LESSON
11 MARCH 11–17
HAMSAT
HUN SUNGIN SUMZEEKNA
Sabbath
Nitak
Tu
Kal Sung Sim Ding: 2 Khang. 20:1–22, 1Khang. 21:1– 14, 2
Pet. 3:3–12, 1 John 2:15–17, Mang.13:11–17.
KAMNGAH: “Lungdam biakpiakna Pasian tungah pia unla, Sangpenpa tungah na thuciamnate uh bawl un.Haksat hun ciangin keima tungah hong ko un. Note kong honkhia ding a,note in keima min nong thangsak ding uh hi,” a ci hi” (Late 50:14, 15). Leitung in siatna khat khit siatna tawh kidim hi: kido-na, sisan naisan luanna, gitlohna, thaangtatna, zinling, tuikhanna, pulnatna, vanlei vanzuak hamsatna, gam ki-uk buai-na, tatsiatnate in i nuntakpih siatna vive hi mai hi. Mimal hi taleh innkuanin hita leh nuntak khuasakna hamsa mahmah hi. Tua hi-in hamsatna hong tun ciangin kantan zawhna dingin ngaihsutna hong tam semsem hi.Nisim i nuntakna-ah gimna, buai-na vive tawh kinungta hi. Leiba loh nading, tate khansuah nading, inn le lo kepcin nadingin sum le paai banah hun piakzawhna tampi kisam hi. Puansilh nikteen, annek tuidawn, teen nading inn le lo i kitangsam hi. Mualtung Thuhilhna-ah Jesuh in nisim kitangsap nate pulaakin, tua khit ciangin a pulaak thu in ‘Note vantung Pa Pasian in hih nate na kitangsapna uh thei hi. Ahi zongin Pasian Gam le Ama dikna zong masa un. Tua hileh hih nate a hong piathuah ding hi, ci-in thu hilh hi (Matt. 6:32, 33). Hun dangte sangin hamsatna i tuah ciangin Topa tungah kingak zawk ding kisam hi. Tua bang hun ciangin kalsuanzia ding Lai Siangtho hong hilh thute i kikumsuk ding hi
SUNDAY
March
12
Pasian
Masakna
2
Khang. 20:1–22 sim in. Hih thu piang sung panin hamsatna i tuahteh nuntakpih
ding bang thu bulpite hong hilh hiam?
___________________________________________________________
Jehoshaphat
ukna a bei kuan ciangin galte in Judah vasim uh hi. Jehoshaphat in hangsanin
zawhna a ngah den kumpi khat hi. Kum tampi sung a galkapte behlapin, a khuapite
zong muanhuai takin kulh a bawl hi. A galte tung zawhna a ngah nadingin
limtakin kigingkhol hi. Ahi zongin galten a do tak ciangin amah le amah kimuang
zo lo ahih manin Pasian vangliatna a zong hi. Amah in Topa maipha zong hi. A
gam Judah sung khempeuhah antangin thungetna nei dingin thu a piapah hi.
Gammite zong biakbuk tualah hong kikaikhawm uh a, Solomon bangin Topa maipha a
zong ciat uh hi. Mi khempeuh in a innkuanpih ciat uh tawh Topa mai-ah hong
kikaikhawm uh hi. Amauten galte tungah zawhna ngahin Topa Pasian min thanna
dingin thu a ngen uh hi. Tua ciangin kumpipa in zong thungen hi. “Kote Pasian
aw, amaute tungah thu khen lo ding na hi hiam? Bang hang hiam cih leh kote a
sim dingin a hong pai hih mihon tampite a do dingin thahatna ka nei kei uh hi.
