January 21 | Vanleng tuahsiatna
Seventh-day Adventist pawlpi neih vanleng khat in lamdang takin kisiat nading panin a suakta thei hi. Pius in kum 53 cing khin hi mah taleh evangelist, Pasian thugenin khua khat pan khua khatah pai kawikawi-in thugen khat hi. Vanleeng in lei tawh a kisukkhak ma-in vanleenghawl pa in vanleng tung panin tuahkhia thei hi. Vanleengah a tuang mi ngate in vanleeng tawh kisia khawm uh hi. “Amah in a cellphone tawh suakta thei-in, a zi Nicole hopihpah hi.” A zi kiang pan phone a ngah ciangin a pasal in a lawmte khat tungah vanleeng tuahsiat vai a zasakpah hi. Pius in a khe katanin liamna tuamtuam zong nei hi. Ahi zongin amah bangmah ci lo bilbel hi. A zi in a phone sung panin a ngah thute zasakin a pasal in sisan tawh kidim a puansilhte zong amu hi.
Nicole
in ni thum sung bang a pasal tawh kiho thei lo uh hi. Ahi zongin phone
tungtawnin kiho thei ahih manun Topa tungah lungdamna ko den hi. “Pasian ka
nusia nawn kei ding hi” ci-in a zi tungah pulaak hi.“Pasian in hoihna khempeuh
tawh kidim hi.” Bang thu hangin vanleeng kia cih thu theitel lo uh hi. Tua
vanleeng in Russia bawl hi-in, gam sung
miten a puahphat uh vanleeng hi. Kamako
khuapi panin Tshikapa khua-ah vanleng tawh pai uh hi. Vanleeng hawlpa in
vanleeng tuk nading mun zong kawikawi-a, vanleng engine in kisia semsem hi. A
sanna lamah om ahih manin Pius in vanleeng in meikhum tawh kidim amu hi.
Tua ciangin awging khat za-a, tua awging in
“Vanleng hawlpa zui in” ci hi. Amah in vanlenghawlpa mu-in kongkhak panin
lengkhia pah hi. Tawl khat khit ciangin tai nih bang a kia suk hi. Sawlbawk
khat tungah a kia suk hi. Vanleng kuangin gin ngaih mahmah hi. A kiatna mun panin vanlengtual gamla lo,
tai 4 khawng bek kigamlakna munah a kia hi. Tua khit ciangin Adventist pawlpi
makai siate kimkhat hong pai uh a, a site innkuanpihte tawh biakpiakna, hehnepna
hun bawl thei uh hi. Tua vanleeng tungah a tuang mite in sum bawl tuamtuamte le
Angolan nupi khat zong kihel hi.
Sabbath Ni- Vanleng leng lo
Pius
in sia hi ta keileh Pasian thugenin a zin kawikawi thu-um mi khat hi. Tua
bangin Pasian nasem kawmin suang manpha lei-in zuakin sumzong mi khat hi. Amah
zong pawlpi phuah thakna khatah kihel dingin vanleng tuang uh hi. Tua bangin
pawlpi nasepna-ah kihelin pawlpi om nai lohna munah pawlpi phut ding ngimna
khat a nei hi. Khuapi ah pai suak dingin
vanleng khat a zong hi. Ahi zongin ama pai nopna khua-ah a leng ding vanleng in
Saturday ni simloh nidangin leng lo citciat hi. Vanleng vaisaite kiangah pai-in
Saturday ni-in vanleng leng lo dingin va
kuppih hi. “Saturday ni pen Pasian ka biak ni ahih manin Saturday ni-in vanleng
pai keileh ut ing,”ci-in vaisaite tungah a pulaak hi. “Ahi zongin Saturday
ni-in vanleng pai veve hi.”
Pius
in Saturday ni mahin a pai nopna khua pai veve dingin geelna khat a nei hi. A
zon kawikawi-na panin vanleng letmat khat a lei hi. A zi hopihin a geelna a
khellam a zasak hi. Vanleng tual panin a geelna a khellam a zi tungah a pulaak
hi. Pawlpi phuan ding a geelna khua-ah lampi dang khat tawh vapai dingin a geel
hi. Tua nitak lamin Nocole in a zi tungah vanleng tual nuamtakin hong tungkik
thei ahihlam a pulaakkik hi. A
tawpkhakna-ah a sanggamte khat in hopih a, “Na pasal bangci hiam” ci-in a dong
hi.
Nicole
in zingsang a kipan bangmah kihona nei lo uh hi. A sanggampa un phone len nuam
lo hi. Nicole in thakhat in hopihpah hi.“ Lungkia lo-in Topa na Pasian-in mateep
zom thei dingin a pulaak hi, “ ci-n a sanggampa in pulaak hi. A sanggampa in
sihna tawh kipelh thei hi” ci-in pulaak hi. Nicole in zi lupna inn sungah lut
sukin thungetna khat nei hi. A sawt lo-in a lawmte khat hong hawhin a pasal
maante va lak hi. Tua vanleng tuahsiatna thu internet ah kizel mangkhin hi. Nicole
in Internet sai khatah paipah a, tua
thute va en kawikawi hi. Amah in Pius in liamna ngah taleh sihna ding panin
suakta ahihlam amu hi. Nicole in tua ni-a thupiang thute a ngaihsunsun hi. A zi
in bang hangin a pasal in vanleng kiatna panin suakta thei hi ding hiam, ci-in
a tel zo kei hi; bang hang hiam cihleh a si mi tampi om himah taleh a pasal suakta thei hi. A pasal
in Pasian Sabbath zahtakin Sabbath ni-in vanleng tuang nuam lo ahihna a upna thu
Pasian in thei ahih manin tua bangin sihna ding panin suakta hi, ci-in a
ngaihsun hi. Late 91:14 sunga Pasian kamciamte phawkin Ama kepna hangin sih
nading panin suakta thei ahihlam a phawk hi. Tua hi-a Pasian tungah cihtakna in
thupi hi. Bang hang hiam cihleh Pasian in a tawntungin hong kem den hi. Thu-um
mite huhna hangin Congo gamah Pasian nasepna kizop suaksuak thei hi.
