Pasian Eite Tawh Hong Om Khawm

 

   

19“Ama’ min Emmanuel kici ding hi,…Pasian eite tawh hong om khawm hi.” “Pasian’ minthanna i theihpilna khuavak pen” Zeisu Khazih ii maitang tung ah kimu hi. Mongneilo nipi khapite pek panin, Topa Zeisu Khazih in pumkhatin Pa tawh na om khawm khin hi. “Amah pen Pasian’ pianlimmeel ahihi. Pasian’ liatluatna leh minthanna vang hi-a, Ama’ minthanna ii “apualam vangtaang” ahihi. Hih minthanna hong kilangtaang sak dingin, Amah hih leitung ah hong pai ahihi. Hih khuamialcip mawhnei leitung ah Pasian’ itna khuavak hong lak dinga Amah hong pai hi a, Pasian eite tawh hong om khop theih nading ahihi…tua ahihmanin, amah aki genkholhna ah, “Ama’ min Emmanuel kici ding hi.”

Eite tawh om khawm dinga, Zeisu hong pai pen Amah in Pasian pen mite leh vantungmite hong lak ding ahihi. Amah pen Pasian’ kammal hi a, Pasian’ ngaihsutna i zak theih dinga abawl ahihi. Anungzuite aa dinga athungetna ah, “Amaute’ kiang ah Nangma min ka pulaak zo hi.” “Khuangaihna leh hehpihna anei, lungduai-in thutakna tawh akidim” “Keimah hong it tua itna mah amaute sung ah omin Kei zong amaute’ sungah ka om hi.” Hih leitunga asuak Ama’ ta neute’ kiang bek ah hih lahkhiatna aki pia hilo hi. Hih i leitung neuno khat pen vantung khuavannuai ii thusinna laibu khat ahihi. Pasian‘ hehpihna ii alamdang geelna, ahong honkhia itna ii thuthuukpi te pen “vantungmite’ lunggulh muhnop” thumungphuh hi a, tuate pen mongneilo khantawntunga, akan khop ding uh ahi hi. Gupkhiat mite leh apuuklo vanmite in Khazih ii singlamteh tung ah amaute’ thuthuuk (science) 20 leh late mu tuak ding uh hi. Zeisu ii maitang a, a taang minthanna pen ki aituam pumpiak itna’ minthanna ahih kimu ta ding hi. Kalani pan a khuavak sung ah kipiak khiat itna thukham pen leitung leh vantung aa dinga nuntakna thukham ahi, tua thukham in, “ama angsung zong loin,” Pasian’ lungtangpan kizung kha-in, lungsim neem in kiniam khiat Mi Khat ahih kilak a, tua pen , Ama’ pianzia hi-in, khuavak sung ah teengin kuamah ii neh zawhloh ahihlam kimu tading hi.

Akipatcilin, Pasian pen piansak nasepna khempeuh panin kilak hi. Vantungte zalhaleitung bulpite aphutpa pen Khazihahihi. Leitung te huihlaka akhai pen Ama’ khut hi-a , gampalak pen paakte tawh azem’ Amah ahihi. “A thahatna in mualte phut mengmeng hi.” “Tuipi pen Ama’ aa hi-a, Ama bawlsa hi.” Late 65:6, 95:6. Leitung meelhoihna tawh adim Amah hi-a, huihlak langaih tawh azem Amah ahihi. Leitung mun khempeuh huihlak leh vantungte ah Amah in Pa’ itna thupuakte gelh hi.

