January 14 | Gil Sung Mun Khat Vang
Marcel
Marcel in si ding zah dongin natna thuak hi. A gil nakpi-in na hi.A gil tungah a khut a ngak ciangin nasa semsem hi. Sum lah nei lo ahih manin bangcih ding cih lunghimawh mahmah hi.
Congo gam khuapi-ah zato kah nadingin
sum piakkholh keileh cinate in zato lup kiphal lo hi. Tua hi-in mi khat in Adventist Clinic Kinshasa khua-om
Adventist Zato-ah va pai in. Tua zato ah lum thei niteh ci-in va gen hi. Tua thu a zak phetin amah zong a zi le a
tate tawh tua zato zuanin pai pah uh hi.
HIh zato ah lupna 15 bang om hi. Hih zato hong tun uh ciangin sum piak kholh
kul lo-in zato kilumsak ahih manin innkuante in lamdangsa mahmah uh hi. Tua bek
tham lo-in zato nasemte, siavuan siamahte in cinate adingin thungetna neihsak
uh hi. “Tua bangin amaute in thungetna a
neih khop uh ciangin Marcelte innkuan in lamdangsa semsem hi. Hih zato-a nasem
khempeuh in cina mite dam nading bek lunggulh uh a, sum zonna-in nasem hi lo uh
hi. Mun dang zatote-ah hi leh sum piak kholh lo-in cinate zato lup ding kiphal
lo hi mah taleh, hih Adventist Zato-ah tua bang hi lo-in, sum lakloh bek tham
lo-in cinate adingin thungetna nei den
uh hi. Hih zato in cinate limtakin kemin khoi uh hi.
Marcel
damlohnateng in limtakin sittel pha uh a, a gilpi sungah a vang khat omlam mu
khia uh hi. Bang hangin tua bangin vang
om hiam cih thei lo uh hi. Temta bangin a hiam na khat peuhpeuh valhkha maw,
ahih keileh gu khat peuh dawn kha maw, ci-in a dot hangun Marcel in tua bangin
nate le gu dawn lo ahihlam a pulaak hi. Marcel natna in natgil khat hi. Manlang
theithei-in ki-at ding ci-in siavuanten pulaak uh hi. Hih bang natnate mi 10
lakah mi 3 khawng bek damkik zo lo uh hi. Marcel in hih zato-ah ki-ap hi.
Zato-ah van kisam khempeuh nei lo ahih manun van kisam teng kaikhawm phot
dingin ki-at nai lo uh hi. A tawpna-ah
van kisamteng ngah uh, kibawlpahin Marcel
in zan ciangin limtakin ihmu thei ta hi.
Siavuanten Marcel gilpi at uh a,
limtakin bawlsak thei uh hi. Marcel in tua bangin a natna panin
damna a ngah ciangin Pasian in hong
damsak hi; zatui zahate hangin kidam hi lo
hi, cih upna a nei hi. “Ka natna gil lua khin ahih manin siavuante in a
hunlapin hong bawl thei uh a, sihna tawh a kipelh thei ka hi hi,” ci-in Pasian
kepna hangin Topa tungah lungdam a ko hi. Tua bang natna in Pasian bek mah in a
damsak theih ding natna hi, cih a phawk thei hi. A ki-at zawh ni 10 khit
ciangin bangmah natna nei nawn lo ahih manin ki-atna pen lawhcing hi, ci-in a
ciamteh hi. “ Pasian bawl nalamdang taktak hi, ci-in a pulaak hi. Marcel in “
Kha Siangtho hong ompihna ka phawk hi” ci-in pulaak hi. Hamsatna i tuah ciangin
Pasian ompihna i kisam hi. Marcel in le a innkuanpihte in tua bangin a
gimthuaknate uh a mangngilh kei uh hi. Sih nading panin suahtakna ngahkik manun
Topa tungah lungdam a ko tawntung thei uh hi. Marcel in Adventist pawlpi
nasepna zato inn a phawk den uh hi. “Hih zato-a nasemten hehpihna tawh kidimin
cinate a bawl ding uh a kihanthawn phapha uh hi.
2019
kum a Sabbath 13na sumpite hih zato puahphatna kinei hi. Marcel kibawlna zato-ah tu-in lupna 15 bang
kikoih hi. Hih khuapi sungah mi 1700000 bang teeng uh hi. Hih zato panin cina
tampi in damna ngah uh hi. Cidam bek tham lo-in Jesuh Khrih Honpa-in zong a
sang uh hi. Marcel zong tuate lakah kihel hi. “ Hih zato ka tunin a si dektak
hi mah ta leng, tu-in ka damkik hi” ci-in a pulaak hi. Pasian hong hehpihna mi
kim in thei tahen.
MUC
in ahihleh Sawbua Adventist Sang huh nadingin kipuak ding hi.
