Lau na omnawnlo
NOV 19, 2022
Jack
Jack thu i pulaak ding hi. Amah pen Baimankanem behte khat hi-in Papua New Guinea gamah a teeng hi. Jack na phawksialin amah le amipihte in lau-na nuai-ah a nungta ahihlam na phawk ding hi. Jack in Jiwaka Gamkhen khat sungah a teeng hi.A teenna gam in bangmah siatna nei lo-in mun le mualte in hoih thei mahmah hi. Leitang hoih mahmah ahih manin ankungte zong hoih thei mahmah hi. Lui tui luang sialsial zong tampi-in nopci mahmah mun khat hi. Hih leitangah coffe le niangteh kilim ciin mahmah hi. Ahi zongin Jack in nopna ngah thei lo hi.
Lunghimawhna,
gimna tawh kidim den hi. Sanggam unau sung buai-na tuamtuam tamin kitot
kiselna, leitang kitutna cihte tam hi. A teenna-uh mun nuam mahmah hi taleh a
lungsimte un hazatna le kimuhdahna tawh kidimin buai-na tampi sungah nungta uh
hi. Tua bangin beh khat le beh khat kikal kilangneihna tam ahih manin kumpi
huhna bangmah ngahkha lo uh hi. Zato, siavuan, siamah cihte ngah lo uh ahih
manin cina luna khat om le uh gamla pipi va pai kul hi. Palik zong kikoih lo
ahih manin khua sung gam sungah buai-na tam hi. Khua sung lampite
zong kipuah lo ahih manin khat le khat kikawmna hamsa hi. Tua khua
mite in lau-na tawh nungta uh hi. Tua leh pawlpi in Nasepna-ah mimal kihelkimna
khat hong phuan khiatna tawh kizui-in SDA pawlpi in hotkhiatna
nasepna-ah mi tampi mah Jesuh kiang a tunpih thei hi.Jack le mi kimkhat in Lai
Siangtho thusinna nei uh a, Pasian thugenna cihte zong nei
uh hi. Tua bang hun ciangin lungkhamnate nusia-in Jesuh
tungah nuntakna khempeuh kipia dingin kihanthawhn uh hi.
Adventist
pawlpi in beh khat le beh khat kilangneihnate hemkhia-in kipumkhat ding
vaihawmna nei-in na tampi sem khin hi. Jack in tua bangin SDA pawlpi nasepnate
amuh ciangin lamdangsa-in hih pawlpi beel nopna lungsim hong hat semsem hi.
Seventhday Adventist Pawpi in hotkhiatna nasepna-ah kihelin ka muh ciangin hih
pawlpi thupina ka mu phapha hi. Hih pawlpiah biakpiaknate zong nuam kasa mahmah
hi. Tua bangin pawlpi in khua sung nausung
kilemna abawlsak manin mi tampi in lungdam thei uh hi. Zi le pasal
kitawngtawngte in tu-in nupa kaal nopna tampi hong tung hi. Nupa kilem lo
tampite tu-in kilemkik thei uh hi. Paul in thu-um mite tungah a laikhak
bangmahin Jack in a mipihte tungah zong hanthohna tampi nei hi. “Ki-itna
suangin kalsuan ni; khat le khat kideihsakna nei ni, ci hi. Paul bangmahin kei
in mawhnei lianbel hi ing. Ahi zongin Pasian in ka nunzia ahong khel
hi. Tu-in Ama hong makaihna zui-in ka mainawt hi” ci-in pulaak hi. Paul
bangmahin Jack in “nidangin Pasian langpangin a nungta mi khat ka hi hi. Ahi
zongin Pasian hong hehpihna in ka nunzia a hong khel hi. A um lo mi khat panin
a um mi-in hong khel hi” ci-in pulaak hi.
Pasian
hong hehpihna in lian mahmah ahih manin upna le itna tawh Ama kiang vazuan ni.
Khrih in mawhneite honkhia dingin leitungah hong pai-in tua mawhnei mite lakah
kei pen a lian pen ka hi hi. Ahi zongin hehpihna in hong mu-a hong honkhia hi.
Amah a um mite tungah tawntung nunna a hong kipia hi. Tu-in Topa in vangliatna
khempeuh, minphatna khempeuh ngah dingin a kilawm hi. Amah in mit tawh kimu
thei lo hi mah taleh Pasian aom takpi hi-in, a hong kem tawntung hi (1 Timothy
1:13-17).
Sabbath
School Sumpi in Hope Channel le FM radio tungtawnin Pasian thugen nadingin
kipuak ding hi. Papua New Guinea gam sung mun khempeuhah hih hothiatna thu
kizel thei ding hi.
Tu
quarter Sabbath School sumpi in MMCC ah kipuak ding hi.
