LAITATN,
SIHNA LE LAMETNA
Alberto
R. Timm
Pasian in a bawlsa mihingte tawh nopna le ki-itna tawh a tawntungin kizopna nei dingin a hong piansak ahi hi. Ahi zongin hih kizopna in pen vantung thukhenna tokhom panin mawhna in hong susia hi. Koi bangin mawhna hong piang hiam, cih thu mihing tel zawh loh thu hi (Isa. 14:12–15, Ezek. 28:12–19, Rev. 12:7–12) tua panin Adam le Eve in mawhna sungah hong tung uh hi (Pian. 3:1–19, Rom. 5:12). Thuahsiatna in mihing bek tham lo-in nuntakna nei khempeuh tungah sihna hong tun hi. Tu-in sihna in lampi tuamtuam tawh kimu thei hi. Singkung khat panin singteh a kiatna, paakbeel sung paak kung sihnate, khialhna nei lo ganhing sihnate huamkha hi. I itte in mi khutlum tawh hong nusiat uh ciangin, i teenna leitung in gimna namcin tawh kidim hi. Upmawh loh tate hong kiguksakin kibawlsia hileh nulepa in bangzahin lunggim uh hiam? I nuntakna in gimna, khitui tampi luangin a nungta ihi hi.
Hih
leitung sangin a hoih zaw leitung i lunggulh hi. Mi tampi in “paradise” ci-in
nopna tawh kidim leitung i lamen hi.Gentehna-in 1933 kumin mikang lai gelh mi
minthang James Hilton in laibu “Lost Horizon” khat gelh a, a sawt lo-in tua
laibu meikangtum hi. Hih laibu siksanin video khat kibawl a, vanleng a hawl
laitakun sathau bei-in vuk tamna mualsangpi Himalayan Mual tungah kiasuk hi.
Vanlenghawlpa vanleng kiatna-ah sihpah hi. Ahi zongin a si lo mi tawmno khat om
hi. Tua bang tuahsiatna lak panin Tibet minam kimkhat in asi loteng
paikhiatpihin hotel hoih mahmah Shangri La ah vapaipih uh hi. Hih a omna mun uh
pen kuamah tawh kizopna nei hi lo hi; tua muna a om mite khat le khat ki-it
kingai thei mahmah uh a, itna le pilna sungah khangto khawm uh hi; kithuhual
thei mahmah uh hi. Mawhnei mite ihih manin tu mahmahin zong Khrih hong pai
ciangin laktohna-ah “ka kihel mah ding hi,” ci-in khamuanna i kisam hi. Swiss
mi Lai Siangtho thuthuk a kansiam Emil Brunner in hih bangin pulaak hi: “Oxygen
in tuap adingin kisam hi. Tua bang mahin lametna in nuntakna manneisak hi.
Oxygen om keileh kinungta zo lo ding hi; huih kisamin i si ding hi.Lametna nei
lo hi lehang mihing in lungzinna tawh kidimin lunggimna tawh kidim ding hi.
Lungkham buai-na lakah ngaihsutna thakiamin nuntakna in man nei lo bangin
ngaihsut hun i tuakkha zel hi.
Mihing
nuntakna huih diksuk diktohna in oxygen tungah kinga hi. Nuntakna hu a om
laiteng lametna nei ihi hi.” Emil Brunner, Eternal Hope (London: Lutterworth
Press, 1954), p. 7. Lai Siangtho hong piak lametna in tawntung nunna zuanin
kalsuanna ah a hong thahatsak hi. Shangri-La muna tawh kibang lo-in eite
lametna in tawntung nuntakna hi; hih nunna in tangthu bangin akigen mawkmawk
thu hi lo hi (2 Pet. 1:16). Pasian muanhuai kamciam tungah kinga hi. Kicinna
tawh kidim nunna le leitungah khitui luanna, natna le sihna cihte a om nawn kei
ding hi (Mang. 21:1–5).
Hih
a manpha kamciam in sawltakte hunlai pawlpi in lungdamna tawh kiptakin a let
thu khat hi-in, thu-um mite in zong tu dongin i pom thu guipi khat ahi hi.
