Thungen Nupi
VANUATU | December 17
Damatui
Damatui le Stelline in nidang bang lo-in a neih ngei loh uh biakpiakna khat nei dingin vaihawm uh hi. Sabbath ni hong tun sialin Stelline in a tate thum tawh Seventh-day Adventist biakinnah kikhawm uh hi. Sunday ni hong tun ciangin Damatui in biakinn ah va kikhawm hi. A pawlpi-ah upa khatin kiseh hi. A nu le pa in biakinn aa kikhawm khawm ngei lo hi. Innah biakna thu nengno khat zong kkupna nei ngei lo hi. Lai Siangtho thu kikupkhopna zong ka nei uh hi.
Tua
bangin ka nuntakzia in ka lungkimsak mahmah hi. Stelline in Damatui in SDA
sungah tui kiphum ding in lunggulhna lianpi nei hi. Biakinnah kikhopna nei-in a
pasal le atate teng zong a zawn thei zel hi. A pasal in Sabbath thuman a
sanzawh nadingin nisimin thungen den hi. Ni khat ni ciangin Vanuatu in innkuan
tawh kisai thusinna khat om ding hi, cih thu a zak ciangin hih
thusinna-ah vakihel dingin a pasal zong zawnpah hi. Damatui in zong a zi vazui
a, a kiteenlai-un Pasian mai-ah a akamciamte a phawkkik hi. Hih innkuan tawh
kisai thusinna in amau nupa dingin manpha diak hi. A pasal in Pasian thuman pom
thei zaw thamta hi. A kumkik ciangiin Vanuatu in pawlpi tawh kisai thusinna
khat nei kik leuleu a, Damatuite- nupa zong hih thusinna-ah va kihel
uh hi. Damatui in amasa-in Aore Adventist sanginn a
thugennna-ah sapna a ngahna zui-in va kihelin limtakin thungai thei
hi. A kik ciangin thusinna khat om kik a, Damatui zong hong pai dingin vaikhak
uh a, vanleng letmat lei-in hong pai hi. Damatui in hih Santo Tuikulha Pasian
nasepziate lamdangsa mahmah hi.
A
zi le a tate teengin inn panin thu ngetsak uh a Damatui in ahihleh hih
thusinna-ah va kihel hi. Tua thusinna kizawh ciangin Damatui zong inn hong
ciahkik a, a thusinte manpha a sakna thu a innkuante tungah a pulaak kik hi.
Hun khat khit ciangin Vanuatu mission in Hope Channel tungtawnin Pasian
thugenna khat nei uh hi. Stelline omna pawlpi in zong hih
thugennate na ngai uh hi. Nipi kaal thum sung thugenna kinei hi.
Damatui in tua thugenna khempeuh limtakin na ngai hi.
Damatui in bus khat nei-a
biakinnah kikhawm nuampeuh pua kawikawi hi. Nipi kaal nih sung tua
bangin pai uh ciangin kituiphum ding dotna hong om tak ciangin Damatui in
bangmah dawngkik peuh mah lo hi.Thugenna ahihleh a tawpdong mah na eninn na
ngai hi. Thugenpa in Topa tungah a ki-ap nuam na om uh leh hong pai khia un,
ci-in a sap ciangin Damatui zong a nuntakna buppi kipia dingin ki-ap pah thei
hi. Tua nitak mahin tui kiphum dingin a khensat hi.
Friday ni
hong tungin Damatui in biakinnah pai-in SDA pawl lut ding a khensatna thu a
zasak pah hi. Sabbath zingsangin Damatui in midang 12 te tawh kituiphum hi.
Stelline in mi lungdam penpen suak hi. A ta thumte in zong a pa tawh biakinnah
kikhawm hong pai thei zel uh hi. Damatui pawlpi a makaite bel lungkim het lo uh
hi. Kilehkik dingin zolkik kik uh a, Pasian pawlpi man ahihlam a pulaak hi.
Tu-in
Damatui in SDA pawlpi sungah upa semin om hi. Hih pawlpi in pawlpi neu khat
ahih hangin a khangto mahmah pawlpi khat hong suak thei hi. “ Ka nunna ka
ngaihsut kik ciangin khensatna hoih mahmah khat khensat ka hih manin ka lungdam
hi; kei ading bek tham lo-in ka innkuanpihte adingin zong a thupi mahmah
khensatna hong suak hi” ci-in Damatui in pulaak hi.
Sabbath
School sumpi in Vanuatu le South Pacific Division sunga pawlpi nasepnate ah
kipuak ding hi. Ellen G.White laibute bawlin hawmkhiat ding geelna
lianpi nei uh hi.
Tu
quarter Sabbath School sumpi in MMCC ah kipuak ding hi.
