LESSON
12 December 10–16
LAI
SIANGTHO HONG HILH KHUA MUHNA
Sabbath
Nitak
Tu
Kaal Sung Sim Ding: Luke 2:52; Matt. 4:23; 1 Kor. 6:19,
20; Late 24:3, 4; Sawl. 8:4–24; 1 John 3:1–3.
KAMNGAH: “Nopsakna a hong pia Pasian in na khempeuhah sianthona le kicinna hong pia hen la, na kha uh, na nuntakna uh, le na pumpi uh hoihtakin hong kem hen la, i Topa Jesuh Khrih hong pai ciangin mawhna khat zong a nei het lo dingin hong bawl tahen.” (1 Thess. 5:23).
Mangmuhna
Bu in leitung mun khempeuhah kizel ding Khrih hong paikikna thu zong hong hilh
hi.Mang. 13 in leitung mun khempeuh huamkim a kilang ding leitung mi khempeuh
in lamdangsa ding uh a, tua sapi nunga zui ding uh hi (Mang. 13:3, 7, 8, 12,
16). Mang. 14 in leitung mun khempeuhah kizel ding thupuak khat a hong hilh hi.
Tua thupuak in “tawntung lungdamna thu” kici a, minam khempeuh, paunam khempeuh
tungah kipulaak ding hi (Mang.14:6,7). Tua hamsat hun sungte-ah (2 Tim. 3:1),
“upna man lo huih pi hong nung ding hi, ci-in zong hong hilh hi (Eph. 4:14); mi
tampi in thuman theihna panin paikhia ding uh a, zuau thute a zui nuam zaw ding
uh hi (2 Tim. 4:4). “A lian mahmah a man lo thu nihte in mihing in a si thei lo
nunna nei hi, cih thu le Sunday sianthosakna hi. Satan in ama khemna nuai[1]ah
minam kim kaikhawm dingin a hanciam hi.
Mihing
in a si thei lo nunna nei hi, cih thu tawh kizui-in dawi-te tawh kizopna lampi
hong honsak tawh kibang hi. Sunday sianthosakna in Rome tawh kizopna hi. Ellen
G. White, The Great Controversy, p. 588 Hun nunung a hong piang ding thute hong
piankhiat mateng thuman thu i upnate kip takin i len ding hi. Khrih hong pai
kik ciangin Amah a dawn thei dingin Kha Siangtho makaihna i kisam tawntung hi.
SUNDAY
December 11
Jesuh
Nunzia Etteh Dingin
Luke
2:52 sim in. Jesuh khantohna thu lite in bang hiam?
________________________________________________________
Jesuh
in mihingin hong nungta hi; Ama khantohna in bukim khantohna hi. Luke 2:52
pulaak bangin Jesuh in “lungsim ngaihsutna (mental) le pumpi khangto-in
(physical) Pasian (spiritual) le mite (social) maipha ngah hi, ci hi. “Ama
ngaihsutna in picing mahmahin thu khat peuhpeuh ngaihsutsiamna a nei hi. A tuah
ding thute muhkholh theihna a nei hi. Tua hi[1]in Ama zia le tong in
deihhuai-in picing mahmah hi. Lungsim ngaihsutna le a pumpi in khangtoto-in
naupang nunzia nusia hi. Mihing ahihna tawh kizui-in Jesuh gamtat luheek in a
ithuai-in deihhuai mahmah hi. Midangte huh nopna lungsim tawh kidim hi. Amah in
lungduai-in thuakzawh hatna tawh kidim hi. Thuman thutak tawh nungta ahih manin
ahihna khempeuh in siangtho hi. Thumanna-ah suangtum bangin kip hi; a nunzia in
angsung khual lo hi; migitna tawh kidim hi.” Ellen G. White, The Desire of
Ages, pp. 68, 69. Matthew 4:23 sim in. Koi bangin Jesuh nasep cialthum –
thuhilhna, thugenna le damsak nasepna kimu thei hiam? Tu-in zong muibun takin
hih bang nasepna kizomsuaklai hiam?
