LESSON
11 DECEMBER 3–9
HUN
NUNUNGA ZUAU KHEMNATE
Sabbath
Nitak
Tu
Kaal Sung Sim Ding: Matt. 7:21–27, John 11:40–44, 1 Pet.
3:18, 1 Sam. 28:3–25, Eph. 6:10–18.
KAMNGAH: “Tua pen lamdangsak ding hi lo hi. Satan nangawn Pasian’ vantungmi tawh a kibangin kibawltawm thei hi.Tua ahih manin Satan’ sawltakte pen thuman nasem bangin a kibawl manin lamdangsak ding hi lo hi. Hun bei ni ciangin amau gamtatna bangun thuak ngawn ding uh hi” (2Kor. 11:14, 15).
Tulai
mite thungaihsutnate in dawi vai vive, mangmuhna panin kingah thute tawh kidim
hi. Movie tuamtuam, Hollywood movie cihte in hih thu kizelsak uh hi. Tangtawng
pana zuau thu Note in na si takpi kei ding uh hi,” (Pian. 3:4) cih thu tuhun
dongin mitampite sungah nungta lai hi.Sih khit ciangin khuaphawk theihna nei
nuntakna khat om lai hi,cih upna in mun khempeuh kizel hi. Laibu tuamtuamte,
movie tuamtuamte in hih bang upna thute pulaak uh hi. Hih thu in Satan kiang
pan hong pai zuau thu hi, cih nial nadingin om lo hi. Leitung pilna (science)
in zong hih bang thu pulaak tawntung hi. Hih bang zuau thute khat in cina gim
mahmah khat in tawm vei sung khua phawk lo-in om a, tua sungin mun tuamtuamah
pai kawikawi-in, tawl khat khit ciangin khuaphawk kik a, a khuaphawk loh sungin
a tuah thute genkik uh hi. Hih bang thu pen “near death”kici hi. Sih khit
cianga thupiangte pulaak uh hi. Mi tampi in hih bang thupiang siksanin mihing
in a si thei lo nunna nei hi, ci-in khuah takin len uh hi.
Tu
kaal sungin hun nununga zuau thute mangmuhna tawh Pasian tawh kimuhna
(mysticism) near-death experiences, sunglut thu, dawi tawh kihona, a si khin
pupate biakna cihtei kikum ding hi. Hih thute in a lauhuai thu vive ahih manin
Pasian hong ompihna lo-in hih bnag upna sung kitung kha thei ding hi
SUNDAY
December 4
Khuamial
Ukna Neite Tawh Kizopna (Mysticism)
Tuhun
mihing nunna in khuamial ukna neite tawh kizopna in hong huzaap mahmah hi.
“mysticism” cih kammal in pomzia ngaihsutna nam tampi gawmkhawm hi. Biakna thu
siksan hi lehang hih kammal in mimal le Vangliatna nei khat tawh kizopna hi,
kici hi.Pawlpi kimkhatte biakpiakna sungah hih bang thute kimu thei hi. Hih
bang thute in lampi tuamtuam tawh hong kilang hi. Ahi zongin Pasian Kammal Lai
Siangtho suankhia-in mimal hoihsak thu le tuahkhak thute tungah kinga uh hi.
Hih bang thute-ah Lai Siangtho in thuneihna om lo hi. Khristian thu-um mi khat
in ama tuah thu bangbangin kalsuanin nungta hi. Hih bang thute in mimal
tuahkhak thute le ngaihsutna tungah kinga-in kalsuan hi. Hih bang thute in hun
nununga zuau khemna panin hong dal thei lo hi. Matthew 7:21–27 sim in. Jesuh
gen thute siksanin “suangtunga kilam inn” le “sehnel tunga kilam inn” cih in
bang khiatna nei hi ding hiam?
