LESSON
7 NOVEMBER 5–11
KHRIH
ZAWH SIHNA
Sabbath
Nitak
Tukaal
sung sim ding: Matt. 27:62–66; John 10:17, 18; Matt.
27:51–53; John 20:11–29; 1 Kor. 15:5–8.
KAMNGAH: Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a, a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi. (Mang.1:17, 18).
Khristian
upna-ah a thu bulpi lian bel khat in sihna pan Jesuh thawhkikna hi. Paul in hih
thu hih bangin hong hilh hi: “Bang hang hiam cih leh misite a kihingkiksak lo
ding hileh Khrih zong kihingkiksak lo ding hi. Khrih a kihingkiksak lo hileh
note’ upna a mawkna hi ding a, na mawhna sung mah uhah note a omlai na suak
ding uh hi. Khrih thu a um, a sisa mite zong a mawkna mah hi lai ding hi”( 1
Cor. 15:16–18). Hih thute tu kaal sung i kikum ding hi. Tua hi-a Paul in Khrih
sihna simloh thudang a siksan om lo hi. Tua hi[1]a Ama genna-ah “Bang
hang hiam cih leh note kiangah ka om laitakin singlamteh tungah Jesuh Khrih a
sihna thu simloh thudang peuhmah ngaihsut loh dingin ka ngaihsutsa ahi hi”( 1
Cor. 2:2); Sihna pan Jesuh thawhkikna thu lo-in hotkhiatna i ngah nading lampi
dang om lo hi. Tua hi-in Jesuh thawhkikna in Khristian upna-ah a thu bulpi lian
khat hi. Ahi zongin bang hangin Khrih in sihna pan thokik hiam, cih thu in i
tel zawh loh thuthuk hi. Jesuh thawhkikna in thupi mahmah thu siksanin mi tampi
upna-ah Khrih sungah a si mite in vantung nopsakna sung a tungpah ding bangin
pulaak uh hi.
Tu
kaal sung i kikup ding thu in sihna pan Khrih thawhkikna thu in nial zawh ding
thu hi lo hi; Jesuh thokik takpi ahihna thute i pulaak ding hi. Amah thokik
ahihna up theih ding thu tampi a hong hilh hi.
SUNDAY November 6
A
Kiciamteh Hankhuk
Singlamteh
tungah sihna ahong thuak ciangin Khrih in a nasep a zo ding hi ta hi (zo lo mai
thei) Satan in Honpa langpan dingin Judas tungtawnin a sep a lawhcing hi (Luke
22:3, 4; John 13:26, 27) Siampi liante le biakna makaite in Jesuh sih ding a
ngen uh hi (Matt. 26:59, Matt. 27:20).
Jesuh
in mat le hen a thuak ciangin, “ Nungzui khempeuh in Jesuh mu dingin a zong
kawikawi uh hi; Amaute khempeuh in Jesuh taisan uh a, a nusia uh hi (Matt. f26:56);
Peter in Jesuh thum vei anial hi (Matt. 26:69–75). Tu-in Jesuh in suanghawm
sung panin hong pusuakkhia-in kumpipa na ciaptehna kigelh suangpi lian mahmah
khat tawh hankhuk kisin hi; Roman galkapte in hancing ding kisawl hi (Matt.
27:57–66); A kimu thei lo khuamial vanglian ukna neite in tua han kimkotah a om
uh hi. “Ahih theihzahin Satan in hankhuk sung pan Jesuh thokik lo dingin a dal
hi.” Ellen G. White, Manuscript Releases, vol. 12, p. 412. Leitungah na hong
sep lai-in Khrih in singlamteh tunga a hong sih nading le sihna pan a thawhkik
nading a genkhol hi. Nisuahna lamte in ni tumma zong ni khat mahin sim uh hi.
Jesu in “Jonah in ngapi gil sungah suun thum le zan thum a om bangin Mihing
Tapa in zong hankhuk sungah ni thum le zan thum sung aom ding hi, ci-in genkhol
hi “ (Matt. 12:39, 40). Mundang khatah Jesuh in “thahna a thuak ding thu le ni
thum khit ciangin a tho kik ding ahihna a genkhol hi (Matt. 16:21; Matt. 17:22,
23; Matt. 20:17–19). Siampi liante le Pharisees cihte in hih thu za khin ahih
manun Jesuh thawhkik ding ahih theih zahzahun dal dingin a ngaihsun uh hi.