Ka cih nading uh ka thei kei uh a, nangmah bek kong mitsuan uh hi,” a ci hi” (2
Khang. 20:12). Topa Pasian tungah amaute a ki-ap khit uh ciangin Kha Siangtho
in Kamsangpa tungah hong tunga amah in, “Judah gam khempeuh le Jerusalem-a teng
khempeuh, le Kumpi Jehoshafat aw, ngai un. Topa in hih bangin note’ tungah hong
gen hi: ‘Kihta kei unla, hih a tam mi honpi hangin lungkia kei un; bang hang
hiam cih leh galdona pen note a’ hi loin Pasian-a’ ahi hi. Zing ciangin amaute
a do-in paisuk un. Ziz kahtohna lampi tawnin amaute hong kuanto ding uh a,
Jeruel gamlak nisuahna lam kuam mongah amaute na mu ding uh hi. Note in hih
kidona-ah na do ding uh kisam lo hi. Judah gam mite le Jerusalem khuamite aw,
na panmun uh la-in taang loin ding unla, note’ tangin Topa’ gualzawhna mu un,’
ci hi. Kihta kei unla, lungkia kei un. Zing ciangin amaute a do-in pai un. Topa
in note hong ompih ding hi,” a (2 Khang. 20:15-17). Tua hi-in zingsang thobaihin
kumpipa in mipite a kaikhawm hi; Levi lapawlsa ding tengin Topa mai-ah Ama
minphatna lasa uh hi. Tua ciangin kumpipa in mihonpite tungah (2 Khang.
20:20).” Topa na Pasian uh um un; tua hileh note na kip ding uh hi. Ama
kamsangte um un; tua hileh na maavang ding uh hi,” a ci hi. Tua khit ciangin
lapawl sagingte in lasa uh a, a galte uh khat le khat kido uh a, khat zong a
suakta kei uh hi (2 Khang. 20:24). Gal sunga asi mite a kaihkhopna-un ni tum
sung a sawt hi. A li ni ciangin amaute in lasa kawmin Jerusalem khua-ah hong
kilehkik uh hi. Topa Pasaian in galte khut sung panin a hong honkhia hi. Amah i
bia-a, Ama min i phat hi. Ama vangliatna in tuni dongin nasem hi. 2 Khang.
20:20 sim in. Hih thu in Seventh-day Adventist thu-um mite adingin bang thu puak
nei hiam?
MONDAY
March
13
Pasian
Muang Inla, Na Neih Le Lamh Muang Ken
Pasian
tawh thuciam na neih ciangin Kumpi David thu phawk ding kilawm hi. A lawm hoih
mahmah Jonathan tawh a kituahna uh thu zong i theih ding kisam hi. Nang tawh
hong pang mi a tawma a tam zongin Pasian in zawhna hong pia thei veve ahihna
phawk in. 1 Samuel 14:1–23 pulaak bangin Saul tapa Jonathan le thaltang puapa
in Pasian huhna tawh Philistine galkap khempeuh a zawhna thu kimu thei hi. Lai
Siangtho in Pasian mite zawhna thute le a guallelhna thute hong hilh hi.
Hamsatna a tuah uh ciangun amaute in Kumpi David kiangah hong pai uh a, David
in Satan zia-etna sung tungin ama zawhna le galkap neihte tungah kinga-in ama
tha a suang hi. 1 Khang. 21:1–14 sim in. Bang hangin David in Israel mimal le
galkap phazah sim dingin khensat hi ding hiam? Bang hangin a galkap mangpa Joab
in hih thu thukimpih lo hiam?
___________________________________________________________
Galkap
mimal phazah sim ding pen Satan deihna hi. David in Pasian tungah a kingak ding
sangin ama galkapte muang dingin Satan in a zia-et hi. Galkapmangpa Joab in tua
bangin galkap phazah sim loh ding a gen hi. Bang hang hiam cihleh amah in
Israel galkapte adingin Pasian dosakna thu a thei hi. Ahi zongin David in
galkap mimal phazah simna nei dingin thu a pia veve hi. Hih bangin ama gamtatna
hangin Israel gam in gimna lianpi a thuak hi. Pasian a muang miten hamphatna
ngah lo-in a om kei uh hi. Topa adingin gal na do-na khempeuh a do dingin
kiging in. Hoih takin kiging in. British ukpa Oliver Cromwell (1599–1658) galdo
dingin a kuan ma-in a galkapte tungah “Topa Pasian sungah muanna nei in, ka
naute aw. Na thauvuite uh keu sak un”ci-in thu a pia hi. A dangkhatin pulaak
lehang, na hih theihzahin mainawt in; zawhna ngah ding hi. A tawpna-ah zawhna
taktak in Topa Pasian bek mah in hong pia thei ahihna thei in. Tu laitakin gam
uk kumpi ahih keileh bank a i sumkholte tungah muanna i neikha zel hi. Ahi
zongin lungkhamna buaina khat i tuahkhak ciangin Pasian a muangin Amah a zahtak
mite tungah Pasian in zawhna lungnopna a pia hi, cih thu Lai Siangtho in hong
hilh hi. Leiba loh zawh nading, ahong piak thuphate midangte tungah zong
hawmsawn zawh nadingin Topa tungah ki-ap mahmah kul hi. Pasian min phatna la
lui khat in: “A beisa hunin Topa kitangsam ihih leh tu-in zong Amah i kitangsam
hi.” Sum le paai neih ding thupi hi taleh na khempeuhah Topa muanna zong kisam
ahihna hih thu nih koi bangin lenkhawm thei ding i hiam
TUESDAY
March
14
Bei
Hun Ding
Seventh-day
Adventist Christiante in hamsatna khat peuh i tuah khak ciangin bangci bangin
kantan ding i hiam? Zawhna ngah ding kidem sanlaitakin nungkik lel ding i hiam?