Tu-in, mawhna in, akawkbaanglo Pasian’ nasepna meelheem sakta hi napi, tua khutmaa te kisiit lai hi. Tu nangawnin, akipiangsak na khempeuh in, Ama’ hoihna penpen minthanna pulaak lai hi. Ama’ angsung aa dinga huaihamna lungsim tawh anungta mihing simloh kuamah angsung ding bekin nungta lo hi. Adang nuntakna anei khat peuhpeuh phattuamna apialo huihlaka leeng vasa a om loh mahbangin, lei laka, atualvak gamsa zong omlo hi. Phattuamna apia vive ahi uh hi. Singhalh laka singteh ahih keileh gamlaka lopa kung in, adangkhat peuhpeuh tungah phattuamna pialo cih omloin, sepkhat na nei teek hi. Mihingte leh ganhingte’ nuntakna dinga, neihloh theihloh akisam nazat bulpite singkungte, sawlbawkte leh singtehte panin hong piangkhia hi. Paakpalhte in hih leitung thupha dingin anamtuinate uh thehkhia-in ahoihnate uh hong khia uh hi. 21 Ni in atullom leitungte’ aa dingin, akhuavak taan khia hi. Tuipi pen samhtui te leh ciktuite’ pianna bulpi hi-a, munciteng pana hong luang luituite dawlin hawm khia kik hi. A kuapi pana hong kahto tuikhu te leitung ah thupha guahin hong zu-a, singkung lopate ngumin paakpalh sak hi.

Minthanna tawh akidim vantungmite in a puuk khinsa leh asiangtholo khate, itna apiakna uh leh gimlo tawlo-a avil angakna uh ah lungdam kipaakna mu uh hi. Vantunga ateengte in, mihingte’ teenna hih khuamial leitung ah khuavak hong puaksuk uh hi. Amau teekteekte neih Khazih tawh aki maingapna saangun, amangthangte Khazih tawh ki maingap-a aki zawlh theih nadingin, thusiamna leh lungduaina tawh mihing’ lungsim amaute in hanthawn uh hi.

Aniam zaw minpuak lahkhiatna khempeuh panin kihei-in, Zeisu tungtawnin Pasian i en hi. Eimah hong kilah ding Pasian’ minthanna Zeisu’ sung panin i mu hi. Khazih in hihbangin na ci hi. “Keithu bek tawh bangmah semloin,” “Anungta Pa Pasian in, Kei hong sawl ahihmanin, Ama’ hangin ka nuntak mah bangin,” “Keima’ aituam minthanna ding ka zong kei-a,” Kei hong sawlpa Ama’ minthan nading ka zong zaw hi.” John 8:28, 6:57, 8:50, 7:18. Hih kammalte sung panin, leitung vantung khuavannuai aa dingin anasia thukhunpi ki khung hi. Khazih in Pasian’ kiang pana angah na khempeuhte piakkhiat kik dinga asan ahihi. Tua hi-a, vantung huangpite leh apiansak nuntakna nei khempeuhte’ aa dinga Pasian nasepna sung ah it huai Tapa tungtawnin, a Pa’ nuntakna hong luangkhia hi. Nuntakna nei khempeuhte’ phatna leh lungdam kipaakna, sepkhiatnate leh itna tuihualte Topa tungtawn mahin anasia Na khempeuhte’ Pianna Phungpi mah ah lehluan kik hi. Tuabangin Khazih tungtawnin, thuphabawl ki sakawn vialhin, aki zo siang Anasia a Piakhiapa’ gamtat-nunzia leh nuntakna thukhunte Khazih mah in ai-awhin minpua hi.