Lametna vangliatna bei lo-in tuni dongin lametna nei lo-in kuamah a nungta zo
kei hi.Lametna in nuntakna mannei-sak hi. Khrih sungah a hong nusia i it mi
tampi in hong thokik ding a, kimu kik ding cih lametna tawh a nungta mite ihi
hi.Amaute in sihna panin tawntung nuntakna sungah a nungta dingin hong thokik
ding uh hi, cih lametna i nei hi. Tu quarter sung i sin ding thute in mawhna le
sihna siksanin sia le pha kidona thu i kikum toto ding hi. Tua banah mawhna le
sihna a bei nadingin Pasian nasepna vangliatna in tu dongin bei lo hi. Leitung
buai-na khempeuh beisiangsakin kicinna tawh a kidim leithak mawhna omma leitung
mah hong bangkik ding hi. Mihing tungah a tuam vilvel nunna kipia-in sihna
thawhkikna in si nawn lo ding nunna sung a tunpih ding hi. A taktakin eite in
sih ding kihtak ding hi lo hi. Bang hang hiam cihleh Khrih in eite adingin
sihna hong thuak khinin, sihna vangliatna a zo khin hi. Tua hi-in eite in Ama
sungah “sihna le hante tungah zawhna i nei khin hi” (Mang. 1:18).
Tu
quarter sung i sin ding thu in sihna thu le Jesuh tungtawnin lametna thute i
sin ding hi.
LESSON
1 *SEPTEMBER 24–30
Kicinna
Tawh Kidim Vankhuanuai-Ah Langpanna
Sabbath
Nitak
Tu
kaal Sung Sim Ding: 1 John 4:8, 16; 1 John 4:7–16; Ezek.
28:12–19; Isa. 14:12–15; Mang. 12.
KAMNGAH:
‘Nang Khuavak’ ta, Zingsol, Babylon kumpipa aw, vantung panin nang bangci kiat
na hi hiam? Minamte a niam koihpa ahi nangmah leilak dongah hong bangci
kiphukpai ahi hiam? (Isa. 14:12).
Mi
kimkhat in siatna, mawhna hong kipatna thu koi pan hi ding hiam, ci-in a kankan
uh hi. Pawl khat in mawhna pen a tawntungin a om khat hi-in, hoihna i cih pen
siatna tawh i tehkak ciangin a kimu thei thu hi, ci uh hi. Mi kimkhat upna-ah
leitung a kipiansakin kicinna tawh kibawl hi-in, siatna a hong nung om hi, ci
uh hi. Gentehna-in Greek tangthu ah Pandora in a kisin singkuang khat a hong
ciangin tua singkuang sung panin siatna namcin hong pusuak khia hi, ci uh hi (
Hih tangthu in mawhna hong kipat khiatna in singkuang sung pan hong kipankhia
ahih lohna hong hilh hi). Hih tangthu tawh kibang lo Lai Siangtho hong hilh thu
in itna tawh kidim i Pasian in na khempeuh a hih thei Pasian hi (1 Khang.
29:10, 11); na khempeuhah kicinna tawh kidim Pasian hi (Matt. 5:48). A sepna
khempeuh in kicinna tawh kidimpa hi (Thkna. 32:4), hih leitung abawlin zong
kicinna tawh a bawl leitung ahi hi. Tua ahih leh koi bangin kicinna tawh kidim
leitungah siatna le mawhna hong om thei hiam? Pian. 3 pulaak bangin Adam le Eve
in Pasian thupiak panin lam a pial uh ciangin leitungah mawhna, sihna le siatna
namcin hong tung hi. Ahi zongin koi bangin mawhna hong piang hiam cih thu dawnkikna
in dotna dang khat hong om leuleu hi. Adam le Eve a mawhma-un siatna a om khin
khinzo ahihlam “Satan gulpi tungtawnin kimu thei hi; Gulpi in Eve khem hi
(Pian. 3:1–5).
Tua
hi-in Mawhna hong pianma thute i et ding hong kisam hi. Mawhna van gikpi
suahkhia-in i nuntakna nam nihin kimu thei hi.