________________________________________________________
Mihing
nunna in khen tuamtuamin kikhen thei lo ahihna, pumpi, lungsim ngaihsutna
kigawmkhawm ahihna phawk thei lehang, i upna in ciangtan nei lo-in tangzai
takin nasem thei ding hi. Thuman thutakin i nuntakna khempeuh hong huam khin
hi. I pumpi le up theihna in a tuamtuakin kikhen ding hi lo hi; a kikhen thei lo
ding pum khat sakhat hi. Mawhna tawh kidim mihing in, a tunga i pulaak Jesuh
nunzia i tung ngei kei ding hi. Pasian hong hehpihna tawh Jesuh nunzia kicing i
neih dongin a kalsuan toto ding ihi hi. Bang hang hiam cihleh Amah in eite hong
Piangsakpa hi; mawhna om lo kicinna-ah i tun dongin a hong puahtoto ding hi;
kicinna tawh kidim pumpi, lungsim, ngaihsutna i nei toto ding hi.” Hih in
hotkhiatna nasep ahi hi (Ellen G. White, Education, pp. 15, 16). Ama a dawn
thei dingin kigingkhol dingin i kiginkholhna-ah tua bangin kicinna tawh a
nungta toto dingin Pasian in hong deih hi. Eite nunzia le Jesuh nunzia enkak
lehang i kibatlohnate hangin lungkia-in lamet bei-in na om kha ding hi. Tua
hi-in koi bangin Singlamteh mitsuan lehang kicin lohna hanga lungkiatna panin
hong dal thei dinga, Jesuh sunga om nunzia hong musak thei ding hiam?
MONDAY
December 12
Pumpi
In Biakinn Bangin
Mihing
pumpi le lungsim in pumkhat hi mahta leh mi kimkhat in a tuamtuamin khen uh hi.
Gentehna-in Greek mite ngaihsutna-ah pumpi in “kha” omna innpi hi-in, pumpi a
sih ciangin “kha” paikhia hi, ci uh hi. Hih milim biate ngaihsutna mah
Khristian sungah zong hong lutin mitampi in pumpi a sih hangin ‘nuntakna huu”
si in si thei lo hi, ci uh hi. Hih tawh kibang lo-in na khempeuhte sungah
pasian om hi, ci-in a um mite in mihing pumpi in Pasian nunna nei hi. Pasian le
vankhuanuai in pum khat hi; kikhen lo hi, ci uh hi. Hih bang ngaihsutna a neite
adingin na khempeuh in Pasian suak hi; mihing pumpi in Pasian hihna nengno khat
mah hi, ci uh hi. HIh bang ngaihsutnate hong umcihna sungah Lai Siangtho hong
hilh mihing nunna kiptakin i lenkip ding kisam mahmah hi. 1 Korinthians 6:19,
20 le1 Korinthians 10:31 sim in. Koi bangin i pumpi in Kha Siangtho hong teenna
biakinn suak thei hiam? Hih thu in i nunzia hoih dingin hong huzaap mahmah hi
lo hiam?
________________________________________________________
Adam
le Eve in Pasian lim le meel suunin akipiangsak hi (Pian.1:26, 27). Amau gamtat
in tua lim le meel a kilangsak kei hi. Amau pumpi mahmah in zong kilangsak tuan
lo hi. Bang hang hiam cihleh tua lim le meel pen mawhna in a mualsak ,
meelhemsak hi. Hotkhiatna nasep in Pasian lim le meel a hong puahtoto hi. Pumpi
mahmah in Pasian lim le meel kilangsak ding le nuntakna singgah ne thei ding
dinmun hong tunpih ding hi. Hih puahphatna in nuntak buppi sung tawntung a
kizom toto ding ahi hi. Khrih hong kum ciangin a kicing thei ding i pan hi. Tua
hun ciangin i pumpi in a si thei lo pumpi-a hong kikhel ding hi; a si thei
nunna in a si thei nawn lo nunna hong suak ding hi (1 Cor. 15:53, 54). Sawltak
John in a lawm khat Gaiu tungah hih bangin laigelh hi: “Ka lawm it Gaias aw,
nang na ci damin na vai khempeuh zong na maa pai ding hi, ci-in ka lamen hi.