___________________________________________________________
Tuhun mite ngaihsutna-ah Lai Siangtho thuman
in tuhun tawh kituak nawn lo hi, ci uh hi. Lai Siangtho in nidang hun, tanglai
hun ading bek hi, ci uh hi. Hih bangin ngaihsutna-ah Khrih thugennate a man lo
thuhilhnate in vuknel khin hi. Khrih thuhilhnate in, gentehna-in Lai Siangtho
thute in a piang taktak thute hi lo hi, ci uh hi. Bang hang hiam cihleh Jesuh
in tua bangin ngaihsun lo ding a, tua thute in a piang takpi lo hi, ci uh hi.
Mimal ngaihsutnate le deihnate siksanin Lai Siangtho thu a khiatna pulaak uh
hi. Lai Siangtho in kitel takin hong hilh thuman tangnial uh hi. Pasian sawlna
mang nuam lo uh hi. Hih thu hangin Jesuh in sehnel tunga kilam inn in kip lo
hi, ci-in hong hilh hi. Mi kimkhat ngaihsutna-ah Jesuh um peuh lehang bang thu
bang thu i um hangin pha mawh lo hi, ci uh hi. Hih bangin mite in a lauhuai
muna om ahi uh hi. Roman Inquisitors (Roman ukna kuan nial hiam ci-in thukan
simte) in Jesuh Khrih sungah upna nei Protestant tampi in thahna thuak uh hi.
Tua bang mite mah in “Khrih min suangin dawi hawlkhia uh hi” (Matt. 7:22) ,
Jesuh sungah upna nei uh hi. “Khrih i up i san khit nakleh bang bang i up
hangin phamawh lo hi, cih dinmun in Satan hong khemna lianpi hi. Satan in
thuman thei hi; thuman itna a nei mite nuntakna ahahsiang hi. Tua hi-in Satan
in thuman munah zuau thu, phuahtawm thu hong guang hi.”Ellen G. White, The
Great Controversy, p. 520. Koi bangin mihing deihna, ngaihsutnate in Pasian Kammal
a langpan loh nadingun bang in hong dal thei ding hiam?
MONDAY December 5
Laitat
laitakin a tuahkhak thute genkhiakik
“Mihing
in a sih hangin a nungta lai nunna khat om nei lai veve hi, cih upna in
“near-death experiences” siksan lianbelin nei hi. “Life After Life: The
Investigation of a Phenomenon—Survival of Bodily Death” (Atlanta, GA:
Mockingbird, 1975), Raymond A. Moody, Jr. kici laibu sungah a pulaak thu in kum
nga sung mi zanga a dotna panin a kaihkhop thute in “ khuaphawkna nei nawn lo(
clinic death) lungtang bek kisai lai tei-in tua sungin a khuaphawkna vak
kawikawi-in, tawl khat khit ciangin khuaphawk kikna hong tung kikin a khuaphawk
loh sunga a tuah thute pulaak kik uh hi. Tua bangin kipulaak thute lakah a si
khinsa mite tawh kimuhna kihona neih ahihna pulaak uh hi. A sikhinsa mite in
hong pai -un ci-in hong sam uh hi , ci-in pulaak uh hi.Hih thute hangin mihing
a sih hangin a nungta lai nunna khat om lai hi, ci uh hi. Kum hong paitoto-in
laibu tampi in hih bang thute pulaak uh hi; mihing pumpi a sih hangin a si lo
nunna khat om lai hi, cih upna kizelsak hi. (lesson 2na en in) Thawhkikna thu 1
Kum. 17:22–24, 2 Kum. 4:34–37, Mark 5:41– 43, Luke 7:14–17, le John 11:40–44
sungah kipulaak hi. Midik a si a thokikte in pumpi sih sungin khuaphawkna nei
ahihlam pulaakna kigen lo hi. Bang hangin hih thu in thupi hiam?
___________________________________________________________
Khuaphawkna
nei lo hi mah taleh lungtang bek kisai lai-in, tawl khat khit ciangin
khuaphawkkik a, a khuaphawk loh huna a tuah thute pulaakkik uh hi. Hih bang
thute in tuhun laibu tampite in lim gen pha diak uh hi. Hih bang thu in Lazarus
sihna tawh kibang lo hi, cih i thei hi. Lazarus in a sih zawh ni li bang
phakhinin Jesuh in a thawhsak kikin muat gawp mnag khin hi (John 11:39).
