LESSON
2 January 7–13
PASIAN
IN EITE TAWH THUCIAM HONG BAWL HI
SABBATH
NITAK
Tu
Kaal Sung Sim Ding: Matt. 10:22, John 6:29, Thkna.
28:1–14, Pau. 3:1–10, Mal. 3:7–11, Matt. 6:25–33.
KAMNGAH: “Note in Topa na Pasian uh thu mangin, tuni-a kong gen ama thupiakna khempeuh limtakin na zuih uhleh Topa na Pasian un leitung minam dangte khempeuh sangin a lianzaw-in note hong bawl ding hi. Topa na Pasian uh thu na man’ uhleh hih thuphate khempeuh note tungah hong tung ding hi.” (Thkna. 28:1, 2). Pasian in eite tawh thuciam hong bawl hi, cih thu in a lamdang mahmah thu hi lo hiam? Tua bang thuciamnate in nih thu kikimna tawh kibawl hi. Cihnopna-ah thuciam bawlte in (Pasian le mihing) a sep ding uh masuan nei hi. Lai Siangtho sunga thuciamnate en lehang “Kong thupiak bangin na sep leh, thupha kongpia ding hi” ci-in a kigelhna mun tampi kimu thei hi. Nangma ut thu bangin gamta inla thupha kong pia veve ding hi cih bang thuciamna kimu khol lo hi. Hih bangin thuciamna Pasian in mihingte tungah hong pia lo hi, ci lehang kikhial lo kha ding hi. Gentehna-in “Pasian in mi hoihte le mi gilogte tungah a kibangin nitangsakin, guahzusak hi” (Matt. 5:45). Bangbang i sem a, i sem kei zongin nitang, guahtui na khempeuh in Pasian kiang pan hong pai hi. Ama tungah a lungdam den ding ihi hi. Tuiciin tun khit ciangin Pasian in leitungah tuiciin ka tungsak nawn kei ding hi, ci-in thuciam hong pia hi (Pian. 9:9–16); mawhna siatna tawh kidim hi mah tale hang Pasian in hih bangiin kamciam hong pia hi: “ Leitung a omlai tengin, lo pawi hun le anlak hun, a vot le a sa, khuakhal le phalbi, sun le zan bei lo ding hi,” a ci hi (Pian. 8:22). Mawhna tawh kidimin a nungta hi mah taleng, khuahunte – tuk hun, khuakhal hun, phalbi hun hong kikhel toto hi. Tu kaal sung i thu sin ding thu in Pasian le mihingte kikal thuciamna a thupina hi ding hi. Pasian hong hehpihna tawh Ama kiang panin thupha a om zahzah a ngah kim dingin thungen ciat ni.
SUNDAY
January
8
Hotkhiatna
Thuciam
Kalvary
tunga Khrih hong sihna hangin a um mi khempeuh in tawntung nunna a ngah thei
hi. Mawhna tawh kidim hi mah taleng tuk, phalbi le khuakhal hong kikhel tohtoh
bang lo-in tawntung nunna in bangbangin i nungta zongin a hong kipia hi lo hi.
A um mi khempeuh tungah a kipia bek hi. Um le um kei taleh mi khempeuh tungah hotkhiatna
hong kipia hi, ci-in upna in “universalism” kici-in a khiatna in mi khempeuh in
hotkhiatna ngah ding hi, cih upna hi. Jesuh hong hilhna-ah mi khempeuh adingin
Amah in sihna a hong thuak hi. Mi tampi in kisiatna lampi zui-in tawntung
kisiatna a tung ding uh hi (Matt. 7:13, 14). A nuai-a Lai Siangtho munte in koi
bangin hotkhiatna kingah hi, cih hong hilh hiam? 1John.5:13________________________________________________
Matt.10:22___________________________________________________
John
6:29_______________________________________________
2Pet.1:10,11___________________________________________
Paul
in hotkhiatna thuciam , mihing le Pasian kikal thuciamna theihtelna pulaak hi.
A sawt lo-in thahna thuak ding ahihlam thei-in, a lawmten taisan khin uh hi mah
taleh, Paul in lungmuang takin Timothy tungah a pulaak thu in: “Kei ka hih leh
Pasian biakna-in hong kipiak ding hun hong tungta hi. Hih leitung nuntakna ka
nusiat ding hun hita hi. Kidemna-ah ka hat tawpin ka hih khin a, a mong dongin
ka tai khin a, upna thu khotakin lenin ka zokhin hi. Thu a manin a khen Topa in
tua Ni ciangin kei a hong piak ding thuman lukhu ahi gualzawhna thaman in tu-in
kei hong ngak gige hi. Kei tung bekah a hong pia ding hi lo a, ama hong paikik
ding itna tawh a ngakte khempeuh tungah zong a pia ding ahi hi” (2 Tim. 4:6–8).
