February 11 | Nuntakna A Khel Thusinna
(Part 1
TANZANIA
Henry
Henry in Seventh-day Adventist pawlpi mi hi lo hi. Ahi zongin Adventist thu-um miten University of Arusha in Tanzania ah sangkah dingin hanthawn den uh hi. Ahi zongin Henry, Adventist university kah pilna sin nopna lungsim nei lo hi. Bang hang hiam cihleh sangkah nadingin sum nei lo hi. Lungkia-in a om laitakin a mailma thu ding a ngaihsunsun hi. Adventist pastor in Henry hamsatnate a theih ciangin huhna pia dingin a ngaihsun hi.
“University of Arusha ah sangkah ding
geelna nei in. Na tun zawh nading hanciam in. Lungkia kei in, ” ci-in a pulaak hi. Henry in kumpi huhna ngenin
a ngah ding ngakin a om hi. Kha tampi a
ngak khit hangin bangmah huhna ngah lo hi. Tua hi-in University of Arusha in a
huh ngetna thu zaksakna nei-in “kumpi huhna nget ngah ciai ci-in zasak uh hi.
Hengry zong hih thu a zak ciangin lungdam mahmah hi. Henry in “University of
Arusha” ah sangkah dingin lametna lianpi tawh hong kithawi khia hi. University
kahin sang man khit ciangin nasep hoih lianpipi ngah dingin lametna lianpi anei
hi. Tu-in Henry in kum 22 pha pan hi. A lametna a tangtun ding bek ngakin a om
hi. Arusha university a tun ciangin lungdamna tawh kidim hi. Hih sang in a hoih
mahmah a nuam mahmah sanggolpi khat hi; ganhing namcin kikhawi-na Arusha
gammang tu laak tawh kinai sang lianpi khat hi. Gam sung panin ganhing
tuamtuamte sang huang sungah hong pai zelzel thei uh hi.
Meru
Mual in Africa gamah mual sang pen nga lakah khatin kihel hi. Hih mual in mun
tuamtuam panin kigalmuh thei hi. Sangkahna sanginn khan sungte panin zong hih
mual kigal muh thei hi. Henry in Arusha
university sangah gam tuamtuam panin hong pai sangnaupangte kipawlna khat hong
phuan khia-in amahmah hih kipawlna-ah makai khatin hong pang hi. Kenya, Rwanda,
Uganda, Botswana, Congo le gam tuamtuam panin sangkah tampi om hi. Henry in hih
bangin gam tuamtuam pan kikaikhawmin ngei-na tuamtuam tawh kidim nunzia a deih
kei hi. Ahi zongin laihilhte deih thei bilbel hi. Sangnaupangte khat le khat
kihuh diamdiamin om amuh uh ciangin lamdangsa mahmah hi. Sangsiate in
sangnaupangte a kepzia in nu le pate in tate a kep uh tawh kibang hi. Lai sin
kipat ding ciangin thunget masa phot uh hi. Tua bangin a sangkahna-ah
Seventh-day pawlpi upna thu zong hong um toto thei hi. A upna le amau ngei-na
pupa upnate enkak thei zel a, Adventist upna in a lungsim lawngkha mahmah hi.
Sabbath ni ciangin biakpiaknate a pelh ngei kei hi. Wednesday ni thunget kikhop
cihte a kipan biakinnah kikhopna a om sialin a pelh ngei kei hi. Tua kawm mahin
Sunday ni ciangin biakinnah kikhawmin a
pai veve hi. A nu a pa pawlpi zong nial ngam pah lo ahih manin a nu a pa
kikhopna biakinnah kikhawmin a pai veve hi. Arusha university ah sangnaupangte
kipawlna-ah sumkemin kikoih hi.
Henry
in hih sanginn sangnaupangte annekte deih thei mahmah hi. Hih sanginnah sa
kipia lo hi. Anteh singgah nek ding thupisak uh hi. Hih sang hong tun ma-in
Henry in cidamna ding annek tuidawnzia
ding thute honpi khat thei khin a, ama theihna bangin hih sanginn in zui
ahihlam a thei hi. Kha thum khit ciangin
a pumpi cidamna tampi kikhel ahihlam amu thei hi. Ni khat a lawmte khat in khua
sung mun khatah vakpihin annekna khat nei uh hi. A nitak ciangin Henry in zan
ciangin ihmu thei mahmah lo hi. A laite zong sim thei lo-in om hi. Thunget zong
ngap nawn lo zah dongin a thaniamsuk gawp hi. Tua hi-in sa nek loh mah a hoih
zawkna thu a lawmte tungah a pulaak kikkik hi. Henry in Nekkhawm Nekna-ah
kihelin Adventist pawlpi in hih Nekkhawm a bawlzia amuh ciangin amuh ngeingei Nekkhawmte tawh
kibang lo ahih manin lamdang a sak tampi mu hi. Khat le khat khe kisilsakna amu
ngei kei hi. Khe kisilsakna, khomun le lenggah tui dawnna cihte in mawhmai-na
thu le hotkhiatna thu muh thakna khat a ngah thei hi. Nekkhawm nek khit ciangin
pawlpi miten annekkhopna nei uh a, tua lai-ah zong Henry va kihel hi. Tua hun
matengin kuamah in Adventist thu-um mi khat ahihlam dong lo uh hi. Ahi
zongin tua Sabbath ni a kipan pawlpi
miten zong pawlpi mi khat bangmahin ngaihsun uh hi. Suun an nek khit ciangin
nitak lam biakpiaknate ah zong kihel hi.
Khat veivei a lawmte tawh lasa thei zel uh hi.
Tua
bangin kha 4, kha 5 hong pai khit ciangin Henry in Khrih sungah nunna thak
nungta ahihlam kiphawk thei-in a nunzia kikhel ahihlam a phawk thei hi.
MUC
in ahihleh Sawbua Adventist Sang huh nadingin kipuak ding hi.