Matthew
27:62–66 sim in. Koi bangin hih thute in sihna pan Jesuh a thawhkikna pulaak uh
hiam?
___________________________________________________________
Jesuh
in sihna pan a thokik thei lo dingin galkapte’n cingin om uh a, a hih
theihzahun a dal sawm uh hi. Ahi zongin galkapte in Jesuh bawl nalamdang
tuamtuamte a za khin uh hi mah taleh hankhuk pan a thokik zo nawn lo dingin a
ngaihsun uh hi. Nalamdang tuamtuam a bawl Jesuh in sihna panin zong thokik
lo-in om ding ahi hiam? Tua hi-in bangbangin galkapte in a cin uh hangin,
amaute cinna in a mawkna suaklel hi. Amau ngaihsutna-ah Nungzuite hong pai-in
Jesuh luang lakhia simin Jesuh thokik hi, ci-in gen ding uh hi, ci-in a
ngaihsun uh hi. Jesuh luang koi-ah om ahi hiam, ci-in a kidot ciangin, galkapte
in ka thugen uh hong um lel un, A Nungzuite in Lakhia-sim uh hi, ci dingin a
ngaihsun uh hi. Amau ngaihsutna bangin piang lo-in, amau gamtatzia in Jesuh
thokikna hangin lau-na tawh kidim uh ahihlam kilangsak hi. A taktakin sihna pan
tho-in Jesuh thukhenna hangin a lau uh hi zaw hi.
MONDAY
November
7
“Amah
in Thokik hi!”
Khrih
in singlamteh tungah sihna tawh Satan le khuamial ukna neite tungah zawhna a
ngah hi; sihna pan a thawhkikna in tua zawhna a hong laktel hi. “Jesuh in
hankhuk sungah a kisial sung teng Satan in gualzo kisa-in a nuam mahmah hi.
Satan in Honpa thokik zo nawn lo ding hi; Topa luang keima neihsa suak ding hi
ta hi, ci-in a ngaihsun hi. Galkapte in Jesuh kivui-na han cingin om ahih manun
Khrih in keima ukna nuai-ah om hi, ci-in a ngaihsun hi. Vantung sawltak in
Jesuh kisialna hankhuk tungaha om ciangin Satan in lau-in liingin a om hi.
Khrih in sihna zo-in thoto amuh ciangin Satan in ama ukna beita ding hi; a sawt
lo-in sihna thuak ding ahihlam amu khol hi.” Ellen G. White, The Desire of
Ages, p. 782. Khrih a mihing hihna si hi mah taleh Pasian ahihna a si kei hi.
Pasian ahihna sungah Khrih in sihna vangliatna a sutat hi.
Matthew
28:1–6; John 10:17, 18; le Romans 8:11 sim in. Jesuh thawhkikna-ah kua kihel
hiam?