Lazarus hi taleh sihna pan a thokikte in khuaphawkna nei-in a tuah khak thute
nopna hi taleh hell sung tung hi taleh, pulaakna bang mah nei lo uh hi. Leitung
pilna (science) in zong hih bang thute a pulaakna bang mah nei lo hi. Ahi
zongin Lai Siangtho honghilh bangin misite in khuaphawkna bangmah nei lo uh hi.
Hih “near-death” thu bangci dawngkik ding i hiam? Lai Siangtho hong hilhna i
pom nakleh misite in khuaphawkna bangmah nei nawn lo ahihna thu (Job 3:11–13,
Late. 115:17, Late 146:4, Thna. 9:10), i upnak leh Lai Siangtho hong hilh loh
sihna thute in thuman lo hi, cih i theipah hi. Tua bang thu a pulaak a om
phialleh zong Satan kiang pan hong pai thu hi, ci-in i thei hi (2 Kor. 11:14).
Tua bangin pumpi a sih hangin a si lo khuaphawk theihna khat om lai veve hi,
cih upna a neite in a si khin a innkuanpihte ahih keileh a lawm itte khat peuh
tawh kiho thei ung, ci-in pulaak uh hi. Tua bang thute in Satan hong khemna hi,
cih ding simloh thudang om lo hi. Satan zuau khemna kizel mangkhin taleh mi
tampi in zuau thu mah um veve hi. Tua hi-in Pasian kammal hong hilh thuman
thutak thute bek mah i letkip ding thupi mahmah hi lo hiam? Near death
experiences cihte le leitung pilna in tonkhawm hi, cih i thei hi. Tua hi-in
science pulaak thu khempeuh zong kidop huai hi lo hiam?
TUESDAY
December 6
Sunglut
Thu
Milim
biate in pumpi a sih hangin a si thei lo khat om lai hi, ci-in um uh hi. Hih
thu siksanin sung-lut thu le mihing nunna in adang nunna khatah kikhelna cihte
pom uh hi. Leitunga om biakna lianpite in zong hih upna pom uh hi. Khristian
tampi in pumpi a sih ciangin vantung nopna sung tungpah ahih keileh hell sungah
gimna thuak pah hi, cih upna nei hi mah taleh a sih hangin a si thei lo nunna
khat nei lai hi, ci-in pom uh a, sung lut a um mi kimkhat in mihing a sih
ciangin nunna nei khatin suak kik, suakkikin, tua bangin bei hun nei lo-in, tua
bangin kikhel toto hi, ci uh hi. Mi kimkhat upna-ah sung lut thu in “kha”
kikhel toto hi-in, a niam panin a sang zaw-ah kikhelna hi; a tawpna-ah kicinna
dinmun va tung thei uh hi, ci uh hi. Hindu upna-ah kha in a tawntungin
kikhelkhel hi-in, khua phawkna panin kikhel toto-in “samsara” dinmun dong a tun
dong khen guk bang kikantan hi, ci uh hi; tui sung nuntakna neite, singkung
lopa, ganhing neuneute, insects, vasa, khe li nei ganhingte le vantung tunna
ci-in khen toto uh hi. Hebrews 9:25–28 le 1 Peter 3:18 sim in. Jesuh hong sihna
in mi khempeuh adingin kicing ahihleh (Heb. 9:28, 1 Pet. 3:18, NKJV) mihingte
in zong khat vei kan a si kei ding uh hi(Heb. 9:27),tua hi-in bang hangin mi
kimkhat in sung lut thu -um uh hi ding hiam?