SUNDAY
September
25
Piansakna,
Itna A Pulaak
Piansak
nate in tulaitakin zong thu hoih le thu sia hong hilh uh hi. Rosebushes in a
singkuangneu ahon ciangin itna le namtui hong kizelkhia hi. Tua bang mahin
lauhuai-nate le gim theihnate zong hong pusuakkhia hi. Vasa buk sunga om vasate
va phawng lehang lau-in lengkhia mang uh hi. Mihingte in zong itna, hehpihna i
neih hangin muhdahna, siatna tawh a nungta khawm hi lo i hiam? Nuamin i om
hangin tawmvei sung bek hi-in, tomno khat sungin hehna, thangpaihna nei zel hi
lo i hiam? Taang le tahum thugentehna-ah nasemte in lo neipa tungah “topa aw,
khaici hoih vawh hi lo i hiam? Bangci bangin kiak hong po mawk hiam,” ci-in
dong uh hi (Matt. 13:27). Lo neipa in a dawnkikna-ah: “ Galpa bawl hi,” ci-in a
dawngkik hi(Matt. 13:28). Tua bang mahin Pasian in a kicing vankhuanuai bawla,
ahi zongin langpangpa in susia-in i tel zawh loh mawhna hong piangkhia hi. 1
John 4:8, 16 sim in. “Pasian in ki-itna hi,” cih thu in Ama zia le tong le a
bawlsa nate thu bang hong hilh hiam?
____________________________________________________
“Pasian
in ki-itna hi” (1 John 4:8, 16) cih thu in thu thum hong hilh hi. Amasa-iin
itna in Ama nunzia hi. Tua itna muh theih dingin a hong kilangkhia sak hi
(Bangci bang itna cih a hong hilha hiam?) Pasian hong itna in To thum gawm
sungah nasemin a pualam mihingte lakah nasem hi. Nihna-ah Pasian hong itna in
ciangtan nei lo, nate tungah kinga lo hi; Ama hong itna in kikhel ngei lo
hi.Ama hong itna sungah na khempeuh a piansakna, Ama hong tatkhiatna , mawha
hangin thukhenna cihte zong kihel hi. A taktakin Pasian hong itna in thutanna
le hehpihna pulaak hi. Thutanna in Ama ukna kingakna hi; Ama kumpi tokhom
kingakna hi. Itna gah ahi hi.” Ellen G. White, The Desire of Ages, p. 762.
Thumna-ah Pasian in itna ahih bangmahin tua itna a hong lak hi; Amah in itna
ahih manin mawhna awlmawh lo-in aom kei hi; mawhna in Ama zia le tong tawh
kilehbulh hi. Ahi zongin Pasian in vankhuanuai khempeuh a bawlsa hi lo ahi
hiam? Ama vangliatna siksanin kuamah in a nial thei kei hi. Bang hang hiam
cihleh Amah in a bawlsa mihingte tungah deihtel theihna a hong pia hi. Amah in
itna tawh kidim ahih bang mahin tua itna siksanin Amah in vankhuanuai-a om na
khempeuh tungtawnin tua itna a hong kilang hi. Amah in nuntakna a hong bawlzia
in lamdang hi. Itna nei thei ding le itna a thukkik thei dingin a hong koih hi.
Tua itna midangte tungah a hawmsawn thei dingin hong bawl hi. Pasian a it ding
le midangte a it dingin hong bawl hi (Mark 12:30, 31).
Kim
le paam nate en kawikawi in. Leitung in mawhna tawh kidim hi taleh bangci
bangin piansak nate tung panin Pasian hong itna na mu thei hiam? Bangci bangin
Piansak nate tung panin Pasian hong itna le lametna na mu thei hiam?
MONDAY September 26
Mihing
Deihtelna, Itna Bulpi
1
John 4:7–16 sim in. Itna hong khankhiat nadingin mihing deihtel theihna in
kisam ahihna thu na mu hiam?
______________________________________________________
A
kibawltawm paakte in hoih thei mahmah hi taleh tua paakte in khang thei lo hi.
