LESSON
10 MARCH 4–10
PIAKKIKNA
Sabbath
Nitak
Tu
Kaal Sung Sim Ding: Luke 12:16–21, Thna. 2:18–22, Pau.
27:23–27, 2 Kor. 4:18, Thna. 5:10, Kol. 1:15–17.
KAMNGAH: “Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi (Mang. 14:13). Kum khat sung tawntung sum ngahna etkikna na neih ciangin sum deihna panin nuntak bei hun hong nai semsem ahihlam kiphawk thei hi. Nasepna hun panin tawlngak hun (Pension) sungin buai-na lunggimna lianpi i phu toto hi. Tua bang hun sung panin koi bangin a hoih thei pen dinmun tawh kalsuan thei ding i hiam? I kum hong tam semsem ciangin mailam thu ding lunghimawhna zong hong tam semsem hi. Mi kim phial thuak khak lunghimawhnate in: sih baihna, (innkuan sung hoih takin khuasuah zo nai lo); khansau-na (neihsa khawhsa kicing nawn lo); nat gil khat peuh tawh damlohna ( neih le lamh khempeuh tawh kikep kibawlna); lungsim dam lohna/pumpi taksa damlohna ( khebai, mittaw, kua in hong cing hong kem ding) cih thute kimu hi. Hih bang lau-nate i gen ciangin Ellen G. White gelh thu in “ hih bang lunghimawhnate in Satan kiang pan hong pai hi.. . . tua bang lunghimawhnate Pasian tungah ap thei hi lehang, mailam hun ading bangmah lunghimawh kul lo hi; Amah in nuamna le lungdamna tawh a hong kalsuansak ding hi. . . . Lunghimawhna le van gik puakte Topa tungah suankhia hi lehang, i nuntak hun sung lungnopna tawh kikalsuan thei ding a, vantung adingin a kigingkhol thei i suak ding hi.Testimonies for the Church, vol. 1, p. 424. Tu kaal sungin mailam nuntak khuasak nadingin Pasian hong lamlah thute i pulaak ding hi. Bang nate sepkhol huai hiam? Bang nate pelh huai hiam? Bang thu guipi zuih huai hiam, cihte i kikum ding hi.
SUNDAY
March
5
Sumhau
Mihai Pa
Lk.
12:16–21 sim in. Bang thupuak hong hilh hiam? Topa in sumhaupa tungah bang
taihilhna thu gen hiam? Hih thu in i neih le lamh tungah lungsim puakzia ding
bang hong hilh hiam?
_________________________________________________________
Hih
thupuak in i telna sangin zong thu thuk hi zaw hi. Jesuh in nasep khawl
(Pension) tawh kisai thu a hong hilhna hi lo hi, ci-in a pulaak zong om hi. Tua
hangin mi khat in nasepna pan khawlin a kholsa neih le lamhte tungah kinga mi
in a lungsim puak limtak a kepkul hi. Hih thu-ah nasep hanciamin neih le lamh
ngahna thu hi masa lo-in, kum tam semsemin neih le lamh hauhna a lamkha zong mi
om ding hi. Jesuh deih loh thu in sum le paai, neih le lamhte tungah i lungsim
puakzia hi zaw hi. Sumhau mi haipa pulaak thu in: “An ne, zu ne-in, a nuam
theithei-in ka om hithiat ding hi,’ (Luke 12:19).“Hih sumhau mihai pa in
ganhingte sangin ngimna sang zaw nei lo hi. Amah in Pasian, vantung le lamet
nading thu om lo bangin a nungta mi hi. Na khempeuh in ama neihsa bangin a
nungta mi hi. Pasian tung le mihingte tungah bangmah masuan nei lo bangin a hun
beisak hi.” Ellen G. White, Christ’s Object Lessons, pp. 257, 258. Tu-in zong
eite in Pasian nasep nading le cimawh dongtuak mite ading bangmah ngaihsutna
nei -in ei le ei bek kikhualin a nungta mi ihih leh hih sumhau mihai pa mah
