LESSON
4 JANUARY 21–27
JESUH
ADING SUMPITE
SABBATH
NITAK
TU
KAAL SUNG SIM DING: 2 Kor. 9:6, 7; Thkna. 16:17; Late
116:12– 18; 1 Khang. 16:29; Mark 12:41–44; Mark 14:3–9.
KAMNGAH: “Kei tunga ama thupha tampite Topa’ tungah bangci thuk ding ka hi hiam? Topa in kei hong hotkhiat ka lungdamna hangin ama kiangah tuiphih biakna ka paipih ding hi. Topa’ tungah ka thuciamnasa pen ama mite khempeuh a kikhopna munah ka pia ding hi” (Late 116:12–14). Sawmah khat banah sumpite zong Topa tungah i paipih ding kisam hi. Sawmah khat i piak khit ciangin a cianlai seh kua lak pan sumpite i pia hi. Sawmah khat piak khit ciangin a cianlaiteng panin sumpi i piak hi-in sawmah khat piak khit ciangin cit piakna kipan hi pan hi. Pasian mite in sumpi tuamtuamte pia ding uh hi. Mawhna hanga sumpi piakna, hih in Pasian hehpihna hangin Topa tungah piakna ahih keileh lungdamkohna sumpi hi. Hih in Pasian hong cin hong kepna, cidamna, neih le lamhte le nuntak khuasak theihna hangin Topa tungah lungdamkohna hi. Hihte banah mizawngte adingin sumpi le biakinn lam nading le biakinn kepna ding sumpite zong i pia hi. Pasian hong piakhongte ngaihsun lehang sumpi piakna in sumpiakna mawkmawk hi lo hi. Pasian in eite adingin a sepnate hangin, a diakdiakin Khrih hong sihna hangin Topa tungah lungdamna hangin sumpite Ama kiang i paipih hi zaw hi. “Eite in Jesuh i it hi; bang hang hiam cihleh Amah in eite hong it masa hi” (1 John 4:19). Tua hi-in pawlpi in, khua tual pawlpi ahi-a, pawlpite kipawlna (conference) ahih keileh leitungbup a huam pawlpi hi taleh, Pasian hong piak na khempeuh Ama gam zai nadingin i zang hi. Tu kaal sung i sin ding thu in Lai Siangtho hong hilh Pasian nasepnaa kimakaihna thute i kikum ding hi.
SUNDAY
January
22
Piakkhiatna
Hong Tawsawn Thute
Pasian
in hong it masa ahih manin eite in Pasian i it hi. I piaknate in zong Ama hong
piak a lamdang nate hangin a pia ihi hi. A man takin, “Topa in eite sumpi kisam
lo hi.” I piakna hangin Amah a hau ding hi lo hi. Late gelh pa in hih bangin
pulaak hi: “Na khempeuh in Nangma kiang pan hong pai hi. Nangma aa mah na
kiangah kong paipih uh hi.” Ama hong hehpihna hangin Topa tungah lungdam ko
dingin hong deih hi. Ama hong kipiakna hangin Ama tungah i piak ding hong deih
hi. Topa hehpihna ingah bangin midangte tungah zong hehpihna nei dingin hong deih
hi. Pasian hong hehpihna hangin Ama tungah lungdamna i lah khiat ding a hong
phal hi; a kilawm thu hi, cih thu zong hong theisak hi. Tua bangin i lahna-ah
Pasian in eite hong hehpih ahih manin midangte tungah zong hehpihna a kilangsak
dingin hong deih hi. Hih lampi in Pasian tungah lungdamna i pulaak theihna le
Pasian i itna a pulaak thei ihi hi. Tua lo lampi dang om lo hi.”—Ellen G.
White, Counsels on Stewardship, p. 18. Jesuh tunga i neihsate i va ap ciangin
Amah le midangte i itna akilangsak ihi hi. Bang hang hiam cihleh sum le paai in
na hoih lianpi a sem thei hi. Jesuh in thudang dangte sangin sum le paai, neih
le lamh tawh kisai thu lim gen mahmah hi. Matthew, Mark le Luke sungah mun guk
ciangin mun khat in sum thu tawh kisai thu hi. Gospel thupuak lungdamna thu in
Pasian in eite zong sum le paai zeek khialhna le sum itna panin hong dal thei
hi. Matthew 6:31–34 le Thkna. 28:1–14 sim in. Pasian hong thupiak bangin i
nuntak leh, Amah in bang hong sem dingin bang kamciam a hong pia hiam? Tua
kamciam tungah bang nuntakpih ding om hiam?