Paak taktakte bangin paak thei lo uh hi. Set milimte (robots) in zong pau thei
ding, a hopihte a dawngkik thei dingin a kibawlsa ahi hi. Ahizongin set milimte
in hehpihna nei thei lo uh hi. A sunga kiguangteng bek mah sem thei uh a, tua
lo a dang peuhmah kisawl thei lo, sem thei lo uh hi. Itna nei thei lo uh hi. A
taktakin nuntakna i cih in deihtel theihna nei hi-in, itna nei thei bek tham
lo-in itna a hawmsawn thei ding ihi hi. Tua hi-in itna tawh kidim Pasian in
vantungmite a kipan Lucifer zong deihtel theihna pia-in hong bawl hi. Tua hi-in
siatna lampi zuih ding a teel uh zong Pasian in khaktan lo hi. Lam khat panin
Pasain in vankhuanuai sung a om na khempeuh a bawlin na khempeuh in kicinna
tawh kidim hi; na khempeuh in kithu hual hi. 1 John 4:7–16 sung thute in
sawltak John in “Pasian in itna hi” ci-in hong hilh hi. I mawhna hangin sihna
thuak dingin a Tapa hong paisakna tawh tua itna a hong lak hi. Tua itna hangin
eite in i lungdamna i lahna-in midang i it ding hong deih hi. Tua bang itna in
Pasian kiang pan hong pai hi[1]in,
tua bangin itna tawh a kidim mi in Pasian tawh a nungta khawm mi, ama sungah
nungta ihihna a kilangsak lian pen ahi hi. Midangte i itna in Pasian hong itna
a kilangsak ahi hi. Tua itna a ngahkha mi khempeuh in “kei” cih lungsim, kiphatsakna
a hemkhia thei ding uh hi. Ahi zongin deihtel theihna kizang khialkha pahpah
hi. Vantunga Lucifer in ama deihtel theihna a hong zatkhialh takteh dah huai
lian mah mah thu hong piang i tuah thu hong suak hi. Deihtel theihna in thupi
mahmah hi, ci-in thei hi mah taleng, mi kimkhat in Pasian in Lucifer langpan
ding thei khol hi napi, bang hangin Pasian in Lucifer bawl veve hi ding hiam,
ci-in lamdangsa uh hi. Pasian in Lucifer a piansak manin mawhna hong kipatna
Pasian hi, ci-in mawhsak theih om lo ding hiam? Upmawh thu hamsa mahmah thu
khat in hih thu in thu tampi tungah kinga hi. Pasian in mawhna a om dingin
thupia lo hi; mawhna om dingin a phal hi bek hi. Tua ciangin singlamtehah Amah
mah in mawhna thaman a hong pua hi. Tua hangin a tawpna[1]ah mawhna siatna
khempeuh a beisiangsak ding hi. Mawhna gimna sung i nuntakna[1]ah
Pasian in mawhna thaman lian penpen ahong piaksak khin hi, cih i mangngilh loh
ding thupi hi (Matt. 5:43–48, Rom. 5:6–11), Ama thuakna in eite thuaknate
sangin lian zaw tham hi; tehtheih ding zong hi lo hi. Deihtel theihna in Pasian
hong piakkhong hi-in a siangtho hi. Ahi zongin deihtelna nang ading bek tham
lo-in midangte adingin zong a lian mahmah vangikpi hong suak thei hi.
Thu
khensatna khat peuh a om ciangin hih a manpha mahmah piakkhong deihtel theihna
koi bangin na zang hiam? Tua bangin na khensatna tungtawnin bang thute na
tuakkha hiam?
TUESDAY
September 27
A
Lamdang Lungdam Theihlohna
Ezekiel
28:12–19 sim in. Hih thu in i tel zawh loh mawhna hong piankhiatna thu panin
bang thu na mu khia hiam?
_____________________________________________________
Ezekiel
sunga tam zaw thute in hun bei kuan tawh kisai thute limcinna tawh hong
hilhkholhna hi, cih kimu thei hi. Mun tampi-ah mihingte, ganhingte le van le
nate in, khua sung thupiang tuamtuam cihte in leitung mun khempeuh tawh kisai
thute zong hi thei hi. Ezekiel 28:1–10 sunga kigelh bangin Topa in Tyre kumpi
apulaakna-ah (Tyre mahmah in nidang Phoenicia tuipi gei khuapi khat hi). Hih
khuapi in hau mahmah in kiphatsakna tawh kidim khuapi khat hi. Mihing khat hi
napi-in pasian bangin kipulaak hi; pasiante tokhom tungah a tu bangin a
kipulaak hi. Tua hi[1]in
Ezekiel 28:12–19 sung thute in a piang khin taktak hi-in, vantun thukhenna
tokhom panin Lucifer mawhna a pulaak thute hi. Tua hi-in Tyre kumpi in mihing
hi-in “tuipite lakah om” ci-in kipulaak hi (Ezek. 28:2, 8), tu-in “ cherub
sathau nilhna ngah khat in a limcing hi.” (Ezek. 28:14) “Pasian huan Eden ah
nungta-in a omna pan” (Ezek. 28:13) le “Pasian mual siangtho panin” (Ezek.