Vantung pan mahin hih thukham kipalsat hi. Mawhna pen angsungkhualna pan mahin hong ki zungpat hi. Lucifer ahi aki khuh vantungmi in, vangtung ah akhatna hong hinuam hi. Amah in vantungmi khempeuh auk zawh nadingin hong vai hawma, amaute A Piangsakpa’ kiangpanin kaihkhiat sawmin amahmah kizahtaaksak sawm hi. Tuahi-a, amah in Pasian’ai-awh min puakhialin, 22 Pasian tawh akizopna ah amah leh amah ki ultungsak, kilamto nuam lua hi. Amah ii gamtat-nunzia ginalo tawh Piangsakpa’ itna hong meetbawl sawm hi. Tua bangin vantungmite leh mihingte hong khem hi. Mihingte in Pasian’ kammal alunghian’ dingun leh Ama hoihna amuanloh dingun Satan in hong makaih ta hi. Pasian pen thumaan leh lipkhaphuai phial vangliatna nei Pasian ahih manin, Topa pen asik-hakpa leh mawhmai-saklopa-in, Satan in mite mukhial sak hi. Hibangin, mite in Pasian langpanin amah apawp zawk ding uh Satan in mite zola, leitung ah lungkham sinkhamna zan hong kiphut ta hi. Leitung pen Pasian theihkhialhna tawh khimh hong ziingta hi. Tua khuaziing limhpi khua kivak sak dinga, leitung pen Pasian’ kiang ah kipuak kik kul ding hi. Satan ii zuaukhem vangliatna ki tapkhap kul hi. Hih sepna pen zawhthawhthu tawh kisem theilo hi. Zawhthawh nasep pen Pasian’ ukna sunga thukhunpite tawh ki elpuakin, itna tawh sepkhiatna bek Amah in lunggulha, itna lah thu kipia theiloin, zawhthawhthu leh thuneihna tawh itna ki gualzo theilo hi. Itna bek tawh itna kiphong hi. Pasian i theih nadingin Pasian it kul hi. Ama’ gamtat-nunzia leh Satan gamtatnunzia aki elpuakna pholaak kul hi. Vangtung leitung khuavannuai ah i nasepna Nuntaknanei khat bek in sem zo hi. Pasian ii itna athuukna leh azaina athei, Amah bekmah in hihthu ki theitel sak thei bek hi. Hih leitung khuamial zankim sung ah Dikna Nitaang ataan kul-a, “tua in nizang bangin note tungah cidamna hong tung ding hi.” Malakhi 4:2.

Eite hong ki tatkhiatna ding geelna pen aki geeltawm hilo banah, Adam’ puuk khitcianga, tua geelna ki phuang khia hilo hi. Hihpen, “mongneilo tawntung hunte akipan aki imcip thuthuukpi” Rom 16:25, R.V., aki lakkhia ahihi. Tua geelna pen atawntung khanghun akipanin, Pasian’ kumpi tokhom bulpi pana, thukhunpite aki pholhkhia ahihi. Akipatcil akipanin, Pasian leh Khazih in Satan ii lehdo ding leh hihlampialpa’ peipuang vangliatna hanga mihing’ puukna na mukhol khin uh hi. Tua mawhna hong pian khiat ding, Pasian in sehkholhsa-in neiloa, tua mawhna hong leikiat ding bel amah in mukhol khinin, tua a mulkimhuai thupiangvat aa dingin lampi hon’kholh sak hi. Pasian in hih leitung a itna lianlua-a, khatbek aneihsun a angpom a Tapa pia dingin kiciamna bawl hi. “Amah a ummi khempeuh in kisia loin, nuntak tawntungna nei hi.” John 3:16. Lucifer in hihbangin naci hi. “Ka tokhom Pasian’ aksite tung ah ka saang laptoh ding hi…Asaangpen bang kahi nuam hi.” Isaiah 14:13,14. Khazih in bel, “Amah in Pasian lim leh meel tawh dimin om napi-in, Pasian tawh kibatnate ka khah kei ding hi ci loin, Ama minthan’na paai-in, sila limla in, mi tawh kibatna ah a suak hi.” Phil. 2:6,7.

Hihpen kipumpiak biakpiakna ahihi. Zeisu pen Pa Pasian’ bul ah omsuak thei hi. Amah in vantung minthannate luahsuak thei-a, vantungmite’ zahtaakpaaina zong anei suak thei hi napi’n, kumpi ciangkhut Pa Pasian’ khuttung ah ap kika, 23 sinlai lungmawlte khuavak ataan ding leh asiacip ding mite nuntakna apia dingin vantung khuavannuai ii kumpi tokhom panin akumsuk ding teel zaw hi.