___________________________________________________________
Samaria-Peraea
muntengah Jesuh in nasemin a om lai-in Amah mah in a nuntakna piakhia ding a,
lakik lo ding ahihna a pulaak hi (John 10:17, 18). Martha tungah Jesuh gen thu
in:” Keimah in thawhkikna le nuntakna ka hi hi “ (John 11:25), ci hi. Lai
Siangtho mundangte-ah Jesuh thawhkikna in Pa Pasian nasepna ahihlam hong hilh
hi (Sawl. 2:24, Rom. 8:11, Gal. 1:1, Heb. 13:20). Topa vantungmi lian pa in
Jesuh thawhkikna-ah nasem hi (Matt. 28:1, 2). Tua hi-in Matthew 28:11–15 in
Jesuh langpanna le a thawhkikna nialin langpanna in a mawkna hi, cih hong hilh
hi. Roman galkap in makaite tungah “A thupiang khempeuh limtakin vilin cing un”
i-in thupia hi (Matt. 28:11). A kician mahmah thu khat in hancing galkapte in
Jeuh thawhkikna a mu uh hi. Tua hi keileh amau gen thute in bang deihna nei hi
ding hiam? Vantung panin vantungmi khat hong kumsukin han kisitna suangpi liik
khia-in a tungah a tu hi. Tua khit ciangin hankhuk sungah Jesuh om nawn lo
ahihna zong amu uh hi. Roman galkapte in khuaphawk lo-iin a om uh hi. Tua kalin
Nungzuite in Jesuh luang lakhia uh hi ding hiam? Ahih keileh mi khat peuh in
Jesuh luang gukhia hi ding hiam? Bang bang hi taleh Jesuh luang hankhuk sungah
om nawn lo-in Amah in a thokik hi, cih kithei hi. Vantung panin vantungmi hong
kum suk ciangin han cing galkapte in lau-na tawh kidim uh hi. Jesuh thawhkikna
thu hangin biakna makaite lunghimawh patau mahmah uh hi. Tua hi-in galkapte
tungah sum tampi piak dingin a ngaihsun uh hi. (Matt. 28:12); galkapte gen thu
in “Jesuh in sihna pan a thokik hi” cih thu hi. Hih thu in biakna makaite a
lungmangsak mahmah hi.
Mi
kimkhat in a thokik Jesuh amuh ciangun Roman mite dingin a ngaihsun uh hi. Bang
hang hi ding hiam? Hih thu koi bangin hong kipulaak hiam? Bangci bang lampi
tawh Gentile mite tungah Gospel hong tung hiam?
TUESDAY November 8
AMA
MI TAMPI THOKIK
“Tua
laitakin biakinn sung deina puan, a lu panin a taw dongin kikekin phelnih a
suak hi. Zin zong lingin suangtumpite kitam hi. Hankhukte zong kihong a,
Pasian’ mi a sisa tampite zong kithokiksak hi. Hankhuk panin amaute paikhia uh
a, sihna panin Jesuh a thawhkik khit ciangin, amaute zong khuapi siangtho
sungah hong lut uh a, mi tampi in a mu uh hi”(Matt. 27:51–53,). Hih a lamdang
thu in Jesuh in sihna pan a thawhkikna thu le hih thu sepzawh thu bang hong
hilh hiam?
___________________________________________________________
Jesuh
a sih hunin zinling mahmah hi (Matt. 27:50, 51), sihna pan a thawhkik ciangin
zong zin nakpi ling hi (Matt. 28:2). A sih hunin “Leitung kiling gawp a,
suangtum golpipite kitamkhamin, hankhuk tampi kihong hi. Mi siangtho a si
tampite hong thokik uh hi. Amaute in sihna pan a thawhkhit uh ciangin Jerusalem
khua mun tuamtuamah a kilang kawikawi uh hi. (Matt. 27:51–53). Hih a thokik mi
siangthote in Khrih dikna tawh a thokik mite hi uh a, amauti in Khrih
thawhkikna teci a pang uh hi. Amaute thawhkikna in leitung hun bei ciangin mi
siangthote thawhkikna a limcingkhol uh ahi hi. Tua hi-in Jesuh thawhkik khitna
thu Jew mi tampi in thei-in thu-um mi a suak zong om hi. Tua hi-in amaute in
Khrih Honpa le Tanpa-in sang uh hi; siampi tampi in zong Jesuh a um thei uh hi
(Sawl. 6:7). “Ama nasep hun sungin Jesuh in mi site a nungta-kiksak hi. Amah in
Nain khua- meigongnu tapa sihna pan a nungtakik sak hi. Mangpipa tanu le
Lazarus zong sihna pan a thokiksak hi. Hih mite in sih theih nawn lohna nunna a
ngah nai kei uh hi. Sihna pan a thawhkik khit a sawt lo-in a si kik uh hi;
sihna in amaute a zo thei lai veve hi. Ahi zongin Jesuh thawhkik huna a thote
in tawntung nunna sung tung uh a, amauti in sih nawn lohna a ngah uh hi. Amaute
in Jesuh tawh sihna le hankhuk tungah zawhna lukhu a khu mite hong suak uh hi.
