APRIL 1 | Mi Nuamte Koi-Ah Om Uh Hiam?
Romania
Mahai
Romania gamah a teeng Mahai in a nu le pa tawh a khangkhia tangval khat hi. A nu le pa in mi thupi khat hi; inn sungah kamsia bangmah zang lo-in mite zahtak mahmah nupa suak uh hi. Nasep zong hanciam thei mahmah uh hi. Tua bangin nasep hanciamna tungtawnin amaute in leenggahhuan gol mahmah khat nei uh hi. Leenggahtui tampipi bawl uh hi mah taleh amau tua leenggahtuite dawn vet lo uh hi. Mahai in a nu le pa ettehin nungta hi. Amah zong tangval khangno khat ahih hangin mite zahtaak cing mahmah hi. Kampau hoih lo peuhmah zang lo hi. Zu dawn lo hi. Zu dawn lo, kampau hoih lo a zang lo a lawm le gualte tawh kikholh nuamsa hi.
Ahi
zongin tua bangin a gamta khangno muh hamsa mahmah hi. Meihol kilakna nasepna
phualpi khata nasemin om hi. Amah pen tua munah engineer khatin nasem hi. A
naseppihte in ahihleh kampau sia zangin zudawn vive khangnote hi. Ahi zongin
Mahai in tua bangin a lawmte gamtat siatnate a pelh thei hi. Sunday ni sialin
biakinn zuanin Pasian bia dingin kikhawm hi. Biakinnah a kikhawm mite thu nuam
thei mahmah uh hi. Kamsia zang uh a, zahtak kaai lo uh hi. Zu dawn zelzul uh
hi. A tawpna-ah Mahai in a lungkhamnate phunggi pa tungah a pulaak hi.
“Mi thu nuamte tawh kimuh nuam ka sa
hi; tua bang mite tawh a kimu nuamnuam den hi.” Siampi pa in biakinn ah kikhawm
dingin a hanthawn tawntung hi. Ahi zongin tawl khat khit ciangin Mahai in
biakinnah kikhawm nawn lo dingin a khensat hi. Biakinn ah kikhawm a hong pai
mite nunzia le tong amuh ciangin tua bangin biakinnah kikhawm nawn lo dingin a
khensat hi. A nasepna-ah Mahai in citak takin nasem a, hanciam mahmah hi. Tua
bangina gamtatna hangin a nasepte in zahtak uh hi. Kampau hoih lo zong zang
ngei lo hi. Zu zong dawn lo-in mi gina khat ahih manin a nasepna company ah
makai lianpi khatin kikoih hi. Ama nuai-ah nasem tul tampi om hi. Tua bangin a
nasepna-ah Mahai in a etteh nasem khat om hi. Tua pa tawh ni khat hong kiho uh
hi. Amah bangin zu dawn lo-in kamsis a xsnh lo khaghno khangno khat a zong
kawikawi hangin a mu zo kei hi. Kuamah in ama gamtat bang a nei om lo hi. Amah
tawh kibang ding khangno kuamaha mu zo kei hi.
Nasepna-ah a lawhcin khit zawh ciangin
nasepna pan tawlnga-in Craiova khuapi sungah a teeng hi. Hih khuapi in Romania khuapi Bucharest panin
tai 140 bang a gamlatna khua khat ahi hi.
Hih khua-ah hun nuam khat zang thei dingin Mahai in lametna a nei hi.
Nasepna pan a khawl khit zawh nipi kaal nih khit ciangin lutang natna nei-in
zato lum hi. Tawl khat khit ciangin zato pan tuakin inn hong ciahkik thei hi.
Zingsang sialin inn pua lamah paikhia-in thasanna a nei zel hi. Hamsa pi takin
tua bangin thasanna nei hi. A ngaihsutna
zong tampi hong kikhel hi. Khasia baihin kappahpah thei hi. A vengte khat
Gabriel in Mahai omzia thei ahih manin Mahai adingin thungetna neihsak den
hi. Tua bangin thu a ngetsak hangin
bangmah kiho-na nei tuan lo uh hi. Gabriel in nisimin Mahai adingin thungetna
nei den hi. Topa Pasian in Mahai cidamsakin nidang bangin tha le ngal a neihkik
zawh nading thu a ngetsak den hi.
Nipi kaal thum khit ciangin Gabriel in
Mahai innah vahawh hi. Amah le amah kipulaakin Lai Siangtho sinkhopna nei-in
thu zong ngen khawm uh hi. Tua bangin a kithuahna panun Mahai in kampau sia
bang mah zang lo-in zu zong dawn lo-in om a theih ciangin khangno tampi in zong
a zahtak mahmah uh hi. Hih bangin khangno ka zonzon tu-in ka mu ta hi, ci-in
Gabriel le a lawmte in a pulaak uh hi. Lai Siangtho thusinna nei khawmin Pasian
hong itna thu a theithei uh hi.
Tu-in
Mahai in Seventh-day Adventist thu-um mi khat suakin Sabbath sialin kikhawm hi.
“Hih bangin khangno khat in kampau sia zang lo-in, zu dawn lo-in a om ka muh
ciangin pakta-in ka om hi. Adventist khangno tampi in hih bangin a nuntak uh ka
muh ciangin ka lungsim hong la mahmah hi; hih bangin khangnote in zu dawn lo hi.
Kamsia zong zang lo uh hi. Tua hangin kei zong Adventist pawlpi sungah ka lut
hi” ci-in Mahai in pulaak hi. A natna panin dam zaw deuh ahih manin Mahai in
tui kiphum dingin a khensat hi. A vengpa Gabriel tawh kikhawl khawmin kilawmta
uh hi. A nihun kikhawlkhawlin om uh a,
Mahai in a nasepna panin a tawlngak pen kisik lo hi. A cidamna zong hong hoih
semsemin Pasian thuman a theihna-ah khangto semsem ahih manin lungnuamin a om
thei hi. “Topa aw na tungah ka lungdam hi. Hih ciangin dinmun ka tun theih
manin na tungah ka lungdam hi,” ci-in Topa min a phat tawntung hi.
Sangkahna tungtawnin khangno tampite
in Adventist thupuak hong thei uh hi. Tu quarter Sabbath 13na sumpi in Romania
gama pawl sangte ah kipuak ding hi.
MUC in ahihleh Langzang biakinnlamna
huh nadingin kipuak ding hi.