Kha thu tawh kisai lamsangah zong bangmah lungkhamna om lo ding hi, ci-in ka
thei hi.” (3 John 1: 2).
Mihing
nunna in khen tuamtuamin kikhen hi lo-in a kikhentuam thei lo pum khat sakhat
ahihna i theihtel ding thupi hi. Upna le i biakna in i nuntakna buppi huam hi.
Tua hi-in i pumpi cidamin i kepna in biakpiakna khat mah hipah hi. I nuntak pen
thuman thutak in a hong makaih ding kisam hi. “Na hihna khempeuh, na nek na
dawnna, na hihna khempeuh in Pasian vangliatna kilangsak in”(1 Cor. 10:31). Tua
hi-in i phawk ding thu khat in mawhna tawh kidim leitung hi mah taleh mi hoihte
in na lianpipi sem thei hi. Mawhna tawh kidim nunna sungah a nungta ihih manin
Pasian bek mah muangin i hih theihzahin a hoih thei pen a i nuntak ding tua
loteng Pasian tungah i ap ding kisam hi.
TUESDAY
December 13
Khrih
Lungsim Mi
kim khat in kim le paam kikhelna tungtawnin
mihing nunzia zong akikhel dingin lamen uh hi. Hi mah hi; zia-etna siatna sung
hong tunpih thei mun le nate i pelh ding kisam mah hi (Late 1:1, Pau.5:1-8).
Zia-etna sung tung khapahpah ihih manin i lungtang, i ngaihsutna mahmah i kikhel
ding kisam hi. Khrih in nuntakna a sia-sak bulpi hih bangin pulaak hi: “Bang
hang hiam cih leh mihingte’ lungsim sung panin nungak-tangval mawhnopna,
guktakna, mi thahna, zilepasal neisate tawh mawhnopna, huaihamna, gitlohna,
khemna, gamtat hoih lohna, enna, mi gensiatna, kisialhna, le haitatna a
piangsakthei ngaihsutna hoih lote khempeuh hong piangkhia hi”(Mark 7:21, 22).
Hong hilh nop bulpi in gamtat zia le tong a kikhel nadingin lungsim kikhel ding
kisam ahihna hong hilh hi. 1Kor. 2:16; Late 24:3, 4; Romans 12:2; Philippians
4:8; and Kol. 3:2 sim in.Khrih lungsim nei ding cih ciangin a khiatna in bang
hi ding hiam?
________________________________________________________
Topa
in thuciam thak a hong kamciam hi. Amah in A mite sungah lungsim thak hong guan
ding a, amaute lungtang tungah a thuciamna thak hong gelh ding hi (Jer.
31:31–33 le Heb. 8:8–10, Heb. 10:16 enkak in). Mual tung pan thuhilhnate en
lehang Khrih in Pasian thukhamte tangzai takin pulaak ahihna kimu thei hi;
gamtat zia le tong bek tham lo-in lungsim ngaihsutna khempeuh zong huamkha
ahihna kimu thei hi ( Matt. 5:17–48). Tua hi-in siatna, zia-etna tungah zawhna
ngah theihna, lungsim ngaihsutna khempeuh a thaksuah theihna in Pasian hong
hehpihna vangliatna tawh kikhel ahihlam kimu thei hi. Siatna ngaisutna, lungsim
hoih lo khempeuh tungah zawhna kingah thei ahihlam Topa kamciamte a pulaak laak
ding ihi hi. Jesuh hong pai kik mateng mihingte in mawhna tawh kipelh thei lo
hi. Ahi zongin Khrih sungah i nuntak ciangin Ama dikna in hong tuam hi. Eite in
kicinna i ngah nai kei zongin Ama sungah kicinna a ngah khinin a hong kiciamteh
hi (Phil. 3:12–15). “Khrih tawh pumkhat i suah ciangin Khrih lungsim i nei hi.
