February 4| Pasian Hun
TANZANIA
Godwin K. Lekundayo
Godwin K. Lekundayo in khawk makai pastor khat hi. Ama thu hilhna panin vantung thute ka theithei hi. Tanzania gam Moshi khua-ah Pasian thugenna meeting khatah makai-in hong kiseh hi. Khua khal laitak hi-in Moshi khua gei-ah Kilimanjaro mual golpi khat om hi. Hih mual in Africa gamah mual sangpen khatin kiciamteh hi. Khaal sung kha masa lam khat hi-in guah hong zu ahih manin innpua-ah kuamah pai khia thei lo-in mi khempeuh inn sungah ki om ciat hi. Tua hi-in thugenna-ah zong kuamah hong pai thei lo uh hi. Pasian thugen hun ding kha nih kha thum bang sotto dingin ka ngaihsun hi. Tua bangin thugenna nei dingin khua hausa pa in guah zuk hangin sot toh ding hong awi lo hi. Thugenna kipan baih dingin ka geel uh a, Topa Pasian in ka thungetnate uh hong dawng hi ci-in ka thei uh hi.
“
Tua hi-in bang cih ding i hiam? ci-in ka dong hi. Hausa pa in “Guah zuk lam nang zong na muh na theih hi
ven, upna lianpi nei hi lehang Topan hong huh lo ding hiam? ci-in a dawngkik
hi. “ Pasian in i thungetna hong za-in guah zu hi taleh i thugenna kipan thei
dingin lampi hong honsak hi”
“Topa
aw, nangmah in hoihna tawh kidim Pasian na hi hi. Nitak nai 3:30 – 6:30 ciang
guah hong zuk loh nadingin hong dalsak in. Tua hileh thugenna limtak kipan thei
ding lametna k anei uh hi” ci-in thu ka ngen un hi.
Guah
zuk loh hun sung thungai dingin khua sung mite hong pai thei uh hi. Nai 4:30 a
kipan thugen ka kipan uh hi. Nai 6 hong sat ciangin thugen kizo hi. Kikhop khit
ciangin mipite nuam takin inn ciahkik thei ding uh hi, ci-in lametna ka nei uh
hi. Ahi zongin tua bang thungetna Pasian in hong dawng ding hiam, ci-in
ngaihsutna ka nei hi. Upna neu lai ka hih manin tua bangin ngah takpi ding cih
upna muanna ka nei zo kei hi.
A
zing ciangin guah tampi hong zu hi.
Nitak dong tua bangin beel a buak bangin guah zu ziahziah hi. Nai 3:30 hong sat
ciangin guahzuk hong theu mawk hi. Tua ciangin nai 4 hong sat ciangin thugen ka
kipan uh hi. Nai 6 hong sat ciangin guah hong zu kik takpi hi. Tua bangin nipi
kaal nih sung Pasian thugenna ka nei uh hi.
Zingsang hun teng guah zuzu a, nitak nai 3: 30 ma-in guah theu kik pah
hi. Nai 6 ciangin guah hong zu kik hi. Ni khat thugenna-ah hong pai mi khat in
kipatma-in hong tung khin hi. Tutna hoih ngah nuam ahih manin tua bangin hong
pai baih hi. Guah theu nai lo ahih manin tawlkhat sung ka ngak a, nai 3:30 hong
sat ciang lamdangtakin guah zu nawn lo hi.
A
zingciangin hong pai kik a, tuni thugenna a kinei diam, ci-in hong dong hi. “
Nei mah ni” ci-in ka dawng kik hi. “Nai
3 a sat ciangin guah theu dingin thungetna ka nei ngei kei uh hi. Ahi zongin
Pasian in hun a sak hun ciangin a hoih pen dingin a mite adingin hong bawlsak
hi, cih ka phawk uh hi. Kikhop siima hong pai mipa in kikhop pelh ngei lo-in
thungai-in hong kikhawm suaksuak hi. Guah zuzu lai ahih manin guah theu ngakin
om a, nai 3:30 hong cin ciangin guah theu lian mawk hi. Tua hi-in guahthuakin
kikhawm ngei lo uh hi.
Sabbath
ni hong tun ciangin guahzuzu taleh guah theu ding thunget ding ka phawk kha kei
uh hi. Ka thaneemnate uh Topa in hong thei veve-in zingsang nai 9 panin guah
theu a ni tak lam ciangin guahzu lo-in om lam ka phawk uh hi. Sabbath nunung
belin tui kiphum mi 12 bang hong om thei hi. Tui sung pan ka pusuah khiat
ciangin guah hong kipan hi. “ Thupha ngah hi ciai” ci-in ka gen hi. “Nang in
guntui le guah tui tawh tui kiphum na hi hi” ci-in ka pulaak hi.
Ka
tuah thute tungtawnin ka ngah thu in Pasian in hun thupi sak mahmah hi. Hun in
i khut sungah a om loh hangin Pasian in Ama khut sungah hun koih hi. Ama deih
bangbangin a uk thei hi. Pasian hong piak hun zatsiam ding kisam mahmah hi.
Paul in a hong hilhna-ah ‘Mihaite bang lo-in mipilte bangin nungta unla, tu hun
in bang hun hiam cih thei tel un” (Ephesians 5:15-
16) ci-in hong hilh hi. Pasian thugenna-ah hun a val a kanin
a zangkha hi leng, thungai-in hong pai mipi in guahthuakin inn ciah ding uh a,
a kik ciangin hong pai ding uh hamsa ngaihsut ding uh hi, cih thu ka khua nung
phawk hi. Guah thuakna hangin mi kimkhat in cinat lawhkha ding uh hi. Tua hi-in
hun zatzia siam mahmah kisam ahihna thu a hong hilh hi. “Tua hi-in ka hunte uh
ka sim theih nadingun a pil lungtang hong guan in” ci-a thu ngetnget ding kisam
hi (Late 90:12).
Leitung
mun tuamtuam panin thu-um mite huhna tawh East-Central Africa Division sungah
kipuak kawikawi a, University of Arusha in Tanzania-ah kipuaka pawlpi nasepna
lianpi kisem zo thei hi.
MUC
in ahihleh Sawbua Adventist Sang huh nadingin kipuak ding hi.