Abeisa kum tul nih phial ding lai-in, vantung Pasian’ tokhom panin, thusim ki pholhkhia aw khat kiza a, “En un, Keimah kong pai hi.” “Ganhing leh khawhsa tawh biakpiakna nadeih kei-a, pumpi khat Keima’ aa dingin, Nangmah in na vaihawm khin hi…En un, Keimah in Nangma’ deihna asem dingin kong pai hi. O Pasian aw, (tua laibupi lom sung ah Keima’ thu ki at hi). Hebia 10:5-7. Mongneilo Atawntung khanghun akipanin, akiseelcip tua ngiimna atangtunna hih kammalte sung panin kitangko hi. Khazih pen hih i leitung ah hong hawh pakin, mi-in hong suak ding ahihi. Amah in, hihbangin ci hi. “Pumpi khat Nangmah in Keima aa dingin na vaihawm khin hi.” Leitung apian ma- a, Pa Pasian tawh aom khop lai-a, aneih minthanna tawh hong kilangh ding hileh Ama’ omna vangtaang eite in i thuak zo kei ding hi. Topa’ vangtaang i et zawhna dingin leh i kisiat lohna dingin, Ama’ minthanna hong kilatkhiatna tawh kituam hi. Akimutheilo minthanna aki muthei mihing pianzia tawh hong kilangh hi.

Hih anasia ngiimna pen limciinnate leh ciaptehnate tawh a limmhong kilakkhia bek ahihi. Moses kianga Khazih aki lahna tua sawlpaangkuang in, Pasian kilangh sak hi. Pasian’ ai-awh dinga akiteel tua sawlbawk nunniam in etlawmna hong lah meelloh hangin, Tawntung Vanglianpa saanglapin thupibawl hi. Hehpihna khempeuh anei Pasian in aminthanna aniam bel lim leh meel tawh khuh ahih manin, Moses in tua en zoin nungta hi. Tua bangin, sunin meeikhuam tawh zanin meikhuam tawh Pasian in Israelte na don na kemin, mihingte kiangah Ama’ deilhna laka, Ama’ hehpihna amaute guan hi. Pasian’ minthanna ki khiamin avangliatna ki khuh ahihmanin, akiciangtan mihingte’ athaneem mit in tua te mu zo hi. Tuahi-a, Khazih pen, “i zumhuaina pumpi tawh” “mihingte tawh kibang teekin,”(Phil. 3:21, R.V.), hong pai hi. Leitungmite’ muhna ah amau’ pahtaak dingin hoihna Amah in bangmah aneihloh hangin, Amah pen Asungsuak Pasian hi-a, vantung leh leitungte’ khuavak ahihi. Aminthanna kituamin, aliatluatna leh avang’ akiseel pen, adahte leh aki ze-et mite hong nai naih theih nading ahihi.

Pasian in Israelte’ aa dingin, Moses hihbangin nasawl hi. “Amaute’ lakah Keimah ka teen theihnadingin, Kei aa dingin, siangtho mun khat amaute lam sak in.” (Pai. 25:8). Pasian pen siangtho mun sung Ama’ mite lakah hong khawl ta hi. Sehnel gama gimpi tawlpi-a a kawnvak sungun, Ama’ ompihna lim leh meel tawh amaute na ompih hi. Tua hi-a, Khazih in, ei mihingte’ giahphualsatna laizang ah Ama’ biakbuuk phut kip hi. Amah in Ama’ buuk mihingte’ tenna cia-in lama, eite’ lakah hong teeng dingin, Pasian’ ahihna gamtat-nunzia leh anuntakna eite tawh ki maingap sak hi.” Thu in cilehsa-in hong pianga, eite lakah biakbuuk hong satin (Ama’ minthanna i muh theih nading, tua minthanna teek pen Pa Pasian’ kiangpana, khat bek a angpom), hehpihna leh thutak tawh a kidim ahihi.”(John 1;14, R.V. Akilaktei.)

