LESSON
3 January 14–20
SAWMAH
KHAT PIAKNA THUCIAM
SABBATH
NITAK
TU
KAAL SUNG SIM DING: Pian. 14:18–20; Mal. 3:10; Thkna.
12:5– 14; Siam. 27:30; 1 Kum. 17:9–16; 1 Kor. 4:1, 2.
KAMNGAH: “Ka biakinn-ah an a om theih nadingin sawm-ahkhat a kimin hong paipih un. Kei hong ze-et un; vantung kongkhakte hongin, note a dingin na hoih tampi kong piakna na mu ding uh hi” (Malachi 3:10) Pian. 14 sungah Abraham in galdo-in zawhna a ngat khit ciangin inn a ciahkikna thu kimu thei hi. Galte khut sung panin a sanggampa honkhia-in Sodom panin saltangin a om mite zong a hotkhiatna thu kigelh hi. Sodom kumpipa in tua bangin Abraham lawhcinna amuh ciangin lungdam mahmah ahih manin kumpipan galte tung pan a ngah khempeuhteng Abraham tungah a pia hi. Abram in tua van le nate sang lo-in ahi zongin a neihsate lak panin Melchizadek kumpipa tungah sawmah khat a pia hi.Tua bangin Abraham sawmah khat a piak khit phet ciangin Topa in “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi (Pian. 15:1). Tua bangin Topa in Abraham in a gen khit ciangin, hun hong pai toto-in Moses hun ciangin Israelte in Canaan gam a luah madeuhun hih bangin Moses in a gen hi: “A kum kumin na lo uhah a piang, na khaici panun a piang khempeuh sawm-ah-khat na pia ding uh hi. Topa na Pasian uh na zahtak tawntung nading uh na theih nadingun, ama min a ten nadingin a teelna mun Topa note’ Pasian’ mai-ah na an uh, na leenggahzu uh, na sathau uh sawm-ah-khat, le na bawnghon uh le na tuuhon tacilte uh na ne ding uh hi” (Thkna. 14:22, 23). Hih tawh kizomin Ellen G. White in a gelhna-ah: “Pasian piak thupha a ngah khempeuh uh amauten Moses gen bangin biakpiakna-ah kizang dingin a pia ding uh hi. Hih sawmah khat piakna in Adamte hunlai a kipan ahi hi.”Testimonies for the Church, vol. 3, p. 393. Hih thu in bang hong hilh hiam?
SUNDAY January
15
Sawmah
Khat In A Sawm Khatna Tawh Kikim Hi
Tongdot
bute sungah “Sawmah khat” cih thu in na khempeuh tungah 10% cihna hi. Hih a
khiatna in Lai Siangtho sung pan hong pai thu hi. Sawmah khat i cihin i ngahna
khempeuh tungah 10 % Topa tungah i piak ding ahi hi. Na khempeuh in Topa neihsa
ahihlam i phawk ding kisam masa hi. Sawmah khat piakna in Sinai Mual tungah
Topa in Moses tungah a pulaak hi-in, sawmah khat in siangtho hi; sawmah khat in
Pasian aa hi (Siam. 27:30, 32). Pasian in Ama aa 10% bek hong ngen hi. Sumpi
dangdangte banah sawmah khat i piak ding ahi hi. Sawmah khat in thu zuihna-ah
cihtakna a pulaak hi. Lai SIangtho sungah sawmah khat sangin a tawm zaw piak
ding a pulaakna om lo hi. Pian. 14:18–20 Hebrews 7:1–9 sim in. Abram in
Melchizedek tungah sep ding bang nei hiam? Kum tul tampi pai khin hi mah taleh
tua thu in bang hong hilh hiam?