I zia le tong in siangthona le itna, dikna le nunneemna, pumpi ki-uk zawhna a
kilangsak hi. I mai suah hong kikhel ding hi. I sungah Khrih hong om ciangin i
sung panin kikhelna lianpi hong piang ding hi. Lungnopna le daihna tawh
nungta-in kim le paamte tungah thuman teci i hi ding hi.” Ellen G. White,
Selected Messages, book 1, p. 337. Nisimin Ama tungah ki-ap a, “kei” cih
lungsim sihsak ding kisam hi; upna tawh kalsuanin Jesuh hong sawl bangin sawl
mang dingin khensatna tawh a nungta ding ihi hi. Tua hileh Khrih in i nunzia
hong khel thei ding hi. Mawhna ngaihsutin nei kei lecin na nuntakna in bang
tawh kibang ding hiam, ngaihsun in. Bangzahin na nunzia hong kilamdang ding
hiam?Hih bangin na nuntak zawh nadingin bang in hong huh ding hiam?
WEDNESDAY
December 14
Kha
Siangtho Makaihna
Pasian
in Kha Siangtho tungtawnin i sungah itna hong guang hi (Rom. 5:5); leitung
mawhna sung pan hong suaktasak hi (John 16:7–11), thuman thutak khempeuhah hong
makaih hi (John 16:13); hotkhiatna tangko nasepna-ah hong tangtunpih hi (Sawl.
1:8). Kha Siangtho nasep le Satan nasep kilangdo ahih manin Kha SIangtho nasepna
nawngkaisakin nasepnate lamdangsak ding hi lo hi. Mi kimkhat in Kha Siangtho
nial taleh mi kim khat in nunzia hong khel vangliatna tawh kidim Kha Siangtho
silpiakte ultungsakin pulaak uh hi. Sawl.8:4–24 sim in. Samaria khua-a aisan
nasempa Simon in kikhelna om lo-in Kha Siangtho silpiakte deih hi. Koi bangin
tuhunin zong tua bang lunggulhnate kimu thei hiam?
________________________________________________________
Pasian
tate in Kha Siangtho makaihna tawh thuman thutak Pasian kammalah makaihna a
ngah uh hi (Rom. 8:14; John 16:13, John 17:17). Jesuh in kician takin vauhilhna
hong piak in” ‘Kei kiangah, ‘Topa, Topa aw,’ hong ci mi khempeuh, vantung
ki-ukna sungah lutthei kim lo ding uh a, vantungah a om ka Pa’ deihna bangin a
gamtateng bek lutthei ding uh hi.Tua ni ciangin mi tampi in kei kiangah, ‘Topa,
Topa aw, nangma min tawh thu hilhin, nangma min tawh dawite hawlkhia-in, nangma
min tawh nalamdang lian tampi bawl hi lo ka hi uh hiam?’ hong ci ding uh hi.
Tua ciangin keimah in amaute kiangah, ‘Note ka hong thei ngei kei hi. Siatna a
gamta mite aw, kei kiang panin kihemkhia un,’ ka ci ding hi, ci hi” (Matt.
7:21–23). Cihnopna-ah Kha Siangtho in Pasian kammal panin paikhia dingin hong
makaih ngei lo hi, cih hong hilh hi; Pasian kiang panin hong khenkhia ngei lo
hi; Kha Siangtho humopna tawh kigelh ahih bang mahin Ama kammal tawh kituak
nuntakna-a a hong makaih zaw hi. Thuman thutakah ahong makaih Kha Siangtho in
midangte tungah thuman hawmsawn thei dingin tha a hong guan hi (Matt. 28:18–20,
Sawl. 1:8). Pasian hong piak nasep zawh nadingin mapanna-ah a tuam vilvel huhna
i ngah hi. Tua hi-in zingsang khat khit zingsang khat Topa mai-ah khukdin a,
Ama tungah ki-ap ding le thaksuahna i ngah ding kisam tawntung hi. Tua bangin
kalsuan hi lehang, Topa Pasian in Kha Siangtho hong sawlin nunna hong
thaksuahsak ding hi; a hong hahsiangna zong i ngah thei ding hi.