28:14) langpanna hong kipan hi. Eze. 28:15 pulaak thute ngaihsun lehang a thu
bul mahmah khat in “Gamtatsiat ding na kipat ma hun ciang dong, na suah tung a
kipanin na gamtatna khempeuh paubaanna khat beek om lo hi” kici hi. Tua hi-in a
thupi hong hilh thu in Lucifer kicinna in siatna sung tunpih theihna zong kihel
hi; bangzahin kicing hi phial taleh siatna bawltheihna zong nei veve ahihna
kidawk hi.A si thei nunna tawh a nungta ahih bangmahin Lucifer in deihtel
theihna zong a nei hi; hih deihtel theihna in kicinna tawh kidim ahihna khat
hong suak hi. A taktakin Lucifer a kipiansakin kicinna tawh kidim hi. Tua hang
mahin deihtel theihna zong a nei ahi hi. Ahi zongin tua deihtel theihna
zangkhial ahih manin amah in siatna phungpi, mawhna phungpi hong suak hi. Ama
piankhiatna phawk lo ahih manin tua bangin deihtel theihna a zangkhial hong
suak hi. Pasian in a piansakin kicinna tawh kidimin a piansakna tungah lungkim
zo lo ahih manin Lucifer in Pasian tungah a lungdam zo lo hi. Tua ahih manin
vantung mi khempeuhte pahtawi ding a lunggulh hi. A ngahsa pahtawi-na le
minphatna tawh a lungkim zo lo hi. Kicinna tawh kidim vankhuanuai sungah bangci
bangin mawhna hong piangkhia thei hiam cih thu in i tel zawl loh thu lianpi
khat hi; a lamdang thu hong suak hi. “Mawhna in a lamdang i tel zawh loh thu
khat hi; a kigencian thei lo thu khat hi. Bang thu hangin mawhna hong piang cih
thu zong hong kihilh lo hi. Kicinna tawh kidim vankhuanuai-ah mawhna hong om na
thu zong kipulaak lo hi. Mawhna hong pianna thu kihilh thei nawn lo hi”—Ellen
G. White, The Truth About Angels, p. 30.
1Thess.
5:18 sungah Paul gen thu in “na khempeuh” tungah lungdamko ding hong hilh hi.
Koi bangin lungdam theihlohna zo thei ding i hiam? Hamsatna i tuah ciangin ei
le ei kihehpihna, kikhualuatna zo thei ding i hiam?
WEDNESDAY
September
28
Kiphatsakna
Thaman
Lai
Siangtho sungah a thupi mahmah thu nih, tua thu nihte a kilangdo thu nih hi.
Salem, Zion mual, Jerusalem le Jerusalem thak cihte in Pasian Gam limcing uh
hi. Babel le Babylon in Satan ukna limcing hi. Pasian in a mite Babylon panin
tam veipi a samkhia hi. Kamciam gam lut dingin a hong sam hi. Gentehna-in Abram
(a nungciangin Abraham) in Ur khua Chaldees gam panin paikhia-in Canaan leitang
zuan dingin sapna ngah ahi hi (Pian.11:31–12:9). Sawt veipi sung saltangin a om
khit uh ciangin Jewte in Babylon nusia-in Jerusalem hong zuankik uh hi (Ezra
2). Mangmuhna Bu sungah Pasian mite in hun nununga Babylon panin sapkhiat ngah
ahi uh hi (Mang. 18:4) amaute in Zion mual le Jerusalem khuapi-ah Topa tawh a teengkhawm
tawntung ding uh hi (Mang 14:1; Mang. 21:1–3, 10). Isaiah 14:12–15 sim in.
Lucifer kiphatna hangin vankhuanuai khempeuh le leitungah bangdang gimna hong
tung hiam?
______________________________________________________
Lai
Siangtho sungah Babylon khuapi in Pasian le Ama gam langpanna limcing hi;
Babylon kumpi (Nebuchadnezzar) in kiphatsakna le bangmah theihlohna limcing hi.