Paul in, “A pha kido-na ka do zo hi. Thahna thuak dingin ka kigingkhol hi. A
tawp dongin ka tung zo hi. Upna kip ka len hi” ci-in apulaak hi.” Paul in upna
tawh hotkhiatna kingah ahihna thu theitelin thukham bangin nuntakna tawh
hotkhiatna kingah ahihlohna thu, gamtatna tawh Pasian maipha kingah lo hi,
ci-in limtakin hong hilh hi. Upna tawh a ngah ding “Thuman lukhu” “ Khrih dikna
in” kei hong ngak hi, ci-in pulaak hi. Upna tawh kalsuanin nungta ahihna thu pulaakin,
a nuntakna a bei dongin upna tawh kalsuan ding ahihna a pulaak hi. Hotkhiatna
in Pasian hong piakkhong hi mah taleh piakkhong a sang mite le a sang lo mite
kilamdanna in bang hi ding hiam? Hotkhiatna piakkhong i pom nadingin bang kisam
hiam?
MONDAY
January
9
Lungsim
Takpi Tawh Thungaihna
Thuhilhkikna
Bu in Israelte in sehnel gam sungah kum 40 sung a zin khit uh ciangin Moses in
Israel khang nihnate tungah kam vaikhakna, mangpha khakna hi. Tua thute in Moab
zangkuam, Jericho panin nisuakna munah a gen thu hi. Thuhilhkikna Bu pen
“Phawkkikna Laibu” zong kici hi. Hih Laibu sungah Moses in Pasian in a mite
tung a cihtakna thute a pulaak hi. Sinai Mual panin Kadesh Barnea mun zuanin a
khualzina uhah Pasian kepna cinnate Moses in a pulaak hi. Kadesh Barnea in
Kamciam Gamgi-ah a om gam hi. Amaute langpanna thute le kum 40 sung tawntung
sehnel gamah a khualzinna thute zonga pulaak hi. Thuhilhkikna sungah Moses in
Thukham Sawm, sawmah khat thu le ankholna thute a pulaakkik hi. Ahi zongin
Thuhilhkikna Bu mungtup in Pasian thupiakte mangin Ama thuphate tawh nungta
ding cih thu hi. Moses in Pasian thu a pulaak in Amah in na khempeuh a sem thei
Pa, A mite adingin na khempeuh a sem zo Pa ahihna thu apulaak hi. Thkna.28:1–14
sim in. Bang thuphate kamciam kipia hiam? Ahi zongin tua thuphate koi bangin
ngah thei ding ci-in kipulaak hiam?
________________________________________________________
Israelte
in Pasian vangliatnate thei hi le uh Moses in lunggulh mahmah hi; Amah in
nalamdang tuamtuamte a bawl Pasian ahihna le A mite thupha pia ahihna thu a
pulaak hi. Ama thupuak in, “Na lungsim takpi tawh Topa tungah a citak hi
lecin,tawntung nunna tawh kipelh dingin zia-etna sung na kiat loh nadingin
kidawm in.” Mihing deihtel theihna in vanglian hi. Amaute in teltuam minam
ahihlam athei uh hi. Pasian thupha lianpite le kamciamte a ngah uh hi. Ahi
zongin tua thuphate le kamciamte in Ama deihna tawh kituakin a nuntak uh
ciangin a tangtung ding hi bek hi. Hih thu ciamteh a pom ding hi-in, nuntakpih
ding, muanna tawh kalsuan ding uh kisam hi. Pasian in a mite tungah na hamsa
sem dingin bangmah hong sawl kei hi. Bang hang hiam cih leh tuni-a kong gen hih
thupiakna pen note a dingin a haksa lua hi lo a, na zuihlah ding uh zong hi lo
hi. Note in, ‘Eite in a thu za-in i sep theih nadingin kua in vantungah eite a
dingin hong paisakin hong laksak ding ahi hiam?’ na cih theih nadingun vantung
a om hi lo hi. Note in, ‘Eite in a thu za-in i sep theih nadingin kua in tuipi
galkhatah hong paisakin hong laksak ding ahi hiam?’ na cih theihna dingun tuipi
gal-a om zong hi lo hi. A thu, hong nai mahmah hi. Note in na hih theih
nadingun na kamsung uh le na lungsim sung uhah om hi.” (Thkna. 30:11–14). Hi
mah hi. Thuphate banah lauhuai thute zong hong hilhkhol hi. Tua thupiakte a
nawlkhin uh leh gim thuak ding uh a, ahi zongin thupiakte a nuntakpih uh leh
thupha ngah ding uh ahihna thu zong a hilh khol hi (Thkna. 28:15–68). Topa
thupiakte lungsim khempeuh tawh limtakin nuntakpih cih ciangin a khiatna in
bang hi ding hiam?