Tua bang hi lo hi. Bang hang hiam cihleh leitung beina hong tung ding hi, cih i
thei hi. Khrih hong pai baihta ding hi, ci-in zong i thei hi.Tua hi-in i neih
le lamh, sum le paaite hotkhiatna lungdamna thu tangkonate ah kipiakkhiat kisam
mahmah hi. Khrih hong pai kik ding ahih manin Amah a itte in kigingkholh kisam
hi, cih thu zong i thei hi. Ni khat ni ciangin leitung na khempeuh in kaangtum
mang ding hi, cih thu zong i thei hi. 2 Peter 3:3–12 sim in. Peter in bang thu
hong hilh hiam?
_________________________________________________________
Lai
Siangtho hong hilhna bangin leitunga i neih le lamh, sum le paaite vantungah
kipaipih thei lo ding hi, cih i thei hi. Leitung na khempeuh, mawhna le siatna
khempeuh in zong mei le kaat tawh kihaltum ding hi.Khrih tunga meima pawn
simloh na khempeuh in tawntung ading suksiatna a thuak ding hi.Tua ahihteh i
neih le lamh, sum le paaite bangcih ding i hiam? Van le nate khat khit khat
behlap huai nawn lo hi. Hih leitung nusia-in ahoih zaw gam vantung a zuan ding
ihi ta hi. Tua hi-in eiten leitung nate tawh i nuntakna i hun beisak lo-in i
hih theihzahin leitung mun tuamtuamah hotkhiatna nasepnaah i kihel ding phamawh
mahmah ta hi.” Ellen G. White, Counsels on Stewardship, p. 59. Hih thute a
kigelh khit zawh kum za khat val khin hi. Tua hi mah taleh Topa hong sawlna thu
in tu ni dong mangthaang lo hi. Hun tom mahmah hi. I nuntak hun tom hi. Cidamin
nungta hi mah lecin zong kum 60, 80 ahih keileh kum 100 cihte in tawntung hun
tawh tehkakna in gentham peuhmah lo hi. Tu kaal sung lesson na sim khit ciangin
na phawk ding thu khat in Jesuh Nih veina hong kumkik ding thu hi.Seventh-day
Adventist Christiante in tawntung nunna mitsuanin a nungta ding mite ihi hi.
Leitungah i nuntak sungin nisim annek tuidawn, silh le teen ding zon kul hi;
nasep kul mah hi. Van le na, neih le lamh hauhna in mawhna hi pah lo hi. Ahi
zongin huaihamna, hazatna, leitung nate itna cihte in hong phincilsak hi; huh
ding kisam mite hong huhsak lo thei hi. Tua hi-in leitung nate in mitphiat kal
sungin a mangthang thei nate hi. I kidop keileh tawntung nunna tawh hong
kipelhsak thei hi. Tu zawh kum 10, 5, 3 sungin Jesuh hong pai ding hi leh, na
nunzia na kikhel ding hiam?
