March 4| Kidona tawh kipelh theihna
RWANDA
Claude
Claude in zu tawh akidiah tangvalno khat hi. Amah pen kum 12 pha pan hi.Amah pen Rwanda gam buai hunlai-in gal pelh dingin a kihemkhia khangno khat hi. Claude in a neu tung akipan innkuan sung buai-na a nawk kha tawntung khangno khat hi. A pa le a nu kitawng den mai uh hi. A nu le a mo zong kitawngtawng mai uh a, khat veivei ciangin ni tampi sung bang kiho lo-in om uh hi. A nu in a pa kiangah khua dang khatah kituah dingin gen a, a pasal sanggam lamte tawh kigamlatna khua khatah kituah ding lunggulh hi. Ahi zongin a pasal in tua bangin khua dang khatah kituah khiat ding ut lo hi. A sanggamteng tawh khua khatah teengkhawm nuam zaw hi. Ni khat a pa cina gim mahmah hi. Claude in a pa ading zatui zonsaka, ahih theih bangin donin kem hi mah taleh a pa natna kiam thei lo hi. Siavuanten zong a cih nading thei lo uh hi. A sawt ciangin zato hoih khatah vazuan un, ci-in siavuante sawl uh hi. Claude pa in nattun natna nei khat hi-in tua zato ah ni tampi zato lumin va om hi. A pa dam zo nawn lo ding hi, ci-in mite gen thute Claude in a za za hi. A pa si lo hi mah taleh lamdang takin mihai bangin gamta gawp a, aam gawpin hong om hi. Tua bangin a om ciangin siavuanten lungsim tawh kisai natna bawl siavuante tawh kilak dingin sawl uh hi. Tua bangin siavuanten bawl theih bangin bawlbawl uh a, zato ah ni tampi alup khit ciangin inn ciah thei ding dinmun hong tung thei hi. Zato pan tuak thei dingin ahih hangin a pa in khuaza thei nawn lo-in om hi. A pa damna hangin pawi bawl ding sangsikin a khuapih mite in a zi kiangah “ a pasal gu pia dingin sawl uh hi.” A nu in tua bangin guu pia nuam lo hi mah taleh a sawt ciangin a pasal nusia-in nupa kikhen uh hi. Claude in ahihleh innah a pa bek tawh om hi. A pa in zi kik nei-a, mun khatah kituah khia uh hi. Claude khia bek innah om hi. Claude in a neulai hunte ngaihsun kikkik thei zel a, amah guak a om ciangin lungleng khua ngai-in om hi. Tua bang hun hong tuah a kipan zu dawn kipan hi. Kum 12 pha khinta hi mah taleh lungkhamna tawh kidim hi; alungnuam ngei lo hi.
Ni
khat zu dawnin om a laitakin a vengte khat in Ellen White gelh laibu khat tawi
amu hi. Tua laibu tungah vantungmi lim kituangsak hi. Claude in laibu min a zak
ciangin lamdangsa mahmah hi. Tua laibu in Kidona Lianpi bu hi. Claude in
“Kidona” cih kammal pen thei lua hi. A innkuan sung mahmahah kidona kinialna
tawh kidim hi. Hih laibu in kidona, kinialna vive ahihleh bang hangin laibu kawm tungah vantungmi
kituangsak hi ding hiam,? cih theihnopna lungsim nei hi. Tua laibu in bang laibu hi ding hiam cih
thei nuam ahih manin naupangpa tung pan sim dingin a kawm ding a ngaihsun hi.
Naupangpa tungah “Na laibu hong kawmsak
in” ci-in zu kamnampi tawh hopih hi. Naupang in bang gen hiam cih thei lo hi.
“Nang zong na mawhna kisik hi lecin hih vantungmi bangin na om ding hi” ci-in
naupang in a dawngkik hi.
“Na mawhna na kisik leh Jesuh hong
paikik ciangin vantungmite bangin vangliatna tawh kidimin na nungta ding hi,”
ci-in naupang in hopih hi. Hih naupang kammalte in khuaphia bangin Claude
lawngkha mahmah hi. Tua hun a kipan
Claude in zu dawn nawn lo hi. A mawhnate kisikin gamtat zia le tong hoih tawh
nuntak ding hong kipan hi. A veng naupangte in Saturday nisialin biakinnah
pai-in kikhawm uh a thei hi. Claude in “
Kei zong no tawh biakinnah kikhawmin kong pai thei ding hiam, ci-in va dong hi.
Naupangte nuikawmsa-in “ Hong pai thei mah ni ciai, hong kikhawm in” ci-in
dawngkik uh hi.
Sabbath
hong tunkik ciangin kikhawm dingin pawlpi mite biakinnah hong pai uh hi. Claude
in hih biakinnah kikhop nuamsa mahmah hi. Sabbath School hunzatnate, naupang
thusinnate-ah zong kihelin lasakna Lai Siangtho kamngah cihnate-ah zong va
kihel thei hi. Sabbath hong tun kik ciangin Claude in Lai Siangtho zong sim
thei ta hi. A laisim laibute khat in naupang khat in a lawm a gualte adingin
laisimkhiatsakin tua bangin Pasian adingin teci muanhuai sak thei ahihna thute
zong hong thei toto hi. Tua a laibu simna sungah naupang khat le a pa kiho-na thu sim kha hi.
Naupang in a pa tungah “Midangte tungah Pasian kammal ka pulaak khia thei ding
hiam? ci-in a dot ciangin a pa in “ Lai Siangtho sung pan na deih mun khat
laidal tung khatah gelh khia inla, tua na laidal pen na lawmte khat tungah pia
in,” ci-in sawl hi. Claude in hih thu
hoihsa mahmah ahih manin thakhat thu-in aman zong Lai Siangtho a deihna munte
laidal khat tungah gelh khia-in, a lawm naupangte tung pia sawn hi. Naupang
kimkhat in Claude tawh kibangin kikhawm dingin biakinn ah hong pai uh hi. Tuate
lak pan mi 4 in tui hong kiphum thei uh hi.
Tu-in
Claude in kum 15 pha-in Tan 10 sinta hi. Claude in laidal khat tungah ama deih
deuh Lai Siangtho munte gelh khia-in a lawmte pia hi. “ Jesuh ka it hi. Bang
hang hiam cihleh Jesuh in ka mawhnate
hong maisak hi. Ama tungah ka lungdam hi. Ama hong paikik nadingin ka kigingkhol
hi. Tua hangin Ama Kammalte ka hawm sawn kawikawi thei hi.
Gam
tuamtuam panin Sabbath school sumpite kikaikhawm a, Rwanda gam Pawlpi nasepna
kizomto thei hi. MUC in ahihleh Sawbua Adventist Sang huh nadingin kipuak ding
hi.