___________________________________________________________
Mi
tampi in Lai Siangtho hong hilh up loh ding thute um uh hi; up ding a hong
kihilh thute lah um nuam lo uh hi. Lungnop khamuanna ahong pia thei thute kikup
huai zaw tham hi. Lai Siangtho hong hilh thute limtak kantelin a thei nuamte in
ahihleh sung lut thu a up theih nading thu om lo hi. Amasa-in sung lut thu in
Lai Siangtho tawh kituak lo hi. Mihing in a si thei hi-a, sihna pan thawhkikna
a lamen mite ihi hi (1 Thess. 4:13–18). Nihna[1]ah sung lut thu in
hehpihna tawh hotkhiatna kingah ahihna thupi ngaihsut lo hi (Eph. 2:8–10);
mihing gamtatna pha tawh hotkhiatna kingah hi, cih thu upna hong tunpih thei
hi. Thumna, sung lut thu in Lai Siangtho hong hilh tawntung nunna in i nuntak
sungin i khensatna tungah kinga ahihna thu hong hilh hi (Matt. 22:1–14, Matt.
25:31–46). Lina-ah, sung lut thu in Khrih Nihvei hong pai kik ding thu niam
koih hi; Kumkikna thu tawh kituak lo hi (John 14:1–3). Nga-na, sung lut thu in
mihing khat in ama mawhna siatna ama tha tawh zozo thei hi, cih upna hong guan
hi. Hih in thuman hi lo hi (Heb. 9:27). A tomin pulaaak lehang Khristian upna
sungah sung lut thu up theih nading om lo hi
WEDNESDAY December 7
Misite
Tawh Kiho-Na Le A Si Khin Pupate Biakpiakna
“Necromancy”
cih kammal in Greek “ekros (“sihna) le manteia (aisanna) panin hong pai kammal
hi. Nidang hun lai pek a kipanin dawi tawh kihona kizang mahmah hi. Tua bangin
dawi tawh kiho-na-ah a si mite’n khuaphawk theihna nei lai uh hi, cih upna
panin hong kipan ahi hi. Tua bangin dawi tawh kiho-na-ah dawite tung panin
mailamah a hong tung ding thute vadong uh hi. I pupate biakna in, a sisate’n
khua phawkna nei lai hi, cih upna siksanin amau tawh ki ho-in thu dong uh hi.
Innkuan sung pan a si khinte “kha’ tawh kiho-na in tuhun nuntak khuasakzia
tampi huzaap pha mahmah hi. A si khin i innkuanpihte khat tawh kiho-na Satan
hong khemna hi. 1 Sam. 28:3–25 sim in. Misite tawh kizopna in Satan hong khemna
lauhuai ahihna Saul le Endor a meigongnu tawh akimuhna in bang thu hong hilh
hiam?
___________________________________________________________
Lai Siangtho in dawi tawh kiho-na, khuamial
ukna neite tawh kizopna cihte taanglai Israel mite lakah kimu hi, cih hong hilh
hi. Tua bangin kizopna in Pasian mai-ah kihhuai gamtatna ahih manin tua bang
mite suang tawh denlup dingin thupiak om hi (Siam. 19:31; Siam. 20:6, 27;
Thkna. 18:9–14). Thupiak tawh kizui-in Saul in tua bangin dawi tawh kizopna nei
khempeuh susia hi; Israel gam sung pan hemkhia hi (1 Sam. 28:3, 9). Ahi zongin
Topa in tua bang upnate deih loh ahihna pulaak hi mah taleh Saul mahmah in
Canaan mite khuapi Endor ah vapai-in dawi tawh kiho thei ding mi va zong hi (1
Sam. 28:6, 7, 15; le Josh. 17:11, Late. 83:10 enkak in) Saul in tua numei tawh
kimu dingin sam hi. Saul in tua nu tungah Samuel tawh a kumuh nopna thu a
pulaak hi. Dawi tawh kiho theihna nei tua numei in Saul nget bangin (1 Sam.
