February 25| Pastor maw Gam ading nasem?
TANZANIA
Jacob
Jacob in kum 7 a phakin Pasian sapna ngah ahihlam kiphawk thei hi. Naupangno khat ahih hangin pastor khat ahih keileh gam ading nasem khat ka suak ding hi, ci-in ngaihsutna nei hi. Gam ading nasep ding baih zaw dingin ngaihsun hi. Tua hi-in pastor sem zaw ding maw, gam ading nasem zaw ding cih a theihtel nadingin Pasian kiangah dotna khat nei hi. Jacob in gam ading nasem dingin a innkuanpihte a kipan khuapih tuipih tampi in hanthawn uh hi. Gam makai tampite in zong gam ading nasem dingin zol uh hi.
Amaute
zolna a nial zo kei phial hi. Jacob in gam adingin siamna nei hi. Mi lianpi
khat suak thei ding hi, ci-in gam ading kipia ding zol tawntung uh hi. Siamna
tuamtuam nei ahih manin gam adingin nasem hi leh sum le paai tampi ngah ding
ahihna thu zong a pulaak uh hi.
Hih bang thute a zak ciangin a neulai-a
a zak thute tawh kituaksa lo hi. A neulai-in pastor sem ding ngimna nei hi.
Buai-na tuamtuam hong phutkhak ciangin
Lai Siangtho sinin a sangkah zom zo nawn lo hi. Tanzania gam a Adventist
pawlpi neih university ah Lai Siangtho sinin om a, sangsap ding le kisapna
tuamtuam sik zo ding om lo ahih manin a sangkah dinkhol phot hi. Kumpi huhna
ding lah lamet om lo hi. Jacob in Pasian sittelpha hi. Sawmah khat le sumpite
mantakin pia-a, Mal. 3:10sung a Topa
kamciam mah siksanin kalsuan hi. “ Sawmah khat khempeuh ansal ah hong paipih
un. Ansal in an tawh a kidim nadingin sawmah khat hong paipih un. Kei hong
zia-et un. Khol nading mun om lo liangin thupha kong piak na mu ding uh hi.”
Vantungmi honpite makaipa in “Note adingin vantung kongkhakte kong hon ding a,
koih na ding mun om lo phialin note thupha kong pia ding hi” Topa in ci hi. Hih kamciam siksanin Jacob
in hih bangin thungen hi: “ Topa aw, nangma nasem ding pastor dingin hong sam
ding na hiam? gam ading nasem dingin hong deih zaw na hiam? Hong hilh in. Non
sawlna bangbang ka sem diing hi.” Gam ading nasem hileh pastor sep sangin hamphatna lianpi ngah
zaw dingin a lamen hi. A thunget khit a sawt lo-in Jacob in khawk makai pastor
tung panin phone ngah hi. Pastor in Sabbath ni ciangin thugenna nei dingin
Jacob sam hi. Jacob in tua sapna sangpah hi. Sabbath ni kikhop khit ciangin
pawlpi mite kiangah a hawhna uhah ama thugen hoih kisa mahmah ahihna pawlpi
mite a pulaakkik uh hi. Tua pawlpi kem pastor pa mahmah in zong pakta ahihna
thu a pulaak hi. Hih thute hangin Jacob in Pasian tungah lungdam a ko hi.
Jacob
in biakinn tuamtuamah pai-in thugenna nei hi.
Tua ciangin Tan 4 sanginn khatah nasem dingin sapna ngah hi. Tawl khat
khit ciangin Jacob in Pasian nasem dingin Pasian in hong deih hi ding hi, ci-in
upna a nei hi. Pastor na sem dingin kipan khia-a, a nasepna-ah media lam tawh Pasian nasem dingin
kipankhia thei hi. Arusha university ah
media kitangsamte neih zawh nadingin huhna kaikhawm kawikawi-in, thungetna tawh
mapangin nasem a, Pasian in thupha pia-in a nasep lawhcing mahmah hi. Pawlpi mite tung pan huhna ngen lo zaw-in
pawl pua panin kaikhawm thei a, a
kitangsap van le nate lei nading kicingin huhna a kaikhawm thei hi. “Topa aw,
Nangma nasem dingin hong sam hiteh ci-in upna ka nei hi. Khamuanna hong guan
in. A kisamlai sumte ka ngah nadingun lampi hong vaihawmsak in” ci-in thungen
hi.
A
sawt loin media lam nasepna hong khangtoto thei hi. Univesity sanginn a
kitangsapnate a huh thei hi. A lawmte tampi in zong a huh ciat uh hi. Jacob in
universityah sangkah dingin hong pai hi.
Lai Siangtho thusinna a neih khit ciangin pawlpi makai, ding, pastor sem dingin
sapna an ei hi. Hih biakinn in zong a sangkahna university tawh kinai hi.
Tanzania ah Pasian nasem thei ding mi tampi om uh hi mah taleh pastor sem nuam
mi tawmno khat bek om hi.
Jacob
in Pasian nasem dingin sapna a sang thei hi. Tua hi-in Lai Siangtho sin dingin
university ah sangkah dingin hong pai hi. Tu-in Jacob in a laisinna a zo kuan
ding hi ta hi. Ama thugenna in khangno tampi tungah huzaap lianpi nei hi. Upna
sungah nuntakzia, kalsuanzia ding a hilh kawikawi hi. A thugen khempeuhte
gawptuahin laibu khatin bawl ding a ngaihsun hi. A nuntakna a etkik ciangin
Jacob in Pasian nasem dingin Ama sapna ngah ahihlam kitel hi. Kum 7 a phak hun a kipan Pasian nasem dingin
sapna ngah ahihlam a phawkkik kik hi. “Ka nuntakna-ah na lamdang tampi ka
mu-a Pasian in Ama nasem dingin hong sam
hi, cih ka khamuang thei hi, ci-in Jacob in pulaak hi. Kamsangte hun bangin
khangno naupangno khat ka hih hangin Pasian in Ama nasem ding hong deih hi,
ci-in a hong sapna ka muang thei hi.
Tu
quarter Sabbath School 13na sumpi in Arusha university sanginnpi behlah
nadingin kipuak ding hi. Sangnaupangte giah nading boarder in, sanginn ding le
hall cihte lamna dingin kipuak ding hi.
MUC
in ahihleh Sawbua Adventist Sang huh nadingin kipuak ding hi.