___________________________________________________________
I
sumpi piakte in Pasian tungah piaknopna le nuntakna i kipiakna a pulaak ahi hi.
Sumpi piakna-in upna kip sungah nuntakna a kilangsak hi thei hi. Sumpi piakna
in Topa Pasian tungah i nuntakna khempeuh i kipiakna thei hi. Mangkam kamzatna
danah “I sum koihna mun in i muk hi.”Pasian ka it hi” ci-in na pulaak thei hi.
Ahi zongin tua bang nunzia in na sumpi piakna in a kilangsak hi. Piakna in itna
hong khangsak hi. Lungsim takpi tawh a pia mi in Pasian muanna nei-in, ama
kitangsapna khempeuh Topa in a hong sikh hi. I sumpi piakte in Khrih sungah
hotkhiatna ngah khamuanna pulaakna hi thei hi. Sumpi piakna in Pasian maipha
ngah nading hi lo hi. I sumpite in upna tawh lungsim khempeuh tawh Khrih i san,
pomna i pulaakna hi. Tua in hehpih ngahna le hotkhiatna ngahna kicinnna hi. 2
Kor. 9:6, 7 sim in. Topa in bang hong gen hiam? Lungsim khempeuh tawh pia cih
ciangin akhiatna inbang hi ding hiam?Koi bangin piaknopna lungsim tawh kipia
thei ding hiam?
MONDAY
January
23
Sumpi
Bangzah Pia Ding?
Thuhilhkikna
16:17. 100 ah bang zah pia ding cih sangin bang thu siksanin pia zaw ding i
hiam?
_______________________________________________________________
Pasian
in nuntakna hong piakhong ahihna, a hong hotkhiatna, a hong kepna, thupha tampi
hong piakna hangin Topa Pasian tungah i lungdamkohna-in sumpite piakna tawh i
pulaak hi. Tua hi-in i pulaaksa bangin Pasian hong piakna tungtawnin Ama tungah
a pia ihi hi. ‘Tampi a kipia mi tung panin tampi mah a kingenkik hi” (Luke
12:48). Late 116:12–14 sim in. Koi bangin tua dotnate dawngkik thei ding i
hiam? Koi bangin a diakdiakin aneu 12 sung dotna dawng ding na hiam? Koi bangin
sum le paai tawh kizopna nei hiam?
___________________________________________________________
Pasian
in na khempeuh hong pia ahih manin koi bangin Amah piakik thei ding i hiam?
Cikmah hunin Pasian tungah i piakik thei ngei kei ding hi. I hih theih penpen
in Pasian nasepna-ah piaknopna lungsim tawh pia-in i kihel theih cih sim loh,
midangte i huh ding cih simloh i sep theih a dang om lo hi. Jesuh in a
Nungzuite a sawlkhiat lai-in hih bangin a vaikhak hi: man ngen lo-in hong kipia
ahih bang mahin man ngen lo-in na pia ding uh hi”(Matt. 10:8). I sumpite in
Khrih zia le tong i neih zawh nadingin hong huh thei hi.Angsungkhualna panin
itna tawh nuntakna-ah i kikhel thei hi. Midangte ading piakkhiatna hatin, Khrih
it bangin eiten zong midangte i it thei hi. I phawk tawntung ding thu in” Pasian
in leitung mite hong it ahih manin …. a Tapa khat neih suun a hong piak dongin
a hong itna hong lak hi”( John 3:16). A langlamah—zan khuamial bei-in suun
nitang pelmawh bangin ngahna tam semsem leh huaihamna zong lian semsem hi. A
huaiham mi in hehpih huai hi. Bangzah pia ding cih pen mimal khensatna tungah
kinga hi. Kuate huh ding cih zong eima deihtelna tungah kinga hi. Ahi zongin i
sumpite in Topa tungah i piak ahihlam i phawk ding kisam hi. Piakna in
Khristian thu zui mi khat masuan hi-in Pasian tawh kizopna le gamtat zia le
tong khantohna tawh zong kizopna nei hi. Piaknoplohna in Pasian tawh kizopna
zong nusia bek tham lo-in i nunzia mahmah zong kisia sak thei ahihlam i phawk
ding kisam hi. Na sumpi piakte, piakna tung na lungsim puakzia in Pasian tawh
na kizopna pulaak hi lo hiam?