___________________________________________________________
Lai
Siangtho sungah akipulaak masa bel sawmah khat piakna thu in Pian. 14 sungah
kimu thei hi. Melchizedek in Abram tawh kimuhna thu hiin, Lai Siangtho sungah a
kipulaak nunung bel sawmah khat thu Heb. 7: 1-9 sungah kimu thei hi; hih munah
“a sawmna” “sawmah khat” cih kammal kimu thei hi. Melchizedek le Khrih in Levi
minam hi lo uh hi. Ahi zongin Levite ngah ding sawmah khatte amaute tungah a
kipiakna thu i mu thei hi. Tua hi-in sawmah khat piakna in Levite tung bekah
kisawl hi lo hi. Sinai mual panin hong kipan hi lo hi; Jew mite ngeina amaute
zat ding bek hi lo hi. Pian. 28:13, 14, 20–22 sim in. Pasian in Jacob adingin
bang sem dingin pulaak hiam? Jacob in Pasian nasepna bangci dawnkik hiam?
___________________________________________________________
Jacob
in a teenna inn nusia-in paikhia-a, hehna tawh kidim a sanggam pa Esau kiang
pan a taikhia hi. A paina lampi-ah nitak khat zan giak dingin kithawi hi. Hih
munah mangman a, a mang sungah vantung le leitung a kizom kahlei khat mu-in,
tua kahlei-ah vantungmite in vantung pan a tuaksuk a kahto a mu hi. Pasian in
tua kahlei dawnah tu-in om amu hi. Pasian in Jacob tungah kamciam khat pia-in
“nangmah tawh kong om ding hi; na inn ah na tungkik ding hi,” ci-in a hopih hi.
Hih tangval pa le Pasian kiho-na ah Jacob in Topa Pasian tungah “ Ka Topa in ka
Pasian hi-in, kei nong piak khempeuh lak panin sawmah khat kong ap kik ding
hi,”ci-in kamciam a pia hi. Pian. 28:21, 22). Bang hangin sawmah khat in
Sabbath thupiak bangin nidang Israel mite le amau biakpiakna panin a hong kipan
khia hi lo hi, ci thu i theih ding thupi hiam? Singlamteh tungah Khrih hong sih
khit ciangin a nungta eite adingin bang thuman hong hilh hiam
MONDAY January
16
Koi
Lai Mun In Ansal Hi Ding Hiam?
Mal.
3:10 sim in. Koi munah Sawmah khat vakoih ding hong hilh hiam?
_________________________________________________________
Lai
Siangtho in sawmah khat tawh kisai thu kician kitel takin hong hilh khin lo hi
mah taleh Pasian mite in “ansal” cih thu a khiatna i tel thei veve hi. Pasian
in sawmah ah kizat nading lam hong lak hi; “Ka ansal in an tawh a kidim
nadingin an hong paipih un.” Ama mite in Pasian inn in biakbuk/biakinn hi, cih
a thei uh hi. A masa-in Sinai Mualah Pasian in a thupiakna-ah buk lam dingin
sawl hi. A nung ciangin Israelte in Kamciam gam a luah uh ciangin Shiloh munah
biakbuk lam uh a, tua khit ciangin Jerusalem khuapi-ah biakinnpi kilam hi.
Thuhilhkikna 12:5–14 sim in. Hihte in Pasian mite in amau ut thu tawh amau
deihna bangbangin sawmah khat zat ding phal lo ahihna kimu thei hi. Tuhun
adingin sawmah khat kizat nading mun a thu guipi-in bang hong hilh hiam?
___________________________________________________________
Pasian
innkuan sungah a kihel mi khempeuh in sawmah khat kizat nading i theithei hi.
