February 18| NUNZIA KHEL THUSINNA: Khennihna
TANZANIA
Henry
Adventist
Mission East-Central Africa Division
Nung Sabbathin i pulaak thu in Henry in Seventh-day Adventist upna sungah kalsuan thei ahihna thu i pulaak khin hi. Henry in Adventist University of Arusha, Tanzania gamah sangkah sangnaupang khat hi. Henry in biakpiakna, lasakna, sa ne lo antek bek ne-in nuntakna tawh lungkim mahmah hi. Hih bangin nuntakna sungah Henry in nopsa mahmah hi. Ahi zongin a nu le pa upna sungah zong kihel veve lai hi. Henry in a sangkah hun sungin Adventist thu-um nungak khat tawh kithei uh hi. Tua nungak in zong Rwanda, Uganda, Botswana, le Congo le gam tuamtuam panin sangnaupangte lakah khatin kihel hi. Henry in Tanzania pan hong pai hi-in, Africa gam tuamtuamte ngei-na, tatzia, nuntak khuasakzia tuamtuamte a kantel mahmah tangval khat hi.
Henry
le Doreen in lawmta khat hong suak uh hi. A paipai-na uah kizui zui uh hi.
Laisinnate-ah zong khat le khat kihuh kipanpih mahmah uh hi. Thungen khawm zelzel uh hi. Tanzania le Kenya
kibat lohna, kibatnate kikum thei zel uh hi. Amasa-in Henry le Doreen in upna
kibang lo sung panin khangkhia ahihlam uh kithei lo uh hi. Henry in Adventist
thu-um tangval khat hi dingin Doreen in ngaihsun hi. Doreen ngaihsutna zong ahi
ding mah hi. Bang hang hiam cihleh Henry i biakna a kin mahmah tangval khat hi.
Sangkahna-ah biakpiakna tawh kisai-na khempeuhah kihel hamtang den hi.
Biakpiakna-ah makai khatin om a,
sangnaupangte lapawl cihte makai hi.
Doreen in Henry in Adventist thu-um mi hi lo ahihlam a theih ciangin
Pasian thu a theih bangbang a kuppih hi. Tua ciangin Henry in Rwanda university
sangnaupangte retreat pai-na ah kihel ding sapna a ngah hi. Hih retreat in Adventist
Church’s East-Central Africa Division in a vaihawm hi-in Tanzania, Rwanda, Kenya
le gam giat panin khangno tampi kikaihkhopna khat hong suak hi. Hih in Henry in
Rwanda-ah a pai masakna pen hong suak
hi. Tua-ma-in Rwanda gam thu siksan bulpi “ Mual tul tampite mi tampi maitai”
cih thu a za ngei khin hi. Tu-in amah mah
in vapai-in va mu kha hi. Rwanda pau tawh thugen ding sawlna ngah hi.
Adventist thu-um lo ahihlam a theih uh ciangin lamdangsa ciat uh hi. Hih
khualzinna-ah Henry in Pasian thu sungah khantohna nei ahihlam kiphawk thei hi.
Kenya ah aom sungin a upna zong hong
thak suah hi. Amah in university la pawlsate lakah kihelin lasa nopsa mahmah
hi. Sangnaupangte le pawlpi miten pakta thei mahmah uh hi. A annekte uh zong
limsa thei mahmah hi. Lupna khawlnate zong kician thei mahmah uh hi.Adventist
upna sungah khantohnate hangin a lungkim mahmah uh hi. Kenya gam a retreat
bawlna panin Doreen tawh kikholhna limtak nei thei uh hi.
Henry
in a sangkahna Arusha university panin zawhna lianpi ngah hi. A lawmte lak
panin madawk pen sangnaupang khat hong suak thei hi. Lukhu nelkai a ngah khit
ciangin Sabbath ni hong tun ciangin tawlnga den hi. Doreen tawh kizopna zong
pelh lo hi. A sangman zawh kum nga khit ciangin a nuntakna Jesuh tungah ki-ap
a, tui kiphum hi. Tua khit ciangin Doreeen tawh kiteng ding geelna nei a, a nih un kiteng thei uh hi.
Tu-in
Henry le Doreen in ta thum nei ta uh hi. Henry in Tanzania kumpi nasem khatin
om a, Adventist pawlpi-ah sumkemin kikoih hi.
Tu
quarter Sabbath School 13na sumpi in Arusha university puah nadingin kipuak
ding hi. Sangnaupangte kitangsapna tuamtuam a diakdiakin boarder le hall cihte
lam nadingin kizang ding hi.
MUC
in ahihleh Sawbua Adventist Sang huh nadingin kipuak ding hi.