TUESDAY
January
24
Sumpite
Le Biakpiakna
Lai
Siangtho biakpiakna paizia ding hong hilh lo hi. Ahi zongin biakpiakna-ah
paizia thu bulpi li kimu thei hi. Thukhun Thak sungah biakpiakna-ah thuhilhna/
thugenna, thungetna, music (lasakna) sumpi piakna le sawmah khat piakna zong
kihel hi. Israel pasalte in kum khatin thum vei Jerusalem ah biakpiakna nei
dingin va pai hamtang ding uh hi. Tua bangin biakpiakna pia dingin a pai uh
ciangin “amaute in khutguak tawh va pai lo ding uh hi” (Thkna.16:16). A dang
khatin gen leng, biakpiakna-ah Topa tungah sawmah khat piakna le sumpite
khiatna zong kihel hi, ci-in i thei hi. Kum khatin Paisan pawi, Pentecost le
Buk pawi ciangin Pasian tate in sawmah khat le sumpite Topa mai-ah a paipih uh
hi. Tua hi-in biakpiakna nei mi khat in khut guak tawh hong pai-in biakna pia
lo uh hi. A dang khatin pulaak lehang, nidang Israelte in biakpiakna sungah a
thupi khat in sawmah khat le sumpite a piakna hi. A man tak biakpiakna in
thugenna, lasakna le Topa tungah lungdam kohna banaah lungdamna tawh sawmah
khat le sumpite Topa mai-ah piakna zong kihel hi. Sawmah khat le sumpite
biakbukah hong paipih uh hi; tuhunin Sabbath ni-in kikhopna-ah i paipih hi.
Sawmah khat piakna le sumpi piakna in biakpiakna khat hi, ci-in i thei hi. 1
Khang. 16:29; Late 96:8, 9; 116:16–18 sim in. Koi bangin biakpiakna-ah tua thu
bulpite zang thei ding i hiam?
_________________________________________________________
_________________________________________________________
Pasian
tate in leitungah hotkhiatna nasepna-ah kihel ding uh a, Ama hong piak thuphate
zong limtakin zeek ding masuan nei uh hi. Tua bangin Pasian nasepna-ah kihelna
in eite hamphatna hi; sumpite zong Topa kiangah va paipih ding masuan nei ihi
hi. Topa in Ama adingin tate hong pia ahihleh tate tawh biakpiakna neikhawmin
sawmah khat le sumpite tawh Topa i biakhawm ding hi. Sabbath School thusinna le
biakinn hun geelnate-ah tate va paipih ding kisam hi. Mun khat khatah thu-umte
in sawmah khatte online tungtawnin pia uh hi. Ahi zongin koi bang koi bangin i
pia zongin biakpiaknaah sawmah khat le sumpite piakna in biakpiakna khat hi,
cih i thei hi. Biakpiakna-ah sawmah khat le sumpite piakna in zong biakpiakna
ahihna tawh kizui-in na tuahkhak thute in koi bang hiam? Koi bangin sawmah khat
le sumpite piakna in Pasian tawh na kizopna hong huzaap hiam?
WEDNESDAY
January
25
Pasian
In I Piak Sumpite Ciamteh Hi
Mk.12:41–44
sim in. Hau taleng zawng taleng Mk. 12: 41-44 in bang thu nuntakpih ding hong
gen hiam? Hih thu bulpi in bang hong hilh hiam? Koi bangin biakpiakna-ah tua
thu bulpi zang thei ding i hiam?
