Thungetnate, singkungnote,
le Pulnatna
October 29, 2022
Emmy
Emmy in Covid 19 pulnatna sungin om nading nei lo-in cimawh mahmah hi.
Melbourne
khuapi sunga om hi-in, khuapi lockdown ahih manin nek ding nei lo-in cimawh
mahmah hi. A pasal in a nasepna-ah nasep hun kikhiamin, sum ngahna zong
khiampah hi. Part time tawh nasem kuan hi. Azi in ahihleh a upna nusia lo-in
Topa muangin nungta hi. A pasal Jonathan in SDA upna
sungah a kituiphum sawt nai lo hi.
Nasep
khat a ngah nadingin thungenin om hi. Ta thum nei-in a innkuan nuntak khuasak
nadingin Topa tung pan thungetna tawh kalsuan uh hi. Emmy in mawtaw hawl thei
lo ahih manin nasep muh hamsapah hi. Mun khatah nasem dingin interview na
nei hi. A lawmte khat tawh vapai uh a, nasep mun awng
nawn lo, midang khatin sem ding ahihna thu kipulaak h. A pasal Jonathan in
“Lunghimawh kei in” ci-in hanthawn den hi. “Nasep ding na muh kei leh zong
phamawh kei, Pasian in hong awi nai lo hi kha thei hi,” ci-in a zi lungkiat loh
ding thu a gen den hi.
Emmy in
tatsat lo-in thungen den hi. Tua bangin a thunget kawmkawmin singkungno
tuamtuam suanna nei hi. Tua a suan singkungnote tawh maan kila khop nuamsa
mahmah hi. Tua maante facebook ah koih thei zel hi. Amah in zong
Facebook sunga singkungno a uk group khatah kihelpah hi. Ni khat
naupangnote’n singnote tawh maan kila-in video-in zong bawlin
Facebook tungah khahkhia hi. “ Hih naupangte tawh nasem khawm nuam ing,” ci-in
a video tungah zaksakna khat nei hi. “Hih khangnote ka paakta hi” “
Nang koi-ah teeng na hiam? ci-in dotna khat ngah hi. Ama teenna mun gen hi; tua
singnote kingah theih nadingin mun zong hilh thei pah hi. Phone khat in sam a,
tu nitak 4:30 ciangin kimu ni, ci-in kiho uh hi. Emmy in hih thu hoihsapah hi.
Hi mah hi. Emmy in lungdamin sang thei pah hi. Tua mun pen ama omna
panin gamla lo mun khat ahihna khua nung theih hi. Mawtaw tawh
paikul lo ding mun khat hi. Ahi zongin Emmy in Pasian deihna thei nuam
hi. “Topa aw, na deihna hong hilh in. Hih nasep sem dingin nong
deihsak ahih leh hong hilh in, ci-in thungen hi.” “Kei pai ning, zekai nuam
keng, ci-in a omna panin nitak 1:30 ciangin paikhia hi. Tua singkungno huan a tung
ciangin akimuh ding hun a cinma-in vatung thei hi.
Amuhpih
ding ngak kawmin a gei khata om sawlbawk khat gei-ah bu dingin a ngaihsun hi.
Kuama muh ding ut lo hi. Ahi zongin tua singno huan makaipa in mu thei veve hi”
“Nang, Emmy hi lo na hiam, ci-in dong hi. “ Hi mah ing,” ci-in dawngkik hi.
Singnohuan kempa in a zum sungah samin singnosuan vai hilhin genpihna hoih khat
neithei uh hi. Tua ciangin ama nasemte kiangah zong pulaakin a singnosuante
laak kawikawi dingin sawl hi. Emmy ukna a theih ciangin ama huanah
nasem dingin pulaakpah hi. Emmy in zong nasem dingin mang thei pah hi. Pasian
lamlahna hi ding hi, ci-in lamdangsa hi. Covid pulnatna hun sungin mi tampi in
nasep nei lo hi mahtaleh Emmy in singno huan khatah tua bangin nasep a ngah
manin Topa tungah lungdam mahmah hi. Tua munah nasepna panin a ngah sumte tawh
innkuan nuntak khuasakna a huh thei suak hi. Emmy in a sawt lo-in singnosuan
zia nasep khempeuh sem thei pah lel hi. A kisapna munmunah lutin nasem thei hi.
Nasep tuamtuam zong semkha-in nopsa mahmah
hi. Singkungnote a khanziate lamdangsak ding tam mahmah hi. A innah zong tua
bang singnohuan khat bawl ding a ngaihsun hi. A ciahteh a puak ding singno
tuamtuamte kaikhawmin a om hi. Tawl khat sungin hun bei ziau ahihlam phawk hi.
Pasian in thupha pia-in a nasepna-ah zong lawhcing kisa peuhmah hi.
Kha sum a san ni khat Emmy in lamdangsakna tawh kidim hi. Friday ni-sialin
nasepna thaman a ngah den hi-in, ahi zongin tua Friday ni-in bangmah ngah lo
hi. A lawm nasem dangte in amau ngah zah ding ciat ngah uh hi. Bang hang ken
ngah lo ka hiam, ci-in makaite tungah a pulaak ciangin, makaite in nasep thaman
a piaklohna thu a pulaak uh hi . Emmy in singno tampi ciahpih dingin kaikhawm
khin ahih manin tua bangin ama nasep thaman kipia nawn lo ahihna thu makaiten
zong a hilh uh hi. Emmy in a zak thu um zo pak lo hi. Nasem makaite phalna ngen
lopi-intua bangin a innah a suan ding singnote a lak manin nasep thaman kipia
nawn lo hi.
Inn hong
tun ciangin a lawmpa Jonathan in lunghimahw lo-in Topa tungah ko dingin hanthawn
hi. “ Lunghimawh kei in. Topa tungah thungen ni” kici uh hi. Tua bangin thungen
uh a, nipi kaal khat khit ciangin Monday ni zingsang khat, Emmy in alamdang thu
khat hong za kha hi. A nasepna munah vapai ciangin nasep thaman vai kikum uh a,
huan nei pa zi in moh limci mahmah khat hong tawikhia-in Emmy tungah
mawhmai-na ngen hi. Emmy in zong lamdangsa-in, a thungetna hangin Topa in a
nasepna thaman nasepna pute in a piakik uh hi. Emmy le a pasal in lungdam
mahmah uh hi. Pasian in amaute thuumna ngetnate pia ahihlam phawkpha
sansan uh hi. Covid pulnatna hun sung tawntung Emmyte innkuan in annek tuidawn
bangmah kitangsam lo-in a nuntak theihna uh Topa kepna hi, ci-in Topa tungah
lungdamko tawntung uh hi.
Tu
quarter Sabbath School sumpi in MMCC ah kipuak ding hi.