Pasian in Kumpi Nebuchadnezzar tungah kilang hi. Tua kham milimpi lutangin a
lian mahmah Babylon kumpi limcing hi (Dan. 2:37, 38). Pasian hong kilaakna
langpanin, kumpipa in kham tawh milim lian mahmah khat a bawl hi. Tua milim in
kum tampi sunga a vanglian mahmah Babylon ukna limcing hi. Hih kham milimpi bia
dingin a gam mi khempeuh thu a pia hi (Daniel 3). Kumpi Tyre tawh kisai-in
(Ezek. 28:12–19), Babylon kumpi in Lucifer limcing uh hi. Isaiah 14:3–11 in a
lian mahmah midangte a nengniam pha bel Babylon kumpi thu kipulaak hi. Tua
hi-in Isaiah 14:12–15 sunga thute in a beisa thupiangte panin vantung kumpi
tokhom dongin a kizom to suak ahi hi. Hih kumpite kiphatsaknate in Lucifer
langpanna le a kiphatsakna pulaak hi. Hih thute in Lucifer kiliatsakna vantung
kumpi tokhom tungah ka tokhom ka koih ding hi, ci[1]in a kiphatsakna thu
kipulaak hi. “Van a sangpen bangin” (Isa. 14:14). Hih thu in Pasian hong itna a
langpanna thak hong suak hi. Pasian zia le tong itna le sepkhopnate in Lucifer
angsung theihna le demnopna lungsim tawh kilehdo hi. Pasian in galpa le a
pawlte mawhsakna, gensiatna thuak mah taleh a patau kei hi. Van khuanuai-ah
mawhna hong kipatkhiatna in i tel zawh loh thu thukpi khat hong suak hi.
Bang hangin gualzawhna, lawhcinnate in
kiphatna le kisialhnate in awlno takin hong zo thei mawk hiam? Koi bangin
singlamteh in tua bang a lauhuai thangzaak panin hong dal thei ding hiam?
THURSDAY
September 29
Uplohna
Kizel
Mang.
12 sim in. Vantung panin leitungah langpanna hong kizelhna thu bang pulaak
hiam?
___________________________________________________________
Lucifer
mawhna in ngaihsutna kibang lo thunihte hanga mawhna hi lo hi. Mang. 12 gen
bangmahin vantung panin hih leitungah Lucifer le a pawlte in Khrih le
vantungmite kido-na a hong tung hi. Mang. 12 sungah Lucifer in “A lian gulpi”
“Tanglai gulpi” “Dawimangpa, Satan” “I sanggamte a mawhsakpa”ci-in kipulaak hi
(Mang.12:9, 10). Khrih pen “Michael” kici[1]in a khiatna in
(Mang. 12:7), “Pasian tawh a kibang Pa” cihna hi. “Michael vantungmi lianpa”
(Jude 9) cih thu siksanin mi kimkhat in hih pen “Vantungmi khat hi’ ci uh hi.
Ahi zongin Daniel Bu sungah mangmuhna akipulaakna-ah tua mangmuhnate in Khrih
le a tawntung Ama gam thu bek mah a pulaak uh hi; khut khat in suangtum
kitamkham khat thu (Dan. 2:34, 45), kipulaak a tua in Mihing Tapa (Dan. 7:13),
vantung Kumpi Tapa le Tanute (Dan. 8:11, 25), A lian mahmah Michael (Dan. 12:1)
ci-in kipulaak hi. Tua hi-a Topa Vantungmi in Topa mah ahi hi (Pai. 3:1–6, Sawl.
7:30–33, etc.), Michael in Khrih mah hi. Mang. 12 in kidona lianpi thu a
huamkim a hong hilh hi. Tuate sungah (1) tua kidona lianpi in vantung panin
hong kipan hi. Lucifer le vantungmi seh thum suahseh khatin tua langpanna a zui
uh hi. (2) Khrih in tua kidona lianpi singlamteh tungah a zo khin hi (3) Hih
kidona lianpi in leitung hun beikuana Pasian micianlaite in a dototo ding uh
hi. Hih kidona lianpi kipatna thu ngaihsutna-in Ellen G. White in hih bangin
hong hilh hi: “Pasian in Ama hehpihn lianpi Lucifer in zong a ngah hi. Satan in
ama dinmun panin thakhat thu-in kihemkhia hi lo hi. Ama dinmun tawh lungkim zo
lo-in vantungmite mai-ah zuau thu genin langpanna thu bek a pulaak tawntung hi.