24Zeisu eite’ lakah ateeng dingin hong pai’ nungsang, Pasian in eite’ sikdonate hong theihsiamna leh i dahnate hong thuakpih khuangaihnate i thei hi. Adam’ tu leh tate khempeuh in hong Piangsakpa pen mawhneite’ lawmpa ahih thei mai thei uh hi. Hih leitunga Honpa’ nuntakna sunga, hehpihna’ thukhunpi sung khempeuh ah lungdam kipaakna kamciam khempeuh leh Pasian tawh kipawl lawphuai mitlaakna khempeuh kilaka, tuate pen Pasian eite tawh hong om’khop i muhna ahihi.

Satan in Pasian ii ki-itna thukham pen angsung khualna thukham bangin pholaak hi. Tua thukhamte agui azaamin zuih ding piangtheilo hi ci-in, na tangko hi. I nu leh i pa masate’ puukna thusia khempeuhte’ thamansannate amah in Piangsakpa ngawh hi. Mite in Pasian pen mawhna, thuaksiatna leh sihna apiangsakpa-in amuh dingun amah in mite makaih hi. Jesu in hih khemna a hong khia ahihi. Eite khat mahbangin Amah etteh ding thumanna akipia ahihi. Hihthu hangin, Amah in Ama’ tung teek mah ah eima pianpih cilehsa hong la-a, eima tuahkhak dingte hong pua hi. “Na khempeuh ah Ama’ pianpih sanggamte bangin, vai apua dingin Amah kiseh hi.” Heb. 2:17. Zeisu in thuak keeikaai-a a puakloh puak ding van anei hi lehang, tua siksan in Satan in, Pasian’ vangliatna eite’ aa dingin kicinglo hi, ci-in thusung ding hi. Tuahi-a, Zeisu in,”Eite mahbangin ze-etna akiciteng athuak ahihi.” Heb. 4:15. Eite’ thuak dinga thu a om thusitsiatna khempeuh Amah in thuak keeikaai hi. Eite phaltaka, hong ki luuilo vangliatna khempeuh Ama’ aituam dingin na zangh lo hi. Mihing khat mahbangin, Amah in ze-etna tuaka, Pasian’ kiang pana, akipia hatna tawh na gualzo hi. Amah in hibangin ci hi. “Nangma’ deih bang sepna ah nuam kasa hi. Ka Pasian aw, Na thukham ka lungsung ah om hi.” Late 40:8. Na hoih sem dingin apaikhiat mahbangin, Satan’ lunggim sak mite damna pia-a, Pasian’ thukham ii gam-tatnunzia leh ama’ nasepna pianziate Amah in mite teltakin lak hi. Eite in zong Pasian’ thukham i zuih zawh ding piangthei hi cih, anuntakna in teci pang hi.

Mihing ahihna tawh, Khazih in mihingte donin, Pasian ahihna tawh Pasian’ tokhom tungah Topa kizal hi. Mihing’ Tapa ahihna tawh Topa in eite sawlman ettehnadan hong pia-a, Pasian’ Tapa ahihna tawh Topa in, eite sawlman zawhna vangliatna hong pia hi. Horeb mual sawlpaang kawma, Moses kianga, thugen Khazih hi-a, “Keimah in Keimah ka hihi… Israelte’ tu leh tate kiangah hihbangin na ci ding hi. Keimah hi’ng acipa in note kiangah keimah hong sawl hi.” Pai. 3:14. Hihpen Israelte’ hotkhiatna kiciamna ahihi. Tuahi-a, Amah, “mihing tawh kibangin,” hong pai’ khitciangin, Amah leh Amah Keimah hi’ng ci-a aki taangko Pa ahihi. Bethlehem khuami naupangnoin, lungsim nemna leh ki niamkhiatna a nei Honpa pen Pasian hi-a, “ci leh sa sung ah hong kilak hi.” 1Tim. 3:16. Amah in, eite hihbangin,. “Keimah in Tuucing Hoihpa ka hihi. “ “Keimah in Nuntakna Khomun ka hihi.” “Keimah in Lampi, Thumaanthutak, leh Nuntakna ka hihi.” “Vantung leitunga vangliatna khempeuh kei hong kipia hi,” ci hi. John 10:11, 6:51, 14:6, Mate 28:18.

