ciangin Lucas in Lai Siangtho thusinna-ah hong kihel thei hi.
Tua ciangin Sabbath ni hong tun ciangin zong amau kikhopna-ah hong kihel thei
hi. Tua bangin Sabbath ni-in biakpiakna a nei mi hong kibehlap toto-in mi 6
bang pha thei uh hi. Iván, Delia, a pi le a tupa kum 4 a pha khat tawh a mo nu
tawh amauteng in biakpiakna nei khawm thei uh hi. Ivan in Guitar tumin lasa-in
lungdam mahmah uh hi. A pi uh Lucas in
midang zong tua biakpiakna-ah kihel dingin zon kawikawi uh hi. A pu zong tua
biakpiakna-ah hong kihel ta hi.
Adventist thu-um mi khat zong a om lohna tua khua-ah kum khat le a lang sungin Sabbath thu-um mi 30 bang
hong pha thei uh hi. Mi 18 in Lai Siangtho thusinna nei khin uh a, mi 6 in tui
kiphumna ngah khin uh hi. Biakinn dingin innsap ding zong kawikawi uh hi. Ivan
in Sabbath ni ciangin kikhop nading inn kician khat leh khuasung tual sungte
zattangzang ding hall lianpi khat a lunggulhna zong a pulaak hi.
Spain gamah khuapi lian tampi om hi.
Ahi zongin Adventist thu-um mi tawmno khat bek om hi. Tu quarter Sabbath 13na
sumpi in Spain gamah kipuak ding hi. Sagunto Adventist
College
huhna dingin kizeek ding hi.
MUC in ahihleh Langzang biakinnlamna
huh nadingin kipuak ding hi.