Lai Siangtho hong hilh bangin kum khatin Paisan pawi, Pentecost, Buk pawi
(Exod. 23:14–17), nei-in Pasian bia khawm dingin mun tuamtuam panin Jerusalem
biakinnpi-ah kikaikhawm uh hi. Tua bangin biakpiakna pia-in hong pai uh ciangin
sawmah khat le sumpite zong hong paipih uh hi. Tua ciangin Levite mite in biakpiakna
pia-in hong pai mite hong ken uh sawmah khatte le sumpite Israel gam sunga a
teng a sanggamte tungah a hawmkhia kik uh hi (2 Khang. 31:11–21, Neh. 12:44–47,
Neh. 13:8–14). Ansal tawh kisai-in Lai Siangtho hong hilh bangin Seventh-day
Adventist Pawlpi in “ansal” cih ciangin local conferences, missions, and unions
of churches hi, ci-in i lenkip hi. Hihte in leitung mun tuamtuam a om Pawlpi
limcing uh hi. Hih munte panin Pasain nasemte khasum kipia khia hi. Pawlpi mite
ading a lem thei ding ngaihsutna tawh sawmah khat le sumpite i omna tual pawlpi
ciatah pia ding uh hi. Tua mun panin Pasian biakpiakna kinei a, hih munah
sawmah khat le sumpite hong pua ding uh hi. Mun khatkhatte-ah biakinnah va puak
nawn lo uh a, online panin pia uh hi. Tual pawlpi sumkemte in tung siahah
(conferece ahih keileh mission) puaksawn uh hi. Hih bangin sawmah khat zatsiam
ding le khol nading Pasian in hong lamlak hi. Pasian lamlahna bangin
Seventh-day Adventist Pawlpi in leitung gam tuamtuamah a om pawlpi hi—in tua
bangin sawmah khatte kikhol a, Pasian nasemte adingin kizeek hi. Thu-umte in
amau ut bangbangin a piak nop khat peuhpeuh tungah sawmah khatte a pia dingin
ngaihsun in. Adventist pawlpi in a ut bangin sawmah khat zeek dingin ngaihsun
in. I pawlpi in bang thute a tuakkha ding hiam? Bang hangin tua bangin
kalsuanziate in Lai Siangtho tawh kituak lo hi ding hiam?
TUESDAY January 17
Sawmah
Khat Kizat Nading
Siam.
27:30 le Gam.18:21, 24 sim in. Bang nate-ah sawmah khat kizang dingin Pasian in
ngimna nei hiam?
___________________________________________________________
Pasian
in na khempeuh nei Pa ahih manin (Late 24:1), Amah in sum le paai kisam lo hi.
Ahi zongin Amah in sawmah khat Amah i ap ding hong kal hi. Gospel nasepnate-ah
kizeek dingin hong deih hi.Tua ahih mann Pasian nasemte kitangsapnate a huh
dingin sawmah khat kizang hi. Levi minam— Thukhun Lui sungah namdangte bang
lo-in Levi minamten gamh luah tam kipia lo hi. Leviten khuapi kimkhat luah uh
hi; bukna khuate zong amaute luah hong suak hi. Amaute teen nading mun kicing a
ngah uh hi. Amaute nuntak khuasak nading annek tuidawn adingin sawmah khat
sumpite a zang uh hi. Amau mahmah in zong sawmah khat a pia uh hi. Sawl.20:35
sim in. Bang thupuak om hiam? Koi bangin sawmah khat thu tawh kizon nei hiam?
_________________________________________________________
Sawmah
khat piakna in thupi hi. Bang hang hiam cihleh tua in Pasian tawh kizopna-ah
muanna a hong guan hi.Ngahna lakah sawmah khat lakkhiat inla Topa adingin tuam
koih in. Pasian aa ahih manin sawmah khat piakna in upna thasanna khat hong
suak hi; sawmah khat piakna tungtawnin i upna zong hong khang toto hi.