bang ihi ding hi. Jesuh thugentehna-ah hih sumhau mihaipa thadah hi; diktat lo
hi,cih bang mah a kipulaak kei hi. Ama khialhna in Pasian in midangte phattuam
nadingin a kepsak neih le lamhte angsung nopsak nading bekin a zatna thu hi. I
sih hun ding i thei khol kei hi. Tua hi-in i nuntak sungin huaihamna,hazatna i
zawh dongin i do ding kisam hi. Lai Siangtho hong hilh bangin nuntak sungin
hanciam takin nasemin a kalsuan ding ihi hi. A taktakin Daniel le Mangmuhna Bu
gelh kamsangte in kum 70, 80 kim sung a nungta kamsangte hi. Tua hunlai-in
mihingte nuntakna in kum 50 kim hi. Ellen G. White laigelh mi tampi theih khat
in The Desire of Ages bu hi. Hih laibu Ellen White in kum 70 a cin khita a gelh
hi. Kum tamna hangin bangmah sem zo nawn lo hi lo-in cidam hi leh kum tampi
phak hangin na lianpi kisem zo veve ahihlam kimu hi.Jesuh in Ama hong pai kik
nading kigingkhol ding bekin hong hilh lo hi. Tatsat lo-na sem ding hong hilh
hi (Matt. 24:44–46). Khangno ihi a, uham khin ihi zongin sum le paai zonna-ah
koi bangin sumhau mihai bangin nuntakna pan kidal thei ding i hiam? Nang le
nang kidong in: Bang dingin nungta na hi hiam?
MONDAY
March
6
Na
Hauhna In Hong Zui Kei Ding Hi
Mi
khat in mi minthang Billy Graham thu khat donga, tua in a nuntakna sungah
lamdang a sak thu hong suak hi. Tua hun laitakin Graham in kum 60 val khin hi.
Graham in bangci bangin tua dotna dawngkik hiam? Nuntak hun tomna thu a pulaak
hi. Nuntak hun tom mahmah hi, cih thu kuamah in nial lo ding hi. Hih a nuai-a
Lai Siangthote in nuntakna thu bang pulaak uh hiam? Late 49:17; 1 Tim. 6:6, 7;
Late 39:11; James 4:14; Thna. 2:18–22.
_________________________________________________________
Nuntakna
in manlang takin bei hi bek tham lo-in i sih ciangin neih le lamh bangmah i
keng thei kei hi. Bangzahin neih le lamh hau taleng i nuntakna a bei ciangin
bangmah i tonpih thei ding om lo hi. (Zia le tong hoih in tawntung a kimang
ding thu hi. “ Mihing a sih ciangin a guakin a pai ding hi (Late 49:17) a sih
ciangin a neihsa teng khempeuh a nusiat a innkuanpihte nusiat hong suak hi. Tua
neih le lamhte kua in luah ding cih thu i nuntak hun sungin geel kholh ding
kisam hi. I nuntak sungin neih le lamh tampi khol thei hi mah taleng, nuntakna
a bei ciangin kua in tua neih le lamhte luah ding cih thu in a thupi kidot ding
dotna khat hi. Neih le lamh tampi aneiten amau nungah kua nusiat ding cih geel
khol ding uha, atawpna-ah Pasian neihsa kepsiamna-ah thupha om ding a, Pasian
hong piak neih le lamhte zeek siamna zatsiamna kisam pha mahmah hi. Tua bangin
geelkholhna na neih keileh gam makaiten gam thukhun om bangin hong laksak thei
hi (Gam khat le khat kibang lo). Na neihsate a luah ding geelna na neih keileh
gam thukhun om bangin kisem leh na sanggamte khat ngah dingin pia thei ding uh
hi. Tua bangin midang khat luah dingin kipia hileh pawlpi in ngahkha lo ding
hi. Tua bangin na sanggam khat in a luah ding na thukim ahih leh pha mawh lohi.