WEDNESDAY March
15
Masak
Ding Le Nunung Ding Thute
Jesuh
thugentehna le thuhilhnate, Lai Siangtho tangthu banah Ellen G. White lamhilhna
thute I pulaak thu in Khrih tungah ki-apna-ah lungsim buppi tawh kipiak ding
hong hilh uh hi. Topa tawh kipawl maw ahih keileh kipawl lo cih thu nih bek om
hi. Laithei khat in Jesuh tungah a lian penpen thukham in bang thukham hi ding
hiam, ci-in Jesuh a dot ciangin Jesuh in “Na lungsim khempeuh, na hatna
khempeuh, na nuntakna khempeuh tawh na Topa Pasian na it ding hi” (Mark 12:30),
ci-in a dawng hi. Khrih tungah tua bangin kipiak ciangin Topa ading bangmah
kinusia lo ding hi. Tua ding mahin Topan hong deih hi. Matthew 6:24 sim in. Hih
thute na nuntakpihkha ngei hiam?
_________________________________________________________
Jesuh in a pulaakna-ah Pasian na sep ding le
sum na sep thuah khop ding hamsa hi, ci hi. Khat zaw sangsang limtakin na sem
thei zaw ding hi. Khop le kaih tuahin kuamah in to nihna sem zo lo ding hi. Hih
thu in lauhuai -in pelh ding hoih pen hi (Phil. 2:12). 1 John 2:15–17 sim in.
Koi bangin tua thu thumte kimu thei hiam? Bang hangin kilangtang hi lo thute in
lauhuai hiam?
___________________________________________________________
Paul
in “Vantungah a om thute ngaihsutin nei unla, leitungah a om thute ngaihsutin
nei kei un (Kol. 3:2). Hi mah hi. Sepna sangin a thu-in gen baih zaw hi. Bang
hang hiam cihleh i mai-ah leitung nate muh theih ding tampi om hi. Leitung nate
hong zolna in lian mahmah hi; ci le sa nopsakna ding kilunggulh hi. I bilah
hong hauisim den hi. I ban panin hong kai den uh hi. Khristian citak thu-umte
in leitung nate itna a nei lo kua om ding hiam? Ni khat ni ciangin leitung na
khempeuh in beimang ding hi, ci-in thei hi mah taleng, leitung nate itna i
khenlah hi. Ahi zongin a lungdamhuai thu in leitung nate in Topa kiang panin
hong khen zo lo ding uh hi. 2 Peter 3:10–14 sim in. Koi bangin Peter gen thute
in nunzia akipan i neih le lamhte hong huzaap hiam?
THURSDAY
March
16
Lei
Thei Lo Zuak Thei Lo Hun Hong Tun Ciang
Lai
Siangtho in Nih veina hong paikikma thupiang ding hong hilhkhol hi. Daniel in
hamsat hun leitungah cikmahin a piang ngei nai lo, cihmahin zong a piang kik
nawn lo ding lunggimna thu pulaak hi” (Dan. 12:1). A beisa huna tua bang
lungkham hun in bangzahin siahuai mahmah hun hi ding hiam? Mangmuhna Bu in
Khrih hong paima lungkham hun ding a pulaak khol hi. Mang. 13:11–17 sim in. Koi
bangin bawlsiat hun le sum le paai hamsat hun in kizopna nei hiam?
______________________________________________________________
Van
lei thei lo ding, zuak thei lo ding hun hong tung ding hi. Tu-in van lei-na van
zuakna-in i hun bangzah bei hiam? I nasep in van lei nuam mite tungah i hun,
siamna, nate i zuak hi. Zuak thei lo lei thei lo cih ciangin khua sungah nungta
khuasa thei nawn lo ding hi, cihna hi. Topa tungah a citak tintenlai miten
hamsatna lianpi a thuak ding uh hi. Sum hau lecin, leitungah lauhuai-na lian
semsem hi. Tua hi-in leitung mite bangin nungta khuasak i hiam? Tham lo-in
zia-etna khauh semsem ding hi. Koi bangin tua hun adingin kigingkhol thei i
hiam? Tu-in Pasian hehpihna tawh sum le paai, neih le lamhte sila hihna panin i
suakta thei hi. Tu-in huaihamna hemkhia hi lehang, mailam hunah zong huaihamna
i zozo thei ding hi. Thuhilhkikna 14:22, 23 sim in. Pasian mite in kumsimin
neih le lamhte tawh bang sem ding uh hiam? Bang hangin Pasian in tua bangin a
gamta dingin hong sawl hiam?