Gentehna-in hun nunung ciangin Topa tungah a citak miten van lei thei lo, van
zuak thei nawn loh hun hong tung ding hi. Hih thu Mang. 13-14 sungah kigenkholh
khin hi (Lesson 11na en in) Leitung langpanna na thuak ciangin Topa Pasian
sungah muanna i neih ding, Ama vangliatna sungah muanna i neih ding, Ama hong
itna sungah khamuang ding kisampha mahmah hi. Sawmah khat piakna in tua muanna
a hong guan thei hi. I mai-ah a hong tung ding thute in koi bangin Topa sungah
muanna i neih nading hong huh thei hiam? Sawmah khat piakna in thupi hi. Bang
hang hiam cihleh Pasian kamciamte le Ama thuphate i ngah thei hi. Sawmah khat
thuciamna in Pasian in thupha hong pia-in koih nading mun om lo zah phialin
thupha hong pia ding ci-in hong kamciam hi. Tua thuphate tawh midangte i huh
thei hi; Pasian na sepna i panpih thei hi. Bangci bang lampi tawh “ngahna
sangin piakna-ah thupha om zaw hi, ci thei i hiam?
WEDNESDAY
January
18
Ngahna
Khempeuh Pan Maw, Piak Dingteng Khen Phota A Cianlaiteng Pan Pia Ding Maw?
Sawmah
khat piakna tawh kisai-in piak dingteng dawhkhiatma- maw, dawhkhiat khitteh
sawmah khat pia diing hiam? cih tawh kisai dotna tuamtuam om hi. Nasepna-ah
nitha maw, ahih keileh a nai zui-a hong kipia ahi hiam? Kha sum a khan
cianginleh vanzuak vanlei-na pan summet ngahna panin zong sawmah khat kipia hi.
Gam tampi-ah kumpite in ngahna panin siahpia ding thukhun nei uh hi. Kisapna
khempeuh a sikh zo dingin khasum pia uh a, kha sum panin siah piasak uh hi. Tua
siahpiakna pan kingah sumte tawh gampuahna-in zang uh hi. Siahpiakma-sum tung
pan sawmah khat khia ding maw, siahpiak khit ciangin sawmah khat pia pan ding maw,
cih a dong mi tampi om hi. Kha sum sang hi lo sum ngahna neite in sum bul
dawkkhia uh a, a met tung panin kumpi tungah siahpia uh hi. Adventist a tam
zawte in kumpite tungah siahpiakma sumngahna tungah sawmah khat pia uh hi.
Kum.17:9–16 sim in. Meigong nu in Elijah tawh a kimuhma a dinmun bangci bang
hiam? Meigongnu in amah le a tapa ading abawl ma-in kamsangpa in bangsem dingin
meigong nu sawl hiam? Hih thu panin nuntakpih ding bang thu hong hilh hiam?
__________________________________________________________
Zarephath
khua-a meigong nu in Pasian mipa sawlbangin nial lo-in a sempah hi (1 Kum.
17:9). Elijah hong tun ciangin meigongnu in ama nunzia, a dinmun apulaak hi.
Amasa-in Elijah dawn ding tui hai khat a ngen hi. A ngetkawmin “lau kei in. Va
pai inla, na cih bangin va sem in. Ahi zongin ka nek dingin moh hong bawl masa
in” a ci hi. Tua khit ciangin nang le na tapa adingin na bawl ding hi, a ci hi.
Bang hang hiam cihleh Israelte Topa Pasian in “Tua ciangin Elijah in ama
kiangah, “Lunghimawh kei in; pai inla na gensa bangin an hong bawl in. Kei a
dingin mohneu khat hong bawlsak masa-in kei kiangah hong paipih inla, tua khit
ciangin nang le na tapa a’ ding bawl in. Bang hang hiam cih leh Israel Pasian,
Topa in hih bangin ci hi: ‘Topa in leitungah guah a zuksak ni matengin beel
sunga annel bei lo ding a, um sunga sathau zong kiam ngei lo ding hi,’ ci hi,”
a ci hi” (1 Kum. 17:13, 14). Hih tangthu-ah kamsangpa in huaiham tawh kibang hi
lo hiam? ahi keileh meigongnu upna sittelna thuak ahi hiam? A taktakin
meigongnu in a upna thasan nading hun ngah hi zaw hi. Tua bangin upna kip nei
lo hileh puksi ding uh hi. I gennop a thubulpi in ngahna lak panin piak
dingteng pia phot a sawmah khat piakna le piak ding teng dawhkhit ciangin
sawmah khat piak ding maw, cih thu in mimal khensat ding hi. Pawlpi in zong tua
tawh kisai-in thukhun nei lo hi. A tawpna-ah mimal khensatna bangin sittelna a
thuak ding ihi hi. Ei piak bangin a pia lote tungah thukhen ding hi lo hi.