Na sihmain na gamh luah ding na geelkholh kisam hi. Mi khempeuh in i tel thu
in:na khempeuh in Pasian neihsa hi (Late 24:1), Lai Siangtho hong hilh bangin
Pasian hong kepsak nate Amah i piakkik ding kilawm hi. Bang hang hiam cihleh
Amah in na khempeuh a nei Pa hi. Sawmah khat le sumpite i piak khit ciangin a
cianlaiteng a kitangsam mite huh ding i masuan hi. Lamet loh hun laitakin sihna
i tuak thei hi. Na it khat in hong nusia hileh a neih le lamhte bangcih ding na
hiam? Nang neihsate ee leh, kuan na luah ding hiam? Na deih bangin a kizeek
ding hiam?
TUESDAY
March
7
Mimal
Kitangsapna Tawh Kipan In
Thukhun
Lui hunlai-in Israelte a tamzawte in lokho mi le tuucing uh hi. Tua hi-in
Pasian in thupha piak a kipulaakna-ah lokhawh nasep tawh kisai kammalte kizang
hi. Gentehna-in Paunak 3:9, 10 sungah, sum tungah i cihtak nakleh Pasian “I
ansalte an tawh kidimsak ding ci-in hong kamciam hi. Tuhun ciangin mi tampi in
ansal zang nawn lo hi. Tua hi-in Pasian lamlahna bangin i nasepna, i maban
ciatah i kalsuan nakleh Amah in thupha hong pia dingin hong kamciam hi. Pau.
27:23–27 sim in. “Na tuuhonte na bawng honte thei inla limtak kem in”cih thu
koi bangin na tel hiam?
__________________________________________________________
Sum
haute in mizawngte simmawhna huaihamna lauhuai-na Lai Siangtho in hong
vauhilhna tampi kimu thei hi. Lai Siangtho in neih le lamh hauhna langpan ngei
lo hi; neih le lamh hau dingin hanciamin nasepna zong mawhsak lo hi. Ahi zongin
man lo takin sum le paai zonna, khat le khat kinengniamna cihte langpan hi.
Tuni-a Lai Siangtho simna mun Paunak in zong nuntak khuasakna-ah sum le paai
kicing takin ngah zawh nadingin hanciamin nasepna hong hilh hi. “Na keelnawite
ahihlehna innkuan annek ding, le na nasem numeite’ nuntak nadingin kicing ding
hi” (Pau. 27:27). Koi bangin tuni-a thusin thute na theitel hiam? “Sum ngahna
zatnate enkikkik in. Na dinmun hoihtak encian zelzel in. Ahih keileh ngahna le
zatna kilekkim hiam sittel in. Kum khat sung ngahna le zatnate, na sih nungah
na neih le lamhteng kua in sai ding, zeek ding cih geelkhol in. Sih vaikhakna
laidal, cihte kiging khol in. Lamet lohkalin sihna natna khat tuak kha lecin,
na neih le lamh kua na sai ding cihte geel khol in. Na nusiat ding neih le
lamhte koiah kizang ding cih a thupi hi zaw hi. Tom gen lehang, neihsa
kepsiamna in Pasian hong piak neih le lamhte zeksiamnate i nuntak hun sung bek
tham lo-in i sih khit nungah i neih le lamhte koi bangin kizeek kizang ding cih
thu zong kihel hi. Topa hong pai ma-in Ama hong piak neih le lamhte zeek siam
ding kisampha mahmah hi. Midangte hamphatna ding le Pasian na sepna a tangzai
zawk nadingin zek ding kisam hi. “Hauhna in a khangkhangin kizom suak lo
hi”(Pau. 27:24). Bang hangin hih thu phawk ding thupi hiam?
WEDNESDAY
March
8
Kimanna
Nei Lo Piakkhiatna
A
nuai-a Lai Siangthote in nuntakpih ding sum le paai tawh kisai thu guipi bang
hong hilh uh hiam?
1
Tim. 6:7______________________________________________
2
Kor. 4:18_____________________________________________
Pau.
