MUC

Print Friendly and PDF

Sunday, September 11, 2022

NOV 26, 2022 | Tuipitung khualzinna pan inn ciah

Tuipitung khualzinna pan innciah

NOV 26, 2022

Barry

 

Seventh-day Adventist thu-um nupi khat in Sabbath ni- biakinnah kikhawm dingin Barry min nei khangno khat tawh vakikhawm uh hi. Amau pen South Pacific tuikulh khatah a teeng uh hi. Sunday ni hong tun ciangin Barry nu in a pasal tawh biakinn dang khatah kikhawm dingin vapaipih uh hi. 

Barry in hong gol zaw deuhta-in Sabbath maw Sunday koi zui zaw ding cih thu tel lo-in a lungsim buai mahmah hi. Amah in Tuval tuikulh khata teeng hi. Hih tuikulhah mi 11000 bek teeng a, Australia le Hawai kikala om tuikulh khat hi. Tuvalu in tuikulh kua bang kigawm hi-in tai 10 kim bang gol hi. Hih tuikulh ah nupate in ta a neih uh ciangin a zi sanggam numeite khat in naupangte kemin pantah u hi. Tua hi-in Barry hong suah ciangin a sanggamte khat Pena in kemin pahtah hi. Tu-in Pena in Baryy it mahmahin ama ta bangin bawl hi. Sabbath ni hong tun sialin amah in Niutao Seventh day Adventist Biakinnah kikhawm dingin va paipih zel hi. Hih tuikulhah hih simloh SDA biakinn dang om lo hi. Barry nu in a tapa in Adventist biakinn ah a kikhop hangin bangmah poi-sa lo hi. A sanggamnu  bangin amah zong kituiphum  hi. A pasal in ahihleh pawl dang hi. Baryy in SDA upna sungah omin a nu le a pa tawh biakinnah kikhawm khawm dingin zawnthei zel hi.Sunday hong tun ciangin a pa in kikhawm dingin sam hi. Baryy hong gol semsemin khangno khat hong hi ta hi. Tuipi tungah khualzin uk mahmah hi-in, tembaw nasem dingin thusinna khat ah va kah hi. Tuvalu in tuikulh tampi in kimkotin nasepna khempeuh in tui tungah gunkuang vive tawh nasep ahi hi. Barry in tua bangin a nasepna panin a ngah sumte a nu a pa khak thei zel hi. Tangvalta ahih manin zi nei ding hong geel hi. Zi a neih khit ciangin zong tembaw gunkuang tawh nasem zomsuak hi. Ta li nei uh hi. A innkuanun biakinn nihah kikhawm uh hi. Barry in SDA upna zui hi mah taleh a zi in Sunday upna zui hi. A nasepna tawh buai ahih manin biakinn tawh kigamla-in kikhop hun ding ngah mengmeng theilo hi.  A kikhop loh hong sawtta ahih manin innkuan sungah zong buai-na tuamtuam hong lutin a lungkhamna phawk loh ding ci-in zukham pahpah hi; tua bangin zudawn, zatep cih bangin nungta hi. Zukhamsa-in motorcycle hawl ahih manin tuahsiatna khat thuak kha pah hi.A pianna khua Funafuti zuana a khualzinna-ah tua bangin tuahsiat thuak zelzel hi.

Tua bangin tuahsiatna a tuah ciangin  zato va zuan thei uh hi. Liammate golpipi nei-in tawlkhat sung zato ah a lup khit uh ciangin cidamin  innlam hong zuan kik thei zel uh hi. Barry in tate tawh kikhop nuamsa mahmah hi. A zi Taufua in kumpi nasem khat hi. Ta li nei uh a, innah a tate tawh omkhop nuamsa hi. A innkuanun thunget hahkat mahmah uh hi. Ni khat cinatna in innkuan sung hong buaisak hi. A ta u pen Liena in cina in a ci asa hik gawpsa ahih manin Fiji khuapi-ah zato vapaipih uh hi. Barry le Taufua in zong a tanu kum 14 a pha khat tawh  vanleng tuangin zato vazuan uh hi.

Zato ah Barry in Pasian bek mah ngaihsut lianpi-in nei hi. A nuntakna-ah Pasian  thu hong ngaihsun thei pan hi. A khangno lai-in SDA biakinn panin a zak thute hong ngaihsunsun hi. Tua hi-in thunget hong kipan thei hi. Liena  in a natna panin damna ngah hi. Baryy in Tuvalu-a a nasep nusia-in gunkuang zui ding a ngaihsun hi. Leitung na dangdangte sangin Pasian thu bek mah  mannei-in, thupi ngaihsut in hong nei thei hi. Sabbath ni khati a innkuanun Lai Siangtho thusinna hong kipan thei uh hi. Sabbath zingsangin a innkuanun biakinnah Pasian bia dingin hong kikhawm uh hi. Tua kikhopna panin Lai Siangtho thuman theihnopna lungsim hong lian semsem hi. A innkuanun pawlpi nasepna tuamtuamte-ah zong kihel uh hi.  2021 kum sungin Barry le a zi tawh a tapa u bel tawh Jesuh nungzui dingin khensatna nei thei uh hi. Tua manin tui kiphum ding  a khensat thei uh hi. Barry le Liena in April kha sungin Funafuti Seventh-day Adventist Pawlpi-ah kituiphum uh hi. A zi Taufua in kha nih khit, June kha sungin tui kiphum hi.

Tu-in  a innkuan sungin nuamna tawh kidim hi. Thungen khawm uh a, innkuan nuam hong suak thei uh hi.Taufua in a pasal tawh nuamtakin hong nungta khawm thei hi. Barry in zong a innkuan sungah nopsakna tawh hong nungta thei hi.

Sabbath School sumpi in  South Pacific Division sunga  naupang, khangnote adingin Ellen G White laibute bawl nadingin kipuak ding hi. Hope Channel le Radio tuamtuam tawh zong Pasian thugenna dingin zong kizang ding hi.

Tu quarter Sabbath School sumpi in MMCC ah kipuak ding  hi.

 

To get the latest update of me and my works

>> <<