28:13–19) Samuel tawh a kimu sak hi. Zuau khem dawi in Samuel kineihin Saul
tungah “ zingteh tu bang hunin nang le na tapa kei tawh kimu ding” ci-in a
pulaak hi (1 Sam. 28:19). Saul sih ding genkhol hi mah taleh zuau khem tua dawi
in Samuel meel kineihin a hong kilang hi. Hih thu in Lai Siangtho tawh
kilangpan ahih manin Pasian deihna tawh zong kituak lo hi. A lian mahmah Satan
khemna hi-in, Saul in zong hih bangin dawi tawh kizopnate deih lo-in a nialna
thu i thei hi. Kum zalom nih khit ciangin kamsang Isaiah in hih bangin gelh hi:
“Amaute in note kiangah, “Phun suausuau-in a pau mualmual vankah theite le
aisan theite kiangah thu dong un. Mite in amau’ pasian-te thu dongin, mihingte’
thu pen misite dot ding mah hi lo ahi hiam?” hong ci ding uh hi. Tua ciangin
note in, “Topa in note hong hilh thute ngai un. Pasian thukham le Jesuh teci
panna anei lote thu ngai kei un. Amaute’ hong gen thute a kimanna om lo hi,”
ci-in dawng un” (Isa. 8:19, 20; Isa. 19:3), ci hi. Lungkhamin i om ciangin i gamtatna
khat peuh kikhial baih mahmah hi. Bang hangin upna, thungetna, Pasian hong
sawlna bangin nuntaknate in siat nading panin hong dal thei hiam?
THURSDAY
December 8
Mi
Khat Va Kineihna Le A Dangdang Mel Puakte
Dawi
in a si khinte kineihin hong khem thei hi. A sisate mel puakzia mah pua-in a
tuamtuam tawh zong hong khem hi. Tua bangin a nungta laia innkuanpihte, lawm le
gualten a sisate mel amuhkik uh ciangin mu nuamsemsem uh hi. Amaute mel puak
mah pua-in kampau a kipan kibang khin ahih manin mi tampi in hih Satan khemna
sung a tung khin uh hi. Pasian kammal tungah a kinga lo peuh mah in Satan
khemna sunga tung ding hi. Hih bangin zuaukhemnate zuih khak loh ding kisam
ahihna Ellen G. White in zong vauhilhna hong hilh hi. Dawite in a sikhinsa
sawltakte kineihin hong khem kawikawi uh hi; Kha Siangtho in amaute a sawl loh
pi-in dawite in Kha Siangtho hong sawl hi, ci-in zuau phuakin thu gen uh hi.”
The Great Controversy, p. 557. Tua banah “piancillai-a bangin Satan in Khrih
kineih ding a Pasian mite hong khem ding hi.”The Great Controversy, p. 624. 2
Kor. 11:14, 15 le Ephesians 6:10–18 sim in. Dawi hong khemna lauhuai sung i tun
khak loh nadingin bang in hong dal thei ding hiam?
___________________________________________________________
Sawltak
Paul in hong vauhilhkholhna-ah “Eite’ do pen leitung mite hi lo a, vantung
huihlakah a om ukna, aana a neite, hih leitung khuamial a uk a tuamtuamte ahi
hi” (Eph. 6:12). Satan hong khemna sung i tun khak loh nadingin “Pasian hong
piak galvante” tawh i do ding kisam ahihna kimu thei hi (Eph. 6:13); tua
galvante Eph. 6:13–18 sunga kimu thei hi. Satan in a tuamtuam kineih thei-in
Pasian tate hong khem zawh ding hanciamin om den hi. Ahi zongin Pasian tate in
Pasian Kammal tungah kinga-in a kalsuan laiteng Satan khemna sung a tung kei
ding uh hi. Upna guipite tawh kisai-in Lai Siangtho hong hilh mihing nunna le
misite omzia a theitelte adingin Pasian hehpihna vanglian in tua bang dawite
nasepna, Satan hong khemnate a naang zo ding uh hi. Bangbangin vanglianin hat
hi mah taleh Satan hong khemna in ciangtan nei hi-a, misite in hankhuk sungah
thawhkik hun hong tun ding ngakin om uh hi, cih thu in khemnate panin hong
kembit thei hi. Hong nusia-sa na innkuanpihte, na lawmte khat na muhah hong
kilang dingin ngaihsun in. A hong itna hong pulaakin hong gen dingin ngaihsun
in. Hong phawkzia hong gen dingin ngaihsun in. Tu-in a nuam zaw munah vatung a
hihna thu hong gen dingin ngaihsun in. Lai Siangtho siksan lo-in misite omzia a
thei lo mi khat in tua bang thute a um kha ding suak hi. Satan hong khemna sung
tunkhak ding ol mahmah hi lo hiam? Pasian galvante silh cih ciangin a khiatna
in bang hi ding hiam? Hun nununga khemnate kidal nading bek tham lo-in nisim
nuntak khuasakna-ah koi bangin tua galvante silh thei i hiam?