___________________________________________________________
Jesuh
le a Nungzuite in biakbuk tualah sumpite kikoihna munah hong pai uh hi. Amah in
biapiakna pia-in hong pai mite sumpi khiatte amu hi. Meigong nupi khat zong
biakpiakna pia-in hong pai-in a sumpi khiat Jesuh in amu hi. Jesuh in meigongnu
sumpi piak sumngo tang nih amu hi. Amah in a neih khempeuh a piak ahi hi. Jesuh
in tua meigongnu lungsim a theitel hi. Tua meigongnu in biakbuka nasepnate in
Pasian sawlna bangin kisem ahihlam a phawk hi. Meigongnu in biakbuk nasepna
tatsat lo-in a kizop suak nading lunggulhna lianpi anei hi. Hiih thu hangin
amah in ahih theihzah sit lo-in neih khempeuh ahong paipih hi. Ama piakkhiatna
in a kimangngilh ngei lo piakkhiatna hong suak hi. Amah in tawntung nuamna sung
a tung hi. A lungsim khempeuh tawh a piak ahih bangmahin a mal in a tam het loh
hangin Pasian a itna le Ama nasepna kizawh ding lunggulhna lianpi nei ahih
manin tua piakkhiatna manphatna kiciangtan thei lo hi.” Ellen G. White,
Counsels on Stewardship, p. 175. Lai Siangtho sungah a kiciamteh Jesuh pulaak
piakhiatna in meigongnu kipiakna bek mah kimu hi. Tua sumtang in biakna makaite
tungah kipia ahih hangin a sawt lo-in biakna makaite in Jesuh a thatlum uh hi.
Pawlpi ngimna le a nasepna panin lampial hong kipan hi. Sawl. 10:1–4 sim in.
Bang hangin Roman Galkap kiangah vantungmite hong hawh uh hi ding hiam?
Vantungah kiciapteh amaute nasepna nihte in bang hi ding hiam?
___________________________________________________________
I
thungetnate Topa in za bek tham lo-in i lungsim ngaihsutna khempeuh zong a hong
thei hi.Roman Galkap makai pa in piakna-ah a cing mahmah ahi hi. “Na sum omna
munah na lungsim zong a om hi” (Matt. 6:21). Cornelius in piaknopna tawh Topa
tungah a pia hi. Amah in Jesuh thute a thei nuam hi.Thungetna le piakkhiatna in
tuamkhen theih hi lo hi. Thungetna le piakkhiatna in Pasian le midangte itna
pulaak hi. Hih thu nihte in Pasian thukham kingakna a thupi hi. “Na Topa Pasian
na lungsim khempeuh, na nuntakna khempeuh, na hatna khempeuh tawh na it ding
hi. Nang le nang na ki-it bangin midangte zong na it ding hi” (Luke 10:27).
Pasian itna in thungetna tungtawnin kimu thei hi. Midangte itna in piakna
tungtawnin kilang hi.
THURSDAY
January
26
A
Tuam Vilvel Nasepnate: Beel Dimin Piakna
Mihingte
neihsa van le nate 9% in ut hunhunin sum a suak thei neih le lamh hi, cih kimu
thei hi. Tua hi-in biakpiakna-ah sumpi ding kitangsam cih om ngei lo ding hi.
Sumtang, checking, sumkholhna, summet bawlna (market funds) cihte in sumtang
ngahkik theihna vive hi. Neihsa 91% in inn le lo tawh kisai vive hi. Sumsuakkik
thei van le nate le sumsuakkik thei lo van le nate kilamdanna in hai khat
sungah sumtang 1000 koih lehang, a dang hai khat sungah sumtang 10 bek koih
tawh kigenteh thei hi. Tua hi-in pya 90 kikoihna hai in pek 9 limcing hi-in,
pya 910 in sum suak thei lo 91% limcing hi ding hi.Mi a tamzawte in sumpi a
khiat uh ciangin sumneenteeng bek pia thei uh hi. Ahi zongin mi khat in ngahna
lianpi khat lametna a neih uh ciangin tampipi pia thei uh hi. Lai Siangtho
sungah hih bang thute kimu thei hi. Mark 14:3–9 le John 12:2–8 sim in. Simon
pawi bawlna-ah kua in a thu bulpi bel hiam? Mary piakkong in bangzah man hi
ding hiam? Bang hangin Jesuh sathau kinilh hi ding hiam?
___________________________________________________________
Mary
piakkong in 300 denarii tawh kikim hi. Hih pen kum khat sung thalawh sum tawh
kikim hi. Piaknopna lungsim tawh a piak hi (Hai gol sung pan piakkhiatna kici
thei hi). Hih thu khit ciangin Judah in Jesuh lehhekna thu kimu thei hi. Judah
in dangka 30 tawh Jesuh a zuak hi (Matt. 26:15). Lungsim takpi tawh piakkhiatna
in itna kipiakna kisam hi; neihna khempeuh piakna hi. Ahi zongin huaihamna hong
lut ciangin Judah bangmahin, bang mah lo tawh i nuntakna i zuak kha thei hi.
