Solomon, Leitung A
Kilamdangsakpa
November 12, 2022
Papua New Guinea
Solomon in Lai Siangtho thei kisa mahmah khat hi. Amah pen Papau New Guinea gamah teeng hi. Pasian thu kigennate zong ngai kawikawi thei hi. Lai Siangtho in a nungta Pasian hong hilh ahihna a thei hi. Ahi zongin Lai Siangtho thuman bangin nungta lo ahihlam kiphawk lo hi. Ni khat mual tung khua no khatah Seventh-day Adventist Pasian nasem khat tawh hong kiho kha uh hi.
Hih a
kimuhpih pa in a khutah Leitung kikhelsak Lai Siangtho ci-in laibu khat a tawi
hi.Tua missionary nasempa in “ Pasian kammal hawmsawn dingin hong pai hi ing,” ci-in
kipulaak hi. Solomon in Lai Siangtho a neih khak manin mi lungdam khat hong
suak hi. Hih missionary pa tawh Lai Siangtho thusinna nei uh a, “
Leitung a lumlet Lai Siangtho” cih thu in a lungsim lawngkha mahmah hi ding
ven, leitung kilamdangsak cih ciangin bang hi peuhmah ding hiam, ci-in
theihnopna lungsim lian semsem hi. Tua manin Lai Siangtho limtakin sincianna
nei hi. Missionarypa zat Lai Siangtho in Lai Siangtho bu dangte bang lo-in
simnop telnop se hi.
Tua
missionary pa in Solomon lunglutna mu-in Lai Siangtho thusinna-ah amah zong
kihel dingin sam hi. “Jesuh thu i kikum ding hi” ci-in sam hi. “ Tua bangin
minute 15, 20 sung tang ding Lai Siangtho thusinkhopna nei uh hi. A kikhop
masak penun missionary pa in Solomon zong a sampah hi; Mark 1 sung
kikuppihna nei uh hi. Lai Siangtho a simma-un, thungetna khat nei masa pot uh
a, “ Topa aw, nong hehphna tawh kote hong makaih in,” ci-in missionary pa in
thungen hi. Thunget a zawh khit uh ciangin Solomon in Mark 1 panin sim toto
dingin ngen hi.” Solomon in Tuiphum John thu a simkhak
ciangin lamdangsa hi. Bang han hiam cihleh John in kalaoh vun puanin
silh a, gamlak khuaizu ne-in aom hi. Amah in mi tampi
banah Jesuh zong tui a phum hi. HIh thute a sim khit ciangin missionary in
midang khat a sawlkik hi. Tua ciangin missionay pa in Lai Siangtho Bu zong en
nawn lo-in tangthute lotngah phial bangin gen toto ziau thei hi. Tua ciangin
missionary in a kikup ding uh thute pulaakna nei hi. “Hih ka lai simna sung pan
na muh thak bang thu a om hiam? ci-in dong hi. Solomon a kipan tua
mite in lamdang a sak thute pulaak uh hi. A telloh uh thute zong
kikumkhawm uh hi. Tua ciangin missionary in tua thute panin bang thute
nuntakpih ding i hiam, ci-in a banabanin pulaak toto uh hi. Mi khat in
kituiphum ding thupisa ing,ci-in dawngkik hi. A dang khat in tui kiphumna tawh
kisai-in midang tungah bang thu pulaak theih ding om hiam, ci-in dongkik hi.Tua
bangin kikupna a neih khit uh ciangin thungen uh a, “ Topa aw, Na Kammal hangin
ka lungdam uh hi. Na nung zui thei dingin hong makaih in” ci uh
hi. Solomon in Lai Siangtho thusinna nuamsa hi. Jesuh maitang amu
bangin kingaihsun hi. Kum hong beito-in Solomon in Jesuh thu a deihna lian
semsem hi. Tua bangin Lai Siangtho thusinna zong zomtoto thei hi.
Tua bangin Lai Siangtho thu sinnna a neih ding uh ciangin thungen masa phot uh
hi. Tua khit ciangin Lai Siangtho simna nei uh a, tua khit ciangin midang
khatin ama kammal bangin den a a kisim Lai Siangtho thute a genkik hi. Tua khit
ciangin missionary in dotna khat nei-a, “Tu-a na zak uh Lai Siangtho thu pan
muh thak thu a om hiam? Hih thuman thutak thute koibangin nuntakpih thei ding i
hiam, ci-in dotna nei hi. Tua bangin a sin uh Lai Siangtho thuman thute kikupna
zong nei zelzel uh hi. South Pacific Division Zumpi panin Discovery Bible
Reading, ci-in Lai Siangtho thusinna khat vai hawm uh a pawlpi mite’n zong
nopsa mahmah uh hi.Khangnote tungah Lai Siangthu bu hawmkhiatna zong nei uh a,
Bu 200,000 bang hawmkhia uh hi.
Lai
Siangtho thu bulpi in Leitung a khel Lai Siangtho ahihlam telpha semsem hi.
Jesuh nungzuite banah thu-um mite nunzia le tong in nunna kikhelsak thei hi,
cih a tel pha semsem hi. Midangte zong nungzui suaksak ding nasepna sungah
kihelkhak nuam ka sa hi, ci-in pulaak hi. Tua bang Lai Siangtho thusinna a neih
zawh uh kum khat khit ciangin Solomon in “leitung akhel mi khat suah ding
lunggulhna lianpi nei-in kituiphum hi. Mark 1 siksanin nungta toto hi. Jesuh
khekhap zui mi muanhuai khat hong suak thei hi. Tu-in Solomon in kum 26 hi, Tan
sawm sin laitak hi. Khangno honkhat kaikhawmin a makaih hi. A
khua panin khangno tampi samin tua bangin thusinna le biakpiak
khopnate neihpih zel hi. “Tu-in SDA pawlpi mi khat ka hit a hi. Ka innkuanun
SDA pawl sungah omkim ding a lunggulh hi. Hih pawlpi in Pasian pawlpi hi, cih
ka thei hi.
Sabbah
School Sumpi in Papua New Guinea le South Pacific Division sunga pawlpi
nasepna, a diakdiakin khangnote lakah hotkhiatna thu genna dingin kipuak ding
hi.
Tu
quarter Sabbath School sumpi in MMCC ah kipuak ding hi.