Tua
hi-in bangbang hi hitaleh Kha Siangtho hong makaihlam phawkin, nisim nuntak
khuasakna, thu khat peuhpeuh khensatna-ah a man thute zui-in a man lo thute nialzawhna
hong guan ding hi. T ua bangin i kalsuan theih nadingin Ama makaihna i nget
tawntung ding kisam hi. Kha Siangtho vangliatna bek in ama deihna bangin a hong
nungta sak thei hi. Tua bang hi leh Pasian hong kamciam Kha Siangtho makaihna I
ngah tawntung thei ding hi. Bang hangin zingsang khat khit zingsang khat ki-ap
a Kha Siangtho makaihna nget ding thupi hi ding hiam?
THURSDAY December 15
Ama
Hong Pai Ding Kiginkholhna
Huaihamna,
angsung khualna hangin kitangsapna tampi i nei den hi. I lungsim hoih takin i
kep keileh van le nate deihna lungsim in hong tuamcip ding hi; i hun neih
khempeuh hong nusia ding hi. Tua banah Khristiante in Satan hong suksiat
nopnate a do tawntung dingte ihihlam kiphawk ding kisam hi. I nuntakna-ah bang
in thupi bel hiam cih kidop a, tawmvei sungin a kisia thei nate itna le
iplahnate i nusiat ding kisam hi. Kidawm lo-in hi lehang Topa kiang panin
leitung nate itna in hong khenkha ding hi. Leitung cilesa deihna zui-in a
nungta hi lehang, leitung nate in lungkimna hong pia thei tuan lo hi; a
tawpna-ah kisiatna i thuak ding hi. 2 Peter 3:14 le 1 John 3:1–3 sim in. Khrih
hong pai ciangin a dawn thei dingin kigingkholsa-in omna le a kigingging
laitak, hihte geel kilamdanna in bang hi ding hiam?
________________________________________________________
Nihvei
Kumkikna tawh kisai-in kiginkholh ding thu a kipulaak ciangin a tamzaw in Khrih
hong pai hun ding hong tunghak lai ding hi, cih ngaihsutna kinei-in kigingkhola
om ding kingaihsun kha lo hi. Hih bang ngaihsutna in thadahna khat hi-in,
Dawimangpa hong khemna sung a kitungtung hi, cih i phawk ding kisam hi. Thadah
nasempa in ka topa hong tung hak lai ding hi, ci-in a ut bangin om hi”(Matt.
24:48). Late 95:7, 8; Heb. 3:7, 8, 15; 4:7 sim in. Hihte in tu-in kiginkholh
dingzia bang hong hilh hiam?
________________________________________________________
Hotkhiatna tawh kisai-in Lai Siangtho hong
hilhna-ah, zing le thai teh hi lo, tuni mahmahin hotkhiatna ngah ding kisam
ahihna hong hilh hi (Late 95:7, 8; Heb. 3:7, 8, 15; Heb. 4:7). Tua banah nunzia
kikhelna lo-in i ngeingei mah kibang den ding hi. Hun in hong khel thei lo hi.