Barnabas nunzia le a nasepnate Thukhun Thak sungah mun 28 ah kipulaak hi.Amah
pen Paul tawh nasemkhawm mi khat hi, ci-in i thei hi. Ahi zongin ama thu
kipulaakna masa bel Sawl.4: 36, 37 in Barnabas pen piakkhitna ahat mahmah khat
ahihna kipulaak hi. Khrih pulaak bangin Barnabas in etteh thamcing mahmah khat
hong suak hi. Jesuh in a gen bangin “‘Na sum omna munah na lungsim zong a om
ding hi” (Matt. 6:21). Banghangin piakkhiatna in a ngahte sangin a pia khiate
adingin thupi zaw hi ding hiam?
FRIDAY
January
27
Ngaihsutbeh
Ding: Vantunga ciaptehna laibu sungah sum le paai tungah
citaknate kiciamteh hi. Vantungmiten Pasian tungah i piak bangbangin a ciamteh
uh hi. Pasian hong piak sum le paai, van le nate zong a ciamteh uh hi. Pasian
in Ama nasepna tangzai zawk nadingin sepna bawlna khempeuh a thei hi. Piaknopna
lungsim tawh piakna, pia nuam lo pipi-in piakna hi taleh piakna khempeuh
kiciamteh hi. Ama deihna nialin kipiaknate, ki-apna tawh kipiaknate, sawmah
khat le sumpi piakna khempeuh kiciamteh hi. I sepna bangin thaman a hong kipia
ding hi.Pasian hong piak thuphate zatkhialhna khempeuh zong kiciamteh hi.
Pasian deihna tawh kituak lo sum le paai zeekna, zatna khempeuh zong kiciamteh
hi. A mangthang mite adingin nasepna, piakna khempeuh zong kiciamteh hi. Pasian
adingin sepna,, piakna khempeuh in thaman a ngahkik hamtang ding uh hi.”Ellen
G. White, Testimonies for the Church, vol. 2, p. 518. “Pasian in hotkhiatna
nasepna mainawt dingin thungen ding hong deih hi; nasep nading geelkholhna nei
dingin zong hong deih hi. Cornelius mah bangin eite in zong thungetna le
piakkhiatna tawh hotkhiatna nasepnaah mapang ding ihi hi. I thungetnate le
piakkhiatnate Pa Pasian mai-ah a kahto hi. Sepna om lo upna in upna si hi; a
nungta lo upna in Pasian a lungkimsak zo kei hi. Thungetna in lungsim thatang
le piakkhiatna tawh a tonkhawm ding hi. Upna tawh kalsuanin thungetnate Pasian
in mangngilh lo hi. Amah in itna tawh sepna khempeuh, angsung deihna khempeuh
nialnate a ciamteh hi. Amah in i gamtatna tawh i upna pulaak theih nading lampi
a hong honsak ding hi.”Ellen G. White, Atlantic Union Gleaner, June 17, 1903.
KIKUP
DING DOTNATE:
1.
Koi bangin thungetna
le piakna in tonkhawm hiam? Cihnopna-ah koi bangin kua tungah bang pia ding,
bang hunin pia ding, bangzah pia ding cihte theihtelna na nei hiam?
2.
USA gamah a minthang
mahmah magazine laibu khatte in sum ngahna kician a nei mite thu pulaak hi.
Wall Street a nasemte sum ngahna thute pulaak uh hi. Ahi zongin tua bangin sum
tampipi ngah nei nasemte in lungkhamna, buai-na tuamtuam tawh kidim uh a, a hehpih
huai mi vive hi. Tua bangin nasemte lak manager in bang gen hiam cihleh: “Sum
tampi ngah peu leng ka si zongin bang phamawh nawn ding hiam, ci hi.
Piakkhiatna tawh kisai-in hih thu panin bang nuntakpih ding i hiam?
Piakkhiatna-ah a pia mi in zong hamphatna lianpii ngah thei ahihna, piakkhiatna
in “Hauhna hong khemna panin hong dal thei hi lo hiam? (Matt. 13:22)?
3.
Ellen G. White pulaak
thu bangin “Sawmah khat le sumpite zat khialhkhak loh ding bang hangin thupi
hiam?
