Thongkia
December 24, 2022
FIJI
Salote lungsim in Fiji gam bekbek ngaihsun hi. Middle East gam khatah galkap 200 in Fiji gam nasem hon khat mancip uh a Syria gam sung mun kithei nai lo khatah paipih uh hi.
Salote in
tapa khat nei-in kum 34 pha hi. United Nations galkap lut hi. Salote in a
galkuanna sungah si lo-in nungta thei hi; a lungsim sungah Jeremiah
29:11 phawk hi. “Nangma ngaihsutnate ka thei
hi. Na gim nading hi lo-in na nopsak nading geelna ka
nei hi.’ Salote in a tapa in galkap a lu ma-in nakpi takin a
thungenate a phawkkik kik hi.Pasian in ka tapa na kem ding hi, cih a lungmuang
thei hi. A zingciangin Salote makpa in phone tawh hopih
hi. Kapkawmin hopih a, a tapa gal sungah si takpi ahihna hong hilh
hi. Salote tapa in galte mat thuak mi 45te lakah kihel hi. A tapa
pen galkapmang ulian mahmah hi. Salote in tua thu a zak
ciangin lunghimawh lua lo hi. Pasian phalna o om keileh ka tapa si
lo ding hi. Na khempeuh Pasian khut sung hi. A piang bangbang i san
kul hi. Hih a kiman mi 45te a suahtak nadingun thu ngen ding hi
hang, ci-in pulaak hi. Tua bangin a kampau-na hangin ama kampau a za mite in
Topa sungah lungnop khamuanna a ngah thei uh hi. Salote in thungenngenin 2014
sung tawntung bang lungkia lo-in thu a ngen hi. Pasian in a lungzinnate
hepkhiatsakin lungnopna guan dingin thu ngen tawntung hi. Isaiah 26:3 siksanin
kalsuan hi. Topa amuangte tungah Topa in nopna pia hi. Bang hang hiam cihleh
amaute in Topa a muang uh hi, cih thu siksanin a lawmte tha a guan zel hi. Tua
bangah Topa muang tawntung in. Jehovah Topa Pasian in a tawntungin
nangma hatna tha hi ding hi,”ci-in a lungnopna a ngah thei hi.
Salote in
lungkimna daihna tawh a nunta thei hi. A tapa in a kimatna a thua hangin Topa
sungah a lungkim thei veve hi. Salote in Phlippians 4:6 siksanin a
hamsatnate a nawktan zo thei hi: “Lunghimawhna bang mah nei kei un.
Na lungkhamna khempeuhte Topa suan un. Amah in note hong kem
tawntung hi.” Ama nuntak hun in bang hun hiam cih theitel ahih
manin Topa tawh a kinai zaw semsem thei hi. Leitung hun
beikuan ciangin a hong piang ding thute Daniel in hong gen khol hi (Dan. 2)
Kamsangte pulaak thute hangin Topa a upna a kipzaw semsem thei hi.
Galte
in a tapa a mat zawh ni 14 khit ciangin a suakta thei hi. Tua bangin a
suahtakna hangin Topa tungah lungdam mahmah uh hi. Gal sung nangawnah Topa itna
in amaute kembit hi, cih mu thei uh hi.Galte mat sungin a nungta
Pasian a bia thei kei uh hi; Pasian biak ding kiphal lo hi. A kimat zawh ni
thum khit ciangin a suahtak nading thunget kipan pan hi.
Gamdai takin khat khit khat in thungen uh hi. Tua bangin ni 14 sung
tawntung thungen thei uh hi. Pasian kepna hangin amaute in bangmah liamna,
vuakna ahi zongin gimna bangmah a thuak kei uh hi.
The
Desire of Ages sungah Ellen White in hih bangin gen hi: “ Eite in Topa Pasian
hong hehpihna i pulaak tawntung ding kisam hi. Tua bangin pulaak na
in a muibun mahmah teci panna khat hipah hi (laimai 347). Hih in Salote teci
panna hi. Hih thu in Pasian hong hehpihna pulaak hi. Pasian hong hepihna a hong
kilaak tawntung hi” ci hi. Amah in i kitangsapna khempeu a hong pia Pa hi.
Hamsat
lungkhamna i tuah ciangin Topa hong hehpihna i phawk nakleh tua in gimnate a
hong zawhpih hi.
Tu
quarter Sabbath School sumpi in Fiji gam le South Pacific
Division sunga om pawlpi nasepnate-ah kizeek ding hi. MUC in tu quarter Sabbath
School sumpi in MMCC ah kipuak ding hi.
Mai
Sabbath in Quarter cin Sabbath ahih manin sumpi i khiat ngei a zah thum i khiat
ciat ding kizasak hi hang.