___________________________________________________________
Pasian
in Moses tungtawnin a hong hilh thute lakah sawmah khat piakna thu ahih hi. Tua
bangin sawmah khat piakna in na Topa Pasian zahtakna hi ding hi” ci hi (Thkna
14:23). Late 31: 19 sunga lakam tawh a hong kihilh thu in muanna tawh kisai thu
hi. “Nang hong zahtakte a dingin na koihsa na hoihte, nang hong beelte a dingin
mite’ muhna-ah na bawl, nangma hoihna kicing a, mi khempeuh in thei uh hi.”I
gen thute in Topa sungah muanna nei-in Amah i zahtak ding hong hilh hi. Tua
ahih manin huaihamna panin a hong dal dingin Pasian in sawmah khat pia ding
hong hilh hi; i kitangsap a om khempeuh Amah in hong sik ding zong hong hilh
hi. Sawmah khat piakna-ah i citak nak leh a tawp dongin Topa tungah citakna a
hong nei theisak ding hi. Sawmah khat piakna-ah a citak lo mi in buai-na sung
tung thei ahihna thu hong hilh hi.
FRIDAY
March
17
Ngaihsutbeh
Ding: Lai Siangtho in sumhauhna, neih le lamh hauhna
nial lo ahih bang mahin tua bangin hauhna a khan ciangin upna zong kip semsem
hi, cih thu zong pulaak tuan lo hi. A taktakin neih le lamh hauhna in upna
thaniamsak zaw ahihlam i phawk ding kisam hi. “Sum itna in kham khau bangin
Satan hong khihna hi.”Ellen G. White, Steps to Christ, p. 44. A taktakin
Khristian upna hong kipatin pawlpi in neih le lamh hauhna tawh a kipan khia
ahih loh bang mahin tu-in pawlpite bangin neih le lamh hauhna tawh nuamtakin a
hong khangkhia pawlpi hi lo hi. Tua ahihleh bang siksanin pawlpi hong khangkhia
hiam? Neih le lamh hauhna in thu upna hong huzaap thei hi. Ahi zongin thu hoih
tawh hong huzaap khol lo hi. Koi bangin tua bangin hong huzaap thei hiam? Neih
le lamh hauhna in Khristian zia le tong hong zuun thei-in, angsung huaihamna
hong nialzo sak thei hiam? Van le nate, nek theih silh theih tampi tawh inn
ciahin giahzawh loh, nek zawh loh ding nate, mawtaw hoihno no nih le thum
nei-in, kumsimin khualzin kawikawi zawhna, computer, laptop, smart phone hoih
nono tawh nuamsain nuntak khuasakna in leitung nate itna hong khangsak thei hi
lo hiam? I pawlpi mi tampi in tua bangin leitung nopsaknate nei lo hi mah taleh
siatna sungah a nungta tampi om hi lo hiam? Hih bangin i gen ciangin leitung
“hauhna” kigen hi lo hi.Tu-in leitungah tul za tampi sum le paai nei tampi om
hi. Hauhna neih le lamh tawh kidim mite in Lai Siangtho hong vauhilhna limtakin
ngaih ding uh kisam hi. Hauhna tawh kidimin nungta hi kei mah taleh, nuntak
nopsa innkuan tampi in leitung van zat tuamtuamte- smartphones, iMac,
air-conditioning, le SUVs cihte in lauhuai dinmunah om ahihna uh phawk ding
kisam hi. Tua hi-in sawmah khat piaklohna in bang lauhuai-na sung tung thei
hiam.
KIKUP
DING DOTNATE:
1.
Leitung mite hauhna
bangin hauhna i nei kei zongin bang hangin sum le paai, neih le lamh tugnah
lungsim puakzia ding koi bang hi ding hiam?
2.
Sawmah khat piaklohna
banah leitung bang nate sung kitungkha thei hiam?
3.
Jesuh thukham le teci
panna letkipna hangin zing le thai-ah van zuak thei lo van lei thei lo dinmun a
tung hi lecin, na upna in bangzahin kip hiam?(Mang. 14:12