Vantungah sawtpi a om hi. Mawh kisik ding thu tam veipi kipulaak laak hi; a
mawhna kisik ding le Topa tungah kipia dingin kipulaak tawntung hi.” Ellen G.
White, The Great Controversy, pp. 495, 496. Bang tanvei hun sung vantungah
kidona om hi ding hiam, cih i thei kei hi. Bangzahin kidona nasia mahmah hi
mahta leh a thupi bel in Satan le ama vantung mite in guallelin vantung ah mun
a nei thei nawn kei uh hi. (Mang. 12:8; Luke 10:18).
Hih
kido-na in hih leitungah a hong tungsuk hi. Bangci bang lampi tawh leitungah
kidona lianpi hong piang hiam? Hih kidona-ah i zawh nadingin bang lametna nei i
hi hiam?
FRIDAY
September
30
Ngaihsutbeh
Ding: Ellen G. White, “Why Was Sin Permitted?” pp.
33–43, in Patriarchs and Prophets; “The Origin of Evil,” pp. 492–504, in The
Great Controversy sim in. “Pasian vangliatna mu-in Ama mai-ah a om khin Satan
le a pawlte adingin hotkhiat ngah nading lamet om thei nawn lo hi. Tua bangin
Pasian vangliatna mu khin uh hi mah taleh Pasian langpan veve uh ahih manun
amaute tungah a kilang ding vangliatna dang a om nawn kei hi. Pasian kiangah
omin tua langpanna thu mihing kam tawh kipulaak khia thei kei hi. Vantung
sangin mun nuam zaw-ah a om dingun kilawm lo uh hi. Tua langpanna in ciangtan
nei lo hi lo hi. Tua langpanna sangin a lian zaw langpanna dang om lo hi. Hih
langpanna in ciangtan nei lo itna, thutanna a om kei hi.Amaute mawhna le a
thuak ding uh gimnate vantung Pasian tokhom panin kiseh khin zo hi.” Ellen G.
White, Confrontation, p. 21. “A kipata kipan Pasian le Khrih in Satan langpan
ding le mihingte in langpangpa zuaukhemna upna hangin mawhna sung tung ding uh
hi, cih thu a theikhol khin uh hi. Pasian in mawhna a om dingin geel peuhmah lo
hi; ahi zongin mawhna hong om ding hi, cih thu a theikhol hi. Tua hangmahin
mawhna pan suahtak theih nading lampi a hong bawlkholhsa-in nei hi. Tua hi-in
Pasian hong itna in lianpha mahmah hi. A Tapa khat bek a neihsun a hong piak
dongin leitung mite a hong it hi. Tua Tapa a um mi khempeuh in kisia lo-in
tawntung nunna a ngah thei ding uh hi.’ John 3:16.”—Ellen G. White, The Desire
of Ages, p. 22.
KIKUP
DING DOTNATE:
1.
Leitungah mawhna hong omna hang pen Pasian in mawhpuak nei hi, cih thu na
lawmte tawh kikum in. Koi bangin tua ngawhna thu dawngkik thei ding i hiam?
2.
Koi bangin mawhna thu tawh kisai thu khempeuh theitel thei ding i hiam? Bang
hangin singlamteh thu in mawhna hong kipatna thu theihtel nadingin kisam hi
ding hiam?
3.
Mawhna le gimna hong om khit kum tul tampi khit ciangin Satan in Pasian a
langpanna hangin tudong siatna tawh a kidim leitung hi, cih i theih hi.Tua
ciangin bang hangin tu dongin Satan in Pasian langpan lailai hi ding hiam?
4.
Matthew 5:43–48 sungah Khrih in Pasian hong itna in ciangtan nei lo itna ahihna
thu hong hilh hi. Koi bangin hih thu in na innkuan le na pawlpi sungah kimu
thei hiam?
5.
Sawltak Peter hong vauhilhkholhna-ah “Dawimangpa in kua ka ne ding hiam, ci-in
a nek ding a zong kawikawi humpinelkai bangin a suksiat ding mi a zong tawntung
den hi (1 Pet. 5:8). Ephesians 6:10–20 sim in. Koi bangin Dawimangpa hong
khemnate tawh kipelh thei i hiam? (Eph. 6:11)?