. . Amaute in khuapi sungah pai kawikawi uh a, Khrih in sihna pan a thokik hi,
ci-in a pulaak uh hi. Amaute in zong sihna pan Jesuh tawh thokhawm uh ahihna a
pulaak uh hi. Tua hi-iin, amaute sih nawnlohna a ngah uh hi.”—Ellen G. White,
The Desire of Ages, p. 786. Mihingte muhna panin siampi liante le biakna
makaite in hamphatna lianpi a ngah uh hi. Amaute in biakna tawh kisai ukna
lianpi a nei uh hi. Amaute geelna bangin a tangtun zawh nading mihonpi tungah
huzaap lianpi a nei uh hi. Ahi zongin amaute in minam khempeuh tungah Ukna
neipa Ama deih bangbangin a sem thei Pa ahihlam a phawkkha kei uh hi “(Dan.
4:32).
A
thokik misiangthote nunzia in tua biakna makaite nunzia man lo ahihlam a pulaak
hi. Tu-in bangbang thusia i tuak phial zongin bang hangin a tawpna-ah Pasian in
eite adingin zawhna ngah ding hi, ci-in muanna kisam hiam?
WEDNESDAY
November
9
A
THOKIK KHRIH AMUTE
20:11–29
le 1 Kor. 15:5–8 sim in. Koi bangin nungzuite in a thokik Khrih amuh masakun
dawngkik uh hiam?
___________________________________________________________
Hankhukah
a vakilang vantungmite in Mary Magdalence le numei kimkhatte tungah Jesuh
thokik khin hi, ci-in a vapulaak uh hi (Matt. 28:1, 5–7; Mark 16:1–7; Luke
24:1–11). Ahi zongin Jesuh in a sawt lo khatin amaute tungah a kilang hi;
amaute in Jesuh a bia uh hi (Matt. 28:1, 9, 10; John 20:14–18). Khrih in Peter
tungah zong a kilang hi (Luke 24:34, 1 Kor. 15:5) Emmaus khua lam zuanin a pai
Nungzui nihte tungah zong Jesuh a kilang hi; Jesuh amaute nih tawh kiho-in
lampai khawm ahih manin amaute in lungdamna tawh a kidim uh hi (Mark 16:12,
Luke 24:13–35). Jesuh in Inn Dei tungnunga om Nungzuite tungah zong a vakilaak
hi.Amaute in lamdangsakna tawh kidimin Jesuh in sihna pan thokik ahihlam amuh
uh ciangin lungdamna tawh a kidim uh hi(Luke 24:33–49, John 20:19–23). Tua zawh
nipi kaal khat khit ciangin Jesuh in inn kongkhakte kihonlohna inn sungah zong
a kilang hi. Thomos mahmahin zong a thokik Jesuh a um thei hi (John 20:24–29).
Hankhuk pan a thawh khit ni 40 sung leitunga thuhilh kawikawi lai hi. Tua khit
ciangin van a kahto hi. Thu-um mi zanga val bangin Jesuh muh khatin amu uh hi”
(1Kor. 15:6); James in zong amu hi (1 Cor. 15:7). Jesuh in Galilee Tuipi gei-a
om nungzui kimkhatte tungah a kilang hi. Amaute tawh zing an a ne khawm uh hi.
Tua khit ciangin Peter tawh akiho uh hi (John 21:1–23). Jesuh in van a
kahtohma-in mun tuamtuamah kilang kawikawi hi (Sawl. 1:3; Luke 24:50–53,
Sawl.1:1–11). Paul mahmah in zong Damascus lamzuanin a pai-na lampi-ah a thokik
Jesuh amu hi (1Kor. 15:8; le Sawl. 9:1–9). Nungzuite in Thomas tungah a thokik
Jesuh amuhna uh a pulaak ciangin Thomas in, “Singlamteh tunga kikilhna a
khutpawnte ka lawmkhak mateng ka um kei ding hi, “ci-in a dawngkik hi (John
20:25). Tua zawh nipi kaal khat khit ciangin Jesuh in nungzuite tungah a
kilangkik hi. Amaute lakah Thomas zong om ahih manin Jesuh in, “Hih lai munah
ka khut om hi, lawng in. Um lo-in om kei inla um in” a ci hi” (John 20:27). Tua
ciangin Thomas in “Topa ka Pasian aw, hong maisak in” ci-in a thuum hi. Tua
ciangin Jesuh in “Thomas aw, nangmah in hong mu khin na hih manin na hong um
hi. Kei hong mu lo napi-in hong mu veve mite in thupha ngah mi ahi uh hi” a
cituah hi (John 20:29). “Mu kei taleh a um veve mite in thupha a ngah ding uh
hi.” Nang mahmahin zong a thokik Jesuh pumpi mu lo na hihteh na upna in bang
tungah kinga hiam?