25 Keimah in kamciam khempeuhte’ ngaihmuanna ka hihi. Keimah in Keimah ka hihi. Lau kei un. Pasian eite tawh hong om khawm cih pen mawhna pana, eite’ hotkhiatna kitel’cianna, vantung thukham i zuih zawh nadinga, i thahatna ii kitel’cianna ahihi.

Amahmah mihing hihna, leinam’ liangin hong laakna tawh Khazih in, Satan’ gamtat-nunziate tawh aki eelpuak gamtat-nunziate hong lak hi. Kiniamkhiatna lampi ah tualniam takin hong kalsuan lailai hi. “Mihing bangin hong kizep kimu-a, Amahmah hong kiniamkhiat tawmin, singlamteh tung nangawn ah sih ding dongin thu hong maang hi.” Phil. 2:8. Siampi Lianpa in, ameel tuamtuam tawh akizem Ama’ ukpi puantualpite hawkkhiat sakin, siampi nautaangte’ saiha puantual paak thuneihna tawh asilh sak pen Khazih in sawltaak limla hi-a, biakpiakna athoih ahihi. Amahmah siampi hipahin, Amahmah a ganzat lah hipah hi. “Eite’ thupalsatna hangin, Amah kiliam sak a, eite’ mawhna hangin Amah kisatniim hi. Ama’ gimthuakna hangin tawldamna i ngah hi.” Isaiah 53:5.

Eite’ thuak dinga akilawm mawhnadan Khazih aki thuaksak manin, Ama’ kilawmnate in eite hong kilawm sak theih nading ahihi. I mawhnate’ hangin Amah aki mawhsiat hangin, tua mawhna sung ah bel Amah ki sawhkha hetlo hi. Ama’ thumaanna in eite diktansak theihna hong pia ding hi-a, Tua diktannathu ah bel eite’ kihelna om vetlo hi. Eite’ sih tangin Amah si-a, Ama’ nuntakna eite in i san theih nading ahihi. “Amah aki sat-hualnate hangin damna i ngah hi.”

Ama’ nuntakna leh asihna tawh mawhna in hong tut siatcipna pan damkikna saangin zongh anasia zaw thamin, Khazih in maa hong tutsak hi. Pasian leh mihingte’ kizopna aki khenkhia vilvel tawntung ding pen Satan ii ngiimna hi napi’n, Khazih sung ah eite cikmah huna, a puuk ngei keeilo bangin, Pasian tawh kinai zaw semin ki gawmtuahna-in kinei zawsop hi. Honpa in eite’ pianpih pianzia hong la-in, cikmah huna, akitat ngei nawnlo ding sialkhau tawh Amahmah in mihingte hong khih hi. Amah pen eite tawh mongneilo khangtawntungin hong ki nahvawh ta hi. “Pasian in hih leitung it lua ahih manin, a Tapa angpom khat neihsun hong pia hi.” John 3:16. Amah in eite’ mawhna hong puaksak bek hiloin, eite hong kigawh ding tangin hong si-in, apuuk khangmi khempeuh hong phong hi. Akikheel ngeilo lungnopna ngahna ding leh Ama’ ngaihsut piakna eite in i kitelcian nadingin, Pasian in a Tapa angpom khat neihsun hong pia hi. A Tapa mihing’ innkuan laka khat hong suah theih pen mihing cilehsa akep tawntung theih nading ahihi. Hih in, Pasian’ kammal atangtun kiciamna ahihi. “eite’ aa dingin naupang khat hong suak hi. Eite aa dingin tapa khat hong kipia hi. Ukzawhna Ama’ liangko tungah kisuan hi. Pasian in mihing’ pianpih nunzia A Tapa’ pumtak sungah hong taksuak sakin, asang pen vantung dongah tuamah kengto hi. Amah in leitung vantung khuavannuai ii kumpi tokhom hong hawm’ “Mihing’ Tapa” ahihi. “ Amah, A Lamdang, Ngaihsutna Apiapa, Vanglian Pasian, Tawntung Pa, Kilemna Kumpipa cih min kiphuah ding, ‘Mihing Tapa’ ahihi. Isaiah 9:6.Tua Keimah hi’ng aci pa pen mihing leh Pasian’ kikala, Akitaaklah Pa leh Akhut hong nga khawmpa ahihi. Amah pen, “asiangtho, gim pialo, aniinlo, mawhneite’ lakpana hong khenkhia,” suahpih sanggamte ci’n hong Daipih ngampa ahihi. Heb. 7:26, 2:11. Khazih sungah leitung innkuan leh vantung innkuante hong ki khutuah khawm hi. 26 Akipahtawi Khazih pen i sanggampa ahihi. Vantung pen mihing’nunna sungah ki sang koihin, mihing’ nunna pen Mongneilo hong Itpa’ anglai ah hong ki angpom hi.

