Pasian in asap mite
picingsak
December 10, 2022
Frank
Frank in naupang phengphi mahmah khat hi-in, South Pacific Vanuatu panin a khangkhia khangno khat hi. A pianna nu pen pasal neikik hi-in, amah bek mah tapa a neih ahi hi. Nulepa maipha ngah khat hi-in, Lai Siangtho sunga Joseph bangin a pa in tuam it pha deuhse hi. A nu masatate in hazatna lungsim nei uh ahih manun sanggam khat ahih hangun ki-it zo lo uh hi.
Innah
nuamtakin om hithiat theih zong om lo ahih manin Frank in a sangkahna Aore
Adventist sangah nuamsa mahmah hi. A sangkahna-ah lawm le gual tampi nei-in,
Sabbath ni ciangin biakinn ah kikhop cihte nuamsa pha diak hi. Ahi zongin
a sangkahna-ah cina-in zato lum hi. A nu le pate lungkham mahmah uh hi. Zato
panin inna ciahpih uh hi. Tua akipan Frank in sangzomsuak zo nawn lo hi. Tua
hi-in Tan 10 zo lo pa hong suak hi. Khua dang pan hong pai khangnote tawh
kipawlin Frank in tua bangin hong khangtoto hi. Nasep zia ding thei nai
lo hi. A pa a sih khit ciangin a nu masa tate tawh a pa nusiat neih
le lamte hawm ding hun hong tung hi. Ahi zongin a sanggamdangte in a vekin luah
khin uh ahih manin Frank in bangmah ngahkha lo hi. A lawm le gualte tawh
nuamsa-in om a, nuntakna in bang ngimna nei hiam, nuntakna in khiatna nei
ahihlam phawk lo-in a hunte a mawkna-in beisak hi.
Frank in
a sangkahna Aore Adventist sangah nop a sak mahmah khat in khut siamna kisinna
hi. Sabuai tutphah le inn sung vanzat tuamtuamte bawl thei-in nuamsa mahmah hi.
A khua ah a ciah ciangin zong innlam nasepte nopsa hi. Frank in zi nei-in
ta zong nei uh hi. Inn sung vanzatte bawl khawlin nasep dang khat sem
dingin ngaihsunin bangmah sem lo-in mawk om hi. A nu le a sungh nu
in ama tungah kinga uh ahih manin na sep loh phamawh dinmun ah hong tung hi. A
zi tawh kitawng pahpah uh hi. A zi in nasem dingin hanthawn den hi. Nasem
lo-in nuntak ding pen hamsa ahihna hong theithei hi. Nitak khat lungkia
mahmahin a om laitakin Pasian tungah thungen ning, cih ngaihsutna
khat hong nei hi. Khukdin in Topa tungah a hamsatna khempeuh pulaak hi. “ Topa
aw, ka hamsatnate panin hong suaktak nading lampi khat hong honsak in,” ci-in
thungen hi.
“Ka
nuntakna hong sittel in” ci-in thungen hi. A sawt lo khat ciangin a
sanggampa Ken in Frank hopihin nasep om ahihlam a pulaak hi. Frank in tua
bangin nasep ding om cih thu a zak ciangin Topa tungah lungdam a kopah hi. Inn
nasep ding khat om ci-in a kihilh ciangin nasem kipan theipah hi. Sabung bawlna
inn sung khatah nasemin om a, inn lam nasep le inn sung vanzat na tuamtuamte
bawlin kitaaklah bilbel hi. Frank in a nasepna panin lawhcing mahmahin sum
tampi a ngah ciangin Topa Pasian a mangngilh hi. Hun khatlai-a cimawhin a om
hunte a mangngilh hi. Nitak khat ihmu-in a om laitakin a mang sungah a pi
mangman hi. A pi in thu hilhna khat nei-in, a pi pulaakna-ah Frank in lawhcing
mahmah ding a, company lianpi khat nei ding hi ci-in a pulaak hi. Ahi zongin
Topa tungah a citak leh tua bangin lawhcing ding ahihna zong a pulaak hi. Tua
ciangin Frank in Sabbath ni ciangin maanmaanin kikhawm hi. Kum khat kum nih
sungin a pi mangmat bangin tangtung takpi hi.
Frank in innlam nasem
company khat le van bawlna company khat nei-in lawhcing mahmah khat hong
suak takpi hi. Pasian tungah citakna nei ahih manin Topan zong thupha pia hi,
ci-in i thei hi. A pianna khuano-ah vaciahkikin a sanggampa tawh kilemna bawlin
a innkuanpihte tawh nuam takin kilem thei uh hi. Adventist biakinn neu khat lam
uh hi. Maranatha, ASI cihte in huhna pia-in ni khat biakinn ci-in min vawh uh
a, ni khat sungin biakinn khat lam zo uh hi. Frank in huh dingin hong pai hi.
Tua a biakinn sangina golzaw biakinn khat lam dingin geelna nei uh hi.
Frank in
Pasian adingin biakinn gol mahmah khat a lamkhak manina lungkim mahmah hi. Tua
sangin a lian zaw na sep ding lunggulhna nei hi. Tua hi-in biakinn kizo siang
nai lote a kizawh dong huhin lampih hi. Vanuatu tuikulhah mun 83 ah
biakinn lam khin uh hi. Tu-in a ngah sumte tawh Pasian nasepna-ah kihelin
pawlpi nasepna huh hi. Santo tuikhulh a om biakinn a lamdsak uh hi.
Frank in nuntakna in
mannei-in ngimna nei ahihlam a thei hi. Khut siamna a pia Topa tungah
lungdamna ko tawntung hi.
Sabbath
school Sumpi in Vanuatu le South Pacific sunga pawlpi nasepnate-ah kipuak
ding hi. Video tuamtuam le Hope Channel tungtawnin Pasian thugennate
tangcing takin kinei thei hi. Ellen G White gelh laibute hawmkhiat zawh
nadingin huhna tampi kisam hi.
Tu
quarter Sabbath School sumpi in MMCC ah kipuak ding hi.