THURSDAY November 10
A
Si Khin Mite Gah Masate
1
Kor.15:20 siksan inla Thkna.26:1–11 sim in.Paul in bangci bangin a thokik Khrih
in a si mite lakah gah masa hi, ci-in pulaak hiam?
___________________________________________________________
Lo
khawhna panin khaigah masa “anphal” in biakpiakna tawh kizopna pulaak hi. Tua
bangin anpal piakna in Pasian in na khempeuh a hong Piapa ahihna le ankungte po
thei bek tham lo-in a gah khiat theihna in Pasian thupha hi, ci-a
lungdamkohna-in tua bangin anpalte pia uh hi (Pai. 23:19, Pai.34:26, Siam.
2:11–16, Thkna. 26:1–11). Anpal, khaigah in khaigahte lak hun ta hi cih a pulaak
bek tham lo-in khaigahte limcitna a pulaak ahi hi. Wayne Grudem in genna-ah
“Khrih in anpal khaigah masa hi, ci-ina pulaak hi (Greek tawh kigelhna[1]ah
“aparchē
kizang hi. Paul in hih anpal limcinna zangin a thuhilhna-ah Khrih tawh kisuun
ding, Ama zia le tong neih ding a hong hilh hi. Khaigah masa bangin, an kung
lak pana gah masa mah bangin Khrih in asi mite thawhkikna[1]ah
amasa bel ahihna hong hilh hi. Pasian anlak pawi nunungah Amah in a si mite
thokik ding a, Ama kiang a tonpih ding hi.” Wayne Grudem, Systematic Theology
(Grand Rapids, MI: Zondervan, 1994), p. 615. Jesuh in hankhuk sung pan
vangliatna tawh a thawhkikna ciapteh huai mahmah hi. Tua bangin a thawhkikna-ah
singlamteh tunga a liammate a beisiang kei hi (John 20:20, 27). Hih thu in
Pasian tanu tapate in gimna thuakna liammate om tawntung ding hi, a ci nuam hi
ding hiam? Sawltak Paul in ka pumpi tungah “ ka puak ling’ a cih thu in
vangliatna tawh kidim pumpi tungah gimna liammate om veve ding hi, a ci hi ding
hiam?(2 Kor. 12:7); Jesuh tungah gimna liammate om lai hi ding hiam? Gal. 6:17.
A nuntakna abei masiah Paul in a pumpi tungah Khrih vangliatna ciamtehna a nei
hi. Vantung khuavak in a mai a taan ciangin Paul in khuamu thei pak lo hi [Sawl
9:1–9]. Ellen G. White, The Story of Redemption, p. 275. Ahi zongin vangliatna
ngah pumpi in gimna thuak hi ( 1Kor. 15:50–54). Khrih tungtangah “migilote
bawlsiatna liammate a pua tawntung ding hi. A khuta siktukilh kikhetna liammate
in mawhneite a hong kihotkhiatna thu a pulaak tawntung ding uh hi. Hotkhiatna
ngah nadingin bangzahin man piak a kulna a hong phawksak tawntung ding
hi.”Ellen G. White, Early Writings, p. 179.
Ama
Liammate in eite liammate beisiang tawntung ding a hihna hong hilh hi. Khrih in
singlamteh tunga a thuak liammate a pua tawntung ding hi.Hih in Pasian hong
itna bang hong hilh hiam? A hong hotkhiat nadingin bangzah piakkhiatna kisam
hi, cih hong hilh hiam? Tua hi-in koi bangin Pa, Tapa le Kha Siangtho in
hotkhiat nasepna-ah nasem khawm hi, cih hong hilh hiam?