TUESDAY
January
10
Topa
Zahtak In
Paunak
Bu pulaak thu bulpi in sia le pha, pilna le hai-na thu hi khin lo hi. Paunak Bu
a sim mi khat peuh in pilna hangin hamphatnate le haina hang siatnate amu thei
hi. Pau. 3:1–10 sim in. Bang kamciam kipulaak hiam? “Anpalte pung” cih thu a
khiatna in bang hi ding hiam?
____________________________________________________________________________________________________________________________________________________________________
Pasian
na khempeuhah Amah i masak ding hong deih hi. Na khempeuh in Ama neihsa ahihlam
phawkin i kitangsapnate hong pia ahihna upna tawh i san ding kisam hi. Hih thu
sangin a thupi zaw in na khempeuhah Amah i masak nakleh na khempeuhah thupha
hong pia ding ahihna i phawk ding kisam hi. Tua bangin i kalsuan nadingin, na
khempeuhah Amah i masak zawhna in upna, muanna hi-in, lungsim khempeuh tawh
Topa muanna a pulaak ihi ding hi. A taktakin tua bangin nuntakna in mihing
theihna tungah kinga hi lo hi. Ahi zongin bang bang piang taleh Topa muan
ngamna hi zaw hi. Singlamteh tungah Jesuh in a nuntakna hong piak khit ciangin
tua sangin a lian zaw itna bang mah dang om lo hi. Jesuh sungah a hong piak
thute theitel hi lehang, Amah in eite hong Piangsak Pa banah (John 1:1-4) i
nuntakna hong Kem Pa ahihna hong hilh hi (Heb. 1:3); tham lo-in Jesuh in eite
hong Honpa hi (Mang. 5:9), i neih na khempeuh lak panin anpalte Topa tungah i
vapuakkikna in mi khempeuh in i sep theih i sep zawh ding thu ahi hi. “Pasian
neihsa sawmah khat Amah ap kik ding bek tham lo-in, a kizatzia ding zong hong
hilh hi. Ama hong hilhna-ah “Na neihsate le anpalte tawh Topa zahtak in’ ci-in
hong sawl hi. Hih in i neihsate eima ut thu bangin zang dingin hong phal lo hi,
cih hong theisak hi. Topa deihna tawh kituakin sawmah khat zang ding banah a
cianlaiteng zong Ama deihna tawh kituakin i zat ding hong deih hi.” A thupi bel
in ngahna khempeuh lak panin sawmah khat Topa pia masa phot ding a, tua khitteh
a cianlaiteng zong Ama deihna bangin i zat ding hong deih hi.” Ellen G. White,
Counsels on Stewardship, p. 81. Na khempeuhah Pasian i masak dingin hong deih
hi. Tua hileh “i ansalte an tawh hong kidim ding hi.” Nalamdang piangin ansal
dimin an kihau ding hi lo hi. Zingsang na khanlawh ciangin na ansal dimin an
dim na mu kei ding hi. Lai Siangtho hong hilhna-ah neih le lamhte limtak kepna,
geelkholhna tawh gamtat ding, sum le paai zeeksiamna banah Pasian tungah
citakna cihte kisam hi. Tua hi-in nuntak hamsat ciang, Ama tungah citakin muanna
tawh nungta hi mah taleng, ansalteng hawmin a om ciangin koi bangin Pasian le
Ama kamciamte muang ding i hiam?
WEDNESDAY January
11
Sawmah
Khat Piakna Tawh Kipawl Kamciam
Sawmah
khat piakna le Pasian tawh kizopna in kizopna lianpi nei hi. Israelte in Topa
thupiak bangin a nuntak uh ciangin sawmah khat piaknate-ah a citak uh ciangin
amauten thupha ngah uh hi. A langkhatah amauten Topa thupiakna panin lampialin
a om uh ciangin amauten hamsatna tuakkha uh hi. Thumangin Pasian sawl bangin a
nuntak uh ciangin amauten Topa thupha sangpha mahmah uh hi. Ahi zongin Pasian
sawlna panin lampialin a om uh ciangin gimna buaina lianpi a thuak uh hi. Topa
tungah a citak loh uh ciangin gimna tuamtuam tawh nungta uh hi. Malachi kamsang
tungtawnin Topa tungah citak ding limgen mahmah hi. Mal. 3:7–11 sim in. Bang
kamciamte kipulaak a, bang masuante hong hilh hiam?