Mimal khat ciat in Pasian mai-ah thusitna a thuak ding ihi zaw hi. “Mimal khat
ciat in i khensatna bangin, i lungsim khensatna bangbangin i piak ding ahi hi.”
Ellen G. White, Testimonies for the Church, vol. 4, p. 469. Sawmah khat a pia
ngei lo mi khat tungah koi bangin sawmah khat piak ding a kisapna thu hilh thei
ding na hiam? Sawmah khat piakna tungtawnin thuphate le koi bangin sawmah khat
piakna in upna hong hatsak hiam?
THURSDAY
January 19
SAWMAH
KHAT PIAKNA-AH CIHTAKNA
1
Kor. 4:1, 2 sim in. Pasian tate ihihna tawh kizui-in Ama neihsa zeek mite ihihna
tawh kizui-in bang dotnate hong kidong ngei hiam?
_________________________________________________________
Tua
ahihleh sawmah khat piakna-ah citak i cih ciangin bang a gen i hiam? Tu kaal
sungin sawmah khat piakna tawh kisai thute i pulaak ding hi. 1. I piakzah—
ngahna khempeuh lak pan sawmah khat, ahi keileh 100%, 2. Ansalah paipih—Pasian
nasemte piakna mun.3. Ngahna khempeuh lak pan amasa penin sawmah khat tawh Topa
zahtak in. 4. Zat nading munah zang—Pasian nasepna huh. Pawlpi miten hih a
tunga thu thumte limtakin i kep ding masuan i nei hi. Ansal ukten sawmah khatte
akizatna munah a kizat nadingin amauten mawhpuak nei uh hi. Sumpi dangte tawh
kibang lo-in sawmah khat pen ansal mahah i puak ding masuan i nei ciat hi. Ei
hoihsakna khat peuhah zat ziau ding hi lo hi. Ka neihsa khempeuh lak panin
sawmah khatte ansalah va puak ding masuan i nei ciat hi. Mihing pat khiat hi
loin Pasian hong patkhiatsa ahi hi. Tua bangin i ngahna khempeuh lak pan sawmah
khat a pia lo hi lehang Pasian a buluh suak ding ihi hi. Ngahna khempeuh lak
pan sawmah khat Topa i piak ding kisam hi. Matthew 25:19–21 sim in. Pasian
nasep nadingin piak ding masuan i nei hi. neih le lamhte tunah citak i cih
ciangin a khiatna in bang hi ding hiam?
___________________________________________________________
“Sawmah
khat khempeuh a kimin ansalah hong paipih un” (Malachi 3:10), hih in Pasian
thupiak hi. Lungdamna le citpiakna hangin piak ding cih thu hi lo hi; ngahna
khempeuh lak panin sawmah khat pia ding cih thu hi. Sawmah khat piakna in citakna,
thumanna tawh kisai thupiak hi zaw hi. Sawmah khat in Pasian aa hi; tua hi-in
Topa aa Amah i apkik ding thu hong pia hi.” Ellen G. White, Education, p. 138.
Pasian neihsate zeek dingin a hong kisawlna in eite hamphatna hi; piak kul
ahihna hong hilh hi. Sawmah khat a piate tungah Topa thupha hong tung takpi hi.