FRIDAY November 11
Ngaihsutbeh
ding: Ellen G. White, “In Joseph’s Tomb,” pp. 769–778;
“The Lord Is Risen,” pp. 779-787; “Why Weepest Thou?”, pp. 788-794; “The Walk
to Emmaus,” pp. 795-801; “Peace Be Unto You,” pp. 802-808; in The Desire of
Ages.
Tuhun
mihingte ngaihsutna in Jesuh in sihna pan thokik hi, cih thu um thei lo hi. Ahi
zongin thupiang tampite in Jesuh in sihna pan thokik takpi ahihna hong hilh hi.
A thokik Jesuh ka mu uh hi, ci-in a pulaak mi tampi om taleh Jesuh thawhkikna a
nial veve mi tampi om hi. Tua hi-a Jesuh thawhkikna a nial a langpante in Jesuh
up ding Sangin leitung thute up ding a tel zaw uh hi. Mi kimkhatte genna-ah
Nungzuite in Jesuh a thokik lo pipi, a thokik bangin mu uh hi, ci uh hi.
Kimkhat in ahihleh Jesuh pen si taktak hi lo hi; tawm vei sung bek gim thuak
hi; singlamteh tung panin a kilakkhiat ciangin a nuntakna ngei bangin a ngei
hong bang kik ci uh hi; a nungzui a site zong Jesuh in a nungtasak kik hi.
Jesuhin a peeng suak hi, a ci zong mi om hi. Hih thu bel up huai ding hiam a
kithei lo thu hi. Lamkhat panin a thupiangte in Jesuh in sihna pan thokik takpi
ahihlam kimu thei hi. Mi kimkhat in Jesuh thawhkikna thu um lo uh a, langpanin
thugen mawk uh hi. Jesuh thawhkikna in thupi mahmah hi-in, Jesuh thawh kikna
thui upna mite tungah gensawn thei dingin na gingkhol in. Singlamteh tung pan
Jesuh pulaak thu in: ‘Kizozo hi” cih thu misite kiang dong na tung thei hi. Tua
awgingin mun khempeuh panin kiza a, suang nasemte bil sungah lutin thuhilhna
lianpi a nei hi; a si mite tho un, ci-in sapna aw hong suak hi. Tua awgingin
vantung pan hong pai awging hi kha ding hi. Tua awgingin hankhuk khempeuh
sungah kizelin thong kongkhakte le hankhukte pailetin Khrih sunga a si pawlkhat
a thokik uh hi. Honpa thawhkikna-ah hankhuk dangte zong kihongkhia-in a thokik
om hi mah taleh Ama hong pai kik hun ciangin Ama sunga a si mi khempeuh in a
hong thokik ding uh hi.
Amaute
in sih nawnlohna sungah a nungta ding uh hi. Han sung pan Khrih a thokiksak
vangliatna mah in a pawlpi hong ompihin, a khangto pawlpi hong suak ding hi.
Khrih pawlpi in khuamial ukna neite, vangliatna neite tungah zawhna a ngah ding
hi. Pawlpi in hih leitung bek tham lo-in vantung dongah vanglianin a om ding
hi.” G. White, The Desire of Ages, p. 787.
KIKUP
DING DOTNATE
1.“A
zozo hi” (John 19:30) cih thu le “Amah in thokik hi” (Matt. 28:6) cih thu nihte
in a lian mahmah thu hi. Koi bangin hih thu nihte in hotkhiatna thu-ah
nasemkhawm hiam? Hih kammalte in ei adingin bang lametna hong guan uh hiam?
2.
Amasa-in biakna makaite in Nungzuite’n Jesuh luang a lak theih loh dingun
limtak kemcing dingin a vaikhak uh hi. A nung ciangin amaute’n sumpia-in
nungzuite’n Jesuh luang gu uh hi, cisak uh hi. Koi bangin hih thu in Khrih
thokik takpi ahihna hong hilh hiam? Bang hangin sihna pan Jesuh thawhkikna in
upna thu-ah thupi mahmah hiam?