_______________________________________________________________
Pasian
in a mite tungah a piak kamciam Ama tungah a citak uh leh Amah in thupha pia
ding hi. Amaute in Topa tungah sawmah khat le sumpite a puakkikma-in “Kei hong
buluh kei un.” Tua bangin buluhna tawh nungta ahih manun hamsiatna a thuak uh
hi. Hih munah tua bang hamsatnate panin suahtak nading Pasian in lampi a honsak
hi. Tua lampi in: “Ka biakinn-ah an a om theih nadingin sawm-ah-khat a kimin
hong paipih un. Kei hong ze-et un; vantung kongkhakte hongin, note a dingin na
hoih tampi kong piakna na mu ding uh hi”(Mal. 3:10). Ama hong kamciam bangin a
nungta hi lehang “Amah in vantung kongkhakte kihong ding a, koih nading mun om
lo phialin thupha kong pia ding hi, ci hi.” Tua bangin thupha hong piakna ahang
in midangte tungah i hopsawn ding le Pasian Gam zai nadingin i zeek ding hong
deih hi. “A tapa khat bek neihsun hong pia Pa in nang adingin a nuntakna hong
pia hi. Amah in nangmah tawh thuciam hong bawl hi. Amah in thuphate hong pia
hi. A hong piak thuphate sung panin sawmah khat le sumpite Ama tungah i apkik
ding hong kal hi.Kuamah in hih thupiak tawh kisai-in bangmah genbeh theih a om
kei hi. Pasian geelna-ah sawmah khat le sumpite tawh kisai Malachi 3 sungah
kiteltak le kician takin hong hilh hi. Pasian in mihing tawh thuciam hong
bawlin Ama tungah citak dingin hong lamen hi.”Ellen G. White, Counsels on
Stewardship, p. 75. Thuman ciangin tuahpha-in thuman loh ciangin tuahsiatna cih
thu Judahte kumpi hoih khatin kiciamteh Hezekiah hun sungin kimu thei hi.Judah
gamah khanlawhna mantak hong tung hi. Judahte in sawmah khat le sumpite
piakna-ah citak mahmah uh hi; biakbuk ansal in an tawh kidim hi. 2Khang. 31:5
hong hilh bangin le “Tua thupiakna a kitheihthang phetin Israel mite in
anpalte, leenggahzu, le lo-a piang khempeuh tampi tak hong pia uh hi. Tua
ciangin amaute in na khempeuh sung pan sawm-ah-khat ahi tampi tak hong paipih
uh hi.” Sawmah khat piakna in Pasian tawh na kizopna bang pulaak hiam? Sawmah
khat a pia lo mi in Pasian tawh akizopna-ah a kisam khat om hi, cihna hi.
THURSDAY
January
12
Amah
Zong Masa In
Jesuh
gen thute mipite in zaknopsa mahmah uh hi (Mark 12:37). Ama nungzui mi honpite
in Jesuh pai-na peuhpeuhah zui uh a, Jesuh thugen ngai dingin a lawp thei
mahmah uh hi. Tua mihonpite in mual tunga Jesuh nalamdang bawl amu mite hi;
Mual tung pan Jesuh thuhilhna thute a za a ngai mite ahi uh hi. Jesuh in amaute
tungah “Keimah in note kitangsapnate kong pia hi.Note in bang ne ding bang dawn
ding cih thu tawh na lunghimawh uh hi. Nisim nuntak khuasak nading thute tawh
na lungkham uh hi. Ahi zongin ka hong gen ding thu in………. . . Matt.6:25–33 sim
in. Hih munah bang kamciam om hiam? Tua kamciamte a tangtun nadingin amaute in
bang sem ding uh hiam?
______________________________________________________
_______________________________________________________
Lai
Siangtho sunga kigelh a tam zaw thuciamte in Pasian le mihingte kikal
kithukimna thuciam vive hi. Tua thuciamte a tangtun nadingin mihing in a sep
ding thute a sep ding kisam hi. Isaiah 26:3 sim in. Pasian kiang pan hong pai
daihna lungnopna i ngah nadingin bang sem dingin hong kisawl hiam?
_________________________________________________________
1
John 1:9 sim in. I mawhnate thuum lehang Jesuh in bang hong semding hiam?