Bang hang hiam cihleh sawmah khat in Pasian nasep nadingin kizang hi. Nidang
Israelte hunlai-in zong sawmah khat pia uh, Levi minamte in zeek uh hi.Mi
kimkhat in sawmah khat kizekna lungkim lo uh ahih manin sawmah khat pia nawn lo
uh hi. A khiat ding uh sawmah khat sumpi mundangah zang uh hi. Ahi zongin
Pasian in “Sawmah khatte ansalah hong paipih un. Sawmah khat kizat nading munah
limtakin a kizang ahih manin sawmah khat hong paipih un,” ci-in hong sawl hi lo
hi.
FRIDAY January 20
Ngaihsutbeh
Ding: Ellen G. White gen sawmah khat thu tawh kisai a
kicing penna mun khat in 9 Testimonies for the Church, pp. 245–252.; Khawkpi 3,
Counsels on Stewardship, pp. 65–107 sim in. “Pawlpi mite khiat sawmah khat
khempeuh in Topa ansalah hong paipih uh hileh Pasian in Ama nasep nadingin a
zah sawm bangin a khangsak ding hi. Sawmah khat sumpite in Pasian hong
hotkhiatna thu kizel nadingin kizang hi. Pasian le mihing kizopna kip tawntung
ding hi.”Ellen G. White, Testimonies for the Church, vol. 4, p. 474. Thu-um
mite in sawmah khat a piak ding zah uh citakin pia uh hileh Pasian nasepna in
lamdang takin mainawt thei ding hi. Sawmah khat piakna-ah citak hi lehang,
Pasian in i piakna tungah 1000% bangin hong pungsak hi. “Malachi 3 sungah
Pasian in mihingte tawh thuciam hong bawl hi. Topa Pasian in Ama thuphate,
vantung thuphate sawmah khat le sumpite citakin a pia mite tungah hong tung
ding ahihna pulaak hi.” Ellen G. White, Review and Herald, December 17, 1901.
“Pawlpi mi khempeuh in Pasian hong kalh bangin a zuih ding mimal khat ciat in
masuan nei ihi hi. Topa Pasian in kicingtakin vantung thuphate hong pia hi.
Sawmah khat piakna-ah Topa in mihingte tawh thuciam nei hi. Ngahna khempeuh lak
pan sawmah khatte Amah i ap ding kisam hi. Topa in hehpihna tawh kidim ahih
manin a mite tungah vantung thuphate a hong pia hi. A hong piakte lak pan
sawmah khat bek hong kal hi; Sawmah khat in keima aa hi, ci-in pulaak khin hi.
Pasian in mihingte kitangsap khempeuh a hong pia hi; tua bang mahin Amah a um
mite in zong Topa aa Amah i pia kik dig kisam hi. Sawmah khat piakna-ah citakna
kisam hi. Jesuh Khrih mahmah in Pasian aa Pasian mah pia ding in hong hilh khin
hi.”Ellen G. White, Testimonies for the Church, vol. 6, p. 384. KIKUP DING
DOTNATE: 1. Sawmah khat piakna in nidang Israelte hong pankhiat thu hi lo hi.
Hih thu in Pasian mai-ah akip tawntung thupiak ahihna pulaak hi lo hiam? 2. Na
lawmte tawh Monday ni-a dotna kikum in. Thu-um miten sawmah khat puak loh ding
mun khatah va puak uh hileh bang piang dingin na ngaihsun hiam? I pawlpi in
bang dinmun hong tung ding hiam? “Ka sawmah khat tawm lua, cihtak kei” ci-in
ngaihsutna in bang khialhna nei hiam? Thu-um mi khempeuh in hih bangin ngaihsun
uh hileh bang dinmun i tung thei ding hiam? 3. Sawmah khat piakna tawh kisai na
thuah khak thute na lawmte tungah hawmsawn in. Midangte tungah sawmah khat tawh
kisai bang thu a pulaak na hi hiam?