FRIDAY December 9
Ngaihsutbeh
Ding: Read Ellen G. White, “Dealing With False Science,
Cults, Isms, and Secret Societies,” pp. 602–609, in Evangelism; and
“Spiritism,” pp. 86–93, in Confrontation. Misite tawh kizopna piang thei mah
hi, ci-in hong umsak thei ding leitung vanzatna tampi om hi. Multimedia: “phone
tawh kihona, video[1]conferencing,
cihte zangin Satan in misite tawh kizopna bawlin hong khemkhem hi. Misisate
tawh kisai thu kipulaakna website minthang mahmah khat om hi. Hih website in a
pulaakna-ah: mihing a sih ciangin “mihing in nuntakna nei a dang khatin kikhel
kawikawi hi, ci hi. Ahi zongin tua bangin a kikhel ciangin a mihing hihna, a
thutheihna, leitungah a nuntaklai-a apumpi ahi zongin bang mah kikhel lo-in om
suak veve hi, ci uh hi. Ahi zongin a thupi mahmah khat in tua bang upna in
siksan cial thum bang nei hi, cih kimu hi. Leitung vanzat tuamtuamte in a
sisate tawh kizopna nei thei dingin lampi hong sialsak hi. A cial masa penin
“leitung pilna siamna lianpipi a neite zangin Satan in hong khem mahmah hi.
Phonete, internet cihte tungtawnin a sisate tawh kizop theihna hong bawl uh hi.
Cial nihna-ah tua bangin a sisate tawh kizopna in bei hun om lo, a tawntungin
kizopna a nei thei dingin dinmun hong tunpih hi.A cial thumna-ah hih bangin
vantung vanzat tungtawnin “Bil tawh zak theihna, mit tawh muh theihna zangin
Satan in hong khem tawntung hi. A sisate mahmah in thu hong genin hi leh
lauhuai pha diak hi. Gentehna[1]in
“ innkuan khat sung panin a tate khat in si hi. A dah a kap a nu le pate in a
si khin a ta tawh kiho-in “ Snoopy min nei ui no na nei hiam? Na suahni
birthday ni[1]in
na deih mahmah temta khat kong piak uh nan gah hiam?, ci-in kidong uh hi. HIh
bangin kidotna sungah khat veivei ciangin dawite in a sisate mel pua-in hong
kilang uh a, a sihma-a thu piang tuamtuamte pulaakin a om ciangin, a
innkuanpihte in nuamsa mahmahin Satan khemna sung tung ahihlam akiphawkkha kei
uh hi.”Ellen G. White, Patriarchs and Prophets, p. 684.
KIKUP
DING DOTNATE:
1.
Pianpih ngei-na tuamtuam paulamna tawh tuhun leitung vanzat media pulaak thute
a um mi tampi om hi. Lai Siangtho sung pan bang thu siksanin media tawh kizopna
hong makaih thei ding hiam? A diakdiakin bang in thuman le zuau khemnate i
khentel theih nadingin hong huh thei ding hiam? (Late 101:1–8, Pau. 4:23, Phil.
4:8)?
2.
Koi bangin hun nununga Satan hong khemnate sung i tun loh nadingin kidal thei
ding i hiam? Satan hong khemna banah ei mahmah kikhemna panin bang in hong kem
thei ding hiam?
3.
Khristian tampi in lei sung panin Samuel hong pusuahna thu thei hi. Hih thu in
misite in hankhuk sungah om ahihna hong hilh hi. Lai Siangtho mun khat, mun nih
bek siksanin upna thu kikhung thei lo ahihlam na theithei hiam? Tua hi-in thu
khat peuhpeuh tawh kisai-in Lai Siangtho buppi in bangci gen hiam cih i kantel
ding kisam hi.
