January 7 | UGANDA
Christine
Christine innkuan in bang mah nei lo innkuan khat hi. Amaute pen Uganda gamah teng uh hi. Nek tawm zong innkuan ahih manin a tanu khat uh phungyi khat makaihna tawh kihong sanginn khatah sangkahsak uh hi. Tua sangah phunggyi khat pen a pa tawh kisuun mahmah hi. Hih phunggyi pa in tua numei no nopsak nading, limtakin lai a sim theih nading cihte deihsak mahmah hi. Numei no in a sangkah a man khit ciangin zong a maban a zop nading a vaihawmsak hi. Nursing sang khatah sangkahsak hi. Hih sang panin a man ciangin Christine nursing nasep a zongpah hi. Phungyi pa in khuapi sung panin paikhia-in mundangah nasep zong zaw dingin a hilh hi. “Khuapi sungah om lecin khuapi sung nopsaknate sungah kia-in a nunzia kisia kha ding ahihna a pulaak hi.”
Christine
in phungyi pa muang mahmah hi. Ahi zongin ama utna mun in khuano hi lo-in
khuapi sungah nasep zong nuam zaw hi.Khuapi sungah nuntak khuasak nuam zaw
dingin ngaihsun hi. Tua hangin khuapi sungah nasep ding zongin a omna panin Seventh-day
Adventist pawlpi in zatui zahaa tawh kisai
phualpi khatah nasem ding mi ut a omleh nasep kisiau thei hi, cih laisuan mu
kha hi. Hih medical center in khuano- khat om ahih manin khuano a om ding ut lo
hi. Phungyi pa in “Kithawi in, pai ding,” ci-in sawl a, a mawtaw tawh paikhiat
pihin hih khuano ah nasem dingin va puak hi. ‘Koi tengah nasem ding ka hiam”ci-in
phungyi pa dong hi. “ A sawt lo-in nasep thak khat ngah niteh” ci-in phungyi pa
in dawngkik hi. Christine in phungyyi pa in
sum hau mahmah ahih manin nasep khat hong guan ding hi thei inteh,”
ci-in ngaihsun hi. Tua bangin mawtaw tawh paipai uh a, Adventist huang sung
khatah va tung uh hi. Christine in khuano ah nasem nuam lo hi mah taleh nasep
ding mu thei tuan lo ahih manin hih
khuano-ah nasep hong kipan veve hi. Khua
sung mun khatah innsapin om hi.
Christine in nasem ngei nai lo ahih
bangmahin nasepna-ah lamdang a sak thu tampi tuak kha hi. Amasa-in khuano a om
pen gu ne kha bangin kingaihsun hi. Hih khua miten Saturday ni-in biakpiakna
nei uh a, hih zong lamdangsa mahmah hi. Pasian in hih bang mite tawh nungta
khawm dingin a ngaihsun thei kei hi. Ama omna tawh kinai penpen biakinn in
Sunday ni-in biakpiakna nei uh hi.
“Kuama
om lohna munah bang hih thei ding ka hiam? ci-in lungngaingai hi. Adventist
thu-um mi pawlkhat hong pai uh a, Chritine omna-ah hong pai uh a, amah tawh
thungen khawm thei uh hi. Sababth ni hong tun sialin lasa khawmin thungen
khawmin Lai Siangtho thusinna nei khawm
den uh hi. Tua bangin hong pai uh a, Chritine tawh biakpiakna kikholhkhopnate
hangin Chritine in nopsa lua lo hi. Amaute hehpihna lungsim in a lungsim
lawngkha veve hi. Christine in amaute tawh lasak khopnate nuamsa hi. Adventist pawlpi kalsuanzia thei ngei nai
lo ahih manin a lungsim khempeuh tawh biakpiakna nei thei nai lo hi. Ahi zongin
tua phungyi pa hong pai-in Christine in Adventist pawlpi upna thute thei hi.
Pawlpi mite hong pai uh a, Adventist pawlpi ah ki-ap dingin va zawn thei zel uh
hi.
Kum thum khit ciangin tua bangin va zol
nawn lo uh hi. Tua bangin a va zol sungin Christine in amaute gamtat zia le tong bnagci
bang hi ding hiam, ci-in a encik hi. Tua bangin amaute gamtat zia le tong hoih
amuh ciangin Christine in a sanggam numei nihte in Adventist pawlpi ah ki-ap
dingin a zon hi. Hih Pawlpi in thuman thutak hilh hi. Christine in biakinn pai nawn lo-in Saturday ni-in biakpiakna nei nawn nuam lo
hi.
Saturday
zingsang khat pawlpi mite khat hong
pai-in biakinnah kikhawm ding zawnin
hong pai hi. Tua bangin kikhawm ding zolin hong pai amuh ciangin Christine zong
nuam mahmah hi. “Tuni in keima ni hi; ka
kikhop ni ding hi” ci-in ngaihsun hi. “ Christine zong kikhawm dingin kithawi-a
puante khel hi.” A beisa kum thum sungin
Adventist pawlpi-ah tui kiphum thu-um mi tampi mu ngei khin hi. Tua hi-in tu-in
bangci kalsuan ding cih a thei hi. Pastor pa in “a ki-ap nuam khempeuh hong pai
un” ci-in mipi mai-ah sapna khat nei hi. Chritine zong tui kiphum dingin
khensatin amah zong ki-ap dingin mipi mai-ah hong paikhia hi. Tua bangin ki-ap in va pai amuh uh ciangin
pawlpi mi tampi in lamdangsa ciat uh hi. Christine in tui kiphumin tui sung
panin hong pusuah khiat ciangin lungdamna tawh kidim hi.
Tu-in
Christine in hih munah a tun theihna hangin Topa Pasian tungah lungdam a ko
thei hi. Hih a nasepna mun in Nchwanga Seventh-day Adventist Dispensary( Cinate
kibawlna)
“Nchwang-ah ka pai nuam kei hi. Ahi
zongin Pasian in hehpihna tawh kidim ahih manin Ama hong hehpihna hang tawh hih
munah a tung thei ka hi hi. “Nchwanga in ka nuntakna hong khelsak mun hi,”
ci-in ka ciamteh hi.
Tu
quarter Sabbath 13na sumpi in Nchwanga, Uganda gamah “ cina lunate kibawlna
center” khat kipat khiatna dingin kipuak ding hi. Hih mun in cina lunate bek
tham lo-in thuman thutak sungah kipantahna mun khat hong suak hi. Hih mun panin
Uganda mi tampi in Pasian thuman muhna-in nei thei uh hi.
MUC
in ahihleh Sawbua Adventist Sang huh nadingin kipuak ding hi.