Hehpihna sungah tatsat lo-in khantohna le upna i nei keileh mihing lungsim in
cilesa lungsim hi den ding a, lungkhauhin Pasian hong sawlna thu kiphawk thei
lo ding hi. A tawpna[1]ah
uplohna hong tunpihkha thei ding hi. Hih thu siksan hi lehang nisimin i
nuntakna sungah thuneu, ciktak lo bangmah om lo ahihlam hong theisak hi. Tua
hi-in Pasian hehpihna siksanin mailam ading geelkholhna kisam hi. Khrih hong
pai ding nisim a kiginkholh kisam denden hi. Bang hang hiam cihleh a phadiakin
leitung hunpai zia in tatsat lo-in a kikhel toto ahi hi. Tuni pen nang adingin
ni nunung pen hi kha-thei hi. Koi bangin tuni-in Jesuh hong kumkik a dawn
dingin kigingkhol ding na hiam? Na lawmte tawh kikum in.
FRIDAY December 16
Ngaihsutbeh
Ding: Ellen G. White, “Mind Cure,” pp. 241–259, in The
Ministry of Healing; “True and False Theories Contrasted,” pp. 7–16, in The
Sanctified Life. “Kidona Lianpi in a sawt lo-in a bei ding hi ta hi. Leitunga
thupiang tuamtuamte in leitung bei-na nai mahmahta ahihlam hong hilhhilh uh hi.
Mun khempeuhah kido-na omin, siatna vive khang semsem hi.Khristian thu-um mite
in hih thute thei-in Topa hong kum kik nadingin lawptakin nasem ding kisam hi.
Topa hong pai ding hi ta hi. Ama kheging i zaza thei nai hiam?” Ellen G. White,
Maranatha, p. 220. “Nisimin upna tawh nungta in. Leitung nuntak hamsatnate
hangin lunghimawh kei inla, lungmang kei in. I mai-ah i tuah ding hun in hun
hamsa hi ding hi. Sittel ni lianpi in lauhuai hi, ci-in ngaihsun kei in. Lau
kei in. Tuni lungnuam takin nungta in. Tuni nangma neihsa hi. Zingciang hun in
nangma khut sung hi lo hi. Tuni-in “kei” cih lungsim zo in. Tuni thungetna tawh
nungta in. Tuni upna galdo in. Tuni-in Pasian in thupha hong pai hi, cih um in.
Khuamial le uplohna tungah zawhna na ngah hi. Topa hong kalh thute na cin zo
thei hi. Na kim le paam mite adingin thupha hi in.”Ellen G. White, Signs of the
Times, October 20, 1887. “Topa hong pai baih ta ding hi. Lungnopna tawh adawn thei
dingin i kiging ding hi. I kim i pam mite tungah khuavak tangsak dingin nungta
in. A dahdah dingte ihi kei hi. A lungdam ding ihi zaw hi. Topa hong kepna tawh
a mainawt ding ihi hi. Topa hong pai ding naita ahih manin Amah a dawn dingin
kigingkhol in. Amah in vangliatna tawh hong pai dinga A tatsa mite in Amah
mu-in Amah a dawn ding uh hi. Amah i ngak sawt khin hi mah taleh i upna thaneem
ding hi lo hi.Kumpipa hoihna i mu ding a, tawntungin thupha ngahin a nungta
ding ihi hi. “ Inn kong ciahta hi,” ci-in ka awnggawp nuam hi. Khrih in
vangliatna le minthanna tawh hong pai ding hun nai mahmah ta hi. A tatsa mite
kaikhawmin tawntung innah hong ciahpih ding hi.” Ellen G. White, Heaven, pp.
165, 166.
KIKUP
DING DOTNATE
1.
Koi bangin mihing – pumpi, lungsim, kha, cihte in a kituam khen hi lo hi; hih
thu i telna panin upna in nuntak khuasakna le zia le tong adingin thupi hiam?
2.
Thaksuahna khempeuh le kipuahphatna khempeuh in Pasian bulphuh hi; mihing
bulphuh hi ngei lo hi. Koi bangin hih thu Pharisee le siahdongte (Luke 18:
9-14) nunzia in pulaak hiam?
3.
Thursday ni-a dotna na lawmte tawh kikum in. Koi bangin hotkhiatna sungah
khamuanna na neih le neih loh kithei na hiam?