Pasian in, amite hihbangin na ci hi. “Amaute kumpi lukhu tunga aom suangmanphate leh ama’ gamsunga guamung bangin kisaanglap ding uh hi. Ama’ liatna bangzah takin hoihin, etlawm ding him?” Zekhariah 9:16,17. Gupkhiatmite ki saanglapna pen Pasian’ hehpihna ii teci hong hi tawntung ding hi. “Hong tung ding khang hunah” Amah in, “Jesu Khazih tungtawnin, Ama’ migitna sunga Ama’ hehpihna ii aleet hauhna eite kiangah hong lak” ding hi. “Angiimsa aom mah bangin…vantung munte-a, ki ukna bulpite aki theihsak na dingin…Pasian’ pilna athuap mi tampite angiim tawntungsa mah bangin tuate, i Topa Zeisu Khazih sung ah geel hi.” Eph. 2:7, 3:10, 11, R.V.

Khazih ii tatkhiat nasepna tawh Pasian’ ki-ukna thumaanin ding hi. Tawntung Vanglianpa pen Ki-itna Pasian-in ki thei hi. Satan ii mawhsakna te ki thalnialin, agamtat-nunziate ki pholaak hi. Langdona cikmah hunin hong tho kik zo nawnlo ding hi. Mawhna pen leitung vantung khua vannuai ah cikmah hunin hong lut kikzo ngei nawnlo ding hi. Khangtawntungin i vekpi-in, upna langpanna panin i khamuang ta ding hi. Itna ii ki pumpiakna tawh amaute a Piangsakpa in leitung leh vantunga ateengte khempeuh akisusia thei nawnlo kigawmtuahna kiciamna tawh hencip hi.

Gupkhiatna nasep hong kizo siang ta ding hi. Mawhna aciipunna munah Pasian’ hehpihna atamzaw tham hong ciipung ding hi. Hih leitung mahmah Satan in ka gam hi ci-a, atangko pen akitankhia bek hong hiloin akipahtawi hong hi zaw ding hi. Mawhna ii ciamsiatna nuai-a aom khuamial khat in meel ahem sak Ama’ minthanna tawh akizem piansaknate a om na hih leitung neunocik pen Pasian’ neih leitung vatung khuavannuai laka, leitung dang khempeuh te’ tungah kipahtawi ding hi. Himun, Pasian’ Tapa in mihing’nunna sunga biakbuk hong lamhna mun, Minthanna Kumpipa hong teenna mun, hong thuaksiatna leh asihna mun, hihmun, Amah in na khempeuh hong thak bawl nading mun, Pasian’ biakbuk, mite’ tawh hong om nading mun ah, “Topa amaute tawh hong teeng khawm ding hi. Pasian’ mahmah amaute tawh om khawm dinga, amaute’ Pasian hong hi ding hi.” Mongneilo khangtawntungin, gupkhiat mite in Topa’ khuavak sung ah alampai bang un, amaute in akigenkhiazolo ngahkhongnate hangin Topa phat den ding uh hi.

Source: Acts of the Apostles