30:8_______________________________________________
Thuhilhsia
5:10___________________________________________
Sum
le paai in mihingte tungah huzaap lianpi nei hi. Sum le paai tawh mi tampi in
kisiat lawh uh hi. Sumhauhna hangin siatna thuak mi tampi om lo hiam? Sum
hauhna hangin kisiat kul hi lo hi. Pasian vangliatna tawh galpa hong zia-etnate
i zozo thei hi. Sum le paai hauhna hanga siatna pan hong dal thei hi. Sihna
hong tunma-in neih le lamhte zeeksiam ding kisam hi. Neih le lamh hauhna hangin
mi tampi in siatna sung tung uh hi. “Ka sih ciangin ka neih le lamh khempeuh mi
huhna-in ka zang ding hi” cih bek tawh kicing lo hi. ( Sumhau mi khat in ka sih
ciangin ka neihsa khempeuh mi huhna-in kizang ding hi, ci-in pulaak khia hi).
Tua hangin a hoih zaw na sepna khatah kizeek kizang zawkha thei ding hi. “Mi
tampi in a nuntak sungun na hoih sep ding a phawk khaklohna ka mu hi. Ka sih
ciangin na neihsateng mi huhna-in ka zang ding hi, cih thu tawh nuntak sungin
na hoih sem lo uh hi; Topa sungah upna thasanin muanna nei dingin ngaihsun lo
uh hi. Sih khit ciangin na hoih sem dingin Jesuh in hong kal lo hi. Angsung
khualna nial dingin hong lamen hi. Nuntak sungin neih le lamhte lenkipin sih
khit ciangin mi huh dingin ngaihsun pan uh hi. Supna a kipelh thei ding hi lo
hi. Bankte zong suum thei hi; van le nate beimang thei hi. Mi tampi in na hoih
khat sem dingin geelna nei uh hi. Ahi zongin na hoih sep ding zekai uh ahih
manin Satan in na hoih kisem thei nawn lo dingin khaktan thei hi. Pasian tungah
neih le lamh, sum le paaite i apkik ma-in mangthang thei hi. Tua bang hun
ciangin Satan in lungdam hi.”Ellen G. White, Testimonies for the Church, vol.
5., 154. Banghangin neih le lamhte zeekna-ah kidop kul hiam?
THURSDAY March 9
Spiritual
Legacy
Mawh
nei lo, a khialkha lo mi nunna in bangci bang hi ding hiam, cih i tel zo kei
hi: hih leitungah siatna namcin, huaihamna, cimawh gentheihna tawh kidim hi. I
neih i lamhte, nasepnate, bangbangin na thuman hangin thuman lohna i tuakkha
zelzel hi. A tawpna-ah neih le lamh hau ta leng, hau kei taleng,i nuntakna-ah a
thupi bel i theih ding thupi hi. A nuai-a Lai Siangthote sim in. Bang thu bulpi
pulaak ciat hiam? Pasian hong piak neih le lamhte tungah lungsim puakzia ding
bang hong hilh hiam? (Late 24:1, Heb. 3:4, Late 50:10, Pian. 14:19, Kol.
1:15–17).
_________________________________________________________
Eite
khempeuh in Pasian hong piak neih le lamh a kemcing dingin sawlna ngah ihi hi;
cihnopna-ah na khempeuh in Pasian neihna ahihlam hong hilh hi. Amah in nuntakna
a hong Pia Pa hi; a hong nungtasak Pa hi; sep zawhna tha hong pia Pa hi. Tua
hi-in Pasian hong piak thuphate zangin, innkuan sung kitangsapnate hong sikh a,
sawmah khat le sumpite Amah i ap ding kisam hi.“Pasian nasep nadingin
piakkhiatna in vantungah sumkholna hi. Tua bangin vantungah sumkhol khempeuh
leitung siatna in sukha lo-in mangthang nawn lo ding hi; tawntung adingin khang
semsemlai ding hi. Tua bangin piakkhiatnate in vantung sumkholna-ah sumkhol
khol ihi hi.”Ellen G. White, Counsels on Stewardship, p. 342. Tu-in tua bangin
piakkhiatna hangin hamphatna tampi om hi. Tua thute pawl khat i pulaak ding hi.
