January 28 | Upna tawh thungen
TANZANIA
Elia
Elia in buai-na lianpi khat nei hi. Tan Sawm zo khin a, Arusha Universityah sangkah theih nading phalna ngah khin hi. Sangkah nading sum nei lo hi. Amah pen Seventh-day Adventist thu-um mi khat hi. A sang zop nading university mu zo lo hi. Bang hang hiam cihleh sum nei lo ahih manin huhna pia university zong kawikawi hi. Ni khat a lawmpa Joseph tawh kimu uh hi.
Amah zong Tan Sawm sangkah zo khin ahih
manin “nang koi-ah kah ding na hiam? ci-in kidong uh hi. Univerity of Arusha-ah
sangkah dingin kikum uh hi. Anihun Arusha
univeritsy ah sangkah dingin kithukim uh hi.”
Elia
in Joseph tawh sangkah khawm ding ngaihsun hi. A nihun Arusha university
ah BA kah dingin hong kithawi uh
hi. Anihun sangkah zo thei uh ahih manun
Topa tungah lungdamko uh hi. Sangkah khin hi mah taleh sangkahna sum leiba lai
ahih manun huhna ngen uh hi. Joseph a zinkhiatma-in Elia in Yombo Seventh-day
Adventist Biakinnah nipi kaal thunget kikhopna-ah va kihel thei hi. Pastor tawh
kimu-in thungetna-ah kitangsap teng gelh khia unla, ci-in thungen khawm uh hi.
Joseph in leiba lohzawh nading sum ngen lo-in Topa tungah lungdam a kohna thu Elia
in a theih ciangin lamdangsa hi. “Topa aw, Arusha university ah sangkah theihna
nong pia-a BA zawhna nong ngahsak ka lungdam hi,” ci-in Topa tungah a lungdamna
thu a pulaak hi. Sangkahna leibate loh zawh nading lampi hong honsak in” ci-in
thungen hi.
“Huhna
ngahna bangmah nei lo hi mah taleh Topa tungah sangzawhna hangin lungdam ko
tawntung a leiba loh zawh nading huhna panpihna a ngah nangin zong Topa tungah
a ngen veve hi. Friday ni khat Elia le Joseph in mawtaw khawlna mun khatah va
pai uh a, 600 km gamlatna Usa Gunpi khua-ah pai dingin letmat lei uh hi. Joseph
in a mailam ding lunghimawhna nei hi.“ Arusha khua-ah pai ding letmat ka lei uh
hi. Hih khua-ah mel theih nei lo ka hih manun lunghimawhna ka nei hi” ci-in
pulaak hi. “koi bangin huhna ngah lo-in nungta ding” cih lunghimawh uh hi. “Pasian
na um hiam? ci-in kidong uh hi. Joseph in dawngkik a, “ka um mah hi,” ci hi. “Pasian
ka upna bangin nang zong na um hiam? ci-in dong a, Joseph in “ka um mah hi”
ci-in a pulaakkik hi. “Pasian in mawtaw khawlna mun hong huhpih ahih manin
nuntak khuasak nadingin zong hong huh ding hi” ci-in ka muang hi, ci-in Elia in
a dawngkik hi. Tua khit ciangin Elia le
Joseph in huhna ngah ahihlam a thei uh hi. Joseph in Elia tungah a lungdamna a
pulaak thei hi. “Na upna in na lianpi sem hi. Lamdang mahmah hi” ci-in Joseph
in a pulaak hi.
Sabbath
ni khat Elia in biakinnah kikhawmin va pai hi. Tua munah hotkhiatna thu a
pulaak thei hi. Hih in Elia adingin nalamdang lianpi khat hong suak hi. Pastor
in Elia ading thungetna nei a, pawlpi miten zong Arusha university ah a om
sungin Pasian hehpihna ngah a ngetsak uh hi. Tu-in Elias in a sangkahna zo khin
ta hi. Sabbath tawlngakna hangin Sangkah thei lo sangnaupang honkhat tawh zong
kimu kha-in, university sangkah hileh
Sabbath ni tawlnga thei lo ding ahihlam a phawk hi. “Lametna lianpi khat nei-in
tua hangin university sangkah ka hi hi. Ka khensatna khial hi, ci-in ka kisik
tuan kei hi.
Tu quarter Sabbath 13na sumpi in Arusha university puah
nadingin kipuak ding hi. Hall
lian khat lam ding geelna khat nei uh
hi. Tu laitakin hih university ah sangnaupangte zat ding sangkhaan kicing zo lo
hi. Leitung mun tuamtuam a om thu-um mite panpihna tawh amaute kitangsapnate
kicing zo dingin lametna lianpi ka nei uh hi, ci-in huhna hong ngen uh hi.
MUC
in ahihleh Sawbua Adventist Sang huh nadingin kipuak ding hi.