_________________________________________________________
2
Khang.7:14 sim in. Bang thute kipulaak hiam? Pasian thuciamnate a tangtun
nadingin mihing lampanin bang masuan kipulaak hiam?
_______________________________________________________
Pasian
in na khempeuh nei thei hi mah taleh, Amah in Piangsak Pa, A Kempa, piakkhong
hehpihna tawh hotkhiatna i ngah hi mah taleh, ngah dingin kilawm pipi hi mah
taleh, Kidona Lianpi sungah mihing in a panmun ding nei hi. Pasian hong piak
deihtel theihna zangin Kha SIangtho hong lamhilhna zui-in Pasian in ahong sawl
thute a sem ding ihi hi. Pasian in hong nungtasakin thupha hong pia hi mah
taleh mihing in hamsiatna le sihna i tel thei veve hi. Pasian in nuntakna tel
un. Tua hileh note le na tun ate un a nungta ding uh hi, ci-in hong hilh hi mah
taleh mihing in sihna i tel nop zawk leh zong Pasian in hong khaktan lo hi.
(Thkna. 30:19).
FRIDAY January 13
Ngaihsutbeh
Ding: “Leitungah bang hun bang hunin bang bang gimna
siatte lakah Pasian mite in lungnuam takin nungta thei ihi hi. Nuntak hamsa hi
mah taleh i ngahna lak panin sawmah khat le sumpite Topa tungah i apkik ding
kisam hi. Tua bangin i kalsuanna hangin Pasian kamciamte hong tangtung ding hi,
cih theihtelna a pulaak ihi hi. Ama thupiakte nuntakpihna-ah nunna le hamphatna
om hi, cih i thei hi. Amauten Pasian thupiakte a nuntakpih uh ciangin hamphatna
sungah nungta uh hi. Amauten Pasian kalh thute a zuih uh ciangin, Ama thupiakte
a nuntakpih uh ciangin, amaute in a ngah uh neih le lamhte panin sawma khat le
sumpite tawh Topa a zahtak uh hi. Tua bangin a nuntak uh ciangin a ansalte un
an tawh kidim hi. Ahi zongin amauten sawmah khat le sumpite-ah Topa a buluh
ciangun hamphatna kongkhakte kikhakin thupha a ngah ding zah uh ngah thei nawn
lo uh hi.” Ellen G. White, Testimonies for the Church, vol. 3, p. 395. Lai
Siangtho hong hilh thu in kitel kician mahmah hi. Upna tawh eite in hotkhiatna
i ngah hi. Tua hotkhiatna in Pasian hong piakkhong hehpihna hangin i ngah ahi
hi. Pasian thupiakte i nuntakpih ciangin Ama hong hehpihna a sang hi hanga,
kuamah in Ama hong hehpihna a thalawh theih hi lo hi. Tua bangin mihing in
thalawh thei hi leh hehpihna hi nawn lo ding hi (Romans 4:1–4). Hi mah hi.
Pasian le mihingte kikal thuciam ngaihsun lehang i ngah ding thuphate le i sep
ding masuan kimu thei hi. Pasian hong piak thute i sanna tawh eite in Amah tawh
kizopna nei ihi hi. Tua bangin kizopna panin tawntung nunna sung hong tunpih
ding hi. Thumanna- itna tawh sepna le cihtakna in nungzui mantak ihih na a
kilangsak hi. Thumanna panin kihemkhia hi lo-in, upna le upna bek tawh a
kalsuan nuntakna in Khrih hong hehpihna sungah a nungta mi hi-in, tua in Pasian
hong kalh thute a tangcingsak thei hi.
KIKUP
DING DOTNATE
1.
Adventist thu-um mite
pen sawmah khat piakna citak mahmah uh hi, ci-in hog kithei hi. Hot khiatna
nasepna-ah a kisam om lo zah dongin thu-um mite in sawmah khat Topa a ap uh hi.
Koi bangin na pawlpi in sawmah khat le sumpite a zeek hiam? Pasian deihna tawh
kituakin a zeek hiam?
2.
I deihtel theihna thu
bangzahin thupi hiam, cih thu ngaihsun in. Pasian tawh i kizopziate ngaihsun
in. Koi bangin gamtatna le thumanna, sawmah khat le neihsa kepsiamnate kizopzia
ngaihsun in. Gamtatna tawh Pasian maipha ngah ding hanciamna hi lo-in Topa
thupiakna bangin nuntak kalsuan thute ngaihsun in.
3.
Tuesday ni-a thudotna
ngaihsunkik in. Hamsat hun ciangin Topa tungah citak ding thu ngaihsun in. Koi
bangin tua bang hun ciangin na kalsuan hiam?