1. Huhna piakkhiatna hangin thupha tampi biakinn thak, college sangkah theihna,
Pasian thugenna, cihte kimu thei hi. 2. Kitangsap mahmah laitakin nasepna,
nasem mi in hamphatna lianpi om hi. 3. Na sih nungah innkuan sung pawl sungah
kitot kiselna om nawn lo. 4. Midangte itna hangin piakkhiatna manphatna,
innkuan manphatna cihte kimu thei hi. 5. Siahpiakna hangin supna tawmsak. 6. Na
piakkhiat sum le paai in na deihna na lunggulhna bangin kizang kizeek thei hi;
kim le paam panin buai-na cihte om nawn lo) 7. Piakkhiatna in huaihamna,
hazatna panin angsung khual lohna-a kikhelna. 8. Piakkhiatna in vantungah
sumkholna hi.
FRIDAY
March
10
Ngaihsutbeh
Ding: Ellen G. White in piakkhiatna tawh kisai, neih le
lamhte kepsiamzia ding tampi hong hilh hi. “Neih le lamh hau nu le pa” in
Testimonies for the Church, vol. 3, pp. 116–130, le “Wills and Legacies,” in
Testimonies for the Church, vol. 4, pp. 476–485 Counsels on Stewardship, pp.
323–335 sungah sum le paai, neih le lamhte zeekzia ding kigelh hi. Ellen G.
White in hih bangin gelh hi: “Mi tampi in sihkuan ciangin a neih le lamh,, sum
le paaite kizatnading geel phingphing uh hi. Khristian thu-um takpi hi le uh a
nuntak sungun siksan munkip a nei ding uh hi. Pasian kipia-in a neihsa khempeuh
uh Topa nasepna dingin kipia ding uh hi. Ama neih le lamh a zeek a kem mi citak
khat a suak ding uh hi. Tua bangin kipiakna tungtawnin Pasian kalh thute a
tangtungsak thei uh hi. Amaute sep ding teng midang tungah a ap kei ding uh
hi.”Testimonies for the Church, vol. 4, p. 480. Ellen G. White in “Amau sepna
hangin amau mah in thukhenna a thuak uh hi’ cih ciangin bang a cihna hi ding
hiam? Sih khit ciangin neih le lamhteng kua tung hawm ding ci-in geel khol in.
Mi khat in ama damlai-a a khensat bangin a sih khit ciangin a neihsate zeksak
ding kisam hi. Na neihsate nangma khut sungah om a na zek na zat ding hi mah
hi. Tua bangin na zatna hangin na lungdam ding hi. Bang bang hi taleh Pasian neihsa
zek dingin hong kikoih ahihna na phawk ding kisam hi. Khristiante adingin Khrih
hong kumkik ding thu in “Lametna Thupha” ci-in i thei hi. Jesuh in meii lom
tuangin hong kumsuk ding ngaihsun in ; hih thu in lamdang mahmah ding hi lo
hiam? Jesuh tung panin “A citak nasem pa aw” hong cih ding ngaklahhuai zensi!
Tua bang thu i zak nadingin bangci gamtat ding kisam hiam? Ama hong lamlahna
bangin kalsuan ihihleh, i sepna khat peuhah zong lungkimna i ngah ding hi.
Hotkhiatna nasepna-ah mainawtin nasem dingte ihi hi. I sih khit nungah zong i
nasep in khawl lo-in a mainawt ding ahi hi.
KIKUP
DING DOTNATE
1.
Vantungah sumkhol
thei hi mah taleng, bang hangin vantungah sumkholna in hotkhiat ngah nading hi
peuh mah lo hi, kici thei hiam?
2.
Piakkhiatna-ah itsik
het lo-in a pia ding ihi hi; piakna-ah zong pilvang ding kisam hi. Mi kim khat
in tua ni tua kha-in sum hong pia in, bang hang hiam cihleh ka hihnop, ka hih
ding tampi om hi. Tua hi keileh sum le paai in man nei lo hi, ci-in a pulaak
thute i za mun mahmah hi. Tua bangin sum piaknate sangin Pasian nasepnate-ah
zat zawkna in hoih zaw hi lo hiam? Koi bangin khelpilna tawh sum hong ngente le
huh ding kilawm takpite khentel thei ding i hiam